Archive for the ‘Internet’ Category

CIA World Factbook hi

Sunday, June 3rd, 2012

Khawvel ram hrang hrang chanchin kimchang taka hriat duh chuan CIA World Factbook hi a tangkai khawp mai. A thlawna engkim chhiar theih anih bakah a rintlak nge nge a, wikipedia pawh hi atangkai thova mahse mi dukdaklo deuh in duh duh a fiamthu leh intihtheihnana a article thenkhat an tih chingpen theih ani ve lo a. Mahse an information hi US sawkar tihchhuah anih miau avangin USA ngaitheilo hrim hrim ho chuan a biased (tan bik nei) an ti maithei. Article pawh chipchiaar leh tangkai tak tak vek ani. Entirnan India ram chu teh dan chikhat  teh chuan khawvela ram hausa ber 4 na alo ni ve ta reng mai (GDP based on Purchasing power parity). Mahse chhiar chian zel chuan India mipui ten mimal anga hah tak in kumkhata an thawhchhuah ang($ 3700) hi American ho in thlakhatah an thawkchhuak hman daih tih te pawh a chiang (American hovin kum khatah $ 47,000).

Article tin ah thlalak te pawh an dah tel a, sawrkar thlalak reng reng hi copyright a awm lova, duh thala hman leh chhuahchhawn te, hlawkpui nana lo hman pawh a thiang vek. India ram thlalak pawh hei mawi tak tak an dah fur mai. :-D

Taj mahal pawh

CIA World Factbook tlawh ve teh le! CIA

Posted in Internet | 15 Comments »

Lâwm rual

Thursday, May 31st, 2012

Ti leh pawp mai teh ang aw… Ṭhahnem ngaihna avângin he sait vûl zêl nân hian theih tâwp kan chhuah tlâng a, kan ngaihtuahna pawh kan sêng hnem mawlh mawlh bawk e. Pâr a chhuan zêl theihnâ’n mi ṭhahnem ngaiten paws leh kawmen an pe char char a. Kei hi a ṭhahnem lo ber chu ka ni âwm e. Tûnah chuan a vul leh ṭan ta a, fûr ruahtui tla-in thlai leh hnim hring a tinung sarh ang leh a kai tho ṭhin ang hian kan vul leh ta chûk mai! “Misual-dawt-kawm hi” ka ti ang a “Vul reng rawh se” in lo ti dâwn nia aw… Khai le “Misual-dawt-kawm hi”… ti r’u le… (H)

Khua a thiang ngei e lânu,
Lung a lêng mang e vâla;
Tûk chhuakin va fang teh u,
A bâwm e, kan sâwmfâng mual zauah.

Lamtluang a tawi lua e nang nên a,
Biahthu di zâi sa-in;
Tu dang kan ngâi lo’ng e nang nên a;
Lâm thaia nui hiauvin.

Chhâwl a hâl e, siktui chawi la,
Lêngi leh vâla’n lung lâwmte’n khiat nâng e;
Chawchhûn kan ṭhet nui hiau a,
Tu dang kan ngai lo, kan hlim tâwk e.

(more…)

Posted in Internet, Luangliam, Poetry | 18 Comments »

Mizoram site ho an hack… tih in hre ve em? :)

Thursday, May 31st, 2012

Khawvel a Hacker (Hacktivist) group lar Anonymous chuan Indian Govt site hran hran an do mek tih chu hria kan awm nual anga tiraw? Tunlai torrent site, vimeo leh site dang Indian Govt in Internet Service Provider (ISP) ho a block tir vek avangin Indian govt website ho an rawn do let a… Hman ni lawk pawh khan Supreme Court site leh Congress site te pawh an hack tawh kha.

