mi(sual).com

MNF president leh chief minister hlui, Zoramthanga chuan, MNF sorkar laia Aizawl khawpui lirthei tâwt lutuk leh traffic jam tiziaawm tura an hmathlir, ‘kawng chhâwng’ siam chu MNF-in sorkarna a chan leh veleha an hmalakna lian tham leh bul ṭanna hmasa tur a nih thu a sawi.

Aizawl South-II MNF block conference, nimina Kulikawn YMA hall-a neih a hmanpuinaah Zoramthanga chuan, kawng chhawng siam chu an ngai pawimawh hle tih sawiin, “Kulikawn aṭanga Chanmari inkar hi target hmasak kan tum ang,” a ti a; chumi atan chuan sum lak chhuahna tur Central Plan fund a tamzia leh project siama thawk peih leh taimate tan sum hâi chhuah tur a tamzia a hriat chian thu sawi a ni.

Source: Vanglaini

Mamit District, Rajiv Nagar atanga km 4 vel Undermanik khawhlui Sailui thlen hmaah ramri hung hna thawktu Gautam Construction Ltd. hnathawk zinga mi driver chakma 1 leh mistiri vai 2 te chu hel pawl NLFT Parimola ho nia rin ten an rubo nia hriat a ni.
Rubotute hi hmanni lawka Nelsona leh a thiante rubotute zing a mi kha an nih tam tak chuan an ring a, an zingah hian Tuikuk an tel leh tel loh hriat a ni lo . Hetih lai hian heng bote hi rukbo an ni ngei tih fiahna a la awmlo thung. Police ten an bawhzui mek.
Source chu facebook bawk a ni e.

Khatla Bethel a Two Wheeler pali haltu-a rinhlelh mipa 4 leh hmeichhia 2 police ten an kawl mekte hnen atang in thil engmah an la hriatbelh lo a, Lawngtlai PS-a LADC sum Rs. Nuai 47 chuang bo chungchanga rinhlelh man mipa 9 an la kawl hnen atang pawhin thil hriat an la nei chuang lo bawk.
(more…)

To,

The Hon’ble Chief Minister
Aizawl : Mizoram

Subject : Administrative District thar siam tur leh District Capital, Darlawna dah tura ngen dilna.

Ka pu,

A hmasain Darlawn tlangdung mipuite aiawhinChibai kan buk a che.

Hun rei tak ata tawh Datlawn tlangdungin, Mizoram State in relbawlna chhunga, District Administration a hranga kan neih theihna tur atana DISTRICT CAPITAL Darlawna dah tura kan lo dil thin chu tun thlengin hma min laksakna hmuh tur ala awm loh avangin a rang thei ang bera hma min laksak turin i khawngaihna ngen ngawl takin kan rawn dil nawn leh a ni e.
(more…)

From: Vanglaini
Lai Autonomous District Council (LADC) executive secretary office chu Pathianni zan khan rawk a ni a, office-a Rs. 47,80,000 rûk chhuah a ni. Office rawk a ni tih hi nimin zing dar 6 velah hriat a ni.

LADC executive secretary office hi LADC Secretariat Block-A, first floor-a awm a ni a, a sira garage chung aṭangin tukverh tichhiain an lut nia rin a ni. Pathianni zan khan Lawngtlaiah ruah a sûr a, office chhuatah pheikhawk hniak, chirh kai a awm avangin ruahsur bân hnua rawk nia rin a ni.

Thu dawn danin, LADC hnuaia thawkte hlawh tur bank aṭangin lak chhuah a ni a, pawisa chu a tam tham deuh avangin strongroom chhunga safe-a leng lote chu thingrem pahnihah dah a ni a, strongroom luhna gate chu hawng loin, chhuata thingrem chu an pawt hnai a, thingrem chu hawngin a chhunga pawisate chu an la ta a nih rin a ni. Pawisa latute hian office chhuatah pawisa an thlauh nual nia sawi a ni bawk.

LADC Secretariat rawk chungchang hi police-te’n an chhui mek a, he thu ziah lai thleng hian rinhlelh man an la nei lo. LADC-a thawkte hlawh tur eng emaw zat rûkbo a nih avang hian hlawh la hman lote chu an hlawh 10% cut sak an ni dawn nia thu dawn a ni.

Source : Special Report (Facebook) by Vanneihthanga Vanchhawng
(Pic courtesy: zothlifim.com)

Aizawl 25th May : May ni 11, 2013-a Laipuitlang chhiatna thlen chhan bulpui bera ngaih PWD buiding thiah har chhan chu khatih laia PWD Engineer-in-Chief hna chelhtu, Er. Vanlalduhsaka a nih thu hemi chungchang chhuina, Magisterial Inquiry report-ah tarlan a ni. He chhiatna thleng chung-chang chhuitu, Magisterial Inquiry, Aizawl District Bawrhsap. Dr. Franklin Laltinkhuma report-in a tarlan danin, helai hmun-ah hian leikhi hlauhawm tak a awm a ni tih report hi October ni 11, 2012 khan hriat a ni tawh a, he hmun endiktute chuan PWD building chu dah ruah a, thiah vek an rawt nghal laiin, PWD chuan thla 7 liam hnu, April ni 9, 2013 khan he building thiahna order hi a tichhuak chauh a, hetianga order a khawtlai chhanah hian khatih hunlaia PWD E-in-C Vanlalduhsaka chu a mawhphurtu ni-ah a ngai a ni.

PWD EE ( W ) leh SE ( W ) te chuan E-in-C chu CPWD manual anga he building thiat thei chu CE (Building) a nih thu November ni 20, 2012 khan an hriattir a, mahse E-in-C chuan an thurawn anga ti mai lovin, PWD kalphung lo neih tawh anga sorkar phalna an lakkual leh avangin hetiang chhiatna hi a thleng hman a, E-in-C hian CE (Building) hnen atanga November ni 20, 2013-a survey report a hmuh rual hian he building thiat tur hian CE ( B ) hi hriattir nghal ta sela, ni 50 chhung zet sorkar phalna dil hian an khawtlai phah dawn lo niin report chuan a tarlang. E-in-C hian he thil hi a ngaihthah vang hrim hrim lam aiin, hmanhmawh thil (emergency)-a thil tih nghal dan a hriat loh vang niin report chuan a tarlang bawk.
(more…)