*Independence Day Vawi 60-Na Lawmnaah : Chief Minister-in Sawrkar Thiltih Thatte A Sawi(See : http://dipr.mizoram.gov.in/) (Picture nen engkim a awm vek. Mizorama District khawpui hrang hrangah I-Day lawmna hun hman a ni.(News a sei deuh a, lawrkhawm chiah kan rawn post e.. -Narzhoc)
*Bomb sam puak
*Slogan Competition
*HSSLC Exam Feb’07-ah
Bomb sam puak
Nimin tlai dar 4:30 vel khan Parbung, Manipur ah Mizoram atanga hmar raltaln hawng zinga mi Rosanga (70) chuan an in bul samfaiin chilpuah bomb (landmine) a sam puak a, a boral.
Khawngaihtu Pawl in thil pe
Salvation Army Lunglei Corps-a Khawngaihtu Pawl, League of Mercy (LoM) te chuan kar liamta tawp lamkhan thlarau lam ni an hmang a. Inrinni chawhnu-ah Police Station lock-up, Civil Hospital leh Christian Hospital Serkawn te tlawhin, Bawnghnute leh Artui an sem a. Pathianni chawhnu-ah Bethel Centre, Sazaikawn-ah kal lehin, Alu, Buhfai, Mutbu leh thawmhnaw an pe leh a ni.
Jr.TKP Fellowship
Pathianni khan Serkawn Junior TKP te chuan Fellowship an nei a. He hunah hian Junior TKP bakah TKP member te’n tel puiin an thahnem hle. Guest artist atan hmanni lawk atanga Ministry anga kal ta, Battle Cry chu sawm an nih angin hun an hmang a. An female vocalist Pensy pawhin Band anga a zaina hmasaber atan hla 2 a sa a ni.
Slogan Competition
Rajiv Gandhi piancham denchhenin District Advisory Committee for Renewable energy, Aizawl District chuan Slogan Writing Competition a buatsaih a. Renewable Energy fakna lam hawi word 20 aia tam lo ziak duh tan August 25 aia tlai lovah EAC (Planning), member Secretary, DAC, DC Office, Aiawl-ah envelop-a seal-in thehluh theih a ni.
Law College in lawmthu sawi
Thawhtanni khan Mizoram Law College Principal leh staff te chuan tun hnaia Council of Minister thukhawmin Mizoram Law College dificit a hlankai an remtih chungchangah Pathian hnena lawmthu sawina hun an hmang.
CM-in Tlungvelah Mi 209 MNF-ah Lawmlut
Thawhtanni khan Chief Minister Pu Zoramthanga chuan Tlungvel a tlawh a, MNF zawm thar mi 209-te Community Hall-ah a lawmlut a, sawrkar press release chuan MNF zawm tharte hi MNF 108, Congress 63, ZNP 37 leh neutral 1 an ni a ti.
ZNP-ah Chhungkaw 4 Lawmlut
Nimin piah khan ZNP President Pu Lalduhoma chuan an office-ah chhawngkaw pali voter 12 awmna chu ZNP-ah a lawmlut a, ZNP press release chuan hengte hi MNF 6, MCP 3, MPC 2 leh neutral 2 an ni a ti. Thu sawiin retheihna leh rorelna fel lo lutuk atanga Zoram chhan chhuak turin ZNP chuan hma lam a pan zel dawn a, ZNP policy hmanga Zoram chhan chhuah a nih theih nan mipuiin mawh an phur a, chu chu ZNP tihsawrkar a ni a ti. ZNP tichak zel turin ram veitu zawng zawng a sawm.
HSSLC Exam Feb’07-ah
Mizoram Board of School Education (MBSE) chuan Higher Secondary School Leaving Certificate (HSSLC) Examination (Arts, Science, Commerce & Computer Technique-Vocational) 2007 chu February 2007 chhungin neih a ni dawn tih a puang a, a ni leh programme chu la puan a ni ang. HSS Principal zawng zawngte chu September ni 1, 2006 atanga MBSE Office-a application form,etc. la turin a hriattir.
MZP Campaign Zel
MZP chuan HIV/AIDS & Career Awareness Campaign an neih kal zel nimin piah khan Reiekah an nei a, MZP Gen.Hqrs. hruaitu tamtak an kal a, zaithiam C.Lalthazuala, Positive Network of Mizoram atangin Vanlalmuana leh Lalruatsangio-ten an tawiawm.
Peace Fest 2006 Souvenir
Peace Fest 2006 Souvenir chu lei theiha peih a ni ta a, phek 90-a chhah, Mizo leh sap tawnga thu ziak tha tak tak chhiar tur bakah Peace Fest thlalak hrang hrang a awm a, a duh chuan DIPR-ah office hun chhungin Rs.50-in lei theih a ni.
General Conference nei dawn
Mizoram Post Graduate Science Society (MIPOGRASS) chuan vawiin dar 12:30 p.m. atangin an office, Sikulpuikawnah General Conference an nei dawn.
