Inkhawm ban zahzel thingpui in tur kha a lo thleng mai si lo a, biak tur nei lova attention deuhva din reng ai chuan ka tia secondhand lehkhabu en turin ka kal daih. Duh aiin thlalak nachang ka lo hre har a. Mahse tlem chu ka la nual e. Sunday chawhnu hian dawr an inkhar deuh thup a, tihian dawr kawtah lehkhabu hlui an phochhuak ta tuar thin a.
(Thlalak hi a muri tlat, click len khan a zia deuh)
Tunlai hian citi commercial hian zawhna a ngah khawp mai a. A chhan chu a hma khan he fakna an siamna hmunah tho lungpang (tlang) ah hian naute computer hmangin an bawhvak chhuah tir vang anih hmel. Tunah mihring puitling lawn chhuak an han hmang leh chuan zawhna a siam nasa ta hle mai.
An zawhna chu, “Tak tak a ni em” tih te, “a tlang chhip a a awmlai khan tunge thla lak sak,” tih te ani hlawm. Engpawh nise, citi commercial chu a video kan dah phawt ang e:
Himalaya tlang mawitak te zing a Range hmingthang tak pakhat Annapurna range, hnuai deuh mai a, khawpui mawitak Pokhara khawchhunga a dilmawi tak ‘Fewa Lake’ kamah hian, kum 16 liam ta atang khan, kum tin December 28 – 2 January thleng in “Street festival” an lo hmang tawh thin a.
Kawngpui dung (km 4 dawn laia sei a niang) khar-in, kawngpui ah hian open air Restaurant changkang tak a in tlar put mai a, ei tur chi hrang hrang, ei mai theihin an chhuang khu vut vut thin. Chung karah chuan in tih hlimna games chi hrang hrang khelh tur a awm a, chungte chu, ngun theh te, bawm rem khawm ball a vawmdarh te etc. He street (kawngpui) tak hi chu mipui tawlh dul dulna a nih avangin, restaurants, lehkhabu zawrh te, la-paw chini te an pho chhuak deuh ber a.
Keimah Millionaire pa :
Road trip a kal Mizo tlangval pathum te hi kal chhan nei vek kan ni a. Kei hi a neitu chanchang a kal ka ni a, kan thianpa pakhat hi a Motor registration a hming in an tih avangin a registration holder ang in a kal a, pakhat hi Hindi thiamtha deuh ber a, tawng let tu ang deuh a kal a ni thung a.
A neitu quota a kal ka nih avangin pawisa kawl tu ber ka ni a. Pawisa hi kan keng tam lem lo khawp mai a, cheng sing khat erh awrh chiah ka pai chhuak a. A pawisa kawl tu ber ka nih avangin kan senso leh pawisa hmanna chi tul reng reng kha ka pe ta char char a.
A nei ber ang zia zangin ka pawisa kawl lai sing khat ken atang chuan kan theh chhuak ve zung zung thin a. Kan kal hma atang thingpui leh eng ila hmawhsawm atanga kan kal puipa pheikhawk bo chapal man tur te, motor hlankaina tur thing hawh man te, motor hman man leh motor hlangtu tur labour rawih man te, kan motor lo veng tute lawmman atanga handyman tips ve tur thleng in ka pek vek a ngaih avangin a man tlawm ber chi a che mah ni ila a nei ber angin ka pawisa bawm atang chuan a chhuak zawih zawih mai a ni. A chhuak zat hlutna tam lem lo mahse la,a chhuak zing ve thei khawp mai. Kha mi ni na na kha chuan millionaire chet in ka che a ni ber e.
Road trip ber kher maw:
Kei hi zin chhuah hi ka uar lo khawp mai a. Zin nuam ti vaklo mi nih chuan zin lo hian a lo awm theih khawp mai a. Road trip kher kher phei hi chuan tun hi ka zin vawi khatna a ni dawn a. Ka zin ang hi chuan zin leh tur ni ila ka inngaihtuah nasa viau awm e.
Tun tum ka zin chhuak tur chu nidanga ka zin chhuak ang lo deuh a nih avangin rin aiin a lak pawh ka la ho lam phian a. Nidang ang lo takin zin dawn rilru kam el ul te pawh awm hman miah lovin ka chhuah hma tlaiah darkar tlemte a awm in kan zin tur hi tih fel niin min hrilh chiang chauh a.
Zin tur e ti lo chuan a in siam pawh ka in siam awlsam khawp mai. Ka puan lum (light banket), kut kawr, hmai hrukna leh tootbrush te ka racksack-ah ka vawm lut a, ka thawmhnaw in bel tur ka in hak fel chuan zin turin ka in peih fel chu a ni mai reng a.
Keia kara Chepahakhata, khawilai foreign Airport vela kan tum thu ka ziah ring suh. “Rih dil tlawh thu” tia dah ka tum zet a, Mizoram dil lian leh hmingthang man chawia Burma rama en a ngaih tlat si avang zawka, “Hei le foreign” tia dah mai ka ni.
Mahni sum seng miah lova “Ram fan thu” ka ziak a nih lem loh chuan, a pawi lo; la na vak duh suh. Chubakah, foreign a ni ve tho alawm, MLTP Act an hre ve tlat lova. Ka zawt chuang lo nain, a nih ka ring thla ngawt.
