mi(sual).com

Rawn hruai ve rawh a ti miau si a, hruai loh ngam rual a ni lo. Chaw ei khawm tur kan ni a, chu nula chu a hun leh nite ka ruat felpui vek tawh a, min sawmna lama kal tur chuan thu kan titlu dun ta a. Zana ka’n mute chu nghilh deuh dup hian ka inhria a, ani nena han chhuahdun pawh chu Bike nen lehnghal kan thianpa pakhatin ‘nula nena Bike-a inphurh fo hi a tha lo chetsual a awl’ a tihte kha ka bengah a la cham reng a, kan chesual a nih vaih chuan a na zawk tur lah ka ni pang mai si a. Mahse thu ka tiam tawh chu sut si se tulin ka hre lo va, thah thiang lo that tur ang hrim chuan ngaihtha chiah si lo chuan ka muhil ve mai bawk a.

Helhhawlh an tih ang deuh hi ka ni nge ka hre lo, kan hun tiam aia hma feah chuan kan innghahna tur lam chu ka pan a, ani chu mi dangin chumi hmunah chuan an rawn thlah dawn a ni. An inah pawh ka va lam ngam lo a chha chu a ni a, mi dang nena kan han inhlanchhawng turte chu ka rilru hian a ngaihtuah ru neuh neuh va..Bike a lo tlan a, ‘khi khi an ni tawh ngei ang’ ka tih rilruk laiin an ni hlei thei si lo. Min phatsan ta em ni ka ti vawng vawng mai. A rei lu ta, ka phone mai dawn em ni ang aw, ka tih rilruk lai chuan an lo thleng ta, ka nghak chhuak ta ngei e…kan hotunu Aduhi chu a rawn paw thla vo vo mai a, khi ngei khi a nih khi, la intawng lo mahila a thuziak ka chhiar fo va, a thuziak atang ringawt pawhin khi lo khi chu ni tur dang an awm lo, ka ti rilru a, a lo ni ngei bawk a..ka lai tan.

Chaw ei tura min sawmtu hi tu dang a ni lo, kan hotu pakhat Chemtatrawta pa Maisek a ni tlat. Maisek zet zawng sawrkar hna pawh thawk lo mahse ‘pu’ tham a lo ni a, a hma ni pawhin an inah chaw ka ei tawh a, ka la ei leh chak pheng khan ‘Aduhi rawn ei ve se’ ka ti a, Aduhi kha amahin a kal thiam dawn lova ka hruai a ngai a, hruai chuan ei ve leh mai kha a chawh ru riau va…a nihna takah chuan chaw eia a sawm duh lo ru chung chu ka sawm luihtir ni ber hian ka hria…an hre lo kha ka vannei ber mai.

Aduhi chaw ei tura sawm hi a namai lo va tute emaw chuan an rawn dah mai thei a, lam leh tur an awm tawh lo lai kha a buaithlak ru riau va. Kei, insawithei ve hrim hrim chi kha chuan ‘motor ka nei lo’ tih ka zep ru ve deuh tawh bawk si a, ‘va thlahna tur che chu a awm mai ang’ ka ti ngawt pek a, ka sawi lai khan kum 10 kaltaa school ka thawhna principal hlui scooty kha tap chungin ka dil mai ang ka ti rilru ran ran a. Mahse Maisek-te chhungkua hi an eiru nasa pawh a ni maithei e(min vaw em lovang chu) Bike an lo nei hlauh mai pek a, ka mualpho lo hlauh. Tichuan chaw chu kan ei ta a, chaw ei tura kan sawm ber kher kha inkhawm ngaina lo mi a lo ni nge ka hre lo, a rawn inthuam dan kha Pathianni zana Biakina han lawiluhpui tur chuan a u ta hrat mai bawk si a, inkhawm chak ve ngawih ngawih Maisek chuan a lo awmpui a ngai ta tlat si a, ka kalsan ta rih a.

Enge an lo sawi ka hre lo, Misual hi chu an rel kim vekin ka hria a ka rilrua lian ta ber chu Sandman-a hi ka rin a lo ang lo va, Funny hi ka khawngaih hial; Hv-a chanchin ka sawipui tum apiang khan Aduhi hi a sen tawl tawl ziah mai a, ka hrethiam lo. Vawi khat inhmuhna ni si kha an zak thei lo dun khawp a, an ri dun bual bual a; mahse dar sawmpakhat rik hmaa Aduhi’n a nu phone vawi thum a dawng hman khan a insawi ang em ema senior chu a lo la ni lo tih ka finfiah thei a ni. Tin, heti hi a ni a, kan han inphur haw ta chu kan han strict dun laileng khawp a, ka nupui fanaute atanga phone call dawng zo hlim ka ni bawk a, ‘khawnge’ ka ti a, a Tanky chungah chuan thut ka tum ta hial a. Ani lah chu an thu hmawr laileng khawp a, a hnung light hi a thut thim lo chauh chauh mai si a, ‘a ni ngang lo ve, a kristian lo’ ka ti a, amah hnuh hnaih nan chuan a Break chu ka tlawh thut thut ta a, pawr lutuk hian ‘ngatinge’ a rawn ti a, ‘ka test’ ka ti a.

Kawngte pawh a sawi kual deuh ang chu tih naklaiin a ngil thei ang berin a sawi zel a, khua a vawt em a mi showl a hawh chuan a intuam hlun mai bawk a…chhe lo run run tak a ni. Buaina dang engmah nei lovin kan inthlah zo va, leng tura insawm zui ti vak lo mi a lo ni nen kan fihlim thuau mai a, a ziaawm..mahse a showl bah ka bat hawng ve ngawt mai chu leh, a hmul chuan ka coat hak kha a lo lawm ngang mai a, fiam ka hlawh phah ta hial a…

Inhmuh vawi khatna theuh si kha kan innel hlawm em em mai a. Long live Misual.com
(N.B.Aduhin Edit lo hram se ka duh)

Similar Posts:

• 2013 January Fiamthu
• Ka’n ti ve teh ang…
• Hnung Lama ZU Barh
• A Zu Zi tan der a ni lo maw?
• Hriat ve atan..

Recent Posts:

• MNF LEH CHAKMA POLITICS; TU NGE A KAIKUANG CHHUI A NGAI E !!!
• Android Games
• Sehrep thenfai dan awlsam
• American flag thui hmasaber tu chu tunge?
• mi(sual).com hi!

This entry was posted on Friday, December 21st, 2012 at 10:32 pm and is filed under HAHAHA, Whatever. You can follow any responses to this entry through the RSS 2.0 feed. You can leave a response, or trackback from your own site.