Kan Hmêlma-pa Setana hian Ringtute min Thlêmna leh min Hnehna Hmanrua tam tak a nei a. Chung zingah chuan a Hlauhawm zual 3 a awm a. He Thlêmna-te hi Kristian zingah Pitar-putar, Nula-tlangval, Ramhruaitute leh Rawngbawltu tê ber aţanga Hotu-ber thlenga kan tawh ţhin zinga Hneh hâr tak an ni. Tirhkoh Paulan, “Chuvangin, dinga inring chu fimkhur rawhse, chutilochuan a tlu dah ang e,” (1Kor.10:12) a lo ti hial a. He Thlêmna-ah hian tlu lo turin inringin, i fimkhur ang u.
1. Wealth (Ro-Sum)
Sum leh pai, hausakna duh leh ît avangin mi tam tak an tlû a. Pathian Rawngbawltu fel tak tak pawh hman tlak lohvah an chhuak ţhin. Sum hmang hian Setana’n Ram Hruaitu ţha tak tak leh Pathian Rawngbawltu tam tak a lei tawh a, a lei mek zel a ni. ‘Sum tel lovin rawng kan bawl thei lova, hna kan thawk thei lova, kan nung thei lo’ tih hi thudik a ni. Mahse, Sum hi kan ngaih pawimawh ber a ni tur a ni lova, Sum hian kan thlarau nun leh rawngbawlna a hma-khalh-in, a tichhe tur a ni lo (1Tim.6:10).
2. Power (Nihna/Lâr Duhna)
Miin Nihna (position) emaw, Lâr (popularity) emaw an duh tawh chuan eng thil tih mah an hreh lo. Miţha leh mifelte tih-chhiat te, dik lo taka midang dawta puh (false accusations) te, Pawisa hmanga tute emaw rawih a, Mi chunga kut-thlâk te, Mi Zalenna lei te, Setana biak hial te thlengin an ti duh mai ţhin. He thil hi khawvel mite zingah te, Politics huangah te chauh a thleng lova, Pathian rawngbawltute zingah pawh a thleng mêk a ni. Setana ngei pawh kha Nihna a duh avangin Van aţanga paithlâk a ni (Isaia 14:12-17).
3. Women (Pleasure/Sex)
Achunga tarlan bakah khian, Setan hian Tisa nawmchenna leh Mipat-hmeichhiatna (pleasure & sex) hmangin Kristian Ţhalai tam tak a suat mek a. Nu leh pate pawh an bang lo. Pastor, Evangelist, Missionary leh Rawngbawltu ropui tak tak-te pawh he Hmanraw chimawm tak hmang hian a hneh fo ţhin. India rama Missionary Society lian leh hlun taka an Hruaitu Mipat-hmeichhiatnaa a tlûk-chhiatna thu-te khan lung a ti chhe ngawih ngawih a nih kha. He Setana Thang hlauhawm leh chimawm taka mi a âwh tawh chuan, an tâlchhuak mai mai tawh lo. He Hmeichhiat-mipatna Sual hi Pathian Huat ber-te zinga mi a nih avangin a Hrêmna pawh a nâ hle a nih kha (1Kor.10:1-33). Khawvela Ramhruaitu ropui, America President hlui chanchin pawh kan la hre reng awm e. Fimkhur hle ang che.
Ngaihtuah Zui Atan…
Achunga kan sawi tâk “Setana Thlêmna Thang Hlauhawm Ber 3” {The 3 Most Dangerous Weapons Of Satan}-te aţanga Filhlim lo Rawngbawltu i nih chuan, Pathianin a Hmang tak tak thei lovang che. Hei hi a Chhan ber chu Pathianin Ama Ta (Rawngbawltu dik tak) chu a hre kiau a, Ama ta ni lo, Sual kalsan lo, Setana Thanga la âwk reng mihring chu a Hmang Thei Lo a ni (2Tim.2:19, 26).
