Archive for April, 2013

Thingtlang Naupang Remhria

Saturday, April 20th, 2013

Kekawrbul mawng pawp
Thingtlang mipa naupang harh rual kan nih avangin kekawrbul kan ha nasa a, hak thlak erawh kan nei tam lem lo. Chu a chhapah, thingkung thap tak taka atanga kan mawng tawlh thlak zauh zauh vang te; phelsep (mau phel) chunga chuanga, awih tlanah tawlhphihrit kan tawlh thin avang te a niang chu, kekawrbul mawng khan min phatsan hun a nei fova. Kan mawngtam a hriam vang pawh ni bik miah lo vin, mawngtam pohna zawn erawh a pawp awlsam hle.

Hetianga kekawrbul mawng a pawp pawh hian, mipa naupang zahna chang la hre lem lo kan nih avangin kan pawisa lem lo. Amarawhchu, mikhual an awm chang emaw, nula hmeltha deuh hmuh chang chuan, chhing takin kan chawi chho mai a; mawngtam lang lovin, kekawr mawng pawpin kan ngum a khuh daih loh vek leh kawr fual deuh hak bawk si chuan, zahna-kawn ata kan him thin.

Adama suit
Khawlaiah eng eng emaw tiin thianzaho kan ding khawm taih a. Inrin hman hma hauhin rualu zawkte’n kan hnug lam atangin kan kekawrbul min pawh thlaksak thut mai kha chuan, hrilh a hai duh thin teh e. Haw dawng ngawt ila, an thinrim kan hlau bawk si. Tum loh deuhin kan chhungkuain kan ding kawh leh tau thin. Zak tak si, a rang thei ang bera kekawrbul chawi chhoh kha kan himna

(more…)

Posted in Luangliam, More than words | 12 Comments »

MBSE HSLC 2013 Result

Friday, April 19th, 2013
HIGH SCHOOL LEAVING CERTIFICATE EXAMINATION, 2013 MERIT LIST


1. Lalfakzuala, St. Paul’s Higher Secondary School, Aizawl
2. B Lallianmawia, St. Paul’s Higher Secondary School, Aizawl
     Monojit Konar,  St. Paul’s Higher Secondary School, Aizawl
3. Lalhruaizela, St. John’s Higher Secondary School, Kolasib
4. Rebecca Lalruatkimi, Rosebud School, Aizawl
5.  Robert Singh, St. Paul’s Higher Secondary School, Aizawl
      J.Vanlalramthanga, Baptist Higher Secondary School, Lunglei
6. P.C. Lalhruaitluangi, Baptist Higher Secondary School, Lunglei
7. R L Rohlupuii, St. Paul’s Higher Secondary School, Aizawl
     Elizabeth Lallawmzuali, Govt. Democratic High School, Khumtung
8. Veronica Laldintluangi, St. John’s Higher Secondary School, Kolasib
9. Lalhlimpuii FanaiMount, Carmel School, Aizawl
     Christina Lalawmpuii, B.C. Lalthlamuana Eng. Academy, Champhai
10. Lalnunhlua, St. Paul’s Higher Secondary School, Aizawl
       Vanlalramthari Ralte, Radiant Heart High School, Thingsulthliah
       Lalawmpuia Chawngthu, Helen Lowry Higher Secondary School, Aizawl

Posted in Education, Information | 17 Comments »

Eng nge in ngaihdan?

Friday, April 19th, 2013

Thuhmahruai
Thla hmasa atangin chhun lamah ka mi(sual) thei ta meuh lo va. Zan lamah ni se, chauh tawh nen, mi(sual) run lawi lovin lengi bawk ka chhai leh thin si a. Heti reng renga kar tluana hun hman hnua, kar tawpah lah buaina nasa zawk a lo awm ve zel bawk si a. Mi(sual) ngaih veng veng chang ka nei fo nia!

Kuang lo ka nawr ang em?
Ka hre law. Ka kuang lo ka nawr turh turh palh a nih chuan min zilh fawk mai dawn nia; ka rilruah a lang ve tlat. Mimal sawisel emaw diriam bikah min ngaihsak lo hram dawn nia.

Hnam dang nupui-pasal neih hi
Mizo nula zinga ka ngaihsan ber zinga mi leh zirna leh hnthawhnaah pawh entawntlak leh chhuanawm tak; chu achhapah Pathian rawngbawlna kawngah pawh zahpuiawm lo tak chuan sakhaw dang be mi pasalah a vuan tih ka hria a. Engati teh tlat nge maw ni, ka rilruah a cheng reng mai.

