Archive for the ‘Whatever’ Category

Haulawng Lanu ( A Dreams Came True)

Tuesday, May 7th, 2013
HAULAWNG LANU
(A Dreams Came True)
-H.zate
Hmar Run
Part -I

Hringnun hi alo mak in a va han mawi ṭhin tak em, khatia ka mumang rama kan intawn zawh khan hun chu a rial rei ta e, hun tam aliam a, ni tam a vei a, Tawnmang lama suangtuahna rama kan lo lenna chu a takram a thleng ve turin Ni 21 March 2013 zinglam dar 7:30 vel chuan kolasib aṭangin Bial motor hire a min rawn lam chho in kan Khua Thingdawl aṭang chuan kan rawn chhuak ta a. ka hlimin ka lawm ngang mai a, ka lo beisei leh ka lo nghahhlelh em em mai chu a takin a thleng dawn ta niin ka hria a, ka hlim takzet ani. Kawnpui leh zanlawn ah te kan Ṭhian dangte kan lam chho zel a. Lungdai ah chaw kan ei a, kan rawn tlan leh zel a, Aizawl kan thleng a, kan hrutphei zel a, Aibawk kan thleng a, ka Ṭhiante nen a Hotel a kan chawlhna kha Society in anlo luah tawh a, lung a ti leng khawp mai. Ka thlirliam ta ringawt a.

Hei ha, Vallungmawla Lunglen tizualtur tingin khua lah chu a thiang em em mai a, nuam kan ti tlang ngang aniang, kan hlim hlawm em mai. Kan tlan zel a, ka rinloh hlanin Kan Hnam Ṭhiek Hming chawi a khaw awmchhun Ṭhiak chu kan thleng ta a, He khua hi Mizoram khaw hming ah chuan a diklo ber pawl ani awm e, Ṭhiek chu Lusei a kan lehlin a Ziah dawn chuan Ṭhiat tih tur ani a, Mahse, Ṭhiak tih ani tlat bawk si a, Hmar Ṭawnga Ṭhiek tih kha paih silo in Hmar-Lusei Ṭawngin Ṭhiak tiin anko ta anih hmel . Midum khám leh Hmuifang kan rawn thleng phei leh chu nuam hem hem tak ani, tun hma a kan zin ve lai kha chuan Aizawl ,aibawk sialsuk thenzawl ani ṭhin a, tuna Midum kham leh Hmuifang lam panna hi anla zolo a, ka vawikhat hmuhna ani a, nuam ka ti ang reng khawp mai. Motor ti ding in kan fangkual vel a, Pathian hi faklo thei ka nilo, hetiang ram nuam leh duhawm min pe mai hi.

(more…)

Posted in Luangliam, More than words, Whatever | 8 Comments »

Sakei huai hliam chhuinaah ka tel ve a

Friday, May 3rd, 2013

[Source : J.Lalthangliana, MUP Tlangau Nov. 2012]

September 1965 ( a ni chiah ka hre ta lova) tlai dar 3 velah ka phai kal zin haw lam chu Mahmuam lal inah ka thleng a. Ka in phih fai zawh chuan nu pakhat hi a lo lut a, a thusawi chu hetiang hi a ni. In leipui thlai hmunah khan ka han kal a, Pi Lali a kal in ti a, ka ko thin a, min chhang hauh lo.

Thlam bul vel kha a pe selsul a, Sakei hniakte ka hmu a, ka hlau a, ka lo haw leh a ni a ti a. An sawi dan chuan nizan khan vengchhak Pu Liana te inah, an sumhmunah Sakei a riak niawm tak a ni. A lo lut lam hniak chu zanlai ruahsur khan a tham vek a. Mahse dai lam pana a hniak erawh chu ruahsur hnu hniak ni ngei tur a ni, ruahin a tham miah lo an ti a.

(more…)

Posted in Copy Paste, Mizo Society & Culture, Whatever | 10 Comments »

Hmangaihna Mak

Thursday, May 2nd, 2013

Hmangaihna Mak

-H.zate

Hmar Rûn

khuavel kumpinu Lalram ni thlasengloa rorel mai tur Lal Edward viii in a lal thutthleng hlip a, nithlasenglo lal nihna hnawla ‘willis simpson’ a thlan zawkna chhan hi engnge ni ang le. Engvang ani law. . “ka lal duhawm i liam mai dawn maw” tiin anko lawm2 a a hawikir chuanglo. Chu, saptlangval in lallukhum leh lalthutthleng leh ropuina aia a thlan parmawii chu engtiang fakoa nula hmeltha tak ni maw! Aw, ni lo, nula ani lo, pawmlai nei mai anilo, thlawi leng leh ani. Ti hian pu bualkunga chuan alo phuah kha, “ram nithlasenglova rorel tur, a pawi mange, nuthlawi lengleh annem in, Haulai changsial ang a zawlthlu e” ti in, a uipui ke ngei zawng ni tur ani.

