Source: Facebook Special Report
Nizan (10.05.2013) thli tleh na tak avangin Aizawl veng hrang hrang leh Mizoram hmun hrang hrangah chhiatna rapthlak tak a thleng a, Laipuitlang PWD quarter pialtlep chunga sak chu a min a, a hnuaia in eng emaw zat hnawlin a chhilh a, ruang 5 lak chhuah tawh a ni a, leiminin a delh concrete building chhung atangin nung dama chhanchhuah te pawh an awm bawk.
He chhiatna thlen dan hi zing lam dar 3:00 velah khan Laipuitlang, PWD Mechnical Division Building chhak lawk kawng thlang lama PWD Quarter building lian tak chu a foundation chawpin leiminin a minpui a, kawngpui chhe lo tawkin lei hi a min a, a thlang lama in 11 zet chu a hnawl a, a chhilh bawk.
Laipuitlang YMA hruaitu Pu Lalrinawma hnen atanga thudawn danin he PWD quarter hi nikum lamah pawh a lo che tawh a, chuvangin a chhungah hian cheng pawh an awm tawh lo a, a ruak a ni a, veng chhungte pawhin a hlauhawm avangin thiat turin thuneitute hnenah pawh an lo rawn tawh a ni.
Nizan dar 3:00 vel khan warning a awm a, a hria te chu in auin an tlan chhia a, tuna thite hi chu hre ve hman lote an ni hlawm a. In chhiate hi PWD Quarter lian, Pi Sangpuii in Assam Type, Pi Biakmawii in Assam Type, Pu Issac Singson-a in concrete chhawng 5, Pu Lalkima in Assam Type, Pu Lalrinawma Varte in concrete chhawng 4, Pu Zairema in Assam Type chhawng 3, Pu J. Lalmawia in concrete chhawng 3, Presbyterian Kohhran Jubilee halll chawng 4 Chowkider chhungkua te luah bakah Ramhlun Venglai huam chhungah Assam Type in pahnih te a ni.
Tun china mitthi kan hriat theihte chu Sangtea S/o H.Sangzela, Relfela S/o Sailova, Lalnunmawia, Duhsaki W/o Vanlalhmuaka Laipuitlang te bakah hnamdang pakhat te an ni. Hliam tuar Aizawl Civil Hospital-ah 9 an awm tawh a, damdawiin dangah an awm leh awm loh hriat a ni rih lo.
He chhiat tawh lai hian power supply a awm loh avangin chhanchhuah hna thawh mai a harsa hle nia thudawn a ni a. Disaster Response Force leh Police te kaihhhruaina hnuaiah ruang lak chhuah hna hi thawh a ni.
Laipuitlangah hian J. Lalmawia building hnuai bera awm hmeichhe unau 4 riak thinte chu an riak chiah em hriat a ni rih lo a, an mobile hmanga an call in pakhat chu a ring ral thak thak a, pakhat chu a tlang thei lo bawk a, chuvangin in hian a delh a nih rinna a awm a. Anni bakah hian vai chin hriat loh pawh a awm bawk. Lalrinawma Varte in concrete slab in a delh tlangval Thantea ruang chu he thu buatsaih lai hian lak chhuah tum mek a ni a, Thantea hi Dr. Lalnunpuia nau a ni a, Dr. Lalnunpuia hi a night duty zan a ni hlauh a ni.
Ramhlun Venglai huam chhunga in chhiate hi pahnih a ni a, in te hi a chhilh vek lo a, a then lai tihchhiat te a ni a, thi te pawh hi an mutna lam a hnawlte an awm a ni. Chhiat tawhna hmunah hian Chief Minister Pu Lal Thanhawla, Home Minister Pu R. Lalzirliana, Transport Minister Pu PC Zoram Sangliana, Parliamentary Secretsry to Chief Minister Pu Lal Thanzara te bakah mi pawimawh dangte an kal nghal a, chhanchhuahna hna thawh te an vilpui a ni. Khawtlang hruaitute an buai hle a, Laipuitlang bikah chin hriat loh, thia rin an la awm avangin an buai hle, he thu buatsaih lai zing 7:00 velah hi chuan engtiangin nge thlan laih dan tur pawh an la rel fel lo a ni. Mitthi hming leh vengte hi nakinah chiang zawka la rawn tarlan a ni ang.
