Archive for December, 2013

KAN RAM THIL HLU KAN HUMHALH VE DAN HI

Friday, December 20th, 2013

KAN RAM THIL HLU KAN HUMHALH VE DAN HI
********************************************
{Sawrkar leh mipui te hi i harh chhuak tawh teh ang u…}

Tunlai chu helam hi ka vei ve riau mai a chuvangin ka rawn post chhuak ve thuai mai a min lo hrethiam dawn nia. Hman deuh khan Sialsuk tlang sawrkar in a cheibawl tur chungchang sawi a awm nasa tan leh hle mai a. Kan ram thil hlu kan ‘Historical Monuments’ te leh kan ‘Natural Beauty’ te kan enkawl a kan sawngbawl dan hi kan sawrkar leh mipui te pawh kan in bih chian deuh a ngai a ka hriat ve avangin hemi chungchang hi kan sawi ve lawk ange.

 
He thlalak a kan hmuh hmasak ber hi Kan Mizo thawnthu a Chawngchilhi puk, Thenzawl khaw bul mai Vantawngkhawhthla penna bul lawk a awm kha a ni a ni a. Heti hian chei danglam a ni a, a ropui tawh khawp mai, mahse a thawnthu nena han mitthla chuan tunah chuan ngaihruat in lunglen a hril pha meuh ta lo. A kal chhohna step hi an siam dawn a nih pawh in thla han lak vel a lang chho tuarh tur lo deuh hian a sir lam deuh ah hian siam ni ta se thil buaithlak engmah a awm hmel lemloh. Tunah hi chuan a step lang tel lo a a thlalak hi chu a theihloh tluk a ni ta. A originality a ti bo khawp mai. (more…)

Mihring taksa/kawchhung a thlai ṭiak

Thursday, December 19th, 2013

Ron Sveden chu nasa takin a khuh ṭhin a, a hnu phei chuan a marphu leh thaw thlengin a buai zo ta. Ambulance kovin damdawiin lam an panpui ta nge nge a. Dâktawr ten an han en ṭhin a, engmah an hmu lawk lo. A vawi 3 naah chuan a chuap (lung) chhungah chuan ‘pea’ rah a lo ṭiak a ni tih an hmu ta a ni.

Mihring hian thil kan eiin kan thawkna dawt (trachea) a a luh loh nan thil inkhar khep khep thei epilottis a awm a, chumi chuan thawkna dawt a thil sakhat a luh nan nan a veng ṭhin a ni. A luh chuan kan hak (choak) mai ṭhin a nih hi. Chutiang bawkin chaw kawng a thli a luh chuan vawih leh irh a siam ṭhin bawk a nih kha. Kan thawkna dawt a thil sakhat lut tur vengtu epilottis chuan hmaih palh a nei ṭhin a, chutiangah chuan Ron-a chuapah chuan a pea hel ei chu a lo lut palh a, thlai chiin ṭiah ( sprout) theihna atan a mamawh hnawm, boruak leh lum chu a awm vek si a a ṭiak ta mai a ni. Tlem a tlemah a thihpui lo chauh a nih chu.

Kum 2010 a thil thleng tawh mah nise, a dangdai em mai a ka rawn phawrh chhuak a ni e.

Chhiar belh duh tan:
Read More at Source

KRISMAS LEH A BEHBAWM

Wednesday, December 18th, 2013

KRISMAS LEH A BEHBAWM
*************************
Krismas Special- Krismas chungchanga mak ka tih leh ka thuchah (I lo chhut chiang ve ngai em?)

