“Better to rule in Hell; than to serve in Heaven.”
Tia Paradise Lost Book-I a Chatuan Hremhmun rul, Setana tawng tîrtu, John Milton hian he thu phenah hian zirlai tam tak alo hnutchhiah ru reng mai.
He thu tlar khat lek te hi, van leilet thianghlim leh Pathian ropuina tual zawla indona thianghlimlo chawk chhuaktu leh, van hmun sangber atanga lei hmun thim-tuk ber a Pathianin a paihthlâk tak, rul tûr thami neitu, Setan-a’n chauhthu-barawh taka, a sual hmangaih puite hnena meidil hmun thim a sawi mawina mah nise, Milton-a’n a tawng kâ atana a thlan sak, “Vana mi tirhkah nih ai chuan, hremhmuna thu petu nih chu a tha zawk fê a ni,” tih hi a kam a hawh sakpa theihnghilhin, “Kuttlinglova lak sum hmanga Millionaire nih ai chuan; dik taka tih a sipai bel nawt nih pawh ka thlang zawk,” tiin ka nunah ka lo letling ve hmak thin. Pu Milton-a pui rauh pawh hi pa rilru tluang tih takah hian, thilphal takin a kam lian tha zawng zawng hi mi suaksuala tan a rawn hmang mawlh mawlh mai a, mahse, heng thu a rawn hmante hian a suangtuahna lo-ram fiah kakin min tlir tir a ni.
Lal Solomon-a pawhin hei hi a hrechiang ve ngang ni tur a ni, rûk tui chu a thlum a, rûk chhang pawh a tui duh bik… alo ti thin a ni. Mahse, rûk tui thlum in chuan tui dangte chu a ti tui lo vek thin a; ruk chhang thlum pawhin chhang dangte chu a ti tui lo zo vek thin a ni. Kut tling lova thil neih hi, tuifinriat tui-al in ang a ni a, kan in tam zawh pauh leh kan tui a hal zual sauh thin a ni.
Chuvangin, i kut ngeia I thal, tui chu lungawi takin in la, miin eng tui nge an inah buai suh. I tan chuan i neih tha ber leh tui ber kha a thain a tui ber a, a tluk a awm lo. I bialnu/bialpa ah lungawi zo lovin midang ‘Invennan’ tiin i melh thin em? I nu leh pa, I pi leh pute kha thing bik riauva i ngaih chang a awm thin em? I mithmul kha buk bik riauvin i hre thin em? I bari then kha mam tha lo bik riauvin i hre thin em? I hre thin em em ang. Mahse, neiha lungawilohna hi lungawilohna belhchhahna mai a ni.
Chuvangin, he thu tawi te hi I nitin nun thuvawnah lo hmang ve thin ang che.
Similar Posts:
- Tleirawl/Rawltharte hnena thurawn 10.
- Hmangaihtu ngawi chawi
- Sialinuchhu
- Sual tih chu sual leh zualna
- Krismas Midangte Tan
March 21st, 2013 at 4:05 pm
A tha hle mai..
Report this comment
March 21st, 2013 at 4:06 pm
“Better to be dusting the house, than be 14 samplers”
Report this comment
March 21st, 2013 at 4:11 pm
Tha hle mai. Johm milton hi a ril ka ti thin khawp mai. Paradise lost leh Paradise regain te pawh ka tui pui thin.
Report this comment
March 21st, 2013 at 9:18 pm
Better to rule in heaven than to serve in hell…tha ber mai.
Report this comment
March 22nd, 2013 at 12:20 am
#2 Chhangte,
I rawn nawi duh dan chu a… 
@Pk-a, nia, Milton-a hi Thlarau Thianghlim inspired mah nise, kam nei tle ve tak chu a ni. A kut hnu hi a hnum hlar zel mai.
#4 Vakul,.. hahahaha Hlep tha awm ve
Report this comment
March 22nd, 2013 at 1:31 am
Report this comment
March 22nd, 2013 at 11:47 am
Tha rauh fu ni…
Report this comment