Hnam dang nupui pasal neih chungchangah, Mizo mipa te hian hmeichhe chungah thikthu kan pe na tlangpui awm e, kan sawi zing na rawh e. Hriatthiam a har, ngaihdan siam a khirh; bakah ngaihdan siam ringawt pawh ni ila, inven dan tur a vang hle thung. Midangte nuna va inrawlh kan ni dawn bawk si.

Enge a chhan?
Thenkhat chu an hnathawh avang leh an dinhmun avanga Mizo tlangval tawng remchang lo te, thenkhat chu an khawsakna hmunin a zir loh vang te leh chhan dang tam tak a awm thei ang. In ngaihdan ka lo ngaichang ang e.
(more…)

Posted in Mizo Society & Culture, Opinion | 22 Comments »

Tu nge i vote leh dawn le???

Friday, April 19th, 2013

Kan lo ti ve lawk teh ang,kan hriat theuh angin hei in thlan kan hnaih chho ta zel a….

Eng party nge i vote ve dawn le???

Congress in ti khawp hian kan ram an tichhiaa an ni bawk hi ami i vote leh dawn le??? Kei zawng kavan vote dawn lo chiang em.

In thlan a hnai tial tiala NLUP sem lamah tan an rawn la thar leh ta chur chur mai,an party mi leh sa nilo te pawh an sem ta zel mai le.

Pawisa sem hi thil thalo tak ani si a,chu tih karah MNF lahin thlatin Rs.4000/- kan pe ang te an rawn ti ve leh tawh emaw ni lu ava hai thin em….
Eng pawh nise candle sorkar hi chu vote lo phawt mai teh ang le. ;-)

Posted in Mizoram | 14 Comments »

Dik tak chuan —

Thursday, April 18th, 2013

⇨ Nupui te kut hnuaia kun du du a, duh hun huna an hrawk hrep ngam khawpa pa zaidamte ai chuan, nupui te kutthlak ngam/ beng hrep ngamte hi PA ka ti fe zawk!

⇨ Mipa ni ve si a, buaina siam ka duh lo tih chhuanlam a, ka cho lo che… ka ngam lo che… ti duai duaite ai chuan, kuttum lek hmasa ngamte hi PA ka ti fe zawk!

⇨ Hmeichhe tih tur bik a ni hleinem… ti a, nupui te awm lai reng pawha thlengsil, chhuatnawt, hmunphiat thinte ai chuan, kuhva ei sen sung a, ke phut hleuh hleuh phaha bawp khawkherh a, zial zu hlat hlat thinte hi PA ka ti fe zawk!

⇨ Fate sualnaah pawh zilh ngam lo/ duh lo a, mama… mami… ti a, thlem lungawi tum niawm taka awka nem hmang thinte ai chuan, an thatna tura vuak-fung nen zilh ngamte hi PA ka ti fe zawk!

(more…)

Posted in Luangliam | 63 Comments »

Hlawhchham hi Hlawhtlinna {Failure is Success}

Wednesday, April 17th, 2013

1. J.K. Rowling – Novelist (Harry Potter) 
Harry Potter thawnthu ziaktu Joanne “Jo” J.K. Rowling hi tunhma chuan waitress hna thawk țhin a ni. A lehkhabu hi Publishers 10 chuang ten an hnawl sak hnu-in, a kal tawpna-a an CEO fanu kum 8 mi chuan a pa a ngen tlat avangin an chhuahsak hrâm a. Khawvela thawnthu ziak hralh tam ber (best-selling book series in history) a lo ni a, Kum 5 chhung lekin, Multi-Millionaire a nih phah! Kum 2008 ah khan United Kingdom-a hmeichhe hausa-ber 12-na a ni phak hial!

2. Ludwig Van Beethoven – Composer & Pianist
A violin tum thiam lo lutuk chu a Zirtirtu chuan beidawnthlâk a ti lutuk a, “Music lam leh hlaphuah kawnga beisei-bo a ni” a ti tawp. Chutih nâk alaiin, Beethoven chuan a ri hriatna a hloh zel a, a beng a ngawng hlen ta hial! Mahse, a kut-chhuak zinga ropui ber 4 te chu a Beng a ngawn hlen (completely deaf) hnu-a a siam (composed) an ni tlat!