TROPICAL CYCLONE “O1B” HITS MIZORAM AND THE ENTIRE NORTHEAST. DAMAGE REPORTS YET TO COME IN SOON. ANOTHER CYCLONE EXPECTED BY LATE SATURDAY. GEAR UP AND READY FOR TWO TROPICALCYCLONES:- Mizoram witness an intense cyclone on the morning of 11.5.2013 Mizoram falls in the eye of the storm, a tropical cyclone named “Cyclone 01B” will sweep the entire northeast India, Northwestern Burma and eastern Bangladesh and residents should keep and take precautions for a series oftwo tropical cyclones that will touchdown between 11-13 May. Forecasters at the Joint Typhoon Warning Center expect 01B to intensify into hurricane force. NASA forecast an intense 64.8Km/Ph wind in the next three days.
Similar Posts:
- Assam type In
- Civil Hospital OPD floor 3-na estimate ah tel lo
- Ruahsur nasa tak avanga chhiatna thleng thenkhatte
- Dawrpui multi-purpose centre hnatlang tan ani ta e ..
- Saiha bazar vengah kangmei a chhuak , in 20 vel a kang ta
May 11th, 2013 at 1:23 pm
Rapthlak hle mai ! RIP
Report this comment
May 11th, 2013 at 2:48 pm
RIP
Report this comment
May 11th, 2013 at 2:49 pm
A pawiin a rapthlak ngei mai…
Vanduai Chhungte Lalpan Van Thlamuanna-in Thlamuan mawlh rawhse, Amen!
Report this comment
May 11th, 2013 at 2:55 pm
Facebook lam ah khan, Pu Lalthanhawla hian Thenzawl lam ah mi thar a lawmlut te an ti bawk si a. A lawmlut tak tak nge, chhiat tawhna hmun ah hian chhanchhuahna hna thawh hi a vilpui ve reng le
Report this comment
May 11th, 2013 at 3:20 pm
A vilpui ve reng. Inchirhtheh hi uar lutuk lo hnam nih a hun tawh khawp mai
Report this comment
May 11th, 2013 at 4:15 pm
Ruang hmuh tawh hi 10 niin la hmuh loh eng emaw zat a la awm bawk. Hliam 6 lak chhuah tawh an ni bawk.
Report this comment
May 11th, 2013 at 4:50 pm
A pawi mange..tih bak sawi theih kan nei silo
he chhiat tawhna atang hian sawrkar hi inenfiah se,Aizawl ah sawrkar hmun pawimawh zawng zawng dah vek lovin district hqrs ah te sawn chhuak thawl se..khampang, awih bakbahaia in sak khap se, tuna kan kal dan anga kan kal reng chuan Chhiatna Lianzawk leh rapthlak zawk hi Aizawl hian a hmachhawn reng.
Report this comment
May 11th, 2013 at 4:51 pm
A pawi lutuk. Ka khawngaih hlawm lutuk.
Report this comment
May 11th, 2013 at 5:12 pm
A pawi hle mai, chhiat tawkte an khawngaihthlak takzet a ni.
Report this comment
May 11th, 2013 at 5:40 pm
@CFL, Special Report lam ah an sawi vung em a. Tak tak a nih chuan a mak dawn em a ka ti deuh mawle
Report this comment
May 11th, 2013 at 5:59 pm
A tleh dawn em…link ah hian lut chhin teh u
https://m.accuweather.com/en/in.....ast/189561
Report this comment
May 11th, 2013 at 6:08 pm
He chhiatna hi a rapthlak hle nain thil mak tak pawh a ni lem lo. Mihring siamchawp vanduaina vanga mi heti zat an boral hi hriatthiam a har ka ti. Chhiatrupna hian Mizoram hi nuai ta se Aizawl tluka tuar nasa tur hi a awm lovang.
Kan changkan dante hi rualrem lo tak taka in chhawng engmawzat insak siakte ala ni tlat sia! A mak ka ti, mi hausa te pawh hi an huaisen ka tia, kan ram leilungin a zo lo tih hrerengin in an han sa chhawng uaih zel mai ania! Han en reng reng khian khampang awih lutuk tih hriat reng, a hun taka building thiat duh lo tu chung chu a pik ve khawp ang. Mi ram building chimte chu a chhunga chengten an tuara, kan ramah chuan a bulhnaia mi pawisawiloten an tuar zo vek chu a ni sia! Rapthlak mang e.
Report this comment
May 11th, 2013 at 6:18 pm
Ka ngaihtuahnaah thil tam tak lut mah se, thil pakhat chiah ka rilruah a awm: PWD building hi a hlauhawm an tih avangin Deptt. lam pawhin an chhuahsan a, min thut thei a ni tih an hai lo. Chuti chung chuan he building hi demolish emaw chhut chhiat emaw an tum hauh lo hi chu ka dem khawp mai. Sum sen a na ti pawh ni sela, sum cheng eng zat ai pawhin nunna pakhat pawh a hlu zawk si a. Tunah nunna sawm zet kan chan ta reng mai.
