«
»

Hringnun thim lam

August 18th, 2013 10:38 pm by RZA

Ropuina lamtluang zawhin,
Chak takin tlan thin mah la;
Chu hringnun lamthluang chuanin,
Thlanmual a chhun tho si a.

Hmangaihna par chu tlanin,
A zu thlum tak pawh dawt la;
Chu lawmna puarpawleng chuan,
Mittui a ngiat tho si a.

Vanglai hi nuam ti takin,
Hlimna nen hmang ral mah la;
Chu hun tawi a ral hun chuan,
Tarin min hmuak tho si a.

Thian tha tak tak te siamin,
Hun hlimawm tak hmang mah la;
Thenna chuan lo hmuak chein,
Khawhar a thlen tho si a.

Chhungkhaw ropui tak neiin,
Vanram tlafual chen mah la;
Lungduh te an liam niin,
Tahna a thlen tho si a.

Similar Posts:

Recent Posts:

This entry was posted on Sunday, August 18th, 2013 at 10:38 pm and is filed under Music and lyrics, Poetry. You can follow any responses to this entry through the RSS 2.0 feed. You can leave a response, or trackback from your own site.

4 Responses to “Hringnun thim lam”

  1. 1
    Bucko Says:
    August 18th, 2013 at 11:06 pm

    First zuai…… pil nghal hmaks……… (Y) x3

    Report this comment

  2. 2
    Ijassdie Says:
    August 19th, 2013 at 2:20 am

    Ṭha khawp mei (y)
    Hei hi chu ka du khawp mei..
    “Thian tha tak tak te siamin,
    Hun hlimawm tak hmang mah la;
    Thenna chuan lo hmuak chein,
    Khawhar a thlen tho si a.”

    Report this comment

  3. 3
    chhana Says:
    August 19th, 2013 at 7:57 am

    A tha hl3 mai.

    Report this comment

  4. 4
    Chawngthu Pa Says:
    August 19th, 2013 at 3:11 pm

    Thlanmual, mittui, khawhar leh tar
    Tahnaten min hmuak tho a nih si chuan
    Hringnun tawi te tal hi chu vawrtawp thlengin
    Siamtu duhaisamin i chen ang u!

    Report this comment

Leave a Reply

You must be logged in to post a comment.