Tun tum chu hnung lam thlir chung in hmalam pan in i kal ang u hmiang. Vawi khat thir thuak a pic hi i man nghal mai a nih chuan ka tluk loh i ni tihna. A shot tu ngei pawh hian picture files atanga ka han haichhuah leh thut in, ka han thlir thuak a, ka bo deuh hu hu tlat mai. hehe…
Thenzawl GMI chungchang bawk a nia ka rawn ziah dawn ni. Mahse, a dan dang deuh thung a.
Nidangah tho hma ngai hlei lo kha zing dar 5 aṭanga harhin muthmunah ka’n insawizawi hmasa phawt a, dar 7 velah ka tho ta vúk mai a, zingkar boruak nawm lai a ni bawk a, ka tho hma chu ka inchhir lo hle!
A hma lawka ‘Haihawt’ thu lo post tawh ka nih avang khan ka theihnghilh theih tur âwm zawng zawng ka ngaihtuah hmasa vek a, nidanga ka ken ṭhin leh ka ken ngai loh nen ka bag te reuh të-ah ka khung ta vek a. Tennis Court lam ka pan ta a. Awm an lo awm nual tawh a, kan innghahkhawm hnuin ka sana-a zing dar 7 leh minute 1 leh second 17-ah kan chhuak ta a. Kan tlân ta vúk vûk mai a ni.
Introduction to Zinkawng Tuboh-
Fam ta lo na na na chu, ka la dam tek tek a nih hi maw. Monu thlaha kan zin chanchin hi, ka’n hrilh mai mai teh ang che. Kan monu thlah ka thihpui thelh nia le, ka thihni a thleng lo chauh kha a ni si a.
Remchanna avang zawkin, hmeichhe khaw lamah “Tiam dun e” an ti ta mai kha a ni a. Mipa zawk khawlamah an hawng lo thei si lo, kan thlah ta poh a nih kha. Keia pui roh, engmah ka nih loh teh vei nen; i lo kal ve ngei tur a ni an ti tlat si a.
Hei le Mini Bus-
Bungrua leh mamawh neuh neuh an ngah vei roh em atin nih kha, mini bus (city ride) ang chi kan hmang tawp a. Fanghmir Sai dawlh ang tan, kan tawtin a mar tha khawp. A chungah pawh kan rem ve nual a. A chhung lamah erawh gas cylinder, dunlop, suitcase leh maipawl nên lam kan inhnawh.
Kan han lut khawm a, rin aiin kan tawt. Han inhnawh inhnawh takah chuan, kan leng ve mai. Nu leh pa, nula leh tlangval, naupang nen lam kan kim tha. Tuai kan awm lo. Theih ang anga kan inhnawh hnuah, kan chhuak ta.
(He thuziak hi Baptist Boarding School-a thawk mekte leh thawktawhte, zirlaite leh lo zir tawhte tân ka hlan e)
Kum tam a liam tawh hnu hian ka lung min len thar tlat. Kan zinni thlaler ramro-ah khan Visa a pawimawh lova, passport a tul hek lo. A tirah Bus in kan kal a, a hnuah Jeep in kan kal leh a. Sakawr hman ngaihna a awm leh a,a tawpah pipu in kan uai lut hram ti ila dawt tlem ka sawi tihna a ni dawn si a.
Ramthim sikula ka luh lai a ni a, thlaler ramthima rawngbawl tura tih kan la ni cheu. Rawngbawla ka chhuah hmasak ber a ni nghe nghe. Kan ngaihtuah vang vanga, zaipawl anga kal tha ber niin kan hre ta a. Mahni hla pawh sak thiam apui neih loh nak alaia, hnamdang hla kan han zir mauh mai kha chu rin aiin nal a har.
Kha Hostel-ah khan Mizo awmchhun kan ni miauva, kan Conductor khan bass inthiam ang in bass ang a ti mauh mai si. Zaipawl sawmthum chuangah khan a thum chi a sa pathum chiah kan ni. A rikin kan ri chuah chuah a ni ber a, kar khat awrh kan zira. Ramthimah vek rawngbawlna nei turin kan liam a tul ta.
(more…)
Pictures lam thlir ila a fiah uar zawk mahna….
Lower Mustang lam hi, Foreigner (Nepali leh Indian tih loh) tan Trekking permit leh thildang – Nepali Rs 4,000/- a ngai a. Upper Mustang (Kagbeni chin hmar lam) chin erawh chu, a luh man Foreigner mi pakhat tan, ni khatah US $ 50 (tun hma chuan US $ 70 per day a ni thin a, anlo ti tlawm ta deuh).