Report this comment
May 11th, 2013 at 6:35 pm
Kan han kal ve a. A hmunah phei chuan rapthlak tak a ni. An lainatawm takzet, a pawi tak tak a ni.
Report this comment
May 11th, 2013 at 6:39 pm
RIP, pawi hle mai…
Report this comment
May 11th, 2013 at 6:40 pm
Thli tleh vang ringawt pawhin heti hi kan ni a, lir te hi na takin han nghing ta se Aizawl hi chu a sawm barh thei mai ang a. Haiti kha kan hrereng awm e.
Report this comment
May 11th, 2013 at 6:54 pm
@Charice, Chungte chu chiang sa lawm khaw hmu thei tan chuan.
Report this comment
May 11th, 2013 at 7:11 pm
A pawiin a lungchhiatthlak tak meuh a ni.
Hetiang chhiatna hi keimahni siamchawp a ni te;
a mawhphurtute hrem an ni leh chuang lo tur te;
hetiang kan tawrh hnu pawha insiamthat kan la tum tak tak chuang miah lo tur te hi –
a lungchhiatthlak ka tih em em lai chu a ni.
I lo thlir mah ang u –
Inngaihtuah harha Aizawl leh khaw dangah pawh mihring tana hlauhawm thei tur lai apiang enfiah thuai thuaia, thiah ngai thiata siamthat ngai siamtha zung zung tur kan nih ngawih ngawih tawh lai hian chutiang chuan kan ti leh dawn chuang miah si lo.
A dawt leh a lo thleng ang a, a dang pawh a la thleng zel ang. A thleng zing tawlh tawlh ang. Hlau, mangang, pawi ti, leh lungngaiin kan buai leh fo thin ang.
Concrete building sak kan intihhmuhna hi kum engemaw zat a ni ve ta. Heng building rit tak tak, cement quality chhe tak hmanga sak te hian tlin loh chin a la nei zel dawn. Kan sak dawn laiin a nghet tha em? a hmunin a dawl zo ang em? thenawm leh kawmthlang te tan a hnawksak ang em? tih te hi kan ngaihtuahnaah a lang tel ngai si lo. Tuihawk luankawr tak ngial pawh siam kan tum chuang bawk hek lo.
Keimahni thiam loh liau liau a ni. I HARHCHHUAK MAWLH TEH ANG U!
Report this comment
May 11th, 2013 at 7:55 pm
@CFL, CM hi vawiinah Thenzawl a awm ni leng, Pol. Training cum mithar lawmluh prog.ah
Report this comment
May 11th, 2013 at 8:00 pm
Nunhlu Pachuau > CHANCHINTHAR (Zofatechanchinthar inhriat tawnna)
Tunah hian Thenzawl Hall ah Pu Hawla te nupa leh Pu Pc Lalthanliana minister, Pu TT Zothansanga te’nmithar leh hlui an partyah an lawmlut mek….
Report this comment
May 11th, 2013 at 8:29 pm
Pu Hlatekhua #19
Chhiat tawk te ka lainat em em rualin kan hma lam hun (a bikin Aizawl) in khi aia chhiatna rapthlak tawk thei dinhmuna a ding reng hian rilru a ti hrehawm mah zawk
Report this comment
May 11th, 2013 at 9:06 pm
A va rapthlak tak em.
Report this comment
May 11th, 2013 at 9:08 pm
A va rapthlak em! Sawi ngaihna pawh a awmlo.. Mitthi chhung te leh chhiatna tuar zawng zawng te Pathian in awmpui rawh se. Kan tawngtai na ah i hrereng ang u khai.
Report this comment
May 11th, 2013 at 9:19 pm
A pawi khawp mai.
CM hi chhiatna a thlen thu a hriat veleh a hmun a thleng nghal a; hun engemawchen awma ruahmannate a siampui vek hnuah ruahmanna awmsa a nih avangin Thenzawl hi a pan ta niin a lang. Amah CM leh MNF ho hi an demawm lutuk lo ve ve-ah ka ngai.
Report this comment
May 11th, 2013 at 9:43 pm
CM te chu a duh duh na ah kal mai teh se. YMA leh khawtlang mi tlawmngai te, Disaster Team te kan nei alawm!
