Archive for the ‘Religion’ Category

Ringtu Nun-a Thlarau Thianghlim Hnathawh {Pentecost Sunday Pual}

Sunday, May 19th, 2013

Vawiin hi Pentecost Sunday a ni a. Pentecost tih hi “Sawmnga-na” (50th) tihna a ni. Hei hi, “Kalhlen Kȗt aţanga chhiara a ni 5-na” (the 50th day after the Passover Feast) a ni (Lev. 23:16-22, Numb.28:26-31). He Pentecost Kȗt hi Judate Kût pawimawh tak a ni a, Karte Kût/Pawl Kût tia koh a ni bawk. Buhseng zawh Pathian hnena Lawmthusawina Kȗt a ni. Lal Isua kha Kalhlen Kȗt-ah khenbeh a ni a, ni 40 hnu-ah Vanah a lawn chhova. A Zirtirte (leh Ringtute) hnena rawn tirh a tiam ang chiah khan, khenbeh a nih aţanga a ni 50-na (Pentecost Kȗt)-ah Thlarau Thianghlim hi a lo thleng ta a ni.

Thlarau Thianghlim Hnathawh hi ringtu leh kohhran tan a pawimawh êm êm a, a thiltihtheihna a sângin a thȗk a, a hnathawh theih hi a tam êm êm a. Ringtu nun bikah pawh sawi tur tam tak a awm. Vawiinah chuan Ringtu Nun-a Thlarau Thianghlim Hnathawh Pawimawh tak tak 4-te chauh kan sawi dawn a ni. Mihring chu boruak tellovin rei a nung thei lova, Sangha pawh tuiah lo chuan a nung rei thei lo angin, Thlarau Thianghlim tellovin ringtu leh kohhran hi a nung thei lova, a kal rei thei lo. Chuvangin, Fakna hla siamtu chuan, “Thlarau Thianghlim Nunna ber, Awmdan Danglam-tirtu…” a lo ti-hial a, a dik hle a ni. A tlangpui chauhvin, a tawi thei ang berin sawi kan tum ang.

1. Thlarau Thianghlim-a Chhinchhiah (Sealing)
Miin thinlung chhungril ber ațanga tihtak zeta Pathian a rin veleh (a pianthar veleh, cf. Rom 10:9-13), Pathianin Amah ringtu chu, ama ta a nihzia leh a venhimna leh thlazar hnuaiah a awm tih entirna atan Thlarau Thianghlim-in a chhinchhiah (sealed) ta nghal a, “Amahah chuan nangni pawh thutak thu (in chhandamna Chanchin Tha chu) in ngaihthlak a, rin pawh in rin hnuin, amahah chuan Thlarau Thianghlim tiam chuan Chhinchhiah-in in awm kha” (Eph.1:13). Hei hian ringtu chu Pathian venhimna hnuaiah a himzia (security), Pathian fa dik tak a nihzia (authenticity), Pathian ta ngei a nihna (ownership) leh Pathian thuneihna kengtu (authority) a nihzia a tarlang nghal a ni.  Sorkar official – Prime Minister, Governor, Chief Minister-ten an Letterhead-a an ziak, seal chhu a, an sign-hnan tawh Lehkha pawimawh tak ang hi a ni, ti ila hriat fiah a awl ber ang chu maw.
(more…)

Posted in Religion | 7 Comments »

Bible-a Zu Rui Sualte-1 {Sunday Pual}

Sunday, May 12th, 2013

Bible-in, “Thil engkim tih ka tan a thiang a, nimahsela thil engkim tih a ţha kher lo; thil engkim tih ka tan a thiang a, nimahsela eng bawihah mah ka inphal lo… Thil engkim tih a thiang a, nimahsela thil engkim tih a ţha kher lo. Thil engkim tih a thiang a, nimahsela thil engkim tihin mi a siam ţha lo” (1 Kor.6:12, 10:23) a tih avangin, Zu in ringawt hi sual a ni lova, Zu in sual (hman sual/abuse) erawhchu sual lian tak a ni thei an tih hi a dik hle a ni. Bible-ah hian Zu in vang ni lova, Zu in sual (ruih sual/hman sual) avanga chanchin lungchhiat-thlâk tak tak thleng min record sak nual a. Zir chhuah tur a awm beiseiin ka rawn lawr-khawm a ni.

