Archive for January, 2013

Kan hmuh leh kan hriat te hi

Monday, January 21st, 2013

“Keini zawng thil kan hmuh leh kan hriatte kha sawi lovin kan awm thei lo” an ti a.(Tirhkohte 4:20)

Helai Bible thu hi ka rilru ah tunlai chu a awm reng mai a, a rawn luhna chhantak chu kan tunlai khawvel nun kan thlir thin a, kan hriat theuh angin thangtharnun a pawlawh takzia te, kan sukthlek dan zawng zawng te pawh sawitam ngai lovin kan hre theuh awm e…a tenawma,a bawlhlawh a,a rapthlak a..chhe lam hlir chhe lam hlir… He tiang tehnuai kan nih avang hian ngaihtuahna theih ang tawk tawk in ka seng ve thin a, he Bible chang hian mi rawn chenchilh ta ani..

Tirhkohte thiltih 4 a kan hmuh ang in, Petera leh Johana te kha mi mawl tak anni, mahsela “an thiltih avang khan mi zawng zawng in Pathian an chawimawi si” tih ani tlat… Tin, khang mi mawl a an ngai pahnihte khan “kan hmu leh kan hriat te kha sawi lovin kan awm thei lo” an hanti leh chiah bawk a..

(more…)

Posted in Whatever | 12 Comments »

Aizawlah chuan (Part 2)

Monday, January 21st, 2013

1. Sunday-ah kan hotute nen hlim takin Pathian nung fakin kan inkhawm ho thin. Monday zingah erawh thingpui dawm chungin kan hotute thil tih dik loh chhiar fuh ngei tumin chanchinbu kan pharh leh duai duai thin.

2. Hmun dang ang lo takin tawngkhat hman tlanna khawpui a ni. Tawngah na na chuan kan inlungrual hle. Thalaite kan konfi-na pawh tawngah a ni, kan konfi lohna zawk chu mahni tawng ziah leh chhiarah a ni ve thung.

3. Restaurant thenkhatah chuan menu item changkang leh tui hmel tak tak metropolitan city-ah pawh an neih zen zen loh awmna min chhawp thin. Kan chhiar thlak dan dan hnuah an neih remchan zawk fried rice emaw pork chow artui chhipchhuan, coffee dawm chungin kan ei leh nge nge thin.

4. Foreign cosmetic man tam tak tak hmangin kan vun leh hmai kan sawngbawl thin. Kan ka leh pumpui erawh Indian product gutkha, sahdah leh Bagha kuhva hring kuhva hring hmang ngeiin kan sawngbawl ve thung.

5. Air and noise pollution duh loh vanga kumthar zan lawm nana halmawi leh halpuah hal kan khap theih laiin, thenawmte vawk riltam ngek ri leh ar ek rim erawh kumtluanin kan ngaithlain, kan hnim peih leh lawi si.

6. Gas agent consumer card leh mahni veng gas card neih kawp ngaihna khawpui kan ni a. Gas cylinder home delivery la turin kawngsirah lungawi takin kan intlar thin.

7. City danga an chin ve ngai loh current tih hi kawlphetha eng sawi nan kan hmang hlauh. A pui a panga kan hriatthiam ‘no current’ chu A THIM LEH TAWH tihna mai a ni.

Posted in Mizoram | 13 Comments »

I lo nui ang u

Monday, January 21st, 2013

Posted in Event, HAHAHA, Mizoram, Movies and Videos | 12 Comments »

Vanduai Taka Hmelchhe Papakhat Ve Te Pawh Kha

Sunday, January 20th, 2013

Vanduai taka hmelchhe pa pakhat hian ka hmelchhe tuk a, tiin a trap a, a aia hmelthra patitol hnenah.
Tin, hmelthra patitol chuan, ‘Hmelin engmah omzia nei lo, thinlung ani poimoh,’ ati vei rok ale, thinlung awmdan tur hrilhthiam der si lovin.
Vanduaiiiiii taka hmelchhe pa chuan, ‘Anih zawng hmel in inthlak roh, PiP!’ atia le, doi alo thiam zek bok zia. Hmelthra patitol pa chuan a zawng hmel put chu duh lo nasa mai!

Savom ho kha an hlau lo mai mai, ‘Vom thengthung, thungtheng vom,’ te ti vel. ‘I mong leh ka mong in thleng ang,’ ava ti thrin. An duh lo tih a hria a, ‘I mong leh ka mong in seh siak ang vom patheng,’ te ti vel.

Savom a thinrim, VanduaiTakaHmelchhePa chu va beih a tum, VanduaiTakaHmelchhepa chuan a lo beng stok, na atia a trap vel.
VanduaiTakaHmelchhePa’a chuan ava thlem, ‘nau vom..’ ati dek dek a.
Vom thengthung’a chuan, ‘engetinge I mong leh ka mong in thleng ang I tih?’ ati.
VanduaiTakaHmelchhePa’a lah chuan, ‘khuaihli ka nei tlem deuh mahna ka tia lom.’ ati.
Vom thengthung’a chuan, ‘I ho, bleah, oh fik ah,’ te ti vel.
VanduaiTakaHmelchhePa’a chuan a bana tlu hnap hnenah chuan! hikhik, ‘Vomte, vompate, bleah tih I in hmeh e han ti leh teh a,’ te ti vel.
Vompate’a lah chu luhlul ve, a ding zot a, a mong a siksoi kual vel a, ‘Chikchaichik, chiki chai chik, chik cha chik chai chik,’ ti daih.

(more…)

Posted in HAHAHA, Whatever | 43 Comments »

Eng vangin nge Bible hi kan chhiar ang?