“Lokir leh mai rawh, Lal Edward hmeltha, I Lenrual leh I chunnu tui ang nem e, Lal leh la anti zaleng zawng hian” a han ti te te a, a tlawm hlen tur chu ngaingam lovin ti hian a han au leh hram a. “I tlawm hlen dawn maw, I thlir ngam dawn em ni Prince of wales, Coronation lawmin an awi Lammual ah” a ti zui hram anih kha. Ani tak e, ana ani hmangaihna tûr hi zawng, anni ang hnam ropui tan hnam chawm, nuthlawi lehnghal chu lalthutthleng luahtu atan a ram leh mipuiin an phal ngang silo a le. Ropuina hnawl a Hmangaihna thlang zawkin, nawmsakna chu hnawlin hreawm leh hmuhsit tawrh huamin a hmangaih chu a thlang ta zawk ani.

(more…)

Posted in Religion, Whatever | 8 Comments »

TUNLAI

Thursday, April 25th, 2013

Tunlai i tunlai em? Tunlai tunlaina hian i tunlai nun a tibuai em? I tunlai nun tunlaina hian i nun ah harsatna a thlen em? Zawhna tamtak a awm thei awm e. Tunlai a kan buaipui ber pakhat chu tunlaina hi ani awm e.

Nunphungah tunlai kan tum a, incheina ah tunlai kan tum a, inchhung khawsak ah tunlai kan tum a, thian kawm ah te, tawngkam ah te, hawiher ah te, bungraw neih ah te leh thil engkim mai ah hian tunlai hi kan tum nasa em em mai a, chu kan tunlai tumna chuan kan Pathian biak dan thlengin nghawng a nei zo ta a. Kan culture ah nghawng a nei a, kan chhungkaw nun ah nghawng a nei a, kan mimal nunah nghawng a nei a tin kan khawtlang nunah nghawng a nei bawk a.

He kan tunlai na hian rualawhna nasa tak min siam sak a, chu chuan nunkawng thalo ah a pui a pang a lian a te in min khalh kual ta a lo ni.Tunlai nun a rual awhna avangin nu leh pa tamtak in an tih duhloh tha tha an tih phah a, thalai tamtak lah chuti bawk. Tunlai lo bik nih hi kan hlau theuh tawh mai si a chuchuan kawng diklo ah min hruai nasa ta em em mai a lo ni.

(more…)

Posted in Whatever | 18 Comments »

Tawn hriat ‘Buh-Mau atanga Hmuhchhuah’

Tuesday, April 16th, 2013

Source : Thanhawla, MUP Tlangau March 2013

Kum 1954 January thla khan ka pa-te lovat ram riahnaah ka riak ve a. Lungpho khaw  ram, Tuiphar lui ruam, Tuiphar hla zawk an tih ramah ka pain lo atan ramchang tha tak mai hi a thlang a. Kum 1953 buhseng laia an riahna Pawl Buk hlui ah riah buk kan khuar a. Kan riahna chul ram atang chuan kan lovah lai mek chu fingkhat vel zeta hla a ni a.

Tuk khat chu ka pa hi a kal hmasa a, keiniho chuan tlai deuh hlekah kan zui chhuak ve a. Kan lovah tur hmun kan thlen hma, mau hmun phei kan kal lai chuan, ka hma a kal ka u chuan kawnglaia mau ro, ke zungpui tiat vel tur hi a rap keh ri pawp mai a, chutih rual chuan buh hum hi a rawn per leng siau mai a. Thil danglam teh chiamah ka ngai hran lo va. Chutih laia ka rilrua ka ngaihtuahna ka la hriat reng chu, “Buh seng laiin vaki te’n buh vui an khai an thlauh a nih dawn hi,” tiin ka ngaihruat mai a.

Chhunah kan chaw fak laiin ka sawi chhuak a, ka pa chuan a lo bengkhawn hle mai a. “A awmna lai ila hre thei ang em?” tiin min zawt vat a. Hre thei ang tih ka hrilh a. Tlai ban hun hma deuhah chuan ka pa chuan ban hma a rawt a, nidang aia hmain kan haw phei ta a. Buh hum ka hmuhna lai kan thlen chuan ka pa chu ka han kawhhmuh a.

