Vanram I han thleng ve hlauh te anih ngai chuan:- (Sunday Pual)

February 24th, 2013 9:07 am by PKfanai

Leilung dana I hringnun a lo tawp hunah, Vanram te I han thleng ve hlauh anih chuan:-

1. Pathian chuan, eng Car nge I khalh thin a lo ngaihven viau ring duh suh; motor chuanna tur neilo leh an chhungte damlo damdawiina hmanhmawh taka phurh ngai phurhna pawh nei lote, mi engzat nge I lo tanpui a, I lo phurh tawh lam a ngaihven zawk ang.
2. Pathian chuan, I in mawi leh ropui leh ropui loh lam ai chuan, I inah chuan eitur neilo mi engzatnge I neih eia lo chuangkai a, mikhual thlenna tur hrelo mi engzatnge lawm taka ilo mikhual tawh tih lam a ngaihven zawk ang.
3. Pathian chuan I Wardrobe-ah thawmhnaw engzatnge I neih tih lam ai chuan, silh leh fen tur neilo mi engzat meuh nge I lo thuam ve tawh tih lam a ngaihven zawk ang.
4. Pathian chuan I hnathawh san leh san loh lam ai chuan, I hna chu I theih tawk takmeuh leh rinawm takin I thawk em? Tih lam a lo ngaihven zawk ngei ang.
5. Pathian chuan, thian engzat nge I neih tih lam ai chuan, mi engzat tan nge thian tha leh rinawm I nih tih lam a lo ngaihven zawk ang.
6. Pathian chuan I thenawm khawvengte nihna leh ropuina lam ai chuan, I thenawm khawvengte tana malsawmna I nih leh nih loh lam a lo ngaihven zawk ang.
7. Pathian chuan, I vun rawng lam ai chuan, I nungchang rawng mawi leh mawi loh lam a ngaihven zawk ang.
8. Pathian chuan I hausak leh hausak loh lam ai chuan, Damlo natna khirh tak vei, damdawi leina tur leh Damdawiin panna tur neilote tana, I robawm hawnga ilo pekchhuah ve tawh zat lam a ngaihven zawk ang.
9. Pathian chuan I thu thiam leh thiam loh lam ai chuan, kawngbo leh kal ngaihna hrelo te, I thu leh hla hmangin kawng dik kawhhmuh a, hruai chhuah ilo tum tawh thin em? Tih lam a ngaihven zawk ang.
10. Pathian chuan, chhandamna a thawh zawh tawh sa diam I ngaihven leh I pawm har lutuk avangin, a lo hrawkin alo vin khur khur hauh lovang che; I tana chenna hmun tur alo buatsaih peih diam tawh chu hlim tak leh lawm takin a lo kawhhmuh zawk ang che.

Midangte nuihtir theih ringawt hi a tawk lo; an lungngaihna mittui chu hruk hul sak a, chu dinhmun atanga nuih leh tir theih hi Malsawmna ani ngai e.

16 Responses to “Vanram I han thleng ve hlauh te anih ngai chuan:- (Sunday Pual)”

1
buhtlei Says:
February 24th, 2013 at 9:17 am
Tukchuah nuam vek u le

Report this comment
2
Chhuaklinga Says:
February 24th, 2013 at 11:59 am
A va tha em. Print chhuah a chhiar fo tura tar tur a nih hi.

tren tren

Report this comment
3
Pakak Says:
February 24th, 2013 at 1:16 pm
a tha khawp mai, ka chunga mi sawi ang khian..

Report this comment
4
chhana Says:
February 24th, 2013 at 1:56 pm
See comment no 3

Report this comment
5
PKfanai Says:
February 24th, 2013 at 2:56 pm
Vawiin chu kan inkhawm bo vek hlawm ava ang ve, a reh ruih mai .

Report this comment
6
sheldon Says:
February 24th, 2013 at 3:56 pm
Hei chu a tha hle mai. A vai khian a dik em em vek

Report this comment
7
Sihtea Says:
February 24th, 2013 at 4:13 pm
A va hantha tehlul em ve aw!
Ka han inen let a, ka phaktawk te a
ka tih makmawh hlir a nih khi le.

