“ATC zirlaite hi ka ngei teh mai a nia.”
“Enga ti nge?”
“Ka ngei a ni tawp mai, an lerh si.”
Ka ṭhiannu pakhat chuan nikum hmasa daih tawh khân he thu hi min hrilh a. A tîrah chuan ka hrethiam lovin ka se bo hawi nasa kher mai. Mahse, hun a lo kal a, tûnah chuan ka hrethiam ve ṭan ta. Ka ṭhiannu hi nula hmêl ṭha tak, lehkha thiam tak, PhD ti lai mêk, kohhran bêl mi a ni. A luck ang tih chu hriat sa. Mahse, heti ang êm êm hian B.D. zirlaite’n an lo zar buai ang tih erawh ka ring pha hauh lo.
Hmân ni lawk khân kan ṭhianho kan titinaah kan sawi chhuak a, ka ṭhiante chuan an lo hre nasa mai chu niin. Pakhat phei chuan, “nulate hi rei pawh an rim hma-in nupui tûr atân an sâwm ngam mai zêl” zuk tia! Hei hi thu dik a nih ngai chuan, “Pastor/Pro. Pastor/Missionary/B.D. zir zo leh zirlai tlangvâl-te hian Pathian thu an thiamna leh Pathian lama an inhmanna hi hmanraw lek lâm berah an hmang ṭhin” tih thu pawh hi a dik ngei ang.
Ka ṭhianpa pakhat ve thung chu Pastor fanu nên an inngaizawng a. Ka ṭhianpa chu kohhrana inhmang tak, ṭhalai hruaitu pawh ni ṭhin a ni. Missionary tlangvâl pakhatin chu nula chu a nu leh pate hnênah nupui atân a dîl a, “Pathian min pêk a ni” a ti tlat mai si a. Pastor-te nupa chuan an fanu chu Missionary tlangvâl chu an neihtir ta a. Ka ṭhianpa chuan a tuar êm êm a, tûn thlengin a la tlangvâl, kum 40 a hnaih thuak tawh nghe nghe.
Eng kohhran pawh Pastor/Pro. Pastor/Missionary/B.D. zir zo leh zirlai tlangvâl-te hi an luck ṭhin a, tûnlaiah nu leh pa tam takin an fanu pasal tûr atân Pathian ṭih mi an zawng bawk ṭhin. Pathian rawngbawlna lama full time-a inpe te hi eng ang mize pu pawh ni se, nula-in pasal atâna a neih dâwnin “Mi ṭha tak pasalah a nei dâwn” kan ti leh ngawt ṭhin hi chu a dik hlel deuh lo maw?
Full time-a Pathian rawngbawl tûra inpe tlangvâl-te u; a mawi tâwk hi a awm ngai e. In luck emaw, nu leh paten an fanute pasal atân an ît che u a ni emaw, a enga mah chu hmachhuanin ba sa ngam tawh rêng rêng suh u. “Pathian min pêk i(a) ni” tia nula duh zâwng apiang Pathian hmachhuana neih tum phei chu tih eih loh. Heti ang reng a nih chuan miten an la nuih sawh ang che u a, in rawngbâwlna pawhin rah a chhuah thei hauh lo vang a. Nulaten an la hlau ang che u.
Ṭawngṭaia in dîl chu A chhâng ngei ang che u. Mahse, in duh zâwng tak kha a chhânna che u a ni kher lo maithei. “Nang hi i ni” in ti ngawt thei bawk hek lo vang. Thlarau Thianghlim ‘AW’ in ngaihchân thiam a ṭûl hle âwm e. In duh zâwng ang apiang kha Thlarau Thianghlim AW a ni vek kher lo tih pawh ka sawi nawn leh duh bawk. Pathian rawngbâwl tûra in inpêkna kha nupui/pasal zawn chungchângah ni lovin chhiahhlawh nun a ni zâwk si a. Lalpan malsâwm che u rawh se. Ka lâwm e.
Similar Posts:
- First Love Never Dies
- Bûklung ka khai thin
- 2012 February Fiamthu
- Nula senior…
- Tûnlai Nula/Tlangvâl/Tleirâwl
January 12th, 2013 at 8:52 am
A lo NIH tak khi maw le ! In enfiah a fimkhur a tha hle mai. A bik in an ni phei chu Puithiam hnathawh tur an ni si a, puithiam ho ber kan hmuh tleu chuan, Beram te kawngdika hruai an harsa a nga, Zoram khawvel ah hian mi beidawng an tam pharh thei a ni.
Rawngbawltu ni tur chuan nupui tha chu an mamawh ngei mai, mahse hmel lam ni lovin, an mahni rawngbawlna a tawiawm thei, in leng chiau-au thiam, mifel chu an mamawh khawp. Pastor pakhat nupui ka hriat ve chu, a hmel a tha khawp mai…mahse a hlim hmel hmuh tur a awm meuh lo. A a deuh emaw ni chu aw…tih Chang te ka nei. Pasal atana a neih kha, inchhirnan a hmang nge ka hre lo.
,
‘ Keiatan zawng nun hi Krista, thih pawh hlawkna ‘ ti thei puithiam an ngai a ni ber. Eizawnnan atan a that avanga zuan ngawt chi a ni lo. Pathian kohna a ni em hriat a tha. lKan Lalpa Isuan, “leilehna a kutnghata hnu glam hawi chu” a tih hi a pawh mawh khawp mai, Pathian hmel, Krista hmel, kristian hmek, rawngbawltute hmel…..timbal a ni
Report this comment
January 12th, 2013 at 9:04 am
a chunga a comment correct na leh chhunzawmna….(submit..ka lo hmet palh a)
….tihbalhna a ni vangin ,Lal Isua pawhin tute pawh, a hnungzui tum leh a rawngbawlsak tum te tan a fimkhur tura a thu hnutchhiah a ni. Hmanhmawh lo se, Pathianin a rawngbawltu tan chuan a Hun ah tha tak a pe ang tih ringin nghak thiam se……
Report this comment
January 12th, 2013 at 11:38 am
Pu mr.duhlova comment chu a van dik tak em!
Report this comment
February 5th, 2013 at 11:12 am
Eng ang pawn a hmehchhia thiam lo mahse, BD zirlai si ngatinge a sas a then? Ava ler kawh ve! tih ani daih thin. Tun xmas hma khan ka thianpa chu a bialnu in alo kawp thu min hrilh a, ka biak saka, ani chuan ngaihzawng dang a neih tawh thu mi lo hrilh a, mahse, ka thianpa chu BD zir ve si a ler em mai an ti daih.
Tin, BD zirlai tan min hmangaihtu tak2 hriat a har min pak huam vek si a, a tih chu le!
Nula te u! Kan BD zirlaite leh sakhawmi te kan la bawl kual vel ani maw? An hmingchhiatna ah chuan kan tel vek awm si a. B-)
Report this comment
February 5th, 2013 at 12:30 pm
# 40 funny chu thil i hre ril hle mai a
BD hi zir ve mai tur a nih hi
Report this comment