Ka nuih ti za em em chu, nimin khan Anonymous #OpIndia (Operation India) chuan Mizoram Govt site hran hran attack turin thu an pe a, Mizo site tamtak pawh an lo la thla ngei a ni awm e. Mahse hria kan awm em aw??? Hehehe…

:D

(more…)

Posted in Internet, Mizoram, News | 39 Comments »

Rawtna Tlêm – II

Wednesday, May 30th, 2012

A hmain rawtna tlêm ka rawn thawh tawh a, a hlawhtlinna erawh tûnlai sawrkâr ang deuhin hmuh tûr a tam tehchiam hlei law. Mahse rawtna te chu thehluh a thiang a, a bawhzui leh tihhlawhtlin lam erawh ruling party-te thu thu a ni, ti ta ila, a sawrkâr lutuk lo’ng chu maw… :-)

1. LIKE: Thu paws emaw kawmen emaw te hi Laik theih ni ta se, a va lawmawm dâwn êm! Net a tihmuan phah dâwn erawh chuan thuhran ni se.

2. SMILEY: Simaili-te hi uar lehzualin i hmang teh ang u. Sait danga simaili che thei an dah ang te hian kan simaili-te hi che ve neuh neuh ta se, a va hlimawm lehzual dâwn êm! Net a tihmuan phah dâwn erawh chuan thuhran ni se.

3. THLALÂK: Thlalâk paws dâwn a, imgur-dawt-kawm-a aplâwt hmasak kher ngai lo hian, dairek-in misual-ah hian aplâwt theih ta se, a va awlsam lehzual dâwn êm! Net a tihmuan phah dâwn erawh chuan thuhran ni se.

4. REMOVE/DELETE: Kawmen-te hi a kawmen-tu leh Admn. ten diliit/rimuv thei ta se, eng emaw lo chhut sual palh emaw, thuziak mawi lo deuhte pawh a lo awm palh thei a. Net a tihmuan phah dâwn erawh chuan thuhran ni se.

5. DUHTHUSAM: A hrim hrimin he sait-a luh hi i uar teh ang u. Kawmen ṭhenkhat erawh a phawkphawhraw mah mah em aw ka lo ti ve ṭhin. Puitling ṭheuh chu kan ni nain, zahmawh rawng kai leh midang sawi leh sêlna lam hi chu kan insûm zo ngang lo a nih pawhin tîmna nei tal ila a ṭha âwm mang e. He sait hi naupang leh tleirâwl/râwlthar lamte pawhin an tlawh ve ṭhin tih hre reng ila. Entawn tlâk leh mite mamawh phuhrutu a lo nih zêl theih nân he hmun hi thianghlim reng se ka duh hle a ni.

6. Ka lâwm e. Thingpui ka lo trîît ang che u (C) (C)

Posted in Advice, Internet | 72 Comments »

Thehmeh

Monday, May 28th, 2012

Thehmeh awmzia hi sawi kher lo pawha kan hriat vek a nih ka ring tho nachungin, kan sawi fiah ve rêng rêng teh ang. Thereng hrâm lai kan hmeh hlum chuan a reh hmak mai ṭhin a, chumi aṭanga a awmzia chu lâk niin ‘reh hmak,’ ‘reh duak,’ ‘reh vang vang’ sawinâ’n an hmang ṭhin. “Thereng vuak thlâk ang mai” tih leh “Pual lêng thlang tla” tihte nên pawh hian thuhmuna ngaih theih ni.

Kan lût a, kan luangliam a, kan lâm a, kan titi a, kan nui a, a tûl chuan kan ṭap zâ ṭhin. Puih ngai an awm leh inlungrual takin kan pui a, hnem ngai an awm leh thlamuanna bân kan phar lo ngai lo. Mi chi hrang hrang kan ni tih chu phat rual a ni lo, chuti ang chiah chuan kan thu phuh chhuah pawh a dang ngei e. Chu tak mai chu kan inpawhna a ni ang lawi bawk si. Magnet pawh + leh + chu a inpaih a, + leh – a inhîp zâwk ṭhin. Chuvangin mize inmil lo tak tak ni si hi kan nui ho leh dar dar chu a nih si hi!

