mi(sual).com

Kumin kum chawhnu lam khan, fiamthu dahna blog mumal a la awm lova ka hriat vang leh, kan Mizo fiamthu tam takte an bo zung zung loh nan leh dahthat nan tiin blog ka siam ve a. Chu chu hmun hrang hranga Mizn awmte’n anmahni tawng ngeia fiamthu chhiar tur, internet-a an zawn changa puitu leh mi thenkhatte’n pur chawk nana an duh beiseina nen a ni.

A hmingah Fiamthu Huang ka ti a, a blog URL chu fiamthuhuang.blogspot.com a ni. Facebook lamah pawh fan page Fiamthu Huang tiin ka siam a, ka phur hman viau. Fiamthu pawh a za tel teh meuh mai a awm tawh a, video thenkhat pawh ka dah tawh a, a lo hlimpui a mual mual chu an awm vein ka hria a, ka hlim hman hle.

Amaherawhchu! Thla khat vel kal ta atang khan luh theih miah lohvin remove a nih tawh thu min hrilh a. Ka remove lo va, midang ka account hack-a remove tur âwm an awm ka hre bawk si lo. Luh ve han tum chhin mah ula, in hrethiam mai ang.
(more…)

Kum 2010 February Ni 6 atang khan Blog hi ka siam ve tan a. Phuailuai leh phelh phengphungin ka kut hnu enge maw zat chu ka lo rem khawm ve ta ur mai! Thuziak mi leh thiam tak ni lo chung hian thu ziak erawh ka hrat ve hlur bawk vei nen. Ka thaikawi thu ningnel leh mite kut hnu ang phaklo tak hi ka tu leh fate, ka thlahte kal zel ten an duh huna an hai chhuah leh theih turin dah reng ka duh ve miau mai si a.

Chuan, blog hi engtik atang khan nge Create theih a siam a nih a, eng chen nge a daih a tih te hi hriat ka va chak em. Nakin lawka a kalphung thlak a, tuna Blog awm lai mekte hi Drop hun hi ala awm mai ang em? a create tu ten kan drop nilo hian Blogger hi tihtawp ala ni leh mai ang em? Kumhlun tur thil atan thu dah that nan a rinthlak ang em le?

Blog thar WElcome 2 Mizoram ka siam ve a, topic hrang hranga ka then hran hnuah kan hmun pawimawh leh an thlalakte, a tlawh pawh dan leh hun duh chen turte min lo hrilh theih emaw chuan ka lawm hle ang. He Blog thar hi Chrome atanga enin a lang dik ber a, Firefox leh thil dang atang chuan a nih dan tur a ang zo kher lovang. In tanpuina ka lo nghak e.