Report this comment
May 11th, 2013 at 9:46 pm
thi leh hliam in chhia,te hian compensation an claim thei ang pwd ah ka rin dan in,pwd building thiah ngai thiah mai loh vang a thleng a nih ber hmel a
Report this comment
May 11th, 2013 at 9:49 pm
Ka thian pakhat Tamil Nadu-a awmin chanchin a lo hre ve a. Min rawn zawt chiang a, “Heti ang thil hi thleng tawh lo se ka va ti em! A bikin thihna lampang phei chu” a rawn ti a, kei chuan “a la thleng zel ang, hei aia nasa pawhin” ka lo tih kha. A bikin Aizawl khawpui en hi chuan a la chhe nep zawk ka ti. Chhe teuh rawh se ka tihna lam a ni lo, kan fimkhur lohzia leh principle nghet kan neih lohzia ngaihtuah chuan kan la him zawk ngawtin ka hria.
Report this comment
May 11th, 2013 at 10:27 pm
A pawi hle mai tih bak chu comment thiam a har khawp mai. Harh chhuah phah nan hmang thei ila a duhawm ngawt mai !
Hman kum khan Ramhlun Veng a Biak In pakhat pawh a tawlh tawh kha. Pialtlep lung inthuahthip anih avang hian a chung lam nilo, a hnuai lam tawlh ta thung se chuan a tawrhhlelhawm zawk ngei ang.
Thuneitute hian Ramhlun Veng hi Field thlang atang khuan a tawlh tur ven dan ngaihtuah se, Rock Nailing pawh a remchang lai apiangah nei se a va duhawm em
Report this comment
May 12th, 2013 at 12:56 am
A rapthlak ngawt mai aw
VaiVa thlen in pawh a hnawl tel tep a nih hmel a tlem a tlemah… huissss
Thi zingah ka hmelhriat pahnih an tel a, min khawih zual khawp mai. An thlarau thlamuang tak a a chawlh theih nan ka tawngtai. An chhungte thlamuan nan ka tawngtai.
“Disaster Response Force” ang khi veng tinah hian train chhuak awm nual sela ka ti ngawt mai aw. Disaster management hnuaiah a train theih reng si a (min hrilh dan), hunawl insiamin, thenawm, vengchhung leh ram tan chhanchhuah hna hi zir peih hlawm ila ka ti thin mang e. Thiam nei lova, chhanchhuah tumnaah hian tha tam tak chhuak mahse pawi thui tak a awm thei teuh a ni.
PWD in thiat har lutuk kha a pawi zo va, Vaivakawn a in hnuai kaw tlang hung te, Tuikual a lungtohlawt chung a in lianpui inhung te kha sawrkarin a hlauhawm vangin thiah tir sela ka ti hle. Mangkhawng!
Report this comment
May 12th, 2013 at 1:41 am
Ava pawi tak em! Fimkhur loh vang leh ngaihthah vanga thleng ani hian rilru a khawih leh zual. A tuartu te tan ava na dawn em aw..
Report this comment
May 12th, 2013 at 2:13 am
Veng chhung miten PWD quarter hlauhawmzia thuneitute an hrilhhriat thu kha ziak ngeiin an pek a rinawm a. Chuvangin file khawiah nge tangkhang a, eng vanga hma lak loh nge tih chhui chhuah ni ngei sela a duhawm. Enquiry/Investigation team din ni se report rintlak ngei an siam ring ila. Zangnadawmna sum pawh thi leh hliam te pek an nih ngei beisei ila–Sorkarin a tih tur a tih loh vanga he chhiatna rapthlak hi thleng a nih ber avangin.
Pu HV-a rawt ang hian Disaster Response Force ang hi veng tinah a committee ang zawng tala din a ngai a ni; Aizawl angah phei chuan tihmakmawh a ni tlat. Sairang tuithiamte tangkai theihzia pawh kan hriat vek hi.
Report this comment
May 12th, 2013 at 8:57 am
7
sisen # KZP
Aizawl a nih phawt chuan in ek-chhe beng pawh kan duh miau si a le…
A dang lo thlen hma-in, sorkar-in mi thiam rual te hruaia chet an chhuah thuai loh vaih chuan…nakumah emaw, kum dang lo la awm turah a thleng leh rup rup thin ang.
Chhiat tawk leh lusun chhungkua te Pathianin awmpui theuh mawlh rawh se.
Report this comment
May 12th, 2013 at 9:32 am
Hlam sawmhnih vela hla ah tui takin ka mu a, thawk leh khatah boruak a dang ta huai a. Facebook lamah ka update a hlauhna chang em em pawh ka hre lawk lo a. thim thamah thla te ka lo la vel a. Misualah ka update thei lo. current an rawn cut zui nghal bawk si a. Boral ta te ka tuarpui tak zet zet a. Nizan hmun dangah ka riak a, hei kan pan chho ve leh phawt ang e.