Hei le, kumtluan a kan nghahhleh em em Krismas alo hnai leh ta bawk a, kan rilru in Bethlehem lam a hawi leh hawi loh lam chu ka hre lem lo a. Mahse he hunpui lo thleng tur hian mitin te thinlungah hian engtin emaw tak chuan hna a thawk a ni tehchek ang chu mimal, chhungkua, khawtlang leh kohhran kan inpuahchah leh ta mup mup mai a. Biak inah te Krismas lam hawi thusawi hriattur a tam in Lal Isua pianna lam hawi a thu sawi leh ziak a tam leh ta hle mai a. Tun tumah pawh hian Krismas lam hawi ka rilrua a lo awm eng engemaw rawn sawi ve ka tum a ni a. A lo pianna tlawm zia te emaw, a ropui zia te emaw rawn sawi ka tum ve lem lova, hetiang ang hawi zawng hi chuan kei aia sawi thiam tak takin an sawi nasa tawh tih pawh ka hria. Ka rawn sawi tum ve erawh chu tawite in Lal Isua lo pian chungchanga thil mak ka tih ve deuh deuh te hi tlemazawng ka rawn sawi ve dawn a ni a. Kan lo chhut chiang ve ngai hlawm emaw phei chu ka hre lemlova. Thil reng reng hi chu mahni ngaihtuah dan zawng te te hi a awm ve a. Chu ka ngaihtuahna mawlmang te a mak ka tih ve deuh deuh ho te hi ka’n rawn pho chhuak ve ange. (more…)

Indian Airforce chuan Mig-21 thenkhat chu a chawlhtir ta..

Wednesday, December 18th, 2013

IAF Mig-21FL
“Flying Coffin” tia sakhming an phuah el fo thin India in supersonic jet fighter a neih hmasak ber chu 12th December 2013 (thursday) khan ui tak chunga thlahliam ani ta. India hian he fighter hi vawilehkhata chawlhtir vek lo in a tahtawl a tihtlem hret hret a tum mek a, a hmasa ber turin FL variant(Type77) chu an chawlhtir ta phawt a ni. Tun atanga kum 4 velah hian M-variant leh Bison variant te nen avaiin chawlhtir vek hman tum a ni. Mig-21 hi a hun alo liam ve ta a, a vanglai leh a chhuahtirh te kha chuan khawthlang ram te hlauh rawn a tling ve tak zet anih kha. India hian kum 50 zet he fighter hi alo chulnel tawh ani. Mig-21 thlak tur hian India in a kutkawiha a siam LCA Tejas chu ruahman mek ani bawk. Tuna IAF hotu NAK Browne pawh hi tuna chawl ta Mig-21FL pilot hlui ani bawk.

GORKHALI

Wednesday, December 18th, 2013

GORKHALI – IN REFERENCE TO T.ZAPTE’S ARTICLE PUBLISHED ON VANGLAINI 6th DECEMBER 2013

(Vanglaini Chanchinbu(email contact@vanglaini.com) ah publish turin he article hi ka thawn a, vawi thum vel ka follow up tawh a, acknwoledgement ka dawn loh avangin heatah ka rawn submit ta mai )

Pu/Pi T.Zapte,

“Gorkhali” tih thupui hmanga Vanglaini (6th December 2013) a article I rawn ziah ah khan thil hriathiam loh leh chiang tawk lo a awmin ka hria a. Chung thil chiang tawklo te chu a nihna diktak rawn tarlan chu ka tihtur tak ni a inhriatna liantak ka nei tlat mai a. A hmasa in I article ziah atanga points thenkhat te kha kan sawi zau deuh phot anga. Chumi zawhah he article Bung hnihna lamah ah chuan Mizoram Gorkhali te leh an hmanlai leh tunlai nun, OBC status etc te ka theih ang tawk in rawn sawizau ka tum dawn nia.

1. Mizoram ah Gorkhali te hi kum 100 chuang an lo awm tawh I tih hi a dik e.

2. I thu ziah ah khan, “Zoram buai (1966) hnu phei kha chuan Nepal aṭangin a duh apiang deuhthaw kan ramah an lo lut a” I ti a, “A duh apiang an lo lut” i tih kha Nepal mite i sawina ni ah ka ngai a. 1966 hnu lama lo lut te khi Mizoram Government/Central Government hian India Citizen ah a pawm lo. Nepal lam atang a lo lut i tih te leh Mizoram Gorkhali lo awm nget sa te hi hriatpawlh lo hram a pawimawh.

