Archive for the ‘Invitation’ Category

The Case for Mizo Wikipedia

Thursday, April 5th, 2012

Ka thuziak hmasa lamah Mizo Wikipedia neih a thatzia leh a tangkaina thenkhat ka sawi tawh a, mahse thuziak dah (phal?) kan la awm meuh lo niin a lang.

Ka han sawi nawn leh ang e.

A hmasain, misual.com leh website dang ilo hmangtu tih loh chu Wikipedia-a han thawh thei tur vak kan tamin a rinawm loh va (Internet hmang thiam lovin engtinnge wikipedia-ah thu a ziah lem ang?). Internet hmangtu zingah pawh thuziak peih chu tlém te. Thuziak peih zingah pawh thuziak tùr hria chu tlém te. Thuziak tùr hre zingah pawh Wikipedia-a ziah tùr chi hria chu tlém te. Wikipedia-a ziah tùr chi hre zingah pawh ziah a tul ti chu tlem lehzual, ziah a tul ti zingah pawh a ziak tak tak chu hmeithai kara (pathlawi) zât lek kan lo ni ta a. Za-a sawm zel lo la ta ila: Internet hmang: 20000, thuziak peih: 2000, ziak tùr hria: 200, Wikipedia-a ziah tùr chi hria: 20, ziah tül ti: 2, ziak tak tak: 0.2!

Kan hun neih dan leh rilru senna lam hi a inang lo hlawmin kan thahnemngaihna hi a inpersan angreng hlawm a, kan tlém bawk si a, beisei san vak theih chu a ni lo. I tuizawng a nih loh vangin a tangkai lo tihna a ni lo va, kei ka tui vang ngawta pawimawh a ni hek lo. Mahni mum muma mum pahin eng eng emaw kan ti vêl mai mai a ni ber e… hringnun hi.  :D

(more…)

Posted in Internet, Invitation, Mizo Society & Culture, Mizoram | 21 Comments »

Short Story in English

Tuesday, February 28th, 2012

(Hmana chhuak tawh a ni a, ka rawn publish nawn leh lawk a ni e, lo tel ve duh te in la awm/hriat takin).

English a short story ziak duh te tan huntha a inhawng e. Hmanni chu Dr. Martin Chhangte nen kan inbia a, literature club a an titi na vel atangin Mizo te ziah novel emaw, short story (in English) emaw hi a la tlem hle tih a hrechhuak tih a sawi a. Grey Oak Publishers te nen an inbia a, Mizo thalai, khawpui (metro) a cheng te ziah short story collection tihchhuah an rawt a.

Publishers te’n an duh ber chu originality leh quality a ni. Theme bik a awm lo a, duh duh lam a ziah theih a. Kan story te han thawhkhawm zung zung ila, chhuahtlak a an hriat te an lo thlifim leh dawn ani. English thiam tak tak kan awm a, tan i han la teh ang u. misual.com chhiar ve lem lo in thiante, ziak thei tura in hriat te pawh in lo hrilh ve dawn nia.

Short story a nih angin word limit hi a sei berah 4000 words vel ni se. March 31, 2012 hi chuan review turin submit thei ila. Ziak duh kan awm chuan rilru chu lo siam tan ila a tha khawp ang.

He collection atan hian i short story i thawh ve duh chuan keimah hi aduhi04@gmail.com ah hian min lo contact dawn nia.

Posted in Information, Invitation, More than words | 49 Comments »

To the misualdotcommers – II

Thursday, January 5th, 2012

misual.com hi kumtir lam hian a zuai deuh thin niin a lang, kum dangah pawh. Kum laihawl atang chuan a vanglai a rawn thleng mai ang. Chuvangin misual.com hi a tlahniam hret hreta ngaih loh tur.

1. misual.com-a lut hmasa ho hi in reh thap. Facebook-ah in ri huar huar ringawt a, in inkawm khawm tel tel a, hmangaih hmasa in theihnghilh lek lek. In thatchhe tawh e.. misual.com avanga inhriaa inpumkhat in nih hre ta che u mawle.