Sunday, January 20th, 2013

Naupang leh la thalai deuhte tan – Nun dan thiam theih nan.
Tar leh Upa tawh tak te tan – Thih dan thiam theih nan.
Mimawlte tan – Finna char nan.
Mithiam leh inzir sangte tan – Tlawmna nun neih theih nan.
Mihausate tan – Midangte khawngaihna leh tanpui duhna thinlung neih theih nan.
Miretheite tan – Lungawina leh Thlamuanna min petu a tan.
Thil suangtuah vak vak thinte tan – Suangtuahna hrisel leh hlawk neih theih nan.
Michaklote tan – Chakna neih theih nan (more…)

Posted in Advice, Information, Religion | 20 Comments »

Mi(Sual).Com leh Ringtu Nun.(Za nu-fa naah thil inkalh anga lang, tangrual tlat si te.)-(Sunday Pual)

Sunday, January 20th, 2013

Kum khat leh a chanve zet chu mi(sual).com hi ka lo luhchilh ve ta a. Tun hi vawi 150 (Za nu-fa) ka post na alo ni ve ta reng mai. Mi(sual).com hi Ringtu nun nen hian inanna tak a nei hian ka’n hre tlat pek a. Mithar fel deuh an rawn lut a, Post thar an rawn ti char char a, mahse, han chin alo nei thin a. Comment te pawh kan han ti deuh hluai a, reh leh vang vang chang a awm thin. Tha thlah miah lova, kal deuh pat thei kan vang ang reng khawp mai. Admin ho tak pawh hi tunlai chu an reh ang reng khawp mai.
Kristian nun pawh hi hetiang deuh hi ani a, kan han Piangthar tir chu, kan phur surh mai a, hrilh theih apiang hrilh kan chak a, Kohhran Upa leh Pastor-te kan han hmu ro deuh viau a, kal deuh pur pur leh, rik deuh buan buan kan duh thin. Amaherawhchu, nikhua a lo rei a, chauh leh ro kan tina leh viau thin. Thenkhat erawhchu, rihluai lem lo, Sheldon-I te ang deuh a, mahni rawngbawlna hria a, tuktin a, “Tuk chhuah nuam vek u” rawn ti thei reng te, Chhana anga Thla kipa thlakhat chhunga thil thleng pawimawh rawn tichhuak ziah thei te, Tuaisiala anga Thlakip Fiamthu rawn tichhuak thin te, Pu HVa anga Mizorama an rawn chhuah lai tih loh chu, phai lai em em nei lem lo te an awm bawk a ni. (more…)

Posted in Lifestyle, Religion | 8 Comments »

Rosy K Remsangpuii- Hallelujah (cover) LIVE & UNPLUGGED

Friday, January 18th, 2013

Posted in Music and lyrics | 28 Comments »

Kan vaiin Zomi vek kan ni

Friday, January 18th, 2013

A tir in Pathian in lei leh van a siam a.Mi zawng zawng Pa ni turin Pathian in Adam-a a siam bawk.Bible thiamte chhut dan in Adam apian hun hi BC 4004 vel a ni awm e. Pathian in Adam a kawppui turin Evi a siam leh a. Anni pahnih hian tu leh fa tam tak nei in khawvel hi an luah a ni. Khatia nuamsa taka khawvel an luah lai in Noa hunah hian mihring te sualin Pathian an hawisan avangin Pathian in tuilet a thlen tir ta a. No ate chhungkua chauh mi fel an awm avangin rannung kawpkim nen chhanchhuah an nit a. Noa hian fapa pathum Shem, Ham leh Japheth a nei a ni. Anthropolist ho chhui dan ah chuan Shem a thlahte chu Asia mi niin an vung rawng pawh a eng(yellow) bik a ni. Ham-a thlahte chu Africa mi ni in an vunrawng a dum(black) bik a ni. Japheth a thlahte chu Europe mi niin a vun a var(white) thung.

Shema thlahte chu Asia continent; Tibet, Mongolia leh China ah an awm hmasa a.Kan pi leh pute thawnthu ah chuan China ah hian Khul Puk(cave) a awm a. Chuta tang chuan mihringte an lo chhuak a ni awm e. Tihian hla in an lo phuah nghe nghe a ni:

[a] “Eiteng khawlkhawm a tuam omlo,

Vannuai cipeuh Khul a piang,

Tuunsung khat pan piang hi ngeingei e.

 

[b] Tuunsung khat pan piang hi ngeingei ,

Sanggam suahpih laigui zawngkhawm hi ngeingei e”.

Translation:

[a]  Mihrang kan awm nem maw

Vanhnuai tupawh Khul a piang

Chuun khat hrin kan lo ni e.

 

[b]  Chun khat hrin kan lo ni e

Chhul khat kual kan ni e

 

(more…)

Posted in Mizo Society & Culture | 36 Comments »

Hming inkawkalh te

Friday, January 18th, 2013

1. Zoliana ZoTE.

2. Saii SaiLO.

3. Ralliana RalTE.

4. Liantea.

5. Nuseni Palian.

6. Rokhuma Rivung.

7. Maliani ChawhTÊ.

8. Upa Liana CHHANGTE.

9. Sailova Pachuau.

10. Pi Chhimi Hmar.

Posted in HAHAHA | 28 Comments »

Vanlalsailova for MLA

Friday, January 18th, 2013

Facebook Mizo group hran hranah an chhuah sia, Pic Source: Facebook ti tawp mai ang :)

Posted in Politics | 62 Comments »

« Older Entries
Newer Entries »