A CHHANNA LO NGAIHTUAH VE CHHIN TEH

July 20th, 2013 6:29 pm by Athana Chhangte

(1) Below Poverty Line kan pun mek lai leh Aizawl traffic jam takngial pawh chinfel ngaihna kan hriat tawh loh laia, fa nei tam tura inzirtir duhtute hian an beisei ang hian pung thur thur ta ila, mipuite enkawl leh hamthatna pek tur atan eng vision leh plan nge an neih ang le?

(2) Sorkar leh tlawmngai pawlten thahnemngai taka ZU an vai reng laia local channel, film tihchhuaha zu tui hmel tak tak in lai kat (censor) a ni ngai lo hian Zu khap burna dana Zofate ngaihdan inan loh zia lantirna a ni thei a ngem?

(3) Donation avang hian Mizorama hnamdang sumdawngten FIR an thehlut tawh em le? Nge dan loa an sumdawn avangin Donation pek hi ngaihthat nan an hmang zawk?

(4) Sorkar atanga kan dawn subsidy buhfai ei a, subsidy eng chhi chunga sorkar pachhiatzia sawi vak vak hi thil inhmeh ber a ni em?

(5) Myanmar ram khi India ram ai hian changkang ta thut se, khi rama Zohnahthlak awmte khi ‘ramdang mi’ kan la tiphal angem ? An chenna in halsakin, kan la hnawtchhuak ngam tho a ngem le?

(6) Kan ngaihhlut zawng hi inthlak ta thut se, kohhran leh tlawmngai pawl hi a tuartu hmasa ber anni thei a ngem?

(7) Kan state official language hi Lusei emaw Duhlian tawng tiin thlak ta ila, Zofate hi kan inpumkhat phah sawtin i ring em?

16 Responses to “A CHHANNA LO NGAIHTUAH VE CHHIN TEH”

1
lr hlonchhing Says:
July 20th, 2013 at 7:57 pm
Chhang dawn 1la…

Report this comment
2
nupuiipa Says:
July 20th, 2013 at 8:09 pm
1) Tam phawt hi a thatna a awm a nia..chimral thulah te; i zawhna chhanna khi chu an mahnin an hre dik ber ang. 2)Ni thei tho mai…kan kalpui dan a dik tawk loh zia a ti lang bawk ang.
3) FIR an la theh luh ka ring lo bur, donation pek hi ngaih that nan an hmang rem chang ve thei tlat.
4)Eng nge kan sawi chuan ang. A pa chhe miau sia.
5)Ramdang mi kan ti phal tho ang, ram danga awm an nih avangin.A tul dan a zirin kan la hnawt chhuak zel ang chu le.
6)Kan ngaihhlut zawng hi inthlak ta thut se, kohhran leh tlawmngai pawl hi a tuartu hmasa ber an nihna chhan tur a awm chuang lo….a hlawk pui ber an ni thei value system thar a zirin.
7)Kan state official language hi Lusei emaw Duhlian tawng tiin thlak ta ila, Zofate hi kan inpumkhat phah HRET mai thei e.

Report this comment
3
ruatruatapa Says:
July 20th, 2013 at 8:17 pm
Ngaihtuah tur tam lutuk leh ngaihdan ngah kan tam lutuk hi he ram hian a that phah nge a chhiat ohah le ?

Report this comment
4
Borat Says:
July 20th, 2013 at 8:35 pm
1. Vision an nei lem lo. Mizo nuapang hmel an em kham lo aniang.

2.Zu hi a tui em elawm

3. FIR a ngai lo, Mizo custoemr atangin an hlep hnem em mai

4.Inhmeh hlawl lo.

5.Ngam lovang

6.Ni thei ang.

7. Sawt lovang.

Report this comment
5
Athana Chhangte Says:
July 20th, 2013 at 9:11 pm
Komen a ngaihnawm hle mai.