3. Colonel Harland Sanders – Founder of KFC
Sanders chuan Kum 65 mi a nih-in a “Chicken Recipe, Kentucky Fried Chicken” siam hralh turin hmun hrang hrang 1000 chuangah a kal a, a hlawhchham. Kum engemaw zat a vahvaih-pui hnu, kum 75 mi a nih-in, a company din “Kentucky Fried Chicken” chu Dollar million 15-in an lei sak a, ram 120 ah dawr 18,000 chuang a nei tawh!

(more…)

Posted in Advice, Books, Career, Information, Lifestyle, More than words, Movies and Videos, Music and lyrics | 16 Comments »

Life: Medical Student

Wednesday, April 17th, 2013

Life out here is raw
But we will never stop
We will never quit – Metallica (Whiplash )

All hell breaks loose when something wakes him up. Oh!! It is his alarm again, he questions why he ended up here? He thought he was just asleep 15 minutes ago and this alarm roars him back to reality just to remind him how much his life sucks as a medical student. And, as he always did, wished he was at home where he can sleep the whole day. But isn’t this the type of place he wanted to learn his whole high school life? Life as this is not what he always comprehends.

His legs drag his half asleep body for another day of torture to class. First class he attended half asleep only to be awakened when his teacher raises his voice or when his friend kicks his legs to tell him the teacher is looking at the last bench. At least he thought the teacher is suffering from myopia so he can’t see his sleepy face, shook his head back to sleep. After the teacher left the class he wonders, did he sign his name on the attendance sheet? He asks his friend beside him and somehow his sleeping body did the magic of signing.

He felt content for getting his attendance signed, anyway he never studies his teachers’ notes he never did. He said to himself, “I am not lazy, I am going to study the damn book”.  And, he went back to his room, where he stays without a roommate. At least his room is clean, he washes the floor every day and not a single soul is allowed to wear shoes in his room. That’s him, his way and no other way.

(more…)

Posted in Career, Copy Paste, Lifestyle | 10 Comments »

Tawn hriat ‘Buh-Mau atanga Hmuhchhuah’

Tuesday, April 16th, 2013

Source : Thanhawla, MUP Tlangau March 2013

Kum 1954 January thla khan ka pa-te lovat ram riahnaah ka riak ve a. Lungpho khaw  ram, Tuiphar lui ruam, Tuiphar hla zawk an tih ramah ka pain lo atan ramchang tha tak mai hi a thlang a. Kum 1953 buhseng laia an riahna Pawl Buk hlui ah riah buk kan khuar a. Kan riahna chul ram atang chuan kan lovah lai mek chu fingkhat vel zeta hla a ni a.

Tuk khat chu ka pa hi a kal hmasa a, keiniho chuan tlai deuh hlekah kan zui chhuak ve a. Kan lovah tur hmun kan thlen hma, mau hmun phei kan kal lai chuan, ka hma a kal ka u chuan kawnglaia mau ro, ke zungpui tiat vel tur hi a rap keh ri pawp mai a, chutih rual chuan buh hum hi a rawn per leng siau mai a. Thil danglam teh chiamah ka ngai hran lo va. Chutih laia ka rilrua ka ngaihtuahna ka la hriat reng chu, “Buh seng laiin vaki te’n buh vui an khai an thlauh a nih dawn hi,” tiin ka ngaihruat mai a.

Chhunah kan chaw fak laiin ka sawi chhuak a, ka pa chuan a lo bengkhawn hle mai a. “A awmna lai ila hre thei ang em?” tiin min zawt vat a. Hre thei ang tih ka hrilh a. Tlai ban hun hma deuhah chuan ka pa chuan ban hma a rawt a, nidang aia hmain kan haw phei ta a. Buh hum ka hmuhna lai kan thlen chuan ka pa chu ka han kawhhmuh a.

(more…)

Posted in Copy Paste, Mizo Society & Culture, Whatever | 20 Comments »

PENTECOST

Tuesday, April 16th, 2013

Pentecost han ti ngawt ila, eng emaw tak sawi ka tumna pawh a ni lova, 2010 a ka post hmasa ber Ngah Vrs Nei Ngah tih thu ka post atang khan post 50 na ka lo tlin ve ta reng mai a, hemi 50 na sawi nan hian Pentecost tih hi ka hmang mai a ni e. 50 n.o. tih hi hman ka chak deuh na in ka hman lai hi a common lo deuh zawk ah ka ngai a 50 na tih sawi nan chuan tha ve hle ah ka ngai.

