To,
The Hon’ble Chief Minister
Aizawl : Mizoram
Subject : Administrative District thar siam tur leh District Capital, Darlawna dah tura ngen dilna.
Ka pu,
A hmasain Darlawn tlangdung mipuite aiawhinChibai kan buk a che.
Hun rei tak ata tawh Datlawn tlangdungin, Mizoram State in relbawlna chhunga, District Administration a hranga kan neih theihna tur atana DISTRICT CAPITAL Darlawna dah tura kan lo dil thin chu tun thlengin hma min laksakna hmuh tur ala awm loh avangin a rang thei ang bera hma min laksak turin i khawngaihna ngen ngawl takin kan rawn dil nawn leh a ni e.
Tipaimukh tlang dung leh vanga i mipui chengten Mizoram tlangdung hrang hranga mihring chengte hmasawnna, i sorkar hnuaia a kal vut vut ang hian hma kan sawn ve theihna tur atana a bulthum bera kan mamawh a ni a kan ngaih “District Administration thar” kan ngiatnaah hian a muanawm thei ang bera hmalak kan duh a. Tin, tha leh tui, ngaihtuahna leh sum leh pai etc. thangkhat lian zet kan lo sen thlawn tawh te ngaihtuahin kan sen thlawn leh zel loh nan Dated 25th June, 2013 hma ngeia thuthar min neih saka, “District Administration thar” min pek ngei i Sorkar ah hian kan beisei tlat a ni.
District Administration thar kan rawn dil chhan hrang hrangte chu sawi tawh lo mai ila. Kan tlangdung tan dil awm loh a nihna chhan tur kan hre lova, kan beisei ang ngei hian i Sorkar chak tak hian, pangchang taka District Administration thar kan rawn dil hi min tihhlawhtlin sak ngei la, i chungah leh i sawrkar chungah kan lawm em em ang.
I rintlak;
sd/-
(C.THANTHUAMA)
Chairman
District Demand Committee
Darlawn
Sd/-
(LALNUNPUIA)
Secretary
District Demand Committee
Darlawn
Copy to :
1) All Cabinet Ministers, Govt. of Mizoram
2) Speaker, Mizoram Legislative Assembly
3) Deputy Speaker, Mizoram Legislative Assembly
4) Pu R.L Pianmawia, Govt. Dy Chief Whip, Govt. of Mizoram
5) Guard File
DISTRICT DEMAND COMMITTEE DARLAWN
Similar Posts:
- Darlawn pawn district duh
- Tuichangralin district an duh ve
- “Hnahthial District thar siam a ni lovang” – CM
- Long-march tan ta
- Hnahthialah district ngenin mipuiin kawng zawh
June 5th, 2013 at 11:39 am
1st te’ng. Kan tlangdung nih manah.
Report this comment
June 5th, 2013 at 11:58 am
Two wheeler hal nen khan khawinge tul lo in tih zawk han sawiho teh u le. Ka tlanchhe nghal daih.
Report this comment
June 5th, 2013 at 12:14 pm
He thil hi ZONET FAKSELNA-ah pawh sorkar hmasain khaw thenkhat district thuthmun atana an puan khan, Darlawn hi a tlangdung han thlir leh a location pawh hi ram pum han en pawh hian a awm ving veng hle tiin ka lo thawn tawh nghe nghe a ni. Hei thu hi chanchinbua ka hmuh phat khan ZONET FAKSELNA-ah ka ngaihdan ka thawn leh vat a, mahse min deliver sak thei tlat lo a, pawi ka ti viau nghe nghe a ni.
Sorkar hian vote beisei vang pawh ni chuang hauh lovin, a tlangdung leh location thlir ta sela, ram leh hnam Hmasawnna zawk thlirin ngaihtuahna hmang se, an dil ang ngei hian tihpuitlinsak teh se. Duhsakna ka hlan e. Ka tihsak theih phei chu ni se ka yes ngei ang.
Report this comment
June 5th, 2013 at 12:58 pm
Tawngtai ve ta mai sela…
Report this comment
June 5th, 2013 at 12:59 pm
An zinga cheng leh an mamawh dan ka hriatpui miau loh avangin dil awm a nih leh nih loh ka hre pha lem lo ve.
