Kan Zoram Kristian Pawl tam takin an zirtir zinga vawiin thlenga hriatthiam har ka tih em em mai chu thihni-a ‘tap lo tur leh lawm zawk’ tura inzirtirna hi a ni. Naupang te mah ni ila, mitthi Inah ka kal ve ta zauh zauh a, tin, mi hrang hrang tawngkam atangin mi thenkhatin thihna an tawrh dan an sawi te pawh ka hre ve ta nual a. Kan duhtak te leh kan hmangaih ngawih ngawihten he khawvela intawng leh tawh ngai hauh lo tura piallei dai min belhsan pawha lungchhiaa tap hauh lo tur leh rilru na hauh lo tura inzirtir leh chutianga awmte dem viau mai te hi ka hrethiam thei ngang lo a ni.
Hman deuh khan mitthi In kan kalna pakhatah chuan an Nuber hi a boral a. Tlaivara lumen zan chuan mitthi pasal chu a nupui ruang awm lai ngei mai chuan a lam a lam mai a. Nuam hi a tih hmel khawp mai a. A nupui thih lawmpui tura kal ka nih miau loh vangin hawsan daih tak kha ka nap a. Atukah nu thenkhatin, “Pu ***-a chu a fakawm ngei mai. Nizan te khan a lam a lam mai a”, an ti a. Ka lo ner ru deuh hlek a. A nupui kha nu valai tak, natlawk em em pawh nei lo, khawsik thut avanga boral a ni lehnghal a, an fate an la te ve hlawm bawk nen, han lawm em em nachhan tur kha ka hmuhpui thiam lo tlat.
Kum 1998 khan ka Nu’n, min hmangaih leh min ngai em em chungin mual min liamsan a. Ani anga rinna nghet leh thih pawh hlau hauh lo kha chuan vanram a thleng ngeiin ka ring a. Mahse, min kalsan hma lua ka ti a; he ka mihring mihrinna hian a tuarthiam lo. Hei ka nu boral atangin kum kua lai a vei ta a, mahse, nu nei lova han awm chuan hlimni leh lawmni a lo thlen pawhin mittui a far leh thin a. Lungngaih mangan, damloh chang lahin chuti bawk. Thihna hi ringtu tha tak tan pawh a tawrhhlelhawmin, a na a. Indem chi a ni lo.
Mi thenkhat chuan, “Sakhaw rawngbawltu ve meuh si emaw, intiringtu tha hle si heti em ema a han tuar na mai hi chu a mak !” te an ti thin a. Keia ngaih ve chuan duhtakte an thih pawha tuar hauh loh mai hi a mak fe zawk. Mihring inhmangaihna hian inthen hi a tuar thiam lo fova, chatuan atana he khawvela inhmu leh tawh ngai lo tura inthen phei hi chu hmangaihna hian tawrh har a ti thin. Thih hnu khawvel rin leh rin loh a i a ni lova, hmangaihna leh lainatna a lo langchhuak a ni zawk. Keini aia chhia leh tha hriatna nei chau ramsa te meuhvin an kawppui thi an sun a; keini ve lemin tang then meuh pawn tap lo tur leh tuar lo turin kan infuih a, a tapte chu kan dem ta lai a ! A tap theite chu tap hawm hawm rawh se. Thlarau ni lovin mihring kan nih hi mihring.
(source www.zawlbuk.net)
Similar Posts:
- Mi Nung Nihna
- In hmangaih tawn ang u
- Zu — hAhAhA!
- Hei hi a ni ‘hmangaihna’ chu….
- Thih Hnu Awmdan Mawi
April 26th, 2007 at 8:19 pm
“angel te lenna ram ah
hla tak ah ram nuam ah
Report this comment
April 26th, 2007 at 10:52 pm
coolsoul09, i thil ziah hi ka pawm zawng tak a ni. Pathian khawngaihna azarah ka nu leh pa leh ka unaute an la dam kim a, nu emaw pa emaw unate’n an boral san takte tawrh ang chu ka tawrh pui phak kher lo maithei. Amaherawhchu, a nat tur zia ngaihruat thiam pha tur khawp erawh chuan ka lo tuar ve tawh. A sarhu lai na na na hi chuan indem chiah ka ngai lo mai pawh ni lovin tap lovin emaw turar hmel lartir lo ta se mak ka ti zawk ang.
1997 kuma ka thianpa duh takin min boralsan tuma ka nuin hrilh thu pakhat chu,”A hun lai anih hi, tah kha insum reng reng suh. A tana i tih theih hnuhnung ber alawm, nidangah amah avang hian i tap tawh kher lo maithei asin,” a ti a. Tun thleng hian a dik zia a lang zel. Ka thianpa thih cham hi kum tin hrereng thinin ka theih tawkin amah sunna la lantir zel thin mah ila, a thih nia ka tah bak kha amah avang chuan ka la tap leh ta lo.