1. Nova A Rui Sual, A Zahmawh A Lang! (Gen. 9:21-25, Heb.11:7)
Nova, Pathian ţih dek a, a chhungte chhandamtu, rinnaa kan pa meuh khan Zu a siam a, a in a, a in nasa lutuk deuh. A rui-sual a, a la mu-sual zui! Nova Zu rui sual hian nghawng ţha lo tak mai a nei a. A Zu rui mu-sual chu a fate zinga pakhat-in a zahmawh lang a hmu a! A tupa Kanaan leh a thlah-ten ânchhia an dawn phah ringawt bawk! A Zu ruih sual vanga zahmawh langa a mu khan a thlah-te zingah an chhia a thlen phah a nih chu, ava ţha lo em! Zu hi kan in pawhin chhungte leh thlahte ânchhia dawng khawp khawpin in rui lo ila a ţha ang.

(more…)

Posted in Mizo Society & Culture, Religion, Zu | 7 Comments »

Peace Solution leh In Unauna for Vaphai leh Saikhumphai and Zo Hnam te

Friday, May 10th, 2013

Aw Mizoram, Zo ram chanve aia tlem leh te, in aa zo tawh ami!
Ngatinnge I unaute inn leh lo I hal tak mai!
Mahni unau inn hal chu leh mahni inhal I ni tih I hre lovem ni?

Engvangin nge, British leh atranpui tuten keini Zo ho hi kan ram an thren avang rikgawtin kan in thren ang?

Chutiang ang chiah in engvangin nge Indian, Burmese/myanmarese and Bangladeshi kan nih rikngawt ang?

Kei india, New Delhi ah ka awm a mahse ka ram, kan ram erawh chu Zo ram ani a. Mahse chu kan ram threnkhat chu British leh a tranpuitu ramten India an op tir a, State hrang hrangah an siam a, mahse Indian = Vai ka ni lau. Ka unaute leh ka/kan ram threnkat nen hmanlai a hriatlohna leh British leh a tranpuitu ramte politic vangin Burma leh Bangladesh ah op tir ani a. Mahse, Burmese/myanmarese leh Bangladeshi an ni lo.

Zo kan ni, English grammar sense chuan ‘We are Zos.’
Indian, Burmese/Myanmarese leh Bangladeshi nge kan nih Zo tih ah hian chiang ila, I thlang bok ang u.

(more…)

Posted in Education, Mizo Society & Culture, Mizoram, More than words, Religion | 9 Comments »

Pau Cin Hau chanchin tlangpui

Tuesday, May 7th, 2013

Sukte hnam Pau Cin Hau hi kum 1859 ah Tedim ah a piang a. A pa chu Khan Lian a ni. Naupang pangngai ve mai ni in a thiante nen ramhnuaiah Sial leh Kel te an veng thin a ni. Tlem a lo len ve deuh hnu ah apa chuan Mualbem ah raldo dan bakah Teizang tawng zir turin a tir a. Mualbem atangin Tedim ah a kir leh hun chuan lo lam hnathawkin a pa a pui thin a ni. Nundan pangngaia hlim taka a awm lai chuan Tedim tihchhiat a nih tur thu hrilhlawkna a dawng ta tlat mai. Pathian chu a mumang ah in lar in thusawi chhuah tur te a pe thin a ni. Tumah in an awih bawk si loh avangin ti hian hla in a phuah ta hial a ni:

Thang van a zal Sian za mang aw,
Tong dam khaak heem in za’ng e.
Pupa’pat loh khua van nuai-ah,
Sian tong dam sin thu hi e.

Translation:
Thangvan sang chung nung bera Pathian
Anka neem chu bengin ka hria
Pi leh pu hriat ngailoh vanhnuai leichinah
Pathian aw ngei a ni e

(more…)

Posted in Religion | 9 Comments »

