mi(sual).com

“Kan beisei leh kan rin phâk bâk takmeuh a ni. A tìr lam kha chuan form la chhuak tur pawh kan hmu ang emaw aw! tiin kan phâng hman deuh va. Mahse hei, thingtlang lama kan thawn chhuah tel miah lovin mi 1,151 laiin form an lachhuak tawh a, thehlût pawh an tam tawh khawp mai… Mak kan tizawk hle.. a lawmawm takzet a ni,” tiin nimin tlai khan ZONET buatsaih tur Mizo Idol Organising Committee member pakhat chuan a sawi.

Form la chhuak duh tan July ni 10 thleng hun a la inhawng reng e. July ni 14 hma ngeiin form la chhuak zawng zawngte’n Zonet office-ah form thehluh hman vek tur a ni. Zonet hian thingtlang khaw hrang hrangah form hi engemawzat an thawn chhuak bawk.

Nimin tlai dar 4:45 khan Tlungvel quarry a chim a, lung lian pui puiin kawng a hnawh. He lung tla hi nikum July 14-ah a chim a, a tla bang kha a ni. Helai enkawltu 24 BRTF chuan helaiah hian hmanrua, Bulldozer leh JCB an chhawp rih mai loh avangin thenfai a harsa deuh dawn nia thudawn a ni a; khawl a thlen hma chuan vawiin chawhnu lamah pawh motor a kaltlang rin a ni.

Nimin khan Mizo Zirlai Pawl (MZP) Gen. Headquarters huaihawtin zirlaite’n Chanmari atanga Vanapa Hall kawt thleng ‘Operation Joshua – Ramri Humhalh Kawngzawh’ an nei a, MZP President Pu PC. Laltlansanga chuan, “Nikuma Assembly House zahawm takin ‘Boundary Commission’ din rawtna resolution a passed tawh chu tun thlengin Home Minister kutah a la awm a, hei hi nawr chak a ngai a ni,” a ti.

MZP kawngzawh tanna Chanmari kawnah MZP Adviser leh MUP Gen. Headquarters President ni bawk, Pu H. Raltawna chuan hunserh a hmang a, MZP Vice President Pu C.Lalhmachhuana’n thu sawiin, “Zo R