3. “Nikum lamah khan, Aizawl a Mahatma Gandhi lim hmaah aite chhin nan, hmun danga ‘state’ tur sual thlawpin Gorkhali-ho an pungkhawm ṭeuh bawkin an sawi” i tih hi nikum lam nilovin thla hnih khat kalta a thil thleng a ni a. Hetah hian state dang an va support tihna lam aiin India ram chhunga Gorkhali(as a culture) in “Identity” an lo neih ve theihna lampang kha an va support zawk tih hi ka hriatdan a ni.

4. OBC chungchanga a newspaper transcript i rawn thailang a. A bengvar thlak viau a. Hetah hian “Mizoram Gorkha Joint Action Committee chuan OBC dinhmuna dah an nih pawhin State Sorkar-ah Reservation an nei dawn lo a, Central Sorkar hnuaiah chiah a nih tur an tarlang “ i tih hi ka hriatdan chuan dik ber mai awm e. A dik ber chu zirchian theih turah ka ngai. (more…)

Hriselna ngaih pawimawh!

Wednesday, December 18th, 2013

Mihringte hian kan hriselna hi kan ngaih pawimawh a kan in uluk a ṭul hle. Taksa a hrisel lovin engmah tih a nuam ngai lova, neih sum tam tak senralna thlentu a ni ṭhin fo bawk.

Khawvel ram changkang zawkahte chuan inhrilh nawn fo ngai lovin an bengvar thei viau hlawm a ni. Damdawi lam thiamte hnen a uluk tak a inentir fo e tilo chuan hetiang ram changkang tam tak, entirnan USA ang a mi tamtak te erawh, ei leh inah an insum theilo em em a, chutiang a nih vang chuan zunthlum, thisen sang leh lung (heart) lam natna khirh tak tak a tam viau tho mai. Eitur duh ang ang, tui tih ang chi a awm kim em mai a, engzat nge an ei an ngaihtuah ta lova insawizawi (excercise) an lak tlem leh si vang pawh a ni mahna le; chet hlekin lirthei lekchhuah alo ni zel bawk nen taksa tan hrisel a har viau pawh a ni mahna! (more…)

Setana Thlêmna Thang Hlauhawm Ber 3

Sunday, December 15th, 2013

Kan Hmêlma-pa Setana hian Ringtute min Thlêmna leh min Hnehna Hmanrua tam tak a nei a. Chung zingah chuan a Hlauhawm zual 3 a awm a. He Thlêmna-te hi Kristian zingah Pitar-putar, Nula-tlangval, Ramhruaitute leh Rawngbawltu tê ber aţanga Hotu-ber thlenga kan tawh ţhin zinga Hneh hâr tak an ni. Tirhkoh Paulan, “Chuvangin, dinga inring chu fimkhur rawhse, chutilochuan a tlu dah ang e,” (1Kor.10:12) a lo ti hial a. He Thlêmna-ah hian tlu lo turin inringin, i fimkhur ang u.

1. Wealth (Ro-Sum)
Sum leh pai, hausakna duh leh ît avangin mi tam tak an tlû a. Pathian Rawngbawltu fel tak tak pawh hman tlak lohvah an chhuak ţhin. Sum hmang hian Setana’n Ram Hruaitu ţha tak tak leh Pathian Rawngbawltu tam tak a lei tawh a, a lei mek zel a ni. ‘Sum tel lovin rawng kan bawl thei lova, hna kan thawk thei lova, kan nung thei lo’ tih hi thudik a ni. Mahse, Sum hi kan ngaih pawimawh ber a ni tur a ni lova, Sum hian kan thlarau nun leh rawngbawlna a hma-khalh-in, a tichhe tur a ni lo (1Tim.6:10).

