Kumin (2012) atâna ka paws hnuhnung ber a ni tawh maithei si a. Misualdawtkawmer zawng zawngte Krismas leh kum thar hlim taka hmang tûrin duhsakna ka hlân a che u. 
Kum 2011-in malsawmna leh duhsakna tam tak nêna kum 2012 chibai a bûk a; kan la tawn ngai loh hun an inhlan chhâwn lai khân, mi a zawnga chên beh leh hriat hlawh lêm lo hian kum thar thiltih tum (New Year Resolution) ka siam ve a. Mite chuan thiltih tum tam tak an dah maithei; kei erawh chuan ka beih fat fat a, ka tihhlawhtlin theih tûra ka ngaih thil 3 chauh ka dah a.
Ka ṭhian pakhat chuan “Heti ang thil hi a ṭûlna ka hre lo, thil ho tak niah ka ngai” a tih ve teh tlat chu. Ni e, mi ṭhenkhat tân chuan a ho maithei a, a ṭûlna pawh a awm kher lo maithei bawk. Mahse, kei erawh chuan he thil hi ka ngai pawimawh a, ka hmang ṭangkai ṭhin hle. Kum a lo thar a, a ngai te bawka awm leh ai chuan hmasâwnna/thiltih tum ṭha zâwk neih a, chumi hlen chhuak tûra theih tawp chhuah chu thil ṭha tak niah ka ngai a, ṭhan lenna kawng niin ka hre ve tlat.
Kum 2013 lo thleng tûrah pawh hian ‘thiltih tum’ fel tak pahnih ka nei leh tawh a. Kum 2012 leh 2013-in hun an inhlan chhâwn hunah ṭawngṭaina nên ka tihhlawhtlin ngei theih nân Pathian hnênah ka inhlân leh dâwn a ni. New Year Resolution hi in ti ve ṭhin maithei a, in ti ngai lo pawh a ni thei e. Ka sawi duh tak chu, he thil hi a ‘ṭha’ a ni tih hi. Tum fel tak neih a, kum khata ni 365 chhûng hun han hman chu nun hi a pelhe tak tak thei lo. Tin, thiltih tum kan nei a nih ngat chuan ‘tihhlawhtlin’ hi kan tum nghet tlat tûr a ni. A hlawhtlin theih nân chuan kan chakna zawng zawng pawh kan hmang mai tûr a ni. Kei ngei pawh kumina ka thiltih tum 2 ka hlenchhuah hnu-in pakhat chu hmân ni lawk khân ka tihlawhtling ve thei chauh a ni. Ka tihlawhtling thei vek hi ka lâwmna a ni.
Short term resolution a ni tih erawh hre reng ila. Tûn aṭang hian i lo ngaihtuah lâwk ang u. A dâwna inngaihtuah chawp chuan thil ṭha tak ngaihtuah chhuah a har teh asin. Ka sawi tawh ang khian kum 2013-a ka thiltih tum chu tûnah hian ka ngaihtuah fel thlap tawh a. Kum 2013 khian min nghâk vâng tawh a ni. Ka lâwm e. 
Similar Posts:
- What are your resolutions for new year?
- NEW YEAR RESOLUTION: PACHHE KUM TIAM
- Happy New Year 2011
- Lehkhabu te hi kan ziak ve leh ngawt thin a
- Thlahlim leh Thlarau
December 22nd, 2012 at 2:11 am
1st mai teh ang. .
Report this comment
December 22nd, 2012 at 3:23 am
Krismas chibai le.
Report this comment
December 22nd, 2012 at 6:12 am
Hriat a van chakawm tawh ve
Report this comment
December 22nd, 2012 at 7:21 am
Tukchhuah nuam vek u le
Post erawh nakina chhiar ah.
Report this comment
December 22nd, 2012 at 8:37 am
Masi leh Kumthar chibai vek ule.
Report this comment
December 22nd, 2012 at 9:51 am
Huat lovah, kei chu thil tum lawk (nghei tum, sim tum etc.) ka neih sa hian ka rilru-ah tih chakna a lian et et zel. Meizial leh thildang tih loh ka tum pawh hian, “Naktuk atangin ka ti tawh lovang,” tih ang chi a nih chuan, “real last” emaw hi ka nei thin a, emaw, kar 2 emaw hnuah a rukin ka tiru a, reilote-ah mi hriatin ka tichhuak leh nge nge thin.
Tih loh ka duh chu sawi lawk emaw, tum lawk emaw lovin vawi lehkhatah ka tilo nghal tawp zel. Chutiang chuan, meizial kum 4+ ka nghei tawh a, thil dang phei chu kum 20 bawr vel a ni tawh.
Report this comment
December 22nd, 2012 at 10:46 am
Report this comment
December 22nd, 2012 at 2:33 pm
Pu HV, kei thil sim tum lam ni lovin thil tihhlawhtlin tum fel tak ka nei zawk thin
Report this comment
December 22nd, 2012 at 3:46 pm
#8 Sim tum lam khi ka rawn sawi tel hram a nih khi, new year resolution han tih hi chuan kuhva nghei etc. hi a ni duh hlawm riau a hriatna ka neih vangin.
hairehai
Thil tha tih hlawhtlin tum neih erawh chuan luhlul hle mai tur…a tha zawnga luhlul-in. Ka phak chin hniam hle mahse, ka thlen chin thleng tur hian luhlul lo ila chuan ka thlen chin hi ka thleng hauh lo ang, ka thi daih tawh zawkin ka ring. Ni e, fel thlip thlep (theih ang tawkin) a ngaihtuah lawkna nen hma lak tluk a awm kher lovang
Report this comment
December 22nd, 2012 at 10:06 pm
Report this comment