A mawi hlawm reuh asin aw… Pathianni-a niawklem kha a nia. Post chhawng thuai mai. Source
Archive for the ‘Nature’ Category
Solar Eclipse 2012: The ‘Ring of Fire’
Tuesday, May 22nd, 2012
Post HOT deuh
Tuesday, May 22nd, 2012Vawikhat chu Kolasib khua hi nipui lai hian a lum lutuk a, an tia lawm, a mipuite khawlum ning lutuk tihngaihna hre si lo, zin veivak apiang ina “A va lum ve” an tih sek ning si khan “Kan hre vek, sawi sawi a ngai lo” tih thuziak hi an tar tawp e an tia lawm. Thudik tak a ni em erawh ka hre law.
Hre vek mah ila sawi sawi hi a nuam a. Facebook status ah a lumzia sawi sek te hi a nuam a (ruahsur te, khawvawh te, lirnghing te, thlipui tleh te pawh). In khua a lum in ti maw? Kan khuaah chuan… ti a insawilumsiak te hi a nuam a.
Tunah hian zing dar 3 leh minit tlem a ni a, temperature chu 32 degrees a la ni tho mai. Kawngka leh tukverh hi hawng vek ila boruak vawt a rawn lut deuh mahna, ka ti a, a teuh lo! Pawnah ka va chhuak a, boruak hi a che eih lo. Naktuk forecast hi 40 a ni a, tlem chuan a zia deuh, mahse sa tak a la ni, sa tak!
(more…)
Theibal
Monday, May 14th, 2012
Theibal hi a bawr tha duh ve hle a,a rah hi sazaw leh sadang te pawhin an tlan thin an ti.
A rah hi a tui hmel viau na a,mahse a hut tlat mai an ti bawk.
(more…)
Zabula Champhai Ramhuai hmuh dan
Thursday, May 10th, 2012
Report tu : C. Laitanga
Hmuh hun : 1983 March thla
Zabula hi Champhai to Bulfekzawl kawng Pi Khawtini Contract, Sub. Contract a thawktu a ni a, a thianpa Ramfangzauva, Champhai khua chuan Sub. Contract bawkin Pu Lalhmachhuana Saitual hna leh midang hna a thawk ve bawk a.
An hnathawhna hmun hi, Hruaikawn thlang, Tiau kam, Rih dil hnuai vel tak khi a ni. Hnathawktu engemaw zat nen mi thlama riakin hna an thawk a, an kawng laih chu zawh thuai tumin an bei a ni. Zabula leh a hote hi Thlam pakhatah an awm a, Ramfangzauva leh a hote chu Thlam dangah an awm a, inhnai tein an awmho a ni.
कामसूत्र (Kamasutra)
Saturday, May 5th, 2012Thuhmatheh
Est-que tu connais le Kamasutra? (Kamasutra hi i hria em?)
“Oui, bien sûr. Pour une bonne raison!” (Hria e le! Ka hriat nachhan pawh tha tak a ni!)
Khâ tlat kha!
Hei hi sàkhaw thar ka puan tumna a ni lo tih chu in hre vek a (sakhaw thar puang mi leh laiking dawlh mi ka ni lo). In hriat loh pawhin sakhaw thar puan hi in bengkhawn lo va, in beisei lo bawk. Kristian nghet, khawkhen kum pawisa lo, eirûk hlawh nghadïl neih len thawkhat vànga hnah uai ngai lo ṭhah in ni. A LALNA hming ropui chu fuckin awm rawh se (aw zoram hlawhtling taka hruaitu, ram changkäng taka siam tawhtute û!).
Wiki bawkin ka tàwp leh dáwn, ka theihnghilh loh chuan. Thàiphẹi pali ka thäi ang a, ka tone ka’n thlâk daih te’ng.