(more…)

Posted in Copy Paste, Mizo Society & Culture, Whatever | 20 Comments »

Isua danglam leh ropui bikna (Ro.1:4)

Sunday, March 31st, 2013

Khawvel lal te, miropui leh sakhaw hotu/hmuchhuaktu, mi tamtakin an zui te pawh an thi thin. Thihna hneh a tho leh chu pakhat chauh a ni – chu chu, vawiin a i Lal leh Chhandamtu, Isua hi a ni e.

Posted in Whatever | 10 Comments »

SANDMAN KA CHHUANG

Sunday, March 31st, 2013

Mimal tak pawhin ka lo chhuang a; Vanlalruatkima aka Kima – Mizohican-Sandman of Misual.com in mizo mai ni lo NE India mipuite tana a thiltih hi a ropui thlawt a ni. Mizoram chhunga awm chawr hi chuan vaiho min deusawhna hi kan tawng lem lo, mahse Vai ram rila awmte tan chuan hrilhfiah hran a tul bawk hek lo. Kima’n hetianga huaisen taka hma a la ngam leh thiam tak maia a’n ziak chhuak hi a namai lo viauin ka hria. A story ka sawi thiam vak dawn loh avangin a hnuaia link hi kan chhiar mai turah ka ngai.

Tukin Telegraph chanchinbuah a thlalak nen ka lo hmu a, misual lama ka lo hriat fo tawh a nih avangin ka lo intihmelhriat ve khawp a, kan nu hnenah a thianpa ber niawm takin ka’n sawi dawn a kan la inhmu der si lo va, tunah zawng kan thianpa Sandman-a hi celebrity a lo ni ta reng mai.

Sei tak post siam ka tum lova lawmthu han tarlan mai ka tum a ni e. Tunlai hian hotea hming a tha zawng leh chhe zawnga lan mai theih a nih tawh avangin fimkhur pawh a tul khawp mai. Hmanni lawkah kan nu leh Missionary pakhat Facebook kaltlanga nauchhar dan inhrilh chawp chunga Missionary-in nau a chhar ta mai pawh kha ka rin ai tak chuan a tlang thang a, Sandman-a chungchangah hian sulsutu pawimawh tak a ni ngei mai.

https://mizohican.blogspot.in/2013/03/chp-446-palm-sunday-blues

https://www.dnaindia.com/mumbai/report_racist-policeman-says-sorry-to-mizo

https://www.firstpost.com/india/dear-mumbai-police-thank-you-for-coffee

https://timesofindia.indiatimes.com/topic/Mumbai-Police-Commissioner

(Tukin Telegraph-a lo chhuak kha a thla ka la a, a hmel that tehlul nen ka post thei lo, Thlalak post dan ka lo la thiam lo va.)

Posted in Whatever | 32 Comments »

Help!!!

Friday, March 29th, 2013

Computer atanga in (house) awlsam taka design-na tur software a awm em? A awm chuan khawngaihin min hrilh teh u

Posted in Tech trek trek, Whatever | 11 Comments »

I thinlung thianghlim, tumah la hmangaih ngailohna ngei khan…

Friday, March 22nd, 2013

Mipa hi zawng kan thikthu hi kan pe chhe ve khawp mai.

“I thinlung thianghlim tumah la hmangaih ngailohna ngei khan e…” tihte hi, rulhhlut damdawi ei ngai hlei lovin rulhlut pai sa(meat) alo ei duhlo ve ngawt, ang deuh mai ni hian ka hre thin. Ti hian ka ngaihtuah mai mai thin : ‘Thinlung thianghlim’ tumah la hmangaih ngailohna thianghlim loh dan tur hi!!! Tih mawlh maiah hian ka buai a ni. (He hla phuahtu ka demna leh, “a phuah pai deuh mang e a…” ka tihna lam ni lovin, mipa diktak rilru huaisen taka a rawn tarlanna hi kan nula hote hian an lo helh takin, tiin Pu L.Keivoma tihdan takah, ka ziakmi kam zalenna hmangin tawi tein he hla tlar hnih/khat lek hi kan lo kawmen ve lawk duh a ni.)

Phat rual lohvin, he hla tlara hmangaihna a sawi hi, ‘Nula leh Tlangval inhmangaihna’ a nih a rinawm a. Chuti a nih chuan, he hla phuahtu hian ngaihzawng la nei ngailo nula, sawi a tumna a nih ngei a rinawm. Mahse, ‘Thinlung Thianghlim’ sawi nana ‘Tumah la hmangaih ngai lohna’ a hmang ta erawh hi chu a ti deuh mah mah em aw… a tih theih. Mahse, a phuahtu hi miPA a nih miau avangin ‘Thianghlimna’ a tehfung pawh alo danglam zo ta a ni.

