Archive for September, 2013

Pathian Malsawmna

Sunday, September 29th, 2013

(A mal te te in chhiar chiang thin rawh)

Translated & Reproduced from Management Principle by A.Lallungmuana
1. Tukin i zing thawh tirh a tang khan, taksa natna leh harsatna enghelh tham engmah i neilo a nih chuan Pathian hnen ah lawmthu sawi mawlh mawlh rawh, nang ang a vanneihna chang phalo kha an tam teh a sin.!!

2. Indona thawm rapthlak pui pui hre pha lo leh riltam hreawm manganna ten an chim phak piahlam ah i cheng a nih chuan, khawvel a mihring maktaduai 500 cheng mek te ai in i vannei zawk tih hria ang che.

3. Pathian be tur a dodalna leh harsatna engmah tawklo in, Biakin ah duh hun hun a i la inkhawm thei a nih chuan khawvel a mi maktaduai thum cheng mek te ai in i vannei zawk tih a ni.
(more…)

Posted in Copy Paste, More than words | 7 Comments »

Doctor-ten min rawk em?

Saturday, September 28th, 2013

Doctor hna hi service (rawngbawlna) a ni a, business (sumdawnna) a ni lo. Mi duhâm leh mahni ṭânghma hai mi tân doctor hna thawh ve ngawt chi a ni bawk hek lo. Miin sum leh pai neih ṭeuh a duh a, hlâwkna a beisei chuan commerce zir sela, sumdawng mai rawh se.

Mizoram doctor tam tak te hi chuan service rilru pu lovin business rilru an pu tlat. Businessman aiin doctor, sumdawng rilru pute hi an hlauhawm zâwk. Businessman chuan a customer-te tihlâwm a tum a, hlâwkna tam tak a hmuh theih nân tlâwm takin a insiam ṭhin. Doctor, sumdawng rilru pu te erawh mipuiten kan mamawh a, kan pan lo thei lo tih an inhriat chian êm avangin anmahni pantute rilru an hliam fo ṭhin.

Doctor, sumdawnna rilru pu te hian kan sum leh pai chauh min chhuh a ni lo va, kan rilru thlengin min rawk a ni. Anmahni aṭangin damna leh hahdamna kan beisei a; mahse, rilru na deuha min chhuah châng a tam mai. Sum tam tak sêng chungin ṭawngka vîn leh ngaihnobei lo zet zet kan dawng a, kan rilru min tihhnual châng a va tam êm! Min induh khumtute hi sum tam tham tak kan la pe ta deuh deuh zui!

(more…)

Posted in Mizoram, Opinion | 17 Comments »

Keini chu thingtlang mi kan ni a

Saturday, September 28th, 2013

(Ka post khat em mai, hetiang lam bak hi ka ziak thiam ve chuang lo nain)

‘I pian leh murna sawi rawh’ min ti mah ula, ka nu kap karah ka piang a, thingtlanagah ka mur kan ti he haw mai ang. Min dem suh u, dem chi kan ni lo, tahpui chi kan ni. Hawh, mi tahpui hawm hawm teh u.

Put tawrh leh ei tawrh bak thiam leh theih kan la neih loh lai hian, nangni zawngin internet hmanga rawra chhut in lo thiam hman lek lek tawh a. Vaihlo chauh hi zuk tur emaw kan tih laiin, nangni chuan Marijuana thlenga zuk nachangte in lo hre leh hman pek a. Kan ngaisangin nihlawh kan ti lutuk che u ti ila, dawt kan sawi tihna erawh a ni ang.

Iptepui lian hel hawl nen, kawla nichhhuak chhiara kan ta leh hlawhchhuah tak meuh Maian tel kan zakzeh hawn laiin, nangni chuan mi chanvo leh ta tur liau liau in lo paipawn run thei a. Keini’n kan thil neih kan phur a, nangni zawng in thil neihin an phur thung che u a, inawhawm thin ngawt mai.

Keini thingtlanga kamding fanute aia, Muster roll-a thawk fanute keartui a san zawk chhung chuan, pawngsual kan la tawk ve lo turah kan inngai ngawt te hi atthlak hle mah se, kan lawm a la tling thung. Bawkbawn bai, nghathu leh aieng telh Sunday zinga kan la hmeh thei a nih phawt chuan, kan la lawm.

