Archive for the ‘HAHAHA’ Category

Pawngeklira

Saturday, March 9th, 2013

Ni khat chu Pawngeklira hi Republic Veng atangin bazar lamah a kal dawn a. Sikulpuikawnah a thianpa dawrah a han dak zuai a. A thianpa chuan, “E khai Pawngeklira a ni reng mai, i dam tha maw? I thisen sang te enge a an, i inenkawl tha em?” a lo ti lem hlei lo a.

A kal zel a. Khatla traffic point ah chuan a nupui nau a lo duty hlauh mai a. Traffic police chuan, “Pawngeklir tikhan lo nghak lawk la, motor hi ka phar ding anga i kal dawn nia,” pawh chu a lo ti lem hlei lo a.

Zodin a thlen chuan a hah tawh hle a, a ke ruh te a na thum tawh a. Bus tawt deuh mai hi a rawn kal a, an veng te bus a lo ni a. Conductor chuan, “Pawngeklir lo chuang ta che, bus fare pawh min pek a ngai lo ang,” pawh a lo ti lem hlei lo a.
(more…)

Posted in Fiction, HAHAHA | 20 Comments »

Mizo tawng tak hi chu aw…!

Monday, March 4th, 2013

A sakawr chu lian hle mah se a chunga chuang a len em avang chuan kel tiat chauhin a lang a. A hmel te chu rorumin pa viau mah se a bianga chemtea an zaina ser chuan a pawt nui deuh sáng reng a…

A rorum em avangin a nupui chu, “Ka hmangaih che,” tih a zak ngawih ngawih a. Sawi luih a tum ngial pawhin, “Pawngsual atan ka ît che,” a ti leh dum dum mai thin a, mahse, Mary chuan hmangaihna kamchhuak na na na chu a hai chuang bik hauh lo va. Mary chuan hmeichhe diktak tih takah pangang a hlauhzia a sawi siam siam a, a pasal roruma ve thung chuan inawhhlum mai a châkzia te, nghapih leh dangpuithu tui a tihzia te a sawi khu rum rum a. A siamna industry din ve mai a duh deuh thu te pawh a sawi puak pawp pawp a.

A nupui Mary erawh chuan a duh loh thu a sawi keuh keuh lai chuan a pasal roruma chuan midum thling hîp a châkzia a lo sawi têk chhuai chhuai a. A cowboy tan laia a puakruk phawi ranzia an hre lovang tih a hlauh avanga khaw pahnih an mang thak thu te chu a kâa thotle thlawk lut thial riap riap pah chuan a sawi ban chap chap a. A chal chu a khi tuarh a, a chal khi kar atang chuan rannung chi hrang hrang an lo chhuak nguah nguah a…

Posted in HAHAHA, More than words | 17 Comments »

2013 March Fiamthu

Sunday, March 3rd, 2013

1. “Nu, ka pum a nâ..”
“Va ê rawh!”
“Nu, ka lu a nâ a nia…”
“Va mu rawh!”

2. An chapchar kut hmang zo, a bialnu nen chance an nei hlauh mai, a rai palh a hlau bawk nen damdawi dawrah, “Condom thangchhuah kawr rawng in nei em?” a’n ti deuh kher ah!

3. Mi thlamah khan a lo ê a, thlam neitu kha a rawn thleg thut a, thinrim tawkin, “Ngati nge khatah khan i êk ngawt a?” a tia. Tlangval chu ngawi rengin a inha mawlh mawlh a, thlam neitupa’n, “Ngati nge i êk ngawt?” a tih leh pawhin a ngawi tlat a. Ngawi rengin a chhuak a, in a thleng chu bathroom-ah lutin zawitein, “Ka ê a ni mai ni,” a ti dût.

4. Sakhi thang a kam a, a va en leh chuan savawm a lo awk a, hlado a chham ve a, “Savawm e, a thang pawh hre lo e, sakhi thangah a awk e..” zuk ti chiam a!

5. A piangthar ngun ve tawh viau a niang, Gospel camping-ah lut a, testimony a sawi ve dawn a, lecturn-ah inthlahrun hmel tawkin, “Ka awih em em tawh lo pawh in ti mai thei ah..” a’n ti hmasa të të ah!

6. “Ka pi, i fanu hi party-naah kan hruai thei ang em?”
“Thei lo ang! In ti thin!”

(more…)

Posted in HAHAHA | 21 Comments »

Zu nge Zawngtah

Thursday, February 28th, 2013

Zu in leh zawngtah ei hi chu thil inang deuh ania aw.

A tawk chiah a kan lem chuan zu leh zawngtah hian chaw ei an ti tui lutuk a, mahse a tawk chiah hi hriat a har em mai pawh a.