Hnamdang Nupui-Pasala Neih Hi {Sunday Pual}

Sunday, May 5th, 2013

Thuhmahruai
Hnamdang Nupui-pasala neih (inter-cultural/faith marriage) hi thupui pawimawh tak a ni a, a taka nunpui leh lem duak erawhchu har tak a ni thung. Bible chuan thutlukna fel tak siamin Israel fate kha a warning thlap a, hnamdang chu nupui-pasala nei lo turin chiang takin a hrilh lawk a. Hei hi a chhan ber nia lang chu, (1) culture in-ang lo chuan chhungkua leh chi leh hnamah harsatna a thlen thei a, (2) hnamdangte hian sakhaw (pathian) biak an nei hrang a, (3) ringlo mi nupui emaw, pasal emaw chuan a rinna a phat-tir (bansan-tir) theih dawn avangin a ni ber (cf. Gen.28:1-4, Deut.7:1-4, 4:15-20, 17:17, 2Sam. 1Lal.3:1, 11:1-14, Neh.10, 13:23-27, 1Kor.7:12-39, 2Kor.6:14, 1Pet.3:1,2). A chunga tarlan aţang khian, hnam-dang nupui-pasala neih hian mimal, chhungkua, hnam leh sakhua (personal, family, culture, social & spiritual life)-ah te harsatna siamin chhungkaw hlim nih leh Pathian tana mi ţangkai nih a harsa dawn tih a hriat-chian êm avangin Pathianin a phalsak lo niin alang.

Hruaitu Ropui Mosia, Davida, Solomona-ten Hnamdang An Nei!
Pathianin Israel fate kha hnamdang nupui-pasal-a nei lo turin a hrilh mawlh mawlh a. Mahse, an Hruaitu ropui ber ber-te chuan hnamdang nupui-ah an nei lawi si! Mosia’n hnamdang mi (Kush/Ethiopian) a neih hi Jehova ringtu ve tho a nih rin a ni tlangpui a (Numb.12:1-3). Hetih hunlai hian Thupek chiangkuang tak la awm lo mahse, hnamdang mi neih hi Pathianin a phalsak lo tih an hre tawh niin alang. Hemi avang hian a Unaute sawiselna (demna) pawh hi Mosia’n a chhang-let ngam lova, Pathian meuh pawh a inrawlh lo niin alang. Lal Davida khan hnamdang mi Bathsebi nupuia a neih khan, a nupui neih dân chungchang mai ni lovin, “Bathsebi kha hnamdang mi” a nih avangin Pathian a lungni lo tel bawk niin an ngai (2Sam.11). Mahse, Pathian chuan hnamdang mi nupui laka a fa Solomona chuan a Lalthutthleng a luah a phalsak a, a thlah kal zel chu Khawvel Chhandamtu Isua Krista lo pianchhuahna atan a thlang leh tlat lawi si! Hnamdang nupui lak aţanga piang Solomona chu Israel Lal zinga fing ber leh hausa ber a ni a. Mahse, a pa Davida a chhun a, hnamdang mi nupui-ah a nei a, a nupui-te chuan a lalram leh a thlarau nun an tih-chhiat sak thung (1Lal.11:1-14). Pathian ruat hruaitu ropuite pawhin hnamdang mi nupuia an neih chuan, keini lo sawisel tur a awm emni? tiin ngaihdan kan siam ve mai dawn emni ang? (more…)

Posted in Lifestyle, Luangliam, Mizo Society & Culture, Religion | 31 Comments »

Ka chenna ram thlaler a ni.

Sunday, May 5th, 2013

Vawiin chu Mizo hlaphuahtute zinga ngaihsanawm ka tih em em Pi Lalruali leh a hlaphuah “Ka Chenna ram thlaler a ni Lalpa” tih hi I han en ve leh thuak thung teh ang aw.

Pi Lalruali hi Kum 1924 February ni 13 khan Sihfa khuaah a lo piang a. Naupanlai atanga mi hlim thei tak leh rual pawl thiam tak a ni a. Lehkha pawh thiam thei ang reng tak anih avangin 1936 khan Pawlthum Scholarship hmu phak ngei turin a bei a; mahse January thlaah a khup a lo na a, a vung a, a khuate a sik a, a khum bet chu ani ta reng mai a.

A natna lah chu, Doctor ten an han enchian chuan ‘ruhnget’ chi a lo ni lehnghal a, Durtlang Damdawiinah a kuma kum tam enkawl ani chung pawhin a dam tha tak tak thei lo a, Wheel Chair a hman deuh reng alo ngai ta a ni. Chutiang chuan, Pian tirha naupang hrisel leh harhvang tak ni si chu, ke nei reng chunga kal theilo, Wheel chair-a thut deuh reng ngai leh midangte bawihsawm ngai renga a awm chung pawh chuan, a thlarau nun erawh chu hrisel tha pangai tak ani reng thei tho a ni.