Report this comment
8
Charice_mizo Says:
February 24th, 2013 at 6:29 pm
Tha hi ka ti khawpa, zingah khan ka chhiara comment pek mai dan tur pawh ka hrelo. I ziahdan kalphung (structure) pawh hi a common lo ka tia, chuan a phena i idea hi a creative ka ti bawk.

Report this comment
9
blackmagicwoman Says:
February 24th, 2013 at 8:21 pm
Hei kher kher chu a van thra em! #8 khi ka uar theih deuh, tunhnaia ka thlahthlam deuh tak a nia, ka in hmuchhuak thar leh e. Pathian in i thuziak hi a hmang a ni tih lo hre ve mai mai ang che.

Report this comment
10
PKfanai Says:
February 25th, 2013 at 7:02 am
blackmagic woman, charice, i tilawmawm lutuk e. Infuih tawn te hi a ngai ve a nia.

Report this comment
11
Phivawk Says:
February 25th, 2013 at 10:05 am
Post tha a tling takzet! In enlet ka va ngai tehlul em.

Report this comment
12
masawma bawlte Says:
February 25th, 2013 at 10:41 am
A tha thlawt e…

Report this comment
13
mama Says:
February 25th, 2013 at 10:56 am
Vanram ka thleng ve hlauh a nih paw’n misual ngaihdam ve mai ka ni dawn a, sawi tur leh chhuan tur ka nei lo teh ang chu.

Report this comment
14
Awmtea Leo Khiangte Says:
February 25th, 2013 at 11:13 am
Va tha em!

Report this comment
15
Dr John Says:
February 25th, 2013 at 7:07 pm
A Tha leh hle mai, Pu PK-a nge nge.

Ka rilru-in i sawi ang khian ka ngaihtuah ve thin a, Ziak meuhva han dah tur chuan ka thiamna leh finna-in a phak lova, ka rilru ngaihtuah ai daih-a tha-in i rawn phawrh-chhuak a, a ropuiin a lawmawm ngei mai.

Ringtute leh Ringlotute Pathianin Ro min relsak dan tur hi kan inbeisei loh dan daih hi a ni dawn a, tisual fe fe chu an awm dawn a ni tih hi a chiang khawp mai.

Kan College-a Professor 1 chuan, “Chhandamna Bo thei tawh lo, leh Chhandamna Nghehzia” lam pang hi a sawi uar em em a. “Kristian nun, Nun Thianghlim leh Nun uluk hi Pathianin a ngaih pawimawh-zia” lam han sawi ila, “Pathianin kan sualna leh fellohna lam a en dawn lo, Kan Aiawh-tu Lal Isua lam a en zawk dawn…” hi a ti a, a Sermon piap piap thin a!! Bible College e ti lo chuan, Rilru & Nun Thianghlimna leh Nun Uluk lam ngai pawimawh leh sawi uar-ho, keini ang chu Student-ten min nuih tet tet thin zawk a nih chu!!

Ka rilru chuan, “Khawvel Thlir dan” leh “Pathian Thlir dan” hi chu a lova inthlau tak em! ka ti ngawih ngawih mai a ni. Ringtu/Kristian-te hian Uluk taka Pathian hnungzui a, a rawngbawl ai chuan, engkimtithei (sual haw lem lo) vek chunga Pathian rawngbawl hi nuam kan lo tih-zawng tak a ni ta hian ka hria.

He kan Professor hi kan han belchiang a, a ruka nun uluk lo tak leh sihhnip tak mai a lo ni tih kan hre zui phei chu… {Vaiho hi chu.. han ti ringawt dawn ila, Vailo pawh Rawngbawltu pawimawh tak tak Vanram kai lo tur an tam tho awm si!!!} Ringtu inti zing atang hian Vanram kai tur kan tlem tur zia ringawt hi ka rilru-ah a khat liam hial a ni!!!

Report this comment
16
saint sammoo Says:
February 25th, 2013 at 9:26 pm
chhiar ve chiah………….. tha hle mai………ka duh chi…….

Report this comment