mi(sual).com

Zogam(zoram)ah Sai a awm vak tawh loh avangin Zogam(Zo Land) chhunga Ran lian ber hi Sial(Mithun) a ni tawh mai awm e. Sial hi khawvel hmundangah pawh awm bawk mahse Zogam ang in a tam lem lo a ni. A chhan chu hmanlai Zomi ho khawtlang nunah Sial hian pawimawhna lian tak a neih vang a ni. Hman lai kan pi leh put e chuan Pawisa(Currency) ang hian in Sial hi an lo hmang a ni. Hla ah te an chawi a, thil lian leh tha lam sawi nan an hmang tlangpui. “Kong itna Sial bangin lian”(Ka hmangaihna Sial angin a lian) tite in hla thu ah an hmang.

Zogam a Sial lo awm tan dan tlem ka han sawi lang teh ang. Hmanlai Khumhnuai khua din tirh in 10 vel lek an nih lai in an khaw bul lawk ah hmun khuar deuh hi a awm a. Chu hmun lamah chuan “UmBawww” tih ri ring tak hi a khat tawkin a awm thin a. Ni khat chu an khaw michak deuh pakhat in chung hmun khuar chu a va bih ru dek dek a. Chutah chuan Ran lian deuh “UmBawww” tia thawm nei Lu chu a va hmu ta a ni.

Khumhnuai khua hi Vangteh hnaih a awm khaw hlui tawh tak a ni. Chu an khaw mi chak chuan Ran chu sawm chhuah dan tur ngunthluk takin a ngaihtuah ta a. A han hawi chuan hmunphiah kung hi a hmu a. Chu hmunphiah hnah chu thliak in Ran pahnih awmna lam chu a pan ta a. Ran hming a la hriat loh avangin “Li…Li..Li.Li” a tiin a ko ta ringawt a. Kha hmunphiah hnah a ei duh zawng a lo nih hlauh avangin hmun Khuar atangin a sawm chhuak thei ta. Hmunphiah hnah tamtak a keng a tlem tlem a ei tir in in thleng a hruai thei tlat mai.

In an va thlen chuan Khumhnuai khaw mipui te chuan  mak an lo ti hle a an hlauthawng hman hial a ni. A hming atan ruang an Sial(zalh) thinna chawi in SIAL an phuah ta a ni. Kha hmun khuar atanga an hruai chhuahna hnim hnah pawh “Sial Luang” an ti nghe nghe.

Kha Sial pahnih te kha nupa ni ngei tura rin an ni. Sial nupa lo pian chhuahna hi hla in tihian an lo chham a ni:

(a) Sial hong laam Sial hong laam tah e’ Thuam ii sial khawi hong laam ee,

Apian na khumtui hi ee, atat na tuithang hi ee..

 Translation:

(a)  Sial a rawn lam a rawn lam ta e. Thuama sial khawi a rawn lam e

(b)  A pianna Khumtui ni in, a tlatna Tuithang a ni.

Khumvum an tih hmunah hian tui a awm tha ber a. Ramvah hrat Pu Thuama’n a hmuh hmasak ber avangin ama hming chawi in kha tui kha “Thuam Tuicing” an ti. Khalai hmun kha Sial tlat nan a tha a, Sial pawh an tam thei hle. Sial hian Zomi khawtlang nunahpawimawhna tam tak a rawn nei chho a. Zomiho ranvulh zingah chuan a manto ber a rawn nit a hial a ni. Kan pi leh pu ten sum an neih phak ve hma in Sial hi Pawisa atan an lo hmang a ni. Tun thleng hian Sial hi Zomi hnam chhinchiahna “Zomi National Animal” atan hman a ni.

Similar Posts:

• Mizote leh Sial
• Hmunphiah
• Zomi National Bird : HORNBILL
• Zomi leh Mizo chungchang
• Mizoram Sial lian ber bawk kha (leu leu mai a)

Recent Posts:

• ZO NUNMAWI HLUTNA
• NGAIHNAWM KAWLEKSAWN – 1 :
• Kawnpui dai sex video a leakout!
• Ka Zirtirtu
• Zirtirtu Isua{Teachers’ Day Special}.

This entry was posted on Saturday, January 12th, 2013 at 11:18 pm and is filed under Mizo Society & Culture. You can follow any responses to this entry through the RSS 2.0 feed. You can leave a response, or trackback from your own site.