2. Member thar an tam vanga a hmasate inkiltawihna tur a awm thlawt lo. A titlangnel tur in ni a, in lo welcome em em zawk tur a ni. Hetiang hi hmun inkenna chi pawh a ni lo. Kan ri ham ham ang a, a nuam laih laih viau zawk tur a ni a. In mak em mai. Hetiang tur a ni ngai lo.

3. In nihna an hriat avangin a then chu in reh hmak. A ho e.. A duh chuan lo hria ang hmiang. In duh duh sawi pawp pawp rawh u. Mi pangngai chin chuan i nihna ni lovin i thusawi kha an en zawk tho tho vang. Silent reader-ah nula in tam a, nui vur vur chunga lo chhiar ringawt lo khan lo login la, lo lut rãwih rawh. misual.com-ah hian a hmaphel pakhatin a hma uai panga a hen. Kha kha a ni mai.

(more…)

Posted in Advice, Internet, Invitation | 78 Comments »

GMI@Thenzawl – II

Saturday, October 22nd, 2011

Post hmasaah khan kan hun hman dan tur ruahmanna chu kan hmu tawh a, tlem azawng belhchhah leh hlek ang aw.

Tel tum in report kan awm nual tawh a, intihlim tham fe chu kan awm dawn niin a lang. Kal na tur motor–in kan ngaihtuahna a tibuai deuh a nih hmel a, a tul chuan Sumo emaw mini bus emaw hire tura tih a ni. Chuvangin kalna tur nei lo chuan heng phone no. 9774701447 emaw 9436366846 ah te hian inhriattir nise a tha ang.

Aizawl lam atanga kal tur chu zing dar 7 ah chhuah nise tih a ni a, kan chhuah hun hi a hma deuh dawn avangin chaw fun tur a ni a, Hmuifang park vel chawfun thret ila kan ti :P Leitlangpui lam chu dar 6:30 velah tal chuan an chhuah a va ngai awm ve :D

Hmuifang MI, 2010

(more…)

Posted in Event, Information, Invitation | 111 Comments »

Naktuk Mumbai MI (Misual Intawhkhawm)

Friday, October 14th, 2011

Post scheduled a awm lo bawk a, Mumbai MI lampang sawi leh tawh ang u..

Date 15th October (Naktuk) hian Mumbai ah MI tur a ni kha. Kan admin Pu Sandman an a host dawn. BYOB tihvel chu admin VaiVa an a show dawn leh dawn loh a ni mai an tih tak kha aa.. :) (BYOB tih hi a awmzia ka hre miah lo ania keichuan..)

Invitation Post la hmu ve lo te tan hetah hian a en theih..

Details:
++++++++++++++++++++++++++++++++++
Mumbai MI:
A hmun: Jogeshwari East.
A hun: October 15, 2011.
Dar: 2pm atanga khawvar thleng
++++++++++++++++++++++++++++++++++

Misual ho zawng zawng sawm vek kan ni e… MI a tel tur te kha comment ah hian rawn in report char char teh u khai..!!

Posted in Invitation | 140 Comments »

Mumbai MI ve thung aw! :-)

Wednesday, October 12th, 2011

Mumbai a MI (Misual Intawhkhawm) hi phur thut avanga rawt kan ni tho na in, chhan thatak pahnih a awma, hengte hi an ni:

1. Kan admin VaiVa in nichin lawk khan PROMOTION a hmuh thu news a dawng!!! A la official lo na a, a confirm tawh e chu a ti. Hemi lawmpui nan kan MI ngei ang chu le! Congrats to VaiVa!

2. Rock band lian ve deuh hian concert an neih hian opening act ah band te zawkte an perform thin a nilawmni? Chutiang bawk chuan Oct 26 Mizoram a GMI turah keini Mumbai misualdotcommers ho kan lo “MI opening act” sak ti i la, ka sawi sual ka ringlo.

:-)

Bakah pu no_nick a Mumbai rawn zin hunlai a ni dawn zui!