An khawpui Lo Manthang han thleng a, lo let lehna nen ni 10 vel a duh thin a. Ni 10 x $ 50= $ 500 vel permit manah a ngai a nih chu. Mizo te hi chuan kan in humhimna ILP kan ti hlu lo hle in ka hre thin.
Upper lam kan kal theih dawn loh avangin,thian te kal chak pawh, Upper Mustang lam thlir in, an tan tawngtaina te an han hmang a.
Mahni vei zawng zawng – nipui lai hian lo thlasik mau puah ve leh pawp pawp mai ang aw………..
Nilgiri tlang chhumin a han kiansan chiah chu, siamtu Pathian ropui zia a rawn pho lang a ni ber e.
Mustang lam tlem i han fang leh rih teh ang: thlalak nen tangkawp leh mai ang aw…mit tlai rawh se…
Kum 8 lai kan tlawhpawp tawhloh hnu in, Kum 2011, August ni 23 a thlawhchhoh kan tum chu, khua a nawmloh avangin leh ni lenga ruah a sur tak cherh cherh avangin, flight cancel chu airlines te tih theih tawk a ni ta. A tuk khua athat chuan thlawh chhoh, khua ala thatloh fo chuan cancel law law mai chu kan thu tlukna a ni ta.
Ni 24 zing chuan khua a veng ta deuh a, Zing dar 6 a breakfast kan ei lai chuan Agni airlines atang chuan min rawn ko ta a, “Thlawhna a thlawk thei dawn a, airport lam rawn pan thuai rawh u” an rawn ti ta a. Hmanhmawh deuh chuan airport kan pan thla ta a. Kan thlen hnu reilo te ah chuan…kan thlawk chhuak zui ta a. Nimin ang in ruah a sur tawhlo tih mai a ni, khua chu ala veng chiah lo hle….
Chhum zing chuai karah Pokhara City chu kan thlawhchhuah san ta.
Kan thlawk chho zel a, ruam thuk tak tak leh mawi tak tak chungah kan thlawh chho delh delh a, chung lam han thlir ila, Pathian thilsiam te zinga hmingthang tak tak Annapurna tlang hmingthang te pawh anlo to lur mai a, a hmuhnawm hle.
Khuarei an chang zo ta…thinlai mu hnu a tho leh thin…
Kum 1991 July thla kha a ni ta awm e. Kum 20 lai a lo liam ta a nih chu….
Guwahati atang a motor, Maruti van kan lei chu khalhin, Shillonga kan chhungte inah tlai chaw kan ei chho a. Pa ber Pa Saitawna’n tawngtaina a min thlah hnu chuan, zawi zawiin Zoram lampanin, Alukudam kan tlan pel chho ta a.
Ka kalpuite pahnih, zinga pakhat zawk hi SOG Team a kan rawngbawpui Zothangpuia chandmari veng a ni a. Pakhat zawk hi chu, Davida, ka u fapa a ni.
Reivaklo kan tlan leh hnu chuan, kawngsir zau laiah chuan ding-in, motor chhungah tawngtairualna kan nei a. Zothangpuia hian a hnu khar na neiin, tawngtaina a ti tawp ta a.
Lapa khua hi, Nepal hmar lam, Dhading District a awm a ni a. A mi cheng te hi Nepali hnam chi khat (ethnic group)Tamang ti a koh te an ni. An hnam hian tawng hranpa an nei a, Nepali lam aiin, Tibetan lam a pawl zawk a.Mizo tawng leh Tibetan inhnaih ai mahin, Tamang nen hian tawng thu hlaah inhnaihna kan nei a.
Tibetan ang thovin, kan tawng (vocabulary) thenkhat in ang ala awm ve nual bawk. Hemi Lapa khua Tamang tamtakte hi chuan mahni hnam tawng (Tamang) an hman uar bakah upa lam te hi chuan Nepali tawng hi an thiam meuh lo. Mizo ang deuh thovin, midang te pawh awm ve tho mahse, an mahni hnam pahnih/pathum awmnaah chuan, an hnam tawng hman an ching ve hle.
Tamang nu, uluk taka inchei:
Duhthlanna leh rinna chungchanga TMEF Zirtirna: A chinchhuaka chhuina leh thudik zawk kawhhmuhna.
Click here