Report this comment
June 5th, 2013 at 1:11 pm
An phu khop mai District hi Darlawn leh Suangpuilawn tlangdung ho khian,takam ho aiin duhsak an phu zawk fe
Report this comment
June 5th, 2013 at 1:26 pm
Aizawl pawn lam hmu thiam mang lo leh, thingtlanga Sawrkar hna thawk tura post pawha kal hreh toh hnam kan nih hi, district hqr. hi awm nual ta se, development pawh a kai rual deuh mah na?
Report this comment
June 5th, 2013 at 3:33 pm
Pek belh a hnekin district lem Mamir, Kolasib, Serchhip leh Champhai amite pawh hi sawr zim leh zawk rawh se.
Aizawl, Lunglei elh Saiha ami bak hi chu district puitling ang pawn an enkawl theih loh hi. Sum lamin a daih lo.
Report this comment
June 5th, 2013 at 6:18 pm
Thra ka ti ve khawp mai.
Darlawn district chu pe sela kan lawm em em ang.
Report this comment
June 5th, 2013 at 6:43 pm
Phu chu an phu maithei, mahse, ngun taka zir chian hmasak a tha ang.
Report this comment
June 5th, 2013 at 8:29 pm
District an sem zo tawh, awm tawh leu akekeke
Report this comment
June 5th, 2013 at 11:25 pm
District thar chu pe ve mai se, hna thar a tam ang a, unemployment buaina tlemin a tizangkhai deuh hawk ang chu.
Report this comment
June 6th, 2013 at 7:55 am
Mihring tam hun tur a va nghahhlelhawm em…chutih hunah chuan Aizawl khawpui pawh hian district hran an la mamawh anga….
Report this comment
June 6th, 2013 at 8:15 am
Tukchhah nuam vek u le
Report this comment
June 6th, 2013 at 11:21 am
Ngopa tlangdung pawhin kan duh
Report this comment
June 6th, 2013 at 12:28 pm
a DISTRICT tih hming hrim hrimte chu pe ve leh se la
Report this comment
June 6th, 2013 at 6:11 pm
thil hrethui vaklo tan chuan sawi ve tur a vang angreng…. kan state pachhiatna hrereng ila, sum heklo zawng hi zawn a tul khawp mai, hmasawnna tak tak thlentu tur anih loh chuan..
Report this comment
June 6th, 2013 at 8:00 pm
Geographically-a thlir chuan he Tipaimuk kawng tlangdung hian district capital chu an phu ve ving veng hlein ka hre tlat zu nia. Tu huatthu suhah Champhai tlangdunga pathum ngawt m,Lungai han intlar chho ringawt mai te hi, tihpuitlin theih a nih chuan a tha vek mai. Tin, Lunglei tlangdung han thlir leh ila, pathum bawk a tlar phei leh thawt bawk a. Kolasib leh Mamit pawh hi a tlangdung en chuan awm ving veng tak an ni reng a ni. Sorkar hotute pawh hian rorel dan fel leh samkhai zawk hi huaisen takin kalpui ngam se tih hi ka lo suangtuah ve fo thin a ni. Kan politician-te hian vote hmuhin min hmu tlat lo se chuan, Geographically-in an thlir ang a, district inpek chungchangah pawh hian heti teh nuaih hian a chiri lo tur hi a ni zawk nghe nghe asin.
Report this comment
June 7th, 2013 at 7:42 am
A hman hman hian district administration thar te hi ngen leh ngawt thin tur pawh a ni lo.
Report this comment
June 8th, 2013 at 10:42 am
Thu pawimawh a ngaih thawn siah chuan typo a van tam ve le!
Hmar lam tlangdungah chuan hmunpui atan a awhawm ber a ni maithei a ni.
Helam tlangdung hi ka ngaina-in ka tlangnel em em thin. Ke pawhin khawkar ka kal ngun ve tawh viau. Hmmm, “Darlawn” han tih hi chuan ka lung a leng leh thin. Thian hlui Va-Vala te ho an ngaihawm thin mang e!
Report this comment