Chanchinthar lawrkhawm

June 6th, 2013 9:41 am by aduhi

Mamit District, Rajiv Nagar atanga km 4 vel Undermanik khawhlui Sailui thlen hmaah ramri hung hna thawktu Gautam Construction Ltd. hnathawk zinga mi driver chakma 1 leh mistiri vai 2 te chu hel pawl NLFT Parimola ho nia rin ten an rubo nia hriat a ni.
Rubotute hi hmanni lawka Nelsona leh a thiante rubotute zing a mi kha an nih tam tak chuan an ring a, an zingah hian Tuikuk an tel leh tel loh hriat a ni lo . Hetih lai hian heng bote hi rukbo an ni ngei tih fiahna a la awmlo thung. Police ten an bawhzui mek.
Source chu facebook bawk a ni e.

Khatla Bethel a Two Wheeler pali haltu-a rinhlelh mipa 4 leh hmeichhia 2 police ten an kawl mekte hnen atang in thil engmah an la hriatbelh lo a, Lawngtlai PS-a LADC sum Rs. Nuai 47 chuang bo chungchanga rinhlelh man mipa 9 an la kawl hnen atang pawhin thil hriat an la nei chuang lo bawk.

Nizan dar 12 vel khan Pukzing khawchhungah Sumo a chesuala. A hmunah sumo neitu Pu Liansanga Chhinga Veng a boral. Pu Liansanga leh a Driver hi nizan khan Marpara atangin an chho a, Pukzing khawchhung Sulsuri peng ah kawngthlangah an tla ta hlauh nia thu dawn a ni. Sumo driver Koruna Chakma @ Awruna s/o Pawenga Tuiduk pawh hian hliam a tuar. Sumo ah hian an 2 chauh hian an chuang nia hriat a ni.

Mizo Students’ Union (MSU) General Headquarters chuan kum 2012 – 2013 chhunga Zirlaite dawn tur Pre-Matric Scholarship 2nd Phase Rs. Nuai 366.36 vawiin thlenga Sawrkar in Treasury-a ala hreng leh, Professional Course zirlaite dawn tur Stipend leh Book Grant Rs. Nuai 110 March Ni 5 a NEC in a release tawh pek chhuah theih loha a la awm reng chu Finance Minister hnenah thlenin, June, 2013 thla ral hma ngeia Zirlaite hnena heng pawisa te hi semchhuah a nih loh chuan MSU in a hriatthiam theih tawh dawn loh thu leh Sorkar chu insawifiah ngei tura an phut thu an sawi.

MIGASA chuan Lump Sum Aided Schoolte chu sawrkarin Adhoc Aided statusa hlankai a tumlo nia sawiin, zirna chhunzawm zel thei dinhmunah an ding tawhlo tih an sawi a. June 19 atang hian an school te tiamchin awmloa khar an tum.