Report this comment
May 12th, 2013 at 11:13 am
Vaiva chu tlem ah tlem ah kan chan tel ve lo chauh che a lo nih chu mawle. I him hlauh chu a lawmawm e.
Leimin chhilh hnan, la dam si te mangan tur zia ka ngaihtuah hian ka mangang. Pathian in chakna pe in awmpui mawlh rawh se.
Report this comment
May 12th, 2013 at 12:09 pm
He thilthleng avang hian ka lo nghilh dup mai, Mizoramah awm lo mah ila. Ka rilru a na
Aizawl Development Authority (ADA) hian tihtur an ngah viauin ka lo hre ve mai mai. Authority hi an nei reng em aw? In thiahtura order an pek te kha thiah tak lohin an la la din thup khi! In sak mek ‘stay order’ an pek a hnu lawka an sak zawm pawh an tam tlat. “Master Plan For Aizawl Vision 2030″ kha an chhawpchhuak ta emaw ka tia, an implement hma in (?) Aizawl chu a khat ta hle. Tunah tak pawh hian insa mek za dawn an awm an tih chu le! ‘Thlipui tleh avanga chhiatna’ tih thupui hi kan chhiar kan chhiar mai ang tih ka hlau mange. (Ka comment ve chak in thlahrung tak chungin)
Report this comment
May 12th, 2013 at 2:06 pm
Tuarpuina kan hlan e.
Report this comment
May 12th, 2013 at 2:15 pm
Ka lo sawi leh lawk, concrete in lian deuh deuh sak hi khap bur theih ni sela, mimal in tur ngat phei chu chhawng khat aia sang sak phalloh ni tawp se, tuna in chhawng 4 chin chunglam dinglai zawng zawng hi thiah vek ni se, Assam Type chhawng tam deuh pawh an dinna hmun azirin thiat vek sela, duh leh sawrkarin compensation pe mai sela. Aizawl chu chhiatrupna lakah a him ve duh mahna. Tihdan hram a awm lo’m ni? Inti changkang, inti ropui taka concrete-a chena nunna thap ai chuan, di leh dap inah thlamuang taka chen pawh ka thlang zawk.
Report this comment
May 12th, 2013 at 2:37 pm
Assam type /di leh dap inah chuan cyclone leh thli na /ruahsur a hlauhawm le bawk sia
Report this comment
May 12th, 2013 at 3:24 pm
Kan in thiah chu ka ui tlat kei chu :)ADA leh AMC te hian theihtawp chhuahin, hei aia nasa zawkin hma la ta se. An hmalakna chu mipuite hian awih/zawm tum ila. Mimal tinin duhamna, itsikna, thatchhiatna, a hlei a hluaka awmnawm duh lutuk leh mamawh ngah lutuk nate hi paih ngam ila.
Report this comment
May 12th, 2013 at 5:23 pm
Aizawla kan in ek beng vak nachhan hi thil pakhat awmin ka hre ve a. Kan thingtlang leh Aizawl chheh vela khaw hrang hrang hi awmna tlak khawpa thil hniang hnarna awm hek lo le. Aizawlah thil ṭha apiang kan dah zel si a.
Report this comment
May 12th, 2013 at 6:52 pm
We must look ahead to rehabilitate and putting communities back on their feet. It may be a long, long process, it may take years. I hope the government stays with this.. RIP to the death.. God bless and sustain the families I pray
Report this comment
May 12th, 2013 at 7:58 pm
Thil hlauhawm hi, kan chhiatpui kher hmain, hlauh nachang kan hriat a tul a ni.
Report this comment
May 12th, 2013 at 11:12 pm
A hrehawm ngawt mai. Pic. en pawh khi nuam ka ti lo..Ka tah a chhuak.
Report this comment
May 12th, 2013 at 11:23 pm
Lirnghing te hi kan tawng ngei dawn in a lang si. Kham pang ah kan Fu fur hlawm mai si a..Ngaihtuah zawm pawh a ngamawmlo a nih hi, a bikin, Aizawl khua khi.
Report this comment
May 13th, 2013 at 7:19 am
Lir thei phei chu na lote pawhin han nghing ta sela, kan chhiat nasat dan tur hi sawi ngam pawh a ni lo.
Report this comment
May 13th, 2013 at 11:40 am
A va rapthlak em ve o!!
Ka han ngaihtuah thin, mut dawnah a tuka tih tur dream pahin tui deuh in an mu ve ngei om sia, a thawng harh tu rapthlak zia hi…ka mittui a ti tla mai don lom le…Kan nuna chunga thu kan neih loh zia hi aw..life is very short and there is no time for fussing and fighting….nitin lalpa nen ti zel ang o…
Report this comment