Inkawmhlimna In haawng dawn
Self Help and Develop(SHADE) chuan upate hamthatna atana hma an lak meknaah naktuk hian Champhai district Khawzawl Hermon Veng leh Chawngtlai khuaah Upate Inkawmhlimna In (Old Age Day Care Centre) an hawng dawn. Heng Centre thar pahnih hi bialtu MLA Pu Andrew Lalherliana’n ribbon chepchatin a hawng ang a, SHADE Society hruaituten Pu C. Chhawntluanga, Managing Director hovin an tawiawm ang. SHAE Society hian nikum khan Electric Vengah leh Armed Veng Aizawlah an lo hawng tawh a, remchang hmasa berah Ramthar Veng Aizawlah hawn tura buatsaih mek a ni a, a hawng turin Pu Lalhmingliana, MP remchan hun nghah a ni. Remchan dan azirin Mizoram hmun hrang hrangah hawn belh zel an tum.
Vawiin Atangin Badminton Championship
Aizawl District Badminton Association chuan Aizawl Open Badminton Championship vawiin atanga August ni 19 chhungin an buatsaih a, vawiin dar 1:00 p.m.-ah a hawnna inkhawm Govt.Higher Secondary School Hall, Chanmari-ah neih a ni ang a, Pu Z.H.Ropuia, Sports & Youth Services Minister khual lian a ni ang.
Congress-ah Sihphir Khua Chhungkaw Paruk Hawla’n Lawmlut
Mizoram Congress (MPCC) President Pu Lal Thanhawla chuan UPA sawrkar laipui leh MNF sawrkar khaikhinin UPA sawrkar laipui chu kut hnathawktute tan a tak taka thawktu a nih avangin kut hnathawktute an thlamuang a, Mizoramah erawh chuan mi rethei chanai an eiruksak avangin MNF sawrkar hi mipuin paihthlak an duh tawh a ni a ti. Congress chu MNF sawrkar thlaktu tur a ni tih sawiin huaisentaka Congress party zawm tharte thinlung taka Congress party-in a lawm thu a sawi.
Nimin piah khan Sihphir atanga Congress party zawm thar chhungkaw paruk voters 20 lawmluhna Congress Bhavan-ah thu sawiin Pu Hawla chuan MNF sawrkar hnuaiah Mizoram leh hnam a tluchhe mek tih sawiin tungding leh tur leh sawrkar dik leh tha, sawrkar thianghlim siam turin Congress Party chu Zoram mipuiin an buatsaih chho mek a ni a ti a, hei hi hmu thiamin Congress party zawm thar an pung mek zel a ni a ti. Zoram hmun hrang hrang atangin Congress party zawmturin mi eng emawzat an inbuatsaih mek niin MPCC press release chuan a sawi.
MPCC President chuan India ramah UPA sawrkar dinhmun chuan hma asawn nasa hle a, tun hnaia The Hindu leh CNN-IBN ten Centre for the Study of Developing Societies hmanga mipui ngaihdan state 19 atanga an lakah chuan India ramah tunah hian inthlanpui awm ta se UPA chuan seat 306 aia tlem lo an la dawn a ni a ti a. NDA/BJP dinhmun erawh a tlachhe hle thung a hi a ti.
Congress party-a lawmluhte chuan Pu Hawla hruai Congress an zawmna chhan sawiin Pu Hawla kaihhruai Congress chu belhtlak party awm chhun a ni an ti a. Mizoram hmasawn nana hna tamtak lo thawk tawh, mi retheiten pawisa leh chhawmdawlna thilte a taka an dawn thinna, mipui bum ve ngai loa an intiamnate tihlawhtling zawk thin an nih vang a ni an ti.
Similar Posts:
- Sing chuang in ZNP zawm?
- MCP ding zel dawn?
- Cong. Minister hluiin MNF a zawm
- MPCC ah MCP lut leh nge nge dawn
- External Affairs Minister hlui K.Natwar Singh Congress Party-in hnawtchhuak
August 16th, 2006 at 3:51 pm
Mizo Aw news pawh lo lang leh ta. wcb.
Report this comment
August 16th, 2006 at 4:17 pm
In thlan a hnai leh toh mi a ?? An va in lawm lut nasa leh tran toh ve
Trum khat Pu Duhoma thusoi ngaithla tur hian kan kal ve a……a ti tu te khan ‘Lo in hmakhua nan….biak thrat vek an ngai’ kha an tia…kan zir laiin
Chuan eng lem gnaihtuah loh chuan kan kal ve ta mai a
Paper leh pen min ron pe a, kal zat hriat nan an tia…chuan a tukah ZNP ho chuan……..
Chu mi zat chu…..chu mi zirlai t chu…ZNP-ah lom luh an ni
Tih a ron ni ta mai nih chu
Karei leh……chi loh tak2 ni
– superstrr
Report this comment
August 16th, 2006 at 5:42 pm
it is nice to read Mizo Aw nes update after nearly two weeks
Report this comment
August 17th, 2006 at 1:57 pm
hei admin.. site thar hi ka chiang chiah lo a nia.. ka tui lo hman trep.. news post vel dan hi ka chiang lo riau. ka buai bawk nen buaithlak… hei news 2 sports leh thildang
Report this comment
August 17th, 2006 at 2:01 pm
zoart@rediffmail.com a ka mail kha i hmu lo mi?
Categories ah – Things kha — uncheck la chuan News i check thin dawn nia. Sports lam a nih chuan sports. Chuan thil i bold dawn in i bold tur kha select phawt la, b kha i click dawn nia.
Chuan maw… I profile ah khan kal la, use rich text editor tih a in check chuan uncheck rawh.
Report this comment