‘Hmangaihna’ chu a der emaw a lem emaw a awm thei lo. ‘Hmangaihna diklo’ kan tihte pawh hi, hmangaihna nilo, hmangaihnaa kan lo ngaih thin vang zawk a ni. Hmangaihna chu thil sual hmangaihna a nih ngawt loh chuan, a mawiin a thianghlim em em vek thin a ni. Ha kuh siu-seu tak emaw, meng phang chulh mai emaw, ‘a lum biang’ ang deuhva thau bial chur mai pawh nise, thinlung taka a hmangaih (nawmchenna diklo a tel ve lo)phawt chuan, an pahnih chuan inzawmna thianghlim an nei tihna a ni. Kan Baibul chuan, Hmangaina chu a ngilneih thu te, a zawldawh thu te leh a kualiti hrang hrangte chu duhthawh takin a tarlang a, chu a chhapah Felna leh Rinawmnate chungah ala lentir leh ta nghal a nih kha! Hmangaihna thinlung hi a bawlhhlawh titu chuan hmangaihna awmzia a hrethiam lo a ni. (more…)

Posted in Luangliam, Whatever | 14 Comments »

HOSPITAL OPD CHHAWNG BO CHUNG CHANG KHA.

Thursday, March 21st, 2013

(Party In chirh theh nan kan hmang fo bawk a,Lam ang ka lo let leh lawmnan khawnge Politics zawng in rawn come back teh ang aw!!!!! )

OPD BUILDING A BO LO. Tin he ti hi a ni a, Hemi sak hunlai hi Pu F.Malsawma hunlai ani a, Tin, a Contractor pawh CONGRESS pachal Sapnel-a, First Class Contractor Association ah pawh President ani , chumi hnen ami chu Pu Sangchhunga Vaivakawn pa Congress thovin a lei chhawng a, He building sak zawh vek tawh hawngtu hi Pu R.Tlanghmingthanga ani chauh zawk.He OPD building sak dan tur hi Architecture in ruahmanna drawing a siam a, chumi rinchhan base chuan rough estimate plinth area rate in siam a ni a, chumi ang chuan A/A Administrative Approval sanction a ni a. Chumi hnu ah chuan Detailed Estimate siam ani leh a, detailed erawh hi chu Plinth area rate ni tawh lovin item hrang hrang rate, Schedule of Rate a mi anga siam a ni. Tichuan, Technical Sanction ang hian tender koh a contractor hnenah hna hi pek ani.

FLOOR KHAT 3rd FLOOR BO AN TIH CHU. Architect ruahmanna drawing a siamah hian Top Floor a bo anga sawi hi ziahlan tel ani a, amaherawh chu, rough estimate siam na ah he floor khat bo ta anga sawi hi telh a ni ve lo va, chuvangin a sakna tur pawisa pawh sanction tel ani lo hrim hrim zawk ani, Nakina la sak zawm tur ruahmanna awmsa anih avangin Architect hian Drawing siam ah hian a bo ta anga sawi hi a telh mai zawk ani. Chuvangin, sakzawm duh hun pawha dawl zo ngei turin a foundation te leh a ban te pawh ruahman nghal vek ani a, Floor khat bo anga sawi hi a chunga kan tarlan ang khian Future vision ani tih pawh chiang takin sanction na ah pawh ziah lan ani. OPD Building a tan hian Rs.371 lakhs November 2003 khan Sanctioned pek ani Heihi 90% DoNER Ministry in a tum tur a ni a, 10% hi State Sawrkar tum tur ani. DoNER Ministry hian 90% aia tam Rs.345.32 lakhs 93 an release thung. Sanction a tello leh hmuh lawkloh Damdawiin Chawmtu Transformer sawn nan leh Electric HT line Underground Cable a thlak nan P&E Department ah Rs.100,48 Lakhs transfer a ni, Transformer sawn a ngaih a vangin a hna hi reitak a khawtlai phah nghe nghe a ni. Mizoram sawrkarin a tum ve tur 10% or 7% DoNER in 3% an tum tur aia tam an release vangin a la release kimloh avangin OPD a tel tur Psychiatry leh Dental Department room la sak telloh ani a. Heng Room la sak loh nachhan hi a sakna hmun tur a tan Xray Block hlui thiah tur la thiah theih siloh vang kha ani. Sanction ah hian a total Plinth area chu 2789 Sq.m a nia tuna sak zawh tawh zawng hi total Plinth Area 2635.415 Sq.m ani a, la sak kimloh Plinth Area hi 153.58 Sq.M ani. Pawisa la release kim loh hian hemi la sak kim loh sakna tur hi a daih zan a, sak tura ruahman leh mek ani.Source PWD Gov’t of Mizoram.

Posted in Politics, Whatever | 11 Comments »

« Older Entries
Newer Entries »