Report this comment
April 27th, 2007 at 4:10 am
Chuti te a lo inzirtir thil te a awm a ni maw, a tha ka tih zawng a ni lo keipek, i thu ziah hi ka pawm zawng a ni. Kan uia a thita te, he khawvelah kan hmu leh tawh dawn lo a, tah kan duh phawt chuan kan tap tur a ni.
Sap te chu an lo tap lo pawh a ni mahna an thih nikhua ah te, sap kan ni lo Mizo kan ni, kan tih ve dan a ni, thih ni a tah hi, mahni chhung khat kher lo pawh, thenawm te, vengkhat/khaw khat ami pawh kan in tah sak a ni thin zawk.
Report this comment
April 27th, 2007 at 5:43 am
Boaral ta te kha vanrama kal tur in rin tlat chuan in tha vak vak chi pawh ani lo. Mahse pingthar lo hmel tak mai an lo thih chuan tah vak vak chi ani.
Report this comment
April 27th, 2007 at 11:06 am
Kan lusun na lantir a tah hawm hawm te a sual/pawina emaw a awm lovang.inkhap chi ani lova,kan tah hian kan rilru hahna te kha a chhawk ve thei a,kan thawl hawk ten ka hre thin.
Mahse,pawi a tha lo ta erawh chu,khang min boral san tate kan sun na lutuk lamah hian,huatna te,Pathiana lungawi lohmai te,chu lungawi lohna a vang a Amah hnaih duh tak lohna te.Ka pa u nupui chu a pasal mi in an that a,a tuar thiam lo hle a,nun kawng tha lotak a zawh phah ta…!!
Mahse,Kristian kan nih a kan vanneih na tak chu ,kan hmangaih ten min boral sanin,helei ah hian in hmu miah tawh dawn lo mahila,nakinah ka thih ve hunah emaw khawvel tawp hunah emaw chu ka Hmangaih kal ta te nen chuan,Inthen tawh miah lo turin kan cheng za tawh dawn si..!
Salvation Army ho chuan,Thihna hi “Ropuina a Kaisang” an tia mi kha..ringtute tan chuan niawm viau in ka hria.Thihna kan hnehna hun a ni si a..!
Report this comment
April 27th, 2007 at 7:30 pm
Tunlai-ah ngaidan thar leh inzirtirna thar tih chhuah phet kan tum hi chu kan chiang zan lo a ni deuh lo maw!! Lal Isua pawh kha Lazar thi a kaihthawhtur pawh kha a tah a ni kha!! Lal Isua pawn a chang phak loh nun in chantir kan tum a ni lo maw?? chung zirtirna pawnte chuan rilru ipik takin in sum ruhtunin
an chhungte an la vuiliam dawn tina a nih chu!!
Report this comment
April 28th, 2007 at 1:10 am
coolsoul09, i thil ziah hi awm llo pawh a ni llo a, ngaihtuah tham tak a tling a ni.
Mihringte hi kan hlu a, kan in hmangaih em em a, hei hi kan hlutna chhan tak pawh a ni awm e. Thihna hian kan hriat angin hun leh hmun a thliar lova, hausa leh rethei a thliar hek lo. Kan chungah a lo thlen hian tawrh har kan tiin thin lai a na thin a nih hi.
Amaherawhchu, thihna kan tawrh hian Christian-te kan vanneihna bik zia hi kan hriatreng a pawimawh. Christian-te tan chuan he lei(mihring) thihna kan tawh hian kan tawp na tur a ni lo tih kan hriat hi a tha in a pawimawh hle. Kan tum ram Vanram kan thlena tur a a vawrtawp min thlen tir tu a ni a, he thihna atanga thawh lehna hi kan Christian-na inghahna pawh a ni reng a, he thihna atanga thawhlehna hi awm ta lo se kan rina hian awm zia a nei tlem viau bawk ang.
Thihna kan chunga a lo thlen hian tawrh a har a, kan tap a, kan thinlung a rum ngawih ngawih a, ngaihtuah tur leh awm dan tur pawh kan hre lo thin. Thihna kan tawrh hian in dem tur kan awm lo a, tah chhuah chuan duh tawk a tah, mipa kan nih vang emaw, kan la thatlai avanga tah kan zak emaw te hian a hnu ah min vaw let nasa duh hle thin. Christian-te in zirtirna ah hian thihna kan chunga a lo thlen a “Tah loh tur” ti a in zirtirna a awm lo a, hetiang a kan in zirtir a nih erawh hi chuan “Zirtirna Diklo” a ni!!