Paula hian a sawi chiang viau bawk, “Mi ţhenkhat sual chu a langsâr a, an tuar nghal bawk ţhin, ţhenkhat erawh chu a lang lawk lem lo va. Chutiang bawkin thil ţha tih lang nghal a awm a, lang nghal rih lo mah se thup hlen theih a ni lo” tiin (1Tim.5:24-25).
He Thu hi hre lova, tum reng vang emaw, duh reng vang emaw ni lova i lo tlu palh a nih chuan, Pathian hnenah Sim-in, ti-nawn leh tawh miah lo turin kir thuai ang che. TUM RENG VANG LEH DUH RENG VANG A, HRE RENG CHUNGA I TISUAL LUI FO A NIH NGAT CHUAN, I NGAIHTUAHAWM HLE TIHNA A NI (intentionally, willingly & knowingly committed sin habitually). Hetianga Pathian laka Sual lian tak i khawih a nih chuan, Nangmah chauh i Chhe dawn lova, Midangte pawh i Ti-chhe tel dawn tih i hre reng dawn nia (1Kor.10:1-33, 2Kor.4:2, 6:3, 1John.3:1-24).
Similar Posts:
- Setana’n Evi A Thlêm Dân {Sunday Pual}
- Natna hi sual a ni em?
- Setana hi a awm tak tak em?
- Varparh, zing lam fapa- Setana leh diabola lo ni ta chu.
- Setana hi a biak tlak tak tak em?
December 15th, 2013 at 8:08 pm
A tha hle mai…..thlemna pathumte khi do zawh har tak a ni….
Report this comment
December 15th, 2013 at 8:39 pm
A bik takin pakhatna leh pathumna khi ka do zo kher lo mai thei a ni…
Report this comment
December 15th, 2013 at 8:56 pm
No 3 khi do zawh a har ber ang.
Report this comment
December 16th, 2013 at 1:02 am
Ka amen zawng tak ani.
Mizoram ah chuan Zu, zu hmun hlima…an ti thin
Report this comment
December 16th, 2013 at 7:48 am
Tha lutuk
Report this comment
December 16th, 2013 at 10:05 pm
A dik khawp mai. 1 na khi chu it tur ka nei lo law law a, a ziaawm phian. 2 na pawh hi mihring nih chhung chuan, a rawn inlar ve zeuh zeuh duh phian, mahse hei pawh chance a awm tak tak lo hlauh. 3 na hi tleirawl thazat zek zawk lai phei chuan, a harsa khawp mai, ‘Mipangai nihna’ an ti teh hlauh a, inhnemna tha ve tak chu a ni. Tirhkoh Paula’n “Mi zawng zawng hi keimah ang hi vek thei sela, ka duh amaherawhchu, Suala tluk phah dawn ai chuan, mitinin mahni kawppui(nupui/pasal) nei theuh rawh se” a tih kha a fing hi ka i khawp a,
Nupui/pasal neih hian rawngbawltu helama chaklote chu nasa takin min veng thei ang. Pa nih tawh hnuah hi chuan, min lo * viau pawhin, an beisei thui tak tak ngam tawh lo… 
Report this comment
December 17th, 2013 at 3:29 am
Report this comment
December 17th, 2013 at 8:04 pm
Kan hriat tur tak a nih hi mawle !
Report this comment
December 18th, 2013 at 10:20 am
Min lo Chhiarsak-tute zawng zawng chungah Lawmthu ka sawi e
#6 Pu Pk, i sawi dik khawp mai. A “Invenna Hmanrua” lampang ka sawi miah lova, i rawn sawi chhuak a, a bengvarthlak khawp mai, Post a phuisui leh zual, ka lawm e.
Report this comment
December 21st, 2013 at 1:24 am
A dik thawkhat hlawm fu mai. Mahse, hlauhawm bera ka hriat chu BEIDAWN NA.
Report this comment