—-
Mihringte buaipui tàwp theih loh chu mipat-hmeichhîatna hi a ni, ti ṭhûai ila kan sawi sual àwm lo ve. Kum 1960 chho khán khawthlang lamah chuan chêtlâkna thar, hippy kalphung chuan bû a khüar thar a. Abîk takin Amerika mi hausaho a hrút vun-hîk nasa züal <sup>1</sup>. Hë chêtlâkna hi philawchhawpchikalli-a thlìr chuan khawthlang (abîk takin mi rethei ber pawh a hrùtna iurâwp khawmúal) tlâkchhiatna bul, an dazàt ṭanna a ni a (thlarau lamah).
(more…)
Bangalore dai ka hrut a…
Friday, May 4th, 2012Hmeichhia leh uite…
Tih hi ka sawi ve chamchi a, uite bak buaipui tur erawh ka hmu ngai lem lo. Ui fing tak tak te an lo fai thin then a, an hrisel theih nan tiin ka hmanhlel fo thin. Mahse, anni avanga eizawnna hmu ve mai ka ni tih ka hai lo. Tin, an zar hi ka va’n zo nasa tak em! Hmuh leh biak phak loh tur nula chhelo tak tak ka biak phah ve fo thin.. 
Hmeltha hi min hre thei riau…
Farm kan thleng chiah a, a enkawltu tlangvalin rang fahranin min ko nghal a. Keiin ka lo hre tawh miah lo thung. Kum 2/3 kalta khan, a ui damlo ka enkawl sak a, chuta tanga min lo la hre reng lo niin. Chhunchaw/chawchhun tuihnai tak min buatsaih sak leh nghal a. Ka puarin ka fan teh meuh mai. Kei atan zawng, sawi hlut tham a ni leh ta, Pathian malsawmna ropuizia hi…
Ka kalna hmun hi college zirlai, office-a thawklai, NCC, Karnataka Poilice leh a dangte’n chawlh hman nan leh intihharh nan an hmang thin a. Bangalore atang hnai ang reng si, a zo veh vawh bawk a. A nuam ka ti riau. Tlak duah lovin, thlalak tlem te hi ka’n dah ve mai mai ang e aw… Thlalakna lian ka nei ve lova, thlalak quality sawi kual vak a rem lovang… 
Khualbuk
(more…)
A things of beauty is Joy forever.
Wednesday, May 2nd, 2012Post awl hnawhkhah nan, Fb lama ka Friend pakhat pic. thenkhat ka rawn dah ve tawp mai. Thil pawi lutuk ani lem lo ang chu maw? (Dan leh hraite hi hrelo ve ang reng bawk sia.hehe)
Phengphehlep iangin ka chetzia lantir ang che.
Chhimbuk leh A Note
Tuesday, March 27th, 2012Chhimbuk thla ThaiBoy nen kan lak dan chungchang chu sawi duah lovin post nghal pawp mai ang.
Thangawk sate hian an tuar nasa thin awm mang e!
Monday, March 26th, 2012
Ransate chunga kan chet dan tam tak hi chu ngaihtuah chian chuan a rawng thin mang e. A bikin thang kamtuten Lo/Huan thlaite an khawih nasa emai tih vang pawh ni lem lo a; Ninhlei leh tlawngawl vanga Thang an kam ringawt thinte hi a pawi ka lo ti ve thin.
Vapual (Hornbill)
Saturday, March 24th, 2012[Source: MUP Tlangau April 2011 Pu K.Malsawma ziak]
[ ‘Pu Saitluanga Sailo’ , Sialhawk lal fapa pasaltha (kum 87 mi) sawi dan !]
“Vapual(Horn-bill) hi tunah chuan Mizorama Sava lian ber a ni tawh mai thei! Sava mawi tak mai a ni a. A nu aiin a pa hi a mawi zawk a. Vapual pa ngat phei hi chu thingzara an han thu hi “Tlai lam lukhum” mawi tak khum ang vah mai hi a ni. Phaibawm ngawpuiah a cheng ber a, Zo ngawpuiah a cheng ve ngai lo.
Bung rah hi a tlan duh berte zinga mi a ni. Sava mit var tak a ni a, kah erawh chu a har khawp mai. Thing lianpui kawrawngah bu a chhep a, a bu chhehna tur thing kawrawng chu a hmuiin a tuk kua a, chumi kuaah chuan an lutin an chhuak thin.