Tam lutuk ei chuan zawngtah hian pum lam ah hna a thawk hmasa ber ang chiah hian, zu pawh hian pum ah a thawk a, a tam lutuk chin ah chuan chhuahna bawk ania zawngtah ang thoin a zawn ni. Pakhat in hnuailam a pan a, pakhat in chunglam.

A tuina pawh fuh tawh laklawh chuan, engzat pawhin, an ngam nia mawle. A van poh leh a nei awmchhun chuan an la intihtheih pui em em zel.

Kan lem tam emaw tam lo emaw bul ami te hian a rim hi an lo hre ve tho tho nia, a tam leh tlem lam ai mah chuan a rim hi ani midang in an hriat hmasak fo thin zawk chu.

Posted in HAHAHA | 18 Comments »

ZNP kan tlhan tlin chuan eiru ho tan khua a eng dawn, an ti

Saturday, February 23rd, 2013

News leh comment ka lo hmuh ve thuak ah chuan hmanni ZNP ho kawngzawhna ah khan an hotu pakhatin an party kan thlan tlin chuan corruption lama in hmamhnawih nia puhte case khar an tum, tih an sawi ani awm e.

Nikum maia MNF ho pawisa sem tum ang deuh khan thil tha tak anih ka ring. Corruption lama kut bal ho zawng zawng hi man in tan tir a ila, sorkar office ah office hmuh tur alawi an awm dawn si lo. Biakin nise kohhran upa an tlewm phah kawk dawn si a. ZNP ho tiam anga ngaihdam mai hi thatna riau a awm into velo maw?

Posted in Corruption, HAHAHA | 9 Comments »

Tuaisiala ding dawn?

Wednesday, February 20th, 2013

Kan hriat theuh angin hei kan hma lawkah Chalfilh bialah chuan chhiatna rapthlak tak avangin MLA By-election neih a lo tul tlat mai. Candidate paruk awm zingah kan member pui Tuaisiala chu a ding ve dawn a nih kha. He inthlan neih tura an inbuatsaih dan MPF ten Chalfilh YMA Hall-a an neih a kan thianpa thusawi hi I’n ngaithla teh ang:

Hei Chalfilh inthlanpui chu a hun takah a lo thleng dawn ta reng mai a. Nangni Chalfilh mipuite’n hetianga Candidate Talk Show neih nachang in hria hi in fakawm takzet a ni. He MLA Election lo awm turah hian keini Party pawhin ‘din ve ngei nise’ kan ti a. A hminga President ka nih avangin Candidate atan min ruat ve nghe nghe.

Chuti a nih avang chuan thusawina hun ka lo nei dawn ta a. Ka hmaa mite thusawi pawh tha taka in ngaihthlak sak avangin tuna ka thusawi tur pawh hi ngun leh uluk taka min ngaihthlaksak ve turin ka beisei che u in ka phut tlat che u a ni.

Hei keini Party hi Party ding tir kan nih avangin mite hian min la hmelhriat nasa lova; chuvangin kan Party chanchin tlangpui lo sawi hmasa ila,a tha awm e.

Kan Party hming hi DTL Party a nia. A awmzia chu Di Tawnglo Party tihna a ni. Hruaitute hmelhriatna lo nei hmasa ila a tha awm e.
President : Tuaisiala
Vice President : LR Hlawnchhing
Secrectary : DrMahminga Sailo
Assistant Secrectary : Dr John
Treasurer : Hnam Sakhua
Finance Secrectary : Sheldon
Information Secretary : Aduhi

Heng bakah hian Committee Member 16 lai kan awm bawk a. Mahse hun kan neih deuh theih zawk nan in dintir lo mai ila a tha awm e. (more…)

Posted in HAHAHA, Whatever | 33 Comments »

VDS (Valentines Day Special)

Thursday, February 14th, 2013

Nula luck lutuk pawh khan chhas a ngah lutuk a, Valentines Day-ah a tu ber nge hmanpui tur a inngaihtuah a, han break hlawm dawnin a ui ve deuh hlawm bawk si a, hmanpui vek a titlu ta a… Hetiang hian routine a siam:

Liana 6:00AM to 6:30AM (Present tha deuh beiseiin)
Rova 6:45AM to 7:30AM (A fel reuh em avangin)
Kima 7:45AM to 8:30AM (Present titamtu-ah)
Sangtea 8:45AM to 10:00AM (A neihnun em avangin)
Puipuia 11:00AM to 12:00Noon (Restaurant changkang deuhva min chawlhpui a tiam vangin)

BREAK cum REFRESHMENT

George 1:30PM to 5:00PM (A chhiat loh em avangin)
Mathana 6:00PM to 12:00AM (A zei em avangin)

Posted in HAHAHA | 13 Comments »

Korean serial film

Tuesday, February 12th, 2013

Hman zan chu ‘khawnge an sawi teh chawk bawk a’, tiin Korean serial film, cable tv-a an rawn tihchhuah chu ka’n thlir ve a lawm le.