Kan Bus a len deuh leh kawng a chhiat deuh avangin, kawng hnai zawk lamah kan kal thei lova. Seling lam atangin Champhai kan pan thla a, kan bul tanna atang chuan; km 400 vel a ni ang. Tlungvel Quary vel kan tlan lai ka hre reng, kan motor kha Bus nge, Truck nge ni a; mau rap in tih hriat hran har khawpin vaivut in min bawh. Khu tiap tiap tak a ni (more…)
Lui kal thu.
Kum 199?, ka chiang ta chiah lo, keini thianza ho panga, nitin-zantin inkawm hoin lui kal kan rel tum kha. A pangngaite bawkin ka nu chuan, ‘Mama, a tul lo..tuiah in tla ang..’ ti chungin, buhfai a tul aia tam, engkim ramhnuai a ka mamawh tur ang nia a rin kha bag ah a rem mawlh mawlh a. Ka pa zin thosilen nen, bawr luah in thianpa te inah ka chhuk a, kan innghah khawmna hmun tur a kan ruat ah.
Kan lui kalna tur hi Changte lui, Aizawl atanga 50 km zen zawn vel ani ang chu. Ka nu hlauhthlawn ang aiin tun thlengin he luiah hian ‘tla hlum ’ an la awm lo a, a thuk lai ber pawh thlasik lai chuan pil erh awrh chauh ani. Lui tereuhte mahse khawkrawk phian si niin Ngahlim an tam hle a, Lengphar leh Nghahrah te pawh an awm ve a. Tui a len lai tak tak chuan thaichhawni-nu sum thum zen zawn an man tawh tih te pawh kan hria. Changte lui chhak deuhah hian kan thianpa ten lo hmun nghet an nei a, fu leh buh an ching a, an thlam, kawngpui kam a mi-ah innghah kan tum a, fu her lai anih avangin anmahni pawh an awm nghe nghe a. Kan thianpa te hi Thiak khaw chhuak an ni a, Thiak khua hian Changte lui hi an inti tatu viau nghe nghe a.
(more…)
Tun tum chu khawnge khawpui ropui tak thlawh thu leh Reng ram zin hi kan thailang ve teh ang. Tripura hi Reng ram an tih hi ka hre tawh ngei in ka ring a, mahse ka beng a rawnga hian ka thun tawk lo nge ni ka lo theihnghilh leh deuh tawh der a. Kumin hian Reng ram a Lal Isua Krista Chanchin tha thlen kum 100 an lawm ve ta a. He hun pawimawh tak mai hmang ve thei a ka awm hi vannei ka in ti hle a ni. Tun tun chu ka thuziak rau rauah a nawi leh zual deuh mai thei. Mizoram lama chuan rilru sawr bing a har em a, ka zo mai thei lova, mahse ka zo dawn lo tak ngial in ka hria a, ka rawn post tawp a ni e.
Khawpui ropui tlawh thu :
Thianpa, chhiahkhawn thin, India ram sorkar laipui tana thahnemngai taka chhiahkhawn thin (IRS) ka nei a. Assam khawpui ber dawttuah a awm a, a pisa ka la hmuh pui loh avangin Rengpui ram a zin pah in a pisa hmuh pui ka tum a. Mizote chuan hmuhsit leh fiamthu thawh nan a kan hman, khawpui ropui tak hi thluk lohna tam tak kan nei. Assam University te, NIT leh Medical college te thleng in an nei kim biai chung hian kan ngam loh em avang nge ni kan ngaisang lo mai ni lo hian a hming sawi zawng ringawt pawh hian kan nuih hi a za deuh nghal tlat zel. Bengali hmun pui a nih avang hian ‘phakar’ deuh tur hian kan han dah deuh ngawt pek a. Rel in a thlen that vang nge ni Mizoram te nen thil man te hi a in san hleih em vang hian kan chakkhai tam zawk erawh he khawpui atang hian kan lam awl lo thung thin a ni.
Post chatlak deuh laia lo thlir ho mai maiah ka han dah e.
1. Itanagar dai a Dil mawi leh nuam tak Ganga Lake. Tlang chhip zawl/khuarah a awm daih.
Mizo Hlakungpui Mual, Khawbung ami chu chei that mek a ni a. Hemi chhung hian helai tlawh tumtu te tan tlawh theihloh tura tih ani a. Amaherawhchu nitin tlawhtu an awm reng tho mai. A hunlai a ni ange.
Chawimawina lung phun hnunglam ve ve kha lei chhun zawl a tih zauh belh vek ani tawh a. Thing thenkhat te pawh kih an ni in khaw hawi pawh a ti nuam ta khawp mai. Tin, hetih rual hian website pawh tih changtlun mek ani in chei that mek ani. Tuna hman lai mek en duh tan hetah hian en theih ani. A thar tur lo thlirlawk duh tan hetah hian en theih ani.
(more…)
Ka tawn...
Duhthlanna leh rinna chungchanga TMEF Zirtirna: A chinchhuaka chhuina leh thudik zawk kawhhmuhna.
Click here