In ennawn fo avan tha em!

May 10th, 2015 12:57 pm by Henry Vangchhia

Ngaihtuah chang ka ngah ta hle mai, ka ngaihtuah nasat poh leh “Mizo” intite kan lo racist zia hi zahtlak ti khawpin ka chiang tawlh tawlh mai chu a ni e. “Mizo” inti-te aia racist hi HITLER bak kha an awm dawn em ni chu le aw, ka ti deuh hial thin bawk.

Mongol thlah hrang hrang indo reng mai huikhawmtu leh ram pakhata dintu, Temujin (Chinggis Khan) kha chuan, an chak theih zawknan a hmelma (a chipui Borjigin tribe nilo) pawh a generalah hial a dah duh a nih kha mawle. Keini “Mizo” intite hi chuan, “Mizo” intiten kan chipui nireng si pawh an awmna ram a danglam vang a an identity a danglam-in emaw, an hnam bil tawng an la hman vang hian “Mizo pawh inti duhlo” kan ti leh mai thin nia mawle.

Mizo Union chuan 1947 khan India leh Kumpinu sawrkar ah Lusei vek kan nih loh thu ziakin, “Mizo Memorandum” an thehlut a, tah chuan tute nge Mizo chu chiang takin an ziak lang a ni. A hnu kum 1954 chuan, “The Lushai Hills District (Change of Name) Act, 1954” hmangin, Lusei chauh huam awm taka “Lushai” min lo tihna thin atang chuan, Zohnahthlak zawng zawng min huamin, “Mizo District” tiin an thlak ta nghe nghe a nih kha.

“Mizo tawng” hmangtute hi kan tam ber a, chuvangin u ber chan changin nau zawk (minority) chu a huikhawmtu nih hi kan mawhphurhna niin ka hre takzet. Tuna kan awm ang hi chuan kan darhin, intifing tak siin hnam leh hnam kan la innghirngho zual telh telh mai ang tih a hlauhawm takzet a ni. Zofa-te luah chin, Burma ram leh Bangladesh velte nen kan insuihzawm tawh kumkhua kher lovang, mahse, “tanrual hi chakna a ni” tih hi hre rengin, identity hman danglam vang emaw mai main inen hrang lo ila ka duhin ka ngen a ni e. Racist ni lovin patriot ni zawk ila kan ropui thei zawk khawp ang.

Similar Posts:

Recent Posts:

11 Responses to “In ennawn fo avan tha em!”

  1. 1
    RTPA Says:

    Non-Mizo category an siam kha chu diklo khop mai… huissss ka comment loh na van rei tawh tak em misual ah hian… maimawm ril pawh lo zam nasa khop mai ka rawn luh chuan…

    Report this comment

  2. 2
    chhana Says:

    A dik khawp mai. Mahse, i sawi tam tak hi chuan an inti Mizo lemlo deuh chuan ka hria.

    Report this comment

  3. 3
    H.Vangchhia Says:

    Ziak ang khian, kan kalphung theuh, ram hrang tlang hranga kan awm a kan identity neih ang hi chumi ram a mi lote hian inpawmsak ve thiam mai ila chuan kan racism zealotna hi a zia phah ngeiin ka ring tlat a ni. Mizo, Zomi, Chin tihte hi identity mai an ni a, hnam hming a nilo tih hi puitling chin chuan kan hriat vek a rinawm. Chuti chung chuan “Mizo” tih hmanglo chu Mizoram a cheng, engkim a extreme em em maite hian kan hnampui Fanai, Bawitlung, Khawlhring, Vangchhia, Hualngo, Zahau, Ralte etc. pawh nise hnamkhatah kan chhiartha duh der lo hi kan sual luhlul tukhum pawn vang mai mai niin ka hria.

    Hairehai :)

    Report this comment

  4. 4
    bulaya Says:

    He subject hi chu a har deuh ani. ‘Political issue’ ti a thlehmawi kan tum pawhin a bulthum chu ‘Social issue’ tho niin a lang. Ccpur, Manipur velah ngat phei chuan kuki, hmar, paite etc… feeling-ah boruak a sosang hma phat phat thin teh ania.

    Report this comment

  5. 5
    H.Vangchhia Says:

    ^ Chu tak chu a lawm, kan identity hman theuh hi mihrang anga inen lovin inpawmsak mai loh chuan kan inenhrang zo vek dawnin ka hria. Kan racist em a ni e. Chutiang tur chuan tawng hman tam ber, tun a kan hman mek “Mizo Tawng” kan tih hmangtute hian u ber nih kan chan thiam a huikhawmtu kan nih a pawimawh. Tun angah hi chuan a tidarh zualtu kan ni theiin a rinawm, kan chapo em mai.

    Report this comment

  6. 6
    H.zate Says:

    Commented… Haha.
    Misual goes mobile. Tukin atang hian ka hre chiah. Nikum lam khan tih ka tum thin a, theih thin lo a.
    A tha e. Pu i thuziak hi.
    Mak deuh chu vai ramah pawh hian keini mizoram a cheng mizo tawng hmang ho hi kan mizo pui hnam peng dangte lakah (eng hnam pawh mizorama chenglo )kan hrang (bing) tlat zel. Tu huatthu suh ah ‘khawtlang thalai thiltihnaa UPC thalai ‘ an sawi ang vel kan ni.

    Report this comment

  7. 7
    H.Vangchhia Says:

    ^ Chuvang tak chuan a huikhawmtu tur chu a tam ber keini ho hi kan ni. U zawk chan kan chan thiam a pawimawh. hairehai (Y)

    Report this comment

  8. 8
    century child Says:

    Ka hul, tih tala comment ve hram ka duh, comment lohna rei emai :)

    Report this comment

  9. 9
    (kathy van zeeland handbags|etienne aigner handbags|sak handbags|sorial handbags|bueno handbags|rioni handbags|urban expressions handbags|phillip lim handbags|madi claire handbags|zara handbags|wholesale handbag|designer handbags wholesale|handbag designe Says:

    (kathy van zeeland handbags|etienne aigner handbags|sak handbags|sorial handbags|bueno handbags|rioni handbags|urban expressions handbags|phillip lim handbags|madi claire handbags|zara handbags|wholesale handbag|designer handbags wholesale|handbag de…

    In ennawn fo avan tha em! | mi(sual).com

    Report this comment

  10. 10
    simplemente haga clic en el sitio de Internet hasta que viene Says:

    simplemente haga clic en el sitio de Internet hasta que viene

    In ennawn fo avan tha em! | mi(sual).com

    Report this comment

  11. 11
    (handbags|designer handbags|tory burch handbags|handbag|wholesale handbags|brahmin handbags|handbags on sale|leather handbags|dior handbags|cheap handbags|jessica simpson handbags|furla handbags|betsey johnson handbags|cheap designer handbags|handbags who Says:

    (handbags|designer handbags|tory burch handbags|handbag|wholesale handbags|brahmin handbags|handbags on sale|leather handbags|dior handbags|cheap handbags|jessica simpson handbags|furla handbags|betsey johnson handbags|cheap designer handbags|handbag…

    In ennawn fo avan tha em! | mi(sual).com

    Report this comment

Leave a Reply

You must be logged in to post a comment.