(more…)

Posted in Information, Invitation | 72 Comments »

GMI @ Thenzawl

Wednesday, October 12th, 2011

Ngaihtuahna seng ve thiam lo nafam chu thianten ‘a tha e’ an tih chuan tukhum sam leng suauva lo buk ve nghut nghut bak thiam ka nei hauh lo. Hei pui tunah pawh hnang vara hlin tawk lek chu ‘lo post ta che’ an tih hnial thiam lovin saphungah pawh kui huamin ‘GMI @ Thenzawl ‘ tiin a tlangau pangngai ka rawn pau leh a nih hi! A puangtu zahpuiawm vang tal pawhin a thangkhawk tal hi chu lo chhawn ve teh u’n.

Nikum khan Hmuifang tlangah zawngchhangthlak takin hman a ni tawh a, kumin pawh hian khel lova hman leh ngei a tha e tiin Misual Intawhkhawm chu rawt chhuah a ni leh ta. Mini MI neuh neuh a awm thin avangin tun tum phei chu Grand Mi(sual) Intawhkhawm tiin kan hrethiam tlang riau zawk a nih hmel e. Inhmu ngai lote nel taka inpawhtlanga hun han hman ho leh pawh a chakawm alawm le tiin heti hian ruahmanna siam a ni. Thurel thupui fun taka rawn thehc hhuak ka nih loh avangin engemaw lai fuh lo deuh a awm tak leh sawihona lamah kan sawitlang mai dawn nia. Hetiangin aw:

Base Camp : Thenzawl PWD Inspection Bungalow
A hun : Dt 26th October 2011. 11:30am – 8:00pm

(more…)

Posted in Information, Invitation | 212 Comments »

misual Inneih sawmna!!

Monday, September 26th, 2011

misual.com admin team member tangkai leh kan chhuan em em mystic (Nancy) leh admin lo ni tawh thin PHISS (Athaa, mahse hna lama a buai avanga admin hna chawlhsan ta) te chuan tun Ningani, September 29, 2011 hian “Tiam tlat e” an ti dawn! misual.com member zawng zawng te min sawm e.

Athaa leh Nancy hi Vanglaini chanchinbu atanga news rang taka rawn report thin an ni e. Kan lawmpui tak meuh meuh a ni.

(more…)

Posted in Event, Invitation, Lifestyle, Mizoram | 117 Comments »

Zoawi Lelte Thih Cham Vawikhat-na – mzvision & samuelapa

Monday, May 2nd, 2011

(F)

Ruati
(F)

Zoawi Lelte ti a Zofate hriat lar tak, a thiante’n Ruati an tih, a pa Pu Vankhama’n Vanlalruati hming a phuah – thih cham vawikhatna chu a lo thleng leh dawn ta der mai. May ni 7, 2011 zan dar 7 hian Zoawi Lelte pualin Vanlalruati Tribute Concert neih ani dawn. Vanlalruati – Ruati – Zoawi Lelte zai mawi tak hian Zofate khawvel a fan hnehin ram a la zau hle. Ruati hriatreng nan amah ngaisangtu te chu 7PM May ni 7, 2011 hian Vanapa hall-ah i fuan khawm ang u. (more…)

Posted in Event, Information, Invitation, Mizoram, Music and lyrics | 27 Comments »

www.zofate.com

Sunday, April 10th, 2011

Zofate.com

Dear Zofa unaute,

Harsa taka ka lo buaipui ve www.zofate.com website chu kar rei vak lo liam ta khan ka han launch ve tawpa, min lo tem saka video leh thlalak tangkai tak takte rawn upload turin leh Zofate tan buatsaih a nih ang ngeia mahni ta anga neia hma rawn la theuh turin Mizo website ropui leh zahawm tak Misual.com kaltlang hian ka sawm duh che u a ni.

Zofate.com hian a tumber chu Zofate tan internet hi hnamdangte anga chhawr tangkai ve thei tura hmalak a ni a, chuvang chuan mipakhat tanlakna ringawt chuan a tlin dawn lo ngei maia, thawhza hona a mamawh tak meuh a ni. Feature dangte belh zel rilruk nimahse tun hrihah chuan Album chauh hi tlin hrih a ni.

(more…)

Posted in Information, Internet, Invitation, Mizo Society & Culture | 44 Comments »

« Older Entries
Newer Entries »