A vanduaina belhchhah turin, kum 1958 khan, Synod Dispensary Sihfaa a awm laiin a Lung lam tha lo avangin a tawngthei lo leh ta tlat mai a. Pathian hnenah, “Lalpa, hla min pe la, a satu apiang ka sawi ai sawitu-ah ka ngai tang e,” tiin a dil a; tichuan he hla hi a lo dawng ta a ni. A thluk hi Pu Rokunga siamsak a ni.

(more…)

Posted in Lifestyle, Music and lyrics, Religion | 15 Comments »

Hmangaihna Mak

Thursday, May 2nd, 2013

Hmangaihna Mak

-H.zate

Hmar Rûn

khuavel kumpinu Lalram ni thlasengloa rorel mai tur Lal Edward viii in a lal thutthleng hlip a, nithlasenglo lal nihna hnawla ‘willis simpson’ a thlan zawkna chhan hi engnge ni ang le. Engvang ani law. . “ka lal duhawm i liam mai dawn maw” tiin anko lawm2 a a hawikir chuanglo. Chu, saptlangval in lallukhum leh lalthutthleng leh ropuina aia a thlan parmawii chu engtiang fakoa nula hmeltha tak ni maw! Aw, ni lo, nula ani lo, pawmlai nei mai anilo, thlawi leng leh ani. Ti hian pu bualkunga chuan alo phuah kha, “ram nithlasenglova rorel tur, a pawi mange, nuthlawi lengleh annem in, Haulai changsial ang a zawlthlu e” ti in, a uipui ke ngei zawng ni tur ani.

“Lokir leh mai rawh, Lal Edward hmeltha, I Lenrual leh I chunnu tui ang nem e, Lal leh la anti zaleng zawng hian” a han ti te te a, a tlawm hlen tur chu ngaingam lovin ti hian a han au leh hram a. “I tlawm hlen dawn maw, I thlir ngam dawn em ni Prince of wales, Coronation lawmin an awi Lammual ah” a ti zui hram anih kha. Ani tak e, ana ani hmangaihna tûr hi zawng, anni ang hnam ropui tan hnam chawm, nuthlawi lehnghal chu lalthutthleng luahtu atan a ram leh mipuiin an phal ngang silo a le. Ropuina hnawl a Hmangaihna thlang zawkin, nawmsakna chu hnawlin hreawm leh hmuhsit tawrh huamin a hmangaih chu a thlang ta zawk ani.

(more…)

Posted in Religion, Whatever | 8 Comments »

Pathian chance pe ve rawh

Sunday, April 28th, 2013

He thu hi hman atang tawhin ka rilruah a awm reng thin a. Vawiinah erawh chuan thui takin ka ziak dawn lo va. Ka sawi tum awmzia chauh ka rawn thai lang dawn a ni.

Pathian hnenah kan tawngtai thin a, kan duh leh mamawh tam tak kan dil thin. Chutih la erawh chuan keimahni duh dan leh ngaihdanin thutlukna kan siam leh lawi si a. Tha kan tih zawng ang apiang chu Pathian aw tiin kan chhal fo thin.

Pathian hi kan hmangaiha a thu kan zawm duh tak tak a nih chuan kan nunah hian chance kan pek ve hi a hun tawh hle a ni. Chance chu eng nge? Thutlukna kan siam dawnin emaw, kan nun kal zel dan turah pawh ‘A Thu’ kan ngaichang thin tur a ni. Kan Pathian, kan zah em em leh a rawng kan bawlsak leh a thu kan awih em ema hi chance pek kan theihnghilh fo. Khawi kipah pawh awmin eng thil pawh ti ila, Pathian hi a hmun laili ber pe thin ila; pen khat kan pen hmain Pathian hian chance nei hmasa zet sela, thu kam khat kan sawi hmain Pathian hian a ngaihdan leh duhdanah chanve nei hmasa zel sela, hringnun hi a kal sual thei hauh lo vang.