2010 a broadband ka neih atang khan kum 4 a lo ni ve ta reng mai a, he kum 4 chhung hian ka site ngainat ber leh ka luh tamna ber, ka home page a ka la hman reng ah hian post 50 na ka han type ve ta hi ka lawm em em a ni. TuaiSiala ten post 100 na an post kha a rei ta fu mai a, keini’n tunah 50 na kan ti ve dek dek a nia le(h). Thla khat ah post 1 leh tlem post ang zel ka ni a, keini ang thu leh hla lam a tui vak lo leh thu thiam lo tan chuan thil awl ai a ni hauh lo mai le. Nimahsela,  post a tlem deuh lai te schedule/ last modified tih vel a lo awm meuh loh emaw a tlem deuh hian chhiartur a khat dawn tih hriat avanga post tur ka ngaihtuah chawp tum a tam khawp mai. Chuvang chuan post ning nel tak tak leh spelling mistake tam tak tak te pawh ka ngah thin, chuti chung chuan misual ten min lo chhiar sak a, min lo comment sak thin hi ka lawm em em a ni.

Tin, he site atang hian thil tam tak ka zir in ka hriat phah a, mizo tawng pawh ka thiam belh teuh a ni. Mizo tawng hi thiam ve tawk tak ni ah ka in ngai thin a, tawng upa te pawh hre ve thawkhat tak ka niin ka in hria a, mahse misual dot commer ah hian kei aia thiam an lo tam hle tih ka hre chhuak ta bawk a ni.

(more…)

Posted in Opinion | 12 Comments »

Pu Vankhama

Sunday, April 14th, 2013

Source : Nghet taka ding zelin  by M.Lalmanzuala

Kum 1954 khan Brother-te sawmna ngai pawimawhin Pu Vankhama leh a pawlte kan sikulah lo kalin violin leh tingtangte nena remin zai program an rawn nei a. An zai kha thiam kan ti hle mai. Keini tan chuan violin te phei chu kan hmuh vawi khatna leh a ri pawh kan hriat vawi khatna a ni a, a ropui kan tizual a ni. Hla dang bakah Hmangaihna leh Parte nang min tingai zual \hin e tih hla an rawn sa a, thiam kan ti tlang hle a ni. A fate, Margaret Vanhmingthangi, Councilthanga leh Vansanglurate’n an tawiawm a, u Vansanglura kha a bass a, a hneh khawp mai. A fate bakah Ngila leh Rozuala an lo tel bawk. Vanhlupuii hi kum 8 mi a nih lai a ni a, dawhkan chunga dingin, Tlaizawng Par hla a sa a, thiam kan ti hle a ni.

Amah Pu Vankhama tak kha ka bel hnai hman lo nain, a fate nen thung chuan kan inhre tha khawp mai. U Vanhmingthangi kha St. Paul’s School-ah rei lo te zirtirtu hna a rawn thawk ve a, chuta tang chuan kan inhmelhriat zui ta a, U Vansanglura kha St. Paul’s School-ah a rawn lut bawk a, min duh hle thin a, nau en tak hian min en thin a ni. Vanremthanga nen phei chuan kan inpawl rual thin a, kan inkawmngeih hle \hin a ni. Tun hnu-ah phei chuan kan thian kawm dangte a lo inang ta zel bawk a, kan inngaina lehzual ta a ni. Vanduaithlak takin mi a boralsan hma deuh a, a ngaihawm \hin khawp mai.

Pu Vankhama kha Mizoramah chuan mumal deuha “zai pawl” nei hmasa ber a nih a rinawm. A pawlah khan khang hun laia zai thiam leh rimawi tum thiam chu an kim viau \hin. Vocalist chu, Rozuala, Zaihanga, Thangdela, Vanbuka, Lalzuia leh K.L.Hnuna te an ni a. Rinliana kha Guitarist a ni a, Ngila leh P. Lalthianghlima te kha Hawain guitarist an ni a. Lalsangliana’n Accordion a hmet \hin a, J.F.Laldailova’n Trumpet a tum thin. Amah Pu Vankhama khan Violin a tum thin thung a ni.

(more…)

Posted in Copy Paste, Mizo Society & Culture | 14 Comments »

« Older Entries
Newer Entries »