8: 00 pm, Tv hmaah chuan mahni seat theuh luahin kan kim far tawh a. TV remote control pawh hmeichheho kutah dah hrih a ni ta. Thingpui lum tura tirh kal theih pawh an awm ta lo. ‘A hun tawh a sin maw le….ninawm fakna lah hi’ tiin banga sana inkhai chu an thlir sek tawh mai a.

Tv ah lah chuan cable network neitu te leh fakna siamtute chuan thahnemngai em emin, kan hmuh loh leh hriat loh palh hlau tih hriat ngawih ngawihin ‘thingtlang lam min dawrtute , an thil lei sumo stand thlengin kan dahsak thei’ te an la ti tak tawk tawk a. Advertisement tangkaizia hi kan hretlang teh a nih hi maw.. Heng fakna avang chauha Korean serial film te hi en thei kan ni mahna le?

A enthang ho chuan fakna indawt dan pawh an lo hre khawp mai. ‘He mi zawh chiahah hian a chhuak ang’, an tih hnu lawk chuan, an mahni music ngei mai chu a rawn ri ta riai riai mai le. Ti ti kal lai pawt chatin, hmeichheho chuan “Leee..tumah tawng tawh lo tur” an han ti nghal pang mai a, inthurual ve tak an ni. Tanrual hi chakna an tih thin dikzia pholanin a awm leh ta! Chuvanga, paho chu ngawi mai tur an lo ni reng a lawm le. hahaha

(more…)

Posted in HAHAHA, Mizo Society & Culture, Mizoram | 20 Comments »

Ma-Eng (i va hlu em)

Friday, February 8th, 2013

Ka insum thei ta ngang lo mai, nangmah avanga thil hreawm leh hahthlak, nuam leh hlimawm ka tawn te hi ka sawi lo thei ta lo a ni. Ka inpuanna avanga min hua a, min do va, min tlawh duh ta lo a nih pawhin tih theih dang ka nei chuang hlei nem. I chungchang engmah ka sawi miah lo chung pawhin, eng ang fakau a nasa pawhin sawm che mah ila  i duh hun teah lo chuan min rawn thlawh ngai chuan loh kha. Kei chauh ni lo mitin mai hian an buaipui che hi a ni ber a, a then lah hian i hriat miah lohvin sum hai luh thur thur nan an hmang che a, thenkhat lah chuan i hming chhalin a nuai a nuai tel teh meuh an lo neih phah rawl nen. Nang lah hian hria awm pawhin i lang der si lo, ‘i a let der a nih hi’ ti rilru vawng vawng thin mah ila, hmaichhanah lah chuan hrilh chi i ni der si lova, rilru zawng i ti buai thin teh e.

Zilh harh theih leh hrilh fin theih chu ni la tuna ka inpuanna hian a tihharh ngei che ka beisei, amaherawhchu nang zawng luhlul, tawng mawh, thu duh leh tumah engah mah ngai ngai lo nun nei kha i ni a, i hlutna leh mi tam tak ten an duh zia che hi i hriat vang nge maw ni zawk dawn le? Kawng lehlamah chuan ka tan hi chuan i hluin i tha thin teh a sin. Zan khawthim khaw vawt, ruah sur hreawm takah pawh nang ka bula i awm chuan chhun eng khawthiang nuam tak ang maiin hun min hman pui thin a. Hunawl khawharthlak taka ka awm lai te leh kawm tur mumal nei lova ka awm lai pawhin nang ilo kal chuan thian tha tam tak bula awm ang mai ka ni thin.

(more…)

Posted in HAHAHA, Mizoram, Politics | 15 Comments »

2013 February Fiamthu

Friday, February 8th, 2013

1. Nula luck lo pakhat pawh kha party-naah a tel ve a, a chatthla a. A îtawm loh ve ngang a niang, a’n harh chu kawr an lo hakthuahtir vel!

2. Senior Department kan nih lai chuan thilpek lakkhawm laiin kan zai thin a. Hla a tawi deuh chuan thilpek hlan laiin thawhlawm khawntute an la tei fua fua zel.

3. Kha nula kha a’n cher mai mai khawp a, bike-ah an phur a, skin tight a ha phe hlup hlup.

4. A lêng rei thei bawk tak a, a bialnu pain, “In chhung hi in mu ngai lo hrim hrim em ni?” a ti hial.

5. Nula leh tlangval facebook chat-ah an inbia a…
Nula: Zanin chu online rei ve deuh la, thil pawimawh tawk hrilh tur che ka nei a nia.
Tlangval: Ka nu a strict lutuk a, tunah pawh khan i out vat loh chuan i chal khan keyboard kha ka tauhtir bdhdghjk aggwyrfdgdnbjjktbhgdhjetw…

(more…)

Posted in HAHAHA | 38 Comments »

« Older Entries
Newer Entries »