Nimahsela, hun a lo kal a, kum te a liam a, tûnah zawng kum a uai thla tawh nge, vun a chuar tawh nge, lu a ṭuak tawh nge, tiang hawlin phei lai kan khâi tawh zâwk. He huang hi a nuam ka lo tih ve ṭhin tehlul nên, tûnah chuan a reh titih dêr mai. A ram mai ang chu ka ti phal teuh lo, mahse a nawmna erawh a hloh ṭhen ngei alawm. Site dang ka lût ve zeuh zeuh ṭhin a, post leh comment erawh ka pe ngai lêm lo. He huang hi ka tân chuan a nuam a, a nuam mai pawh ni lovin a mawi a ni. Nimahsela, heti ang reng kan nih chuan pêm rilru pu an awm mai ang tih te pawh ka hlau hlel lo ve.

Hawh teh u, i dinthar leh teh ang u. Midang el leh sên bânsan a, ṭâng dang bêl mai lovin kan vul lai i chên leh teh ang u khai. Site ṭhenkhat chu a ram titih tawh asin. Nimahsela, keini zawng i vawng nung zêl ang u. A hlutna chu member-te kutah a innghat a, a nawmna chu post leh comment pêkah a innghat bawk.

Sawi tûr a va tam tak êm! He site hi nula chu ni ngat se, kei zawng ka ngaizâwng (âtchilh) hial tawh ang chu! Chu chu HMANGAIHNA an ti! Sawi ve r’û…

Posted in Internet, Opinion | 36 Comments »

Background-a thil in-download hriat theih dan?

Sunday, May 27th, 2012

Bul tan nghal pawp mai ang aw.

Tunlai chu Tata Photon, Airtel etc. 3G hmang kan nih fur tawh avangin unlimited connection hmang kan tam ta lo khawp mai a. Chutih laiin ren taka kan internet(3G/2G) pack thun sa kan hman laiin computer thenkhatah hian kan download chawp ni lo, computer background-a amaha thil in-download a lo awm hian data a hek duh khawp mai a, tum aia insen nasat a awl thin khawp mai. Eng thil nge in-download tih hriat mai theih bawk si loh a awm thin hi a buaithlak a ni. Windows atangin emaw, software eng emaw hmanga download activity nei hriat chhuah a, a tihtawp dan hria chuan min han pui teh u.

Ka automatic updates ka disable vek a, java update ka disable bawk a, windows start paha software lo inload a, amaha lo in-update thei nia ka hriat ka disable vek bawk a, antivirus auto update ka disable bawk a. Eng thil nge lo in-download char char hriat theih ka mamawh hle mai. Mahni-a data kan hman aiin system-in a lo pawh hek vangin kan inseng nasa lutuk dawn e a.

Posted in Ask | Help | Suggest, Internet, Tech trek trek | 18 Comments »

Internet Download Manager (IDM)

Friday, May 18th, 2012

Internet Download Manager(IDM) hi internet atanga thil download na ah chuan a tha ber ani hial awm e. IDM hmanga thil download te hi duh hun hunah a pause theih a, mahni duh hunah a resume leh mai theih thin. Computer lam harsatna vang emaw, power supply khaihlak vanga kan thil download lai mek tihtawp a tul pawh in tih tawp a, ni danga download zawm leh mai theih ani hi a thatna em em chu ani. Hei bakah hian a download speed hi an mahni sawi dan takin download speed pangai aia a let 5 a chakin a download theih an ti a, a dik pawh a dik viau in ka hria.