Vawiin atang chuan thutlukna kan siam hmain Pathian hi a ngaihdan, duhdan leh remtihdan sawia, puang chhuak thei turin kan chanchin phek tinah hian chance i pe thin ang u. Pathianni malsawmna ka hlan a che u.

Posted in Lifestyle, Religion | 15 Comments »

It is well(A pawi lo)

Sunday, April 28th, 2013

Vawiin chu, ‘a pawi lo’ tih hla lo pianchhuah dan lam I han hrut dawn teh ang hmiang.
He hla phuahtu Horatio G.Spafford hi kum 1828 October ni 20 khan, New York a North Troy hmunah a lo piang a. Naupangte niin Dan lam thiam ani a, a hlawhtlingin sum leh pai lamah pawh a hmuingil fu a ni. Kristian tha tak ni bawkin, Sakhaw thilah pawh a inhmang fu mai bawk a, DL Moody-a rawngbawlna pawh a puibawm fo a ni.

Chicago a kan vak hma lawk khan, Spafford-a hian Michigan Dil kama Real estate-ah a sum leh pai peipun tumin Risk alo la(Chiahpuam a tum) a. Chung a sum dah zawng zawng chu, Chicago a kan vak tum khan, a kang ral vek a ni. A nupui leh a fanu 4 te chu, an rilru hahdam nan leh DL.Moody-a rawngbawlna puibawm ni pah fawm turin England-ah an chhungkuaa kal an tum ta a. An kal dawn tepah, rokhawlhna avangin Chicago-a a cham hnufual a ngai a, a nupui leh a fanu 4 te erawhchu, lo han kal hmasa turin a tir ta tho a, S.S. Ville du Havre Lawngin kum
1873 November thla khan England lam chu an pan ta a ni.

Nimahsela, November ni 22 ah chuan thu lungchhiat thlak tak mai an hre ta a. S.S. Ville du Havre Lawng chu British Lawnglian ‘Lochearn’ an tih nen an insu hlauh mai a, minute 12 chhung lekin a pil ta a. Ni engemawzat hnuah, a damchhuak chhun te chuan Wales rama Cardiff Lawngchawlhna an thlen chuan, a nupui chuan thirhrui a rawn thawn ta a, “keimah chauh ka him” tih thu thin thawng tak mai chu a pasal Spafford-a chuan a dawng ta a ni. (more…)

Posted in Adventure, Event, Music and lyrics, Religion | 19 Comments »

Thlarau Râlthuam {Sunday Pual}

Sunday, April 28th, 2013

Thuhmahruai
Miin Pathian a rin veleh hian, Pathianin Amah Ringtu chu Thil pawimawh tak chi 2 a pe a. Chu chu Ringtu chuan a Rochun (inherits) nghal a. Chungte chu, (1). Malsawmna (tisa leh thlarauvah), (2). Pathian hmêlma chu a hmêlma a ni ve nghal ta bawk. Pathian hmêlma hlun leh thiltithei ber chu Setana a ni a, ani hian Pathian leh a hnathawh apiang chu tih-chhiat (destroy) vek a tum a ni (John 8:44). Pathian fapa Isua Krista pawhin Diabola (Setana) leh a hnathawh zawng zawng chu tih-chhiat vek a tum ve ta thung bawk a ni (1 John 3:8).

Setana hi Pathian thilsiam zinga Vantirhkoh chungnungber ni ţhin a ni a, a hel avangin Pathianin a paih-thla a ni (Isaia 14:12-15). Setana hi mihrngte aiin thiltihtheihna nei sângin, chak zawk mahsela, amah Siamtu Pathian chakna leh thiltihtheihna nen chuan tehkhin tham a ni lo. Lal Isua ringtute chu Tho-leh Krista thiltihtheihna ropui tak neitu leh ţawmpuitu kan nih avangin, chu thiltihtheihna chuan min venghim tlat ţhin a ni (1 John 4:4).

Isua Krista Thiltihtheihna neitu leh ţawmpuitu kan nih avangin Pathian Râlthuam Famkim pek kan ni a (Eph.6:10-18). He râlthuam hmang hian Setana chu do a, thlêmna leh sualna-te chu hneh zel turin Pathian thu-in min fuih a ni. Heng Pathian Râlthuam Famkim 7 te hi i lo zir-ho teh ang u.

(more…)

Posted in Religion | 14 Comments »

« Older Entries
Newer Entries »