Inrinni tuk thuan ei kham dar 9 velah Chanmari kawn lam hmanhmawh takin kan pan khawm a, mi chi hrang hrang, thenkhat chu pate politics-a inhnamhnawih te an ni. Mahse thalai lungfingte chuan chhungte zawm lam lam an zawm ve mai lo a, a dik leh dik loh an chik hnuah mahni ngaihdanin an kal thin.
Thalai rual 14 zet mai chuan Saitual khuaa Zoram Kuthnathawktu Pawl te dinhmun chiang zawka zir turin feh chhuah tumin lirthei paliah chuan kan inhnawh ve nawk nawk a.
Dar 10 a rik meuh chuan Chanmari kawn kan chhuahsan ve thliai tliai a, I RAMIN A KO CHE tih T-shirt chuan mite mit a la hle niin ka hria.
Zemabawk dai tawngtainaah innghakkhawmin Mahera, ATC male voice dintu chuan Pathian hnena inhlanna a neih hnuah ‘Kan tum ram’ chu kan pan ta a ni.
“Ka rilru ang pu mi ka hmu,” tiin Zoram Kuthnathawktu Pawl lam chuan chhun dar 1-a hun hmang turin an lo inkokhawm ve mek bawk a. Gerrard-a Pa te nena fehchhuak kan ni a, misual.com tlawh thang thah kan nih avangin kan khawvel a inhlat hlawm lem lo.
Tluang taka kal zelin Selingah pawh kan chawl hek lo a, Saitual kan pan ding char char a, khua a lum hle a, thui tak zin ngailo ta na chu motor ka rui chhe deuh der mai!
Chhun pachangah Keifang kan lut a, thingpui ina chawlh zai kan rel a, mahse a ni lo. Thingpui in tur emaw ka tih ka thiante chuan chaw an lam a, chhun pachangah chaw an ei hluai mai!
“Lam hlaa zin chuan chin hriat a ni lo, puar hmasak a tha,” tiin Muansanga, Zonet chuan a sawi roh a, a tifuh ta phian, tlai lamah chaw ei lo ho kan riltam nasa mai.
Saitual veng kawi tinah min lo hmuak zel emaw tih turin ZKP member-in kan kalna tur min hrilh zel a, chuti chung chuan kan la bo ta daha .
Block Resource Centre-ah mi 36 vel an lo pungkhawm a, Remna Ni a ni a, MNF lamin he hmun hi hman tum mahse an lo book hmasak zawk avangin ZKP hian a hmun hi an chang a. Inhmelhriattirna kan neih hnuah kan vei te, an vei te kan sawiho ta a ni.
Nilengin thu kan sawiho a, kan inpawh tawn hle a, Saitual bialtu Pastor phei chuan, “Kum 2006 kha revival centenary a ni a, kan tum loh zawngin harhna a lo thleng a, mi hnuaihnung te hnen atangin Pathian a inpuang a, Zoram siamtha turin kuthnathawktu rethei te te an lo penchhuak a, nangni thalai in rawn pen chhuak leh a, kei chuan beiseina thui tak ka nei ta…” tiin a sawi nghe nghe.
Anni lam hian min lo mihual mahse keini lamin a hmun hman man leh ei leh in man kan seng vek thung a(Kan neih vang pawh a ni bik lo, kuthnathawktu ai chuan tlema kan zia ve deuh vang mai a ni) tlai lamah Rulchawmah chaw kan ei a, zan dar 8 velah rawn chhuakin tluang takin Aizawl chu dar 12 velah kan thleng a, ram kan vei thu kan sawi nasa hlawm lutuka lirthei pakhata chuang theuh theuh kan insual lo chauh a ni:)
Similar Posts:
- Thalaite’n Kuthnathawktu an tlawh dawn!
- Zoram Kuthnathawktu Pawl a phel
- Thalai rual in ZKP an Tlawh a, an hlimtlang hle.
- “ZKP kan phel lo”: ZKP
- ZKP splits due involvment in UDA
July 2nd, 2007 at 6:50 am
Hey
tha hle mai!!!!!
Report this comment
July 2nd, 2007 at 9:41 am
In ti tha hle mai Pu Zo.Hetiang in thil tihte hian,sorkar chuah nilovin,mihausa leh nei nung zawk te rilru a kaihthawh ngei ka beisