Hringnun hohzia zirtîr kher i ngai lo,
Nunna derthâwnzia hrilh kher i ngai hek lo;
Vawiinah rim takin thawk la,
Naktûkah a rah seng lo pawh ni la;
‘Beidawnna’ hi hmun ken kher a ngai lo,
‘Beiseina’ hian i thian nih a châk reng fo.
Tûn hun hi i ta liau liau a ni a,
Hlim tak leh duhawm takin nung la;
Tumruhna nên thawkrim ang che.
Naktûk atân engmah khêk suh –
Chutih hunah chuan Nunkhaw Sana hi
A lo tâwp dêr tawh maithei asin!
When the magical moon shine above
I see the images of you in the sky,
Dancing with the star of love above
Remembrance talks back about you
Heard less word torn apart my thought
And deep down inside loneliness kills me;
Illusion overshadowed and anointed me
I stand in vain waiting for you
Memories of you linger they fall down
Senmei thlifim, thlangtiang thlifim a lo tleh
Maicham a ti chim, hawilopar a thliak
Leikapui zau atangin leikapui zimah kaiin
Thlarau pailral kawng thuampui a thlak.
Aurawl a rawn chhuak, a thangvel e,
Chhak thlang, chhim leh hmar kil tinah
“Lei pialral, faisa ram, kan chanvo a ni” tiin
Aiawh mualkil rorel pailral lamtluang a nih ringin
Thlantui leh thisen fara luantir huamin
Vap awm lo turin fathang haral a ni,
“Ramtiam kan kai” tiin hla do an chham
Tlangpui tinah senmei detin an lawm.
Parmawi a chuai thuaia, lungphun a chim,
Zalenna par thliahsak tiamtuten, zalen fate
Zalenna par zu thlumin an hrai rui,
An thisenin lei an dawh, mimal pialral an kai.
An ramtiam, an lei pialralah ngei chuan,
Pawi khawih lo, hnungkhirh loh saltang,
Zalenna zu ruia kal thiam lo chan an chang zo.
An buh hmunah tam chhawlin an tlu,
Lui kiangah dang charin Paula rauhsan
Luhka an kai; an chanvo thihna tur a chang ta si.
Thalro mai zam kai san a,
Furpui hlun thim ban a,
Sikpui daifim chhuah a,
Thang vansang mawi tu,
Khuangchawi Thlapui.
Hringfa zaleng sumtual en an,
Thang vanzau ah a Eng a chhuah,
Khuangchawi Thlapui.
Furpui hnawm dur thim buk bo
……………………………………….[En an,
Vangkhua tualzawl,
Mualkil tin hrut in En e,
Khuangchawi Thlapui'n...
Tluk zo awmlo,
Khuangchawi thlaen,
Thla a zawnga eng ber,
Khuangchawi Thlapui.
Mahriang awma nunhlui thlirkirin
Zotual Han phai mawitu lenmawi
Nangnena lenlai kan chen dunlai te
Mitthla an a cham reng e..
Tudang ngailoten suihlai vuana
Vankhua tual kan lenlai zawngte
Selna anka do duna hlimten
Nunkhua chen dun laizawng nen
Thinlaian a cham reng e..
Hmanlai an chang zo ta maw?
Zonun… Han tual mawitu….
Rauthla mai chang mahse
Nghilh zawng I har ngei e…
Lenlai ka lungdi…
O’ beloved of mine, to thee i pray,
Let not thy heart be trifled by fear
Of ancient betrayal and allegiance sway,
Stolen like pearls Beauty so dear!
Across the green seas, beneath the darkling sky,
Yearning thence hath but a hollow drift;
Gracious no man, the devil may cry,
Hence betrothed, the woeful tale a hist.
But thine love shalt not waver a bit,
Assured be thy heart once hath we vowed-
Forbear in faith thy adversaries spit,
‘Tis lasting endurance yet slowed-
Loyal be thy name, i pray, in wake and sleep,
Heaven be thy destiny, O’ beloved of mine;
Till earth doth sink in oceans deep,
Through eternity our love’s immortal shine.
(PS: Ka poetry zinga ka roh ber pakhat a ni a, ka phur thutin ka rawn post anih hi. Duh duh danin faksel a thiang 
, a duh duh tan inngaihbel awih, ka lawm e… 
)
(Rendered into English by Sangliana [L], Ex-M.P)
1. A tuar zia reng reng a awm nem maw,
Berhva chun ngai Khawtlang lam vai ang hianin;
Ni ka leng zo lo ve nang ngaih chu.
—Painful, oh, painful beyond all bearing,
Yearning for you like a young bird for its mother;
I pine, I faint through the livelong day.
2. Chhun a rei em, zan a tawi chuang lo,
Ka zai vawng vawng mai dawn laikhum thleh nemah;
Kei ang hian diin mi ngai lo ve.
—Long is the day, nor shorter is the night,
I languish on my bed through the long hours;
Pining for her who pines not for me.
Tive niah nuah!:
Kan khuavel kar dan hla mah se,
Ban phak maiah ka ngai ṭhin che.
Anka hril dan ka vai mang e!
Ka lairil phawrh thei turin engtin ti i maw?
Duat te’n ka pawm lai che a rei ta e,
Tuar zawh a har kei ka tan hian;
Tehkhawng melin hla mah se,
Ka thinlung reng i chhuahsan ngai si lo.
Han thlir vel la chung chhawrthlapui leh siarte,
An dang chuang lo ve turni te nen.
I anka nemte ka tan thli hiau ni e,
Frederick tlang thlifim iangin.
Hring hluan phulmawi hmun nuamah
A ṭhiangin an leng indi rialin,
Hmangaihna vangin thim hlauhna bo ve,
Hmangaihna vanga hnu chhui kir chang lah bo lo.
Tum mah ila ka kalsan thei lo che,
Mang lamah i dang chuang si lo.
I hla tur ka hril chang ni te hian,
Ka thinlung i luahkhat zo si ṭhin.
Bonus: 
Awmkhua a har lunglen ka kham.
Turni sa vei, lunglai ti changêl hmun e.
Ka kûr ngiai nguai chhungkim ngaiin.
Tawn leh ni her thuai ang maw?!!
Ka dawn ngamlo a hnual zawngin.
Aw turni, vel vawlin sa mahla,
I thai reh hlei law’ng e ka chhungkim ngaih ni!
Hmangaihna chuan thikthu a keng tel thin a,
Rinhlehna erawh hmun a kian ngai lo;
Hun harsa paltlang a ngai fo thin a,
Bansan mai erawh chu a tum ngai lo.
Hmangaihna chuan duat a beisei thin ngei a,
Duat reng erawh chu a phut ngai hauh lo;
A beisei ang phak loh chang a awm thin a,
Beisei erawh a thulh phah ngai chuang lo.
Hmangaihna chuan lawm loh chang a nei thin a,
Chel taka tawrh erawh a bansan lo;
Lungawi loh chang pawh vawi tam a awm thin a,
Rei tak erawh a lungawi lo ngai lo.
Hmangaihna chu tawrhna angin a lang thin a,
A tawrhna chu lawmnaah a ngai thin;
Rinawmna hi a innghahna a ni a,
Kum tam pawh ni se,a pangngai reng thin.
Hlim ka duh a, i kianga ka awm hian ka hlim thin
Lungngaihna hi hnuchhawn ka duh a
Min hnuchhawn nia ka hriat lai hian ka lungngai thin
I hmui ka thlahlel a, fawh vawng vawng che ka chak thin
I tangnem bela kuah vawng vawng che leh
Zankhaw tairek pawh sawi loa i kianga hun hman te
Laikhum zaldun na’na kan zan hman dun zawng zawngte kha
A ni, vawrtawp thlenga kan khurh dun laite kha
Ka thlahlel a, ka ngai thin
Mahse he’ng zawng zawng hi awm ta lo se
Nui dun loin ngui dun i la
Min fawp loin min haw ta la
Chhun hi rumna’n hmangin zan hi tahna’n hmang i la
Ka la thlahlel tho che ang em?
Kimi Colney hian thu pawh a ziak...
Hairehai....You can unsubscribe anytime!
Duhthlanna leh rinna chungchanga TMEF Zirtirna: A chinchhuaka chhuina leh thudik zawk kawhhmuhna.
Click here