Thihna chungchang sawi hian mahni chunga a thlen ve loh hi chuan mite awm dan tur a awm kan tih ang chi hi sawi theih leh sawi tur hi a tam mai a, amaherawh chu a tak a kan chunga kan hmangaih ngawih ngawih ten mual min han liam san erawh hi chuan tawrh thiam a har in a na kan ti thin. Ka sawi tawh angin kan hriat reng atan a pawimawh em em chu he lei taksa thihna hi kan tawpna tur a ni lo a, Pathian ringtu Christian-te chu kaithawh in Pathian hnenah Vanramah, Abrahama angchhungah he lei hrehawmna leh natna, lungngaihna leh tahna reng hre tawh lovin, a rawng kan lo bawlsak thin kan Lal Isua kiangah hlim takin kan chawl tawh dawn zawk a ni.
I thil ziah a nupui sun lam lam mai i tih kha khatiang ang chiah mai kha Champhai ah ka witness ve tawh a, nangmah ang chiah khan rilru pawh ka pu a, thiante bulah haw ka rawt sek sek mai a, amaherawhchu, ka tlai var ve ta tho a(it was in back 1998-2000), a hun tak ka chiang tawh lo. In a ka haw hnu chuan ka chhungte bulah ka sawi a, ka chhungte min chhanna pakhat ka la hriat reng ni ve thei tak a lang chu-“A nupui thih lusunna kha a tuar lo leh a hlim tihna lam ni lovin, a nupui thih avanga lo kal khawm YMA thalai, nu leh pa te in a tui tak mai a Pathian fak a, Vanram ngaih hla nakin-a kan kal ve hun tur; kan then tak te nen a kan in tawh khawm leh hun tur; thlarau malsawmna a kan han sak khan amah ah Pathian hnathawh lo lang in, a nupui thihna a tawrh em em lai khan thlarau pawlna hllu tak a chang a. A nupui thih avanga lawm a lam nilovin, nakinah an in tawh khawm leh hun tur thlirin Thlarau hriattir a a awm ang zelin Pathian fakin a lam a ni zawk”, tiin min chhang a, kan han ngaihtuah a, ‘a lo ni mai awm tak e’ tih chu ka ngaih dan a ni ta a, enge i ngaih ve dan le?
Thihna kan tawrh hian a duh chu kan tap ang a, a duh lo chu an tap lo mai ang a, Pathian thlarau pawlna atanga hlimna diktak, hah chawlhna Pathian hnenah kan dil turah kei chuan ka ngai a (heta ka thu hman hi ka duh ang chiah chuan a la fiah lo a, Pu Vanneihtluanga te ziah chu nise hei ai hian i rillru chu an la ti dam thei ang), tin, thihna chungchangah hian mite tan a awm dan tur kan in sawi sak hi chu awm chin lleh tawk chin deuh hi chu a awm a. Mi piangthar tha a nih avanga thihna tuar thiam lo tih tawngkam te hi tawngkam mawi lo takah ka ngai.
Report this comment
April 28th, 2007 at 8:47 am
Ka nupui chu khi pa ai khian ka hmangaih zok fe ang.
Report this comment
April 28th, 2007 at 10:00 pm
A dik ka tiin keipawh in thil sawi hi ka pawm zawng tak a ni. Thihna chu a na alawm. Thihna avanga nupa tang then phei chu dar leh lam sah thlak ai pawhin a na zawk upa in a tih kha maw. Tin, Entirnan, tuemaw i hmangaih em em, i chhung te, etc. kha thi lo thi ta se tiin han ngaihtuah mai mai teh, tin, mumanga an thih pawhin ka lo tap chhuak thei deuh thaw thin ania. Mahse.. kan ti leh teh ang, lumen zana lam chungchangah khan thil han belh ve zauh ka duh a, coolsoul09 in a sawi pa kha chu ka hriat loh avangin ka sawi zui lovanga. Mahse hman deuh khan ka thianpa nu hi a thi a, a pa kha ringtu piangthar tha deuh kan tih ang hi a ni a, lumen zan chuan a inchhawkin, a chang leh a lam a, a chang leh a tap hawm hawm a (ring takin) chutiang chuan a ni zankhua zak mai a, he thilhah hi chuan engemaw kan hriatthiam phak loh a awm ani lo maw, na viau chung pawha thlamuanna, lawmna lam te pawh a awm ani mahna le.
Report this comment
December 28th, 2010 at 9:57 pm
Tah hi tawrhna lantirna a ni
Report this comment