‘Unau pianghmun ngei pawh ngaihdan a inang thei vek ngai lo’ an tih kha maw. Kan ngaihdan hi chu a in ang vek ngai lovang, Ngaihdan hrang hrang kan sawi hi ngaihthlak a nuam. Rilru zau tak kan pu tlang turah ka ngai tlat.

Heng zawhna hi kan tunlai issue a ni hlawmin ka hria a. Komen zel turin kan insawm e.

Report this comment
6
H.Vangchhia Says:
July 21st, 2013 at 3:39 am
1. BPL a inziak lut tam takte kha, BPL an ni tak tak em ni? Tanpuina hmuhna tur a rethei ang a awm hreh lo, rethei ang a khawsak tum leh der thung si lo.

Tlem hi hnam ralna awlsam tak pakhat a ni. Khawpui pawnah khawsak zir a hun hle tawh thung.

2. Mizoram sawrkarin zu a khapna hi protestant hruaitute laka tlaktlum loh hlauhna mai niin ka hria. Mipui tam zawkin zu tha zawrh chhuah a, revenue lak a, a intute lak a dan khauh tak neih a tha an tih zawk ka ring.

3. Ka hre lo, an mahni zawt mai rawh.

4. Subsidy buhfai (?!) ei vangin sawrkar a pachhiat thu sawi loh tur tihna em ni ngai?

5. Burma ram khi eng ang pawhin hausa sela, India ram tan chuan foreign a ni kumkhua ang a, a mi leh sate pawh, India khua leh tui nihna an neih hma chuan foreigners an ni kumkhua ang. Chumi erawh chuan Chin hills leh Kale district a Zohnahthlakte (Tahan etc)khi mihrang a nih tir hauh lo thung. India mite tan ramdang mi an ni a, an ni tan pawh chutiang zelin. Sakhumphai khua a mite kha tam tak vote nei an ni. India rorelnaah chuan vote nei chu ram mi/ram khua leh tui an ni.

Sakhumphai khua hi Hindustan hriat a ni:
https://ceomizoram.nic.in/eroll13/easttuipui.html

Saikhumphai voters:
https://ceomizoram.nic.in/eroll.....ART017.pdf

6. Engvangin?

7. Maithei.

Report this comment
7
chhana Says:
July 21st, 2013 at 6:41 am
Saikhumphai bawk hal thu hi sawi chhen a tullo. In zirnana hman nachang kan hriat loh chuan chimralin kan la awm thuai ang.

Report this comment
8
Dr John Says:
July 22nd, 2013 at 5:09 am

Report this comment
9
Mr.Fanchun Says:
July 22nd, 2013 at 6:24 pm
1 Vision thui tak leh plan tha tak neilo mahse fa neihtam hi a tha hrim hrim a ni Mizo tan hian.

2 Tute emaw piangthar lutuk vang leh Zu in MI MAWL ho hnena a thawhdan chiah an hriat a vangin an la khap ni in a lang.

3 Donation chu Donation a ni tlat..

4 Sorkar a tang engmah kan dawnglo, Buhfai dawr a mi KG ah Rs. 26 atang Rs. 50 man leh a ai a to te pawh leitur a awm a. kan lei a, kan ei mai ni. Hawla sorkar chu a pachhe khawp mai..

5 Myanmar chu engtiangin pawh changkang se BURMESE an ni tho tho. An din hmun a that tawh chuan hnawhchhuah tur leh in hal sak tur pawh an awm ka ring tawh lo kan state ah hian.

6 Kohhran leh tlawmngai pawl hi midang daih nilo in keimahni tho kha kan nia, engpoh ngaihlu in ngaisang mah i la, kan awmdan leh khawsak dan zelin a kal ang.

7 Kan state official language hi Lusei emaw Duhlian tawng tiin thlak ta ila in pumkhat lo in kan darh ang. Lai in tawng hrang kan nei ve.. Ka sawi tum chu Mizo ni a mahse Lusei nilo kan tam lutuk.