Download:

Posted in Internet | 38 Comments »

Facebook a thudiklo post avangin FIR

Tuesday, May 8th, 2012

Source: Vanglaini | PDF Link

Nimin khan Facebook-a group \henkhatah, kumin HSLC Examination-ah zirlai pakhat, distrinction-a pass-in MBSE-ah complain a thehlut a, ennawn a nih hnuah pakhatna aiin mark a hmuh san zawk thu leh, MBSE lamin topper nihna an pek theih loh thu tarlan a ni a; hei hi thu dik lo a nih avang leh, MBSE tihhmingchhiatna nia an hriat avangin, MBSE Secretary chuan nimin khan Bawngkawn Police Station-ah FIR a thehlut.

HSLC mark complain ennawn leh thu hi Facebook-a ‘Zoram Tân’ tih group-ah Lalfamkima Renthlei tih leh, ‘Chanchinthar (Zofate inhriattawnna)’ tih groupah Fiaha Chuauhang inti-in an post a; an post dan pawh a inang chiah a ni. Complain thehluttu anga an tarlan chu, Lalzikpuii d/o Sangdingliana, Bungkawn, Aizawl a ni.

Facebook-a an post dan chu – ‘MBSE- thu beng verh tak mai ka hria a, mahse kei mah tak chuan mi han zawh chian mai tur ka hriat loh vangin ka chiang ngam lo a. Bungkawn veng a hmeichhe pakhat, St. Paul’s school a\anga matric exam, tun result chhuak chiah a Dist. a an pass tir chu a mark an complain a topper ai khan a lo hmu sang zawk a nih chu…an sawi danin a class mate te pawhin topper tura an ngaih sa a ni awm leh nghal e, chuan MBSE chuan topper nihna chu an lo pek theih toh loh thu leh Media lam kal lo hram tur ten an lo ngen an ti a nih chu…a thinur thlak hle mai, MZP lam hnai kan awm chuan chhui chian a tha khop mai,’ tih a ni.

(more…)

Posted in Admin Info, Internet, Mizoram | 37 Comments »

Tùanthu

Thursday, May 3rd, 2012

Heta thlalâk hi i en chuan, i u leh nau hnai an nih i ring lo; vai chi khatah i ngai lo thei lo. Mak tak maiin hêng (Bodo-ho) hi kan unau hnäi tak, khi lam  (Y) aṭanga helama thlang min tlâk khalh (kan hmaa mihuai kal tate?), min hmakhalhtute an ni. An ṭawng hi kan ṭawng nèn chhungkaw inhlat lo tak a ni a, zu hi zu an la ti ve fan a (rinawm takin), pa (hringtu mipa) erawh chu a let thawkin fa an ti thung; an hnungzuitute min phatsan.

Keimahni ang bawkin scheduled tribe an ni ve a (ka sawi sual paw’n ka hriat dik loh vang a ni hran lo), keimahni ang lo takin an ṭawng hi 8th schedule-ah a tel tawh bîk thung. Keimahni ang bawkin tunhmaa kutziak neia tibo tâ niin an inhre ve (keini ai chuan an chiang zâwk deuh; an kutziak hming pawh deodhai niin an sawi.); keini ai chuan an árháng zâwk leh tlat. Kan danglam lehna dang: kristian leh hindu leh bathou sakhua bia an awm bîk nawk.

Kan inthlauhna: maktaduai tél takmeuh! Assamah ringawt pawh bodo mi mtd 1 aia tam an awm.
(more…)

Posted in Education, Internet, Luangliam, Mizo Society & Culture, Mizoram | 21 Comments »

Is Facebook Making Us Lonely?

Monday, April 16th, 2012

Social media—from Facebook to Twitter—have made us more densely networked than ever. Yet for all this connectivity, new research suggests that we have never been lonelier (or more narcissistic)—and that this loneliness is making us mentally and physically ill. A report on what the epidemic of loneliness is doing to our souls and our society.

By Stephen Marche

https://www.theatlantic.com/magazine/archive/2012/05/is-facebook-making-us-lonely/8930/

Posted in Internet, Lifestyle, Opinion | 34 Comments »

« Older Entries
Newer Entries »