2. Power (Nihna/Lâr Duhna)
Miin Nihna (position) emaw, Lâr (popularity) emaw an duh tawh chuan eng thil tih mah an hreh lo. Miţha leh mifelte tih-chhiat te, dik lo taka midang dawta puh (false accusations) te, Pawisa hmanga tute emaw rawih a, Mi chunga kut-thlâk te, Mi Zalenna lei te, Setana biak hial te  thlengin an ti duh mai ţhin. He thil hi khawvel mite zingah te, Politics huangah te chauh a thleng lova, Pathian rawngbawltute zingah pawh a thleng mêk a ni. Setana ngei pawh kha Nihna a duh avangin Van aţanga paithlâk a ni (Isaia 14:12-17).
(more…)

Supreme Court thutlukna siam kha!

Friday, December 13th, 2013

Section 377 IPC (Indian Penal Code) hmang a Indian supreme Court thutlukna siam chungchang a rilru zau zawk a ka hmuhdan leh ngaihdan (Ve hmiah mai a).

Sawrkar hian dan chi hrang hrang a siam ṭhin a, chu’ng dan leh dun a siamte chu an kenkawh ṭhat dan a zirin, dan ṭha a nih leh nih loh a hriat theih foin ka ring a, chuta ṭang chuan hman reng chi a nih leh nih lovah dan ang a hman hun chhung a inanglo thei viau awm e. Engpawh nise, tun a Supreme Court thurel thluk hi ram dan leh hrai zing a telh a tan chuan a fuhber lo maithei tihna rilru ka nei. Mimal tin hian zalenna kan neih theih dan democracy pawh a awm niin ka hria a, chumi chu a kalh thei bawk maithei. Chuvangin an kengkawh a nih pawhin a daihrei theiin ka ring lem lo viau! (more…)

TAR KA LO NIH HUNAH CHUAN

Thursday, December 12th, 2013

TAR KA LO NIH HUNAH CHUAN:
*****************************

Hei kan Pathianthu in mihring dam chen atana a lo sawi chanve zet chu ka lo hmang ral ve ta reng mai a, ka hringnun damchung kawng chanve zet chu ka lo zawh zo ve ta. Tawngthu chhia ni suh se mihring dam chen pangngai atana siamtu in a ruat te ka lo dam tluantling ve te a nih ngai chuan chutih hunah chuan ‘tar’ ka lo ni ve tawh mai dawn a, chu hun chu a ni ngun tak a ka’n dawn vang vang a damrei nih ka chak rual rual a ka hupurh em em mai chu. Nang chuan he ka rilru ngaihtuahna hi min tawmpui pha kher lo anga mahse mihringte hi kan dam a kan hriselna te a lo that chuan he lei hringnun kan hman hunbi tawplamah hi chuan tupawh mai hian kan hun hmawr kan bawk hunah chuan ‘tar’ nihna dinhmun hi kan kalkan dawn hauh lo mai a, chu tar dihnmun a ka din ve hun tur chu a ni lungngai taka ka dawn fo thin chu.
(more…)

Tunkum thlasik

Wednesday, December 11th, 2013

United States a Washington Metro Area-ah hian vur tlain sur ve ṭhin mahse a tlangpui thuin vur surna ṭhin hmundang ai chuan a ziaawm fo ṭhin. Kum 2009 thlasik chho velah khan hrat theih chin a Washington Metro Area a snow storm nasa ber chu a awm a, 2010 February a mi phei kha chu”Snowmageddon” tih hming a chawi ta nghe nghe a nih kha.
Snowmageddon

Tichuan kum thum emaw lai thlasik mumal pawh nei lova Washington Metro Area a awm hnu, December 8, 2013 chawhnu aṭangin vur chu namen lovin a sur ve leh ṭan ta. He vur rawn haw hian hmun a awh zau em em mai a, United States a hmun tamzawk chu a hrut kim deuh vek awm e. Kan awmna khua Frederick (City of Frederick), Maryland state-ah chuan Chawlhni, December 8, 2013 chuan inchi 8 a sur e an ti a, kan kawmcharah erawh feet khat emaw tal chu a teh theih a, hmelhriat dangte pawhin chutiang zat bawr vel chu an sawi tho mai.

Kan kawmchar a pot lian ve tak a vur awm:

(more…)