Report this comment
10
neuva Says:
July 23rd, 2013 at 12:19 am
No. 5-na.
Burma khi India aiin kangkang zawk sela chuan tun ang hian an rawn tla thla tam tawh lo ang a, keimahni zawk hi han cho tam tawh tur zawk kan nih tawh dawn avangin, ramdangmi la ni tho mahse hmusit tak chuan kan sawi tam tawh hlek lo ang le. Khua in hal sak leh in hnawhchhuah vak vak te phei hi chu a awm ka ring tawh lo bawk.

Report this comment
11
Awmtea Leo Khiangte Says:
July 23rd, 2013 at 10:36 am
Ngaihtuah zui a ngai khawp mai.

Report this comment
12
kotlaman Says:
July 23rd, 2013 at 10:47 am
1. Vairam ka kal apianga ka rilru-a lut hmasa ber ziah chu- hei ai hian hmun thuma then hmun khat talin tlem ula chuan India ram chu a va ropui nasa dawn em tih a ni. Tlem avanga chimral hlauhna leh tam avanga changkan inrinna hi lehkhathiam tih chi niin a lang lo.
2. Demand a awm chuan supply a awm zel.hei hi natural human survival rule a ni, ti duah teh ang! Zu khapna zawng an la hlip chek ang, lo lungngai suh!
3. An ngaih a tha khawp, donation an peka te lah ngaihtha bawk. Bartar system ka ti mai;pawina a awm ang, kan hmu thelh lui vel mek a ni mai lawmi?
4. A dik. sawrkar sawichhiat vak vak hi a lehkhathiam zia vak lo. Motor model thar ber a awm thei zel, sum hi Delhi drip atang lova kan rama lo lut direct hi chang za-ah duli vel a ni pha tawk mai thei, chutih laia politician-te punching bag-a hman reng mai hi a fuh zat lo deuh. Mipuite pawh kan inenfiah a ngai.
5.Hal tawh lovang, kan ngaisang thar thut hek lovanga kan hmuhsitna erawh a kiam ang.USA lam unaute an lawm ngawt ang!
6. Kohhran leh NGO-te hlutna hi eng pawh lo thleng se a hniam zel ang.Chu chu mihring kalphung a ni. Tun hi an vanglai a ni ve mai.
7. Inpumkhat sawt chuang lovang. Mizotawnga baptisma chang thei lo chu Lusei tawngah baptisma chang mahse keini ho piangthar ang vel, rilru chhungril lut si lo ang tho a ni ang.

Report this comment
13
Mr.Fanchun Says:
July 23rd, 2013 at 1:54 pm
# India rama Vai tam lutuk vanga Family planning a Birth control an ngaih a vanga kei ni Indian-Mizo in kan lo zawm ve na tur chhan ka hrelo.. Kan kristiana nen pawh a in kalh in ka hria.

Report this comment
14
Khuangpu Says:
July 23rd, 2013 at 6:06 pm
Ngaihnawm hlawm hle mai comment chu. Birth control hi a tul lem lo, a duh in nei tam se, a duh in nei tlem se. Chimral tham lek khawpa tlem leh mawlkanni tawhlo. Mi kuta sa hrangh hmu lian thei khawpa hnam fing kan ni tawh. Kan ngaih erawh ala sam deuh, heichu kan sim thei kumkhua lo ang.

Report this comment
15
Athana Chhangte Says:
July 24th, 2013 at 11:57 pm
KOmen hlu tak tak ziaktute chungah lawmthu ka sawi e. Heng zawhna te hi inhnial theihna thil tak mai a ni a. In ngaihdan hriat hi thil lawmawm tak a ni e.

Misual nge nge chu kan lo mi(sual) ber e. hehe

Report this comment
16
Charice_mizo Says:
July 25th, 2013 at 12:31 am
Kan State chu Mizoram a ni a, kan tawng pawh Mizo a ni. Mizo tih hi a political a, a official a, a thaa a tlingtawk bawk. Eng hnam peng hming (entirnan Lusei) mah phuah leh hran a ngai lo. Tunah hian Mizo tawngin ka comment mek….

State Offcial language chu English a nih a ngai thung, for the sake of administrative convenience.

Report this comment