(more…)

Posted in HAHAHA, Lifestyle, Mizo Society & Culture, Opinion | 15 Comments »

MIND-SET: MIZOTE LEH KAN RILRU SUK-THLEK

Friday, September 27th, 2013

MIND-SET: MIZOTE LEH KAN RILRU SUK-THLEK HI:

***********************************************

Ti ti nikhua apiang a kan sawi rik fo thin ‘Mizote hi kan mind-set a dik lo’ kan tih a ‘mind-set tih hi keini ang duang Pu JF-a Dictionary tel lova Sap tawng kawi khat pawh hmang hleitheilo hian ‘mind-set’ tih chu ‘rilru suk-thlek/rilru hawi zawng’ tihna ni fahming ka ti mai a, kan pu JF-a lah chuan a ‘mind-set’ ang zawng chuan min lo chhawp chhuah sak miah lo mai lehnghal a. A enga pawh chu ni se mind-set tih chu rilru sukthlek tihna angah chuan han ngai ve poh ila, tichuan keini Mizote mind-set chungchang hi a tlangpui thu anga lak in tlem in sawi chho ve thung dawn teh ang (a mi zawng zawng leh a Mizo zawng zawng kan ni e ka rawn tihna phei chu a ni hauh lo ania).

MIMAL AH: Mizo te hi hnam chapo tak, mahni engmah ni si lo a midang engahmah ngai lo chi hi kan ni ve hrim hrim mai a, he zia hi mimal ah pawh hian kan chhawm nasa a. Mi an thatna lai leh an thil tih that te va hmuh sak a, va chawimawi sak lam ai chuan sawiselna tur engemaw zawng talh chi hi kan ni tlangpui tlat mai a.

Kohhranah pawh, khawtlangah pawh tin politics lamah pawh nise midangte fak tlakna lai zawn ai chuan sawiselna tur lai zawng ngar ngar mai kan nih avang hian hei hian a tha zawnga min siamthat ai hian innghirnghona a ti tam in in lungruallohna, in huatna leh inngeihlohna a thlen mai mai zawk in a lang tlat mai a, mahni insiamthat nana hman ai chuan ‘ani pawh enge a nih bik’ tih zawng a thu la chi hi kan nih tlangpui avang hian helam zawnga kan rilru sukthlek/kan mind-set hi kan siamthat loh zawngin mimal ang leh a ram ang pawh hian hma kan sawn har kawp ang le.

(more…)

Posted in Opinion, Whatever | 8 Comments »

ZoRO Press Release

Friday, September 27th, 2013

Leaders of Zo Re-Unification Organisation [ZoRO] have been striving for re-unification of Zo Indigenous Nation which have been under tripartite provinces of Assam, Bengal, Burma now divisions of India, Myanmar and Bangladesh during the British colonial period. ZoRO participated in sessions of World Indigenous Peoples under the auspices of United Nation viz.UNWGIP, UNPFII, EMRIP and other seminars and trainings conducted in respect of the rights of the Indigenous Peoples of the world since 1999 till this date. All tribes and clans under Indigenous Zo Nations welcome their tireless efforts and shall continue to support in their fights for the restoration of Indigenous Zo People’s Rights by way of re- unification under a single administrative unit.

Zo People living within Mizoram are trying to make Mizoram a home for all the Indigenous Zo People around the world and we clearly understand that this could only be achieved with the mighty support of Indian Government. We sometimes may appear as if we neglect our brothers and sisters living in India, Myanmar and Bangladesh and indulged in our own self interest by amassing treasure. Another time a horrible scene of suffering and wailing sound of Zo Nation may be seen and heard in facebook, televisions and can be read in newspapers.But things are not really what they are as they appear.

(more…)

Posted in Mizo Society & Culture, Mizoram | 3 Comments »

Ka lawm e, Mi(sual)-nu!

Thursday, September 26th, 2013

Mi(sual) fel tak – Maisek
Khatia hun reilote chhung chama Zoram haw tum ka inpuahchah ve takah chuan, chhungkhat laina hnaite nei mah ila; kan tunlai khawsak dan nen mi ina han thlen ngawt mai kha ka inthlahrung ru khawp mai a. Vanneithlak tak maiin Maisek chhungkuate’n, nikuma an fapa admission buaipuia Bangalore an rawn zin dawn tum a, an thlenna tur ka lo zawnsak ve te mai kha min ngaihhlutsakin min hriatsak tlat mai a. An tawngkam tha ka um ta ngawt mai a ni.

Hei lo liama * hotel
Mahni sum leh pai senga haw ka ni a, hotel-a thleng tura sum leh pai tlahlang kawl ka ni bawk si lo. Ti chuan le, Maisek chenna chu ka pan ve ta ngawt mai le.

Room zau nuam tak (nupui pawh ru chho ta ang ila kan khawsa leng tho ang :-D ) leh thengthaw nuam, felfai taka inrem diam-ah min hruai lut a. Ka ck-na tur laptop a lo chhawp chhuak sa thlap bawk. Hei mai hi duh tawk lovin, room-a thingpui lumna thlengin a chhawp a! Chu mai a ni nem, an nupa ei leh in ang ang min eipui ve zel bawk. Pasal fel leh rilru tluang, kohhran upa kawm nuam tak a nei leh zel bawk si. Ka tlangnel mah mah em aw ka ti rum rum.
(more…)

Posted in Mizo Society & Culture, More than words, Travel, Whatever | 18 Comments »

MIZORAM SUM LEH PAI DINHMUN IN HMA A SAWN NASA

Wednesday, September 25th, 2013

Tunlai hian Mizoram a opposition party lian bera ngaih theih MNF Party chuan Mizoram ah sum leh pai a harsat avang leh kawng tinrengah kan ramin harsatna kan tawh avangin Aizawl khawpui chhungah ‘bandh’ neih an tum tih media hrang hrang chanchinbu, radio leh TV atangin kan hre thin a, kum 2013 MLA General Election kan hmachhawn hunt e a hnaih tawh avangin party tin ten tan pawh an la nasa tawha hetiang huaihawt an tum pawh hi an thiamawm viau e.

Amaherawhchu mihring kan nih chhung chuan heng pawisa leh nitin mamawh thil hi engtiklai pawha kan duh leh mamawh reng, neih belh kan duhna pawhin tawpin tai a neih theih loh thil an ni a chuvangin heng ka rawn sawi tak te khi enge kan dinhmun dik tak tih hriatna tur chuan tehfung dik hman ngai a ni a chutianga kan tih loh chuan inhnialna atthlak tawp hlei thei lo, awmze nei lova a tawngkam thiam zawk zawk dingchan na mai mai min thlenpui thin.

Sum leh pai bikah hian Mizoram dinhmun dik tak, mithiam te pawhin ram sum dinhmun an zirin tehfung a an hman ber atangin i bihchiang ang u. Hetianga kan tih dawn chuan hun hma lam leh tuna kan dinhmun hi a khaikhin loh theih loh avangin bandh huaihawt tum tu party MNF sawrkar lai nen ka han khaikhin teh ang.

(more…)

Posted in Mizoram, Politics | 23 Comments »

ZoRO Press Release

Tuesday, September 24th, 2013

ZO REUNIFICATION ORGANISATION (ZoRO) hi ‘First World Zomi Convention’ tia vuahin Manipur Churrachandpur District chhunga Political Party pakhat ‘ZOMI NATIONAL CONGRESS(ZNC) leh Mizorama Political Party pakhat Peoples Conference (PC)India hnuaia awm te bul tum leh buatsaihin bial hrang hranga Zohnam peng hrang hrang te koh khawm a ni a.

He in kohkhawm hi 1st World Zomi Convention tia vuah a ni a, Zokhawpui Champhai, Mizoramah May ni 19, 20, 21, 1988-ah inkhawmpui hi neih a ni. Inkhawmpui neihlai May Ni 20 nihian PuC.Chawngkunga Ex.Minister Pa te Leilet-Thlam, Sikulatana an hmanlai ah a hmingtur hi reitak sawiho a ni a, Zomi nge hmantur Mizo tihngaihtuah a ni a.

Mi tih tel ve kher lo Zotung, Zophei, Bawmzo, leh Jo leh a dang dang te ngaihtuah chungin ‘ZO’tih hi ni sela,a bul leh tawp a belhin min tibuai lo se, pawl hminga tan chuan‘ZO’tih hi hman ni rawh se ti a khaikhawm a ni ta a ni. He pawl hi Loose Political Forum a nih dawn avangin NGO style lam hawiin ‘ZO RE-UNIFICATION ORGANISATION’ tia a hming vuahin din a ni ta a ni. Hruaitu hmasa te chu

Chairman : Brig.T. Sailo (Ex Chief Minister)
Vice Chairman: 1)PuT.Gogin (Ex Minister)
2) PuC.Chawngkunga (Ex Minister)
Secretary Generals : 1) Pu, Thangkhan Gin Ngaihte
2) Pu, Lalhmingthanga (Ex Minister)

Tichuan,a tum berangalangthupui ‘Slogan’ tarlan turah chuan RE-UNIFICATION WITHIN INDIA tih hmanni se tia rel a nibawk. Hei hi India Danpui hnuaia awmPoliticsl Party te tan chuan thu tihtluk san theihber a nireng a ni.

(more…)

Posted in Mizo Society & Culture | 4 Comments »

MIZO KRISTIAN MARTAR THENKHAT TE

Monday, September 23rd, 2013

Mizo Kristian mi huaisen, an Lalpa tana an nunna hlan tute chu…

Kan ramah hian Kristianna a rawn luhna hi kum 100 chuang erh-awrh chauh a la ni na a Krista tan a pasaltha, ringtu mi ropui tak tak leh Krista tan a mahni nuna pawh hlan ngam martar mi huaisen ropui tak tak kan nei teuh ta mai a. Heng ringtu huaisen Krista tana a nunna hlantu thenkhat te chanchin hi tun tum chu in sawi chho ve thung teh ang.

REV. HRANGCHHINGPUIA: Kum 1915 khan Samlukhaiah lo piangin a nu hian a naupan laiin a thih san a, Lunglei Zohnuaiah pemin pawl VI a passed hnuin Mission Primary school hnuai-ah zirtirtu hna a thawk ve a. 1st January 1946 ah Pi Lallawmi nen an inneih hnuin Cherra Theological college ah kalin 1953 July 7 khan rawn zir chhuakin hemi kukah vek hian Pastor puitlinga nemngheh niin Tlabung Bialtu Pastor atan dah a ni a. Rambuai lai leh Chakma hran lai hun a ni a, a Bial hi a ralti angreng hle nghe nghe a ni.

Amah hi mi taima leh tumruh tak niin kan Mizo A, AW, B te pawh hi siamthat tumin Greek A, AW, B lakhawmin amah ngatin a siam ve a, mahse Kohhran lamin an ngaithei ta vak lo a, a hlamzuih ta a. La dam se chuan kan mithiam tam tak hi chu a cho chhuak ngei in a rinawm. Rambuai intan lai 1966 khan MNF ten Bangladesh a awmhmun an khuar vangin ramri dep Tlabung vel chu a him lo hle a. He movement vang hian Chakma ho hian Mizo an haw em em a, remchana kutthlak an chak hle a ni. Mi thenkhat chuan hre ru tawh mahse hetiang ema inthahna rapthlak a thlen tuman an ring phal ngai lo thung.
(more…)

Posted in More than words | 10 Comments »

BEIDAWNG SUH

Sunday, September 22nd, 2013

BEIDAWNG SUH

I Thlâ chaklo hliam tuar chu a tlu sawp renga
Tanpuitu âu turin âw reng a chhuah thei lo.

I taksa chu i thunun thei rêng rêng tawh lova,
Tanpuitu au turin din chhuah zai reng a rêl thei lo.

Beidawnna in thihpui khawpin a ti mangang che a,
Tanpuitu âu turin beiseina rêng i nei tawh lo.

Khawvel mi te chuan i chahthâk hun thlirin an en thup che a,
Chhandamtu erawh chuan i thawh hun nghak in a vil reng che.

Khawvel mi te chuan “a tlin lovang” an ti che a…
Chandamtu erawh chuan “ i thei tih ka hria” a la ti fan si!!

Angel ten an vil reng che a, Chhamdamtun a mit reng a la sawn lo;
Tho la ding ta che i hliam a dam e; tunah Krista chu pan rawh.

“Misual thi tur an khenbeh khan, chhandamna lui a hmu
Amah angin sual mah ila, min la ngaidam duh e…”

Zra: 19.07.2013
(more…)

Posted in Luangliam, Poetry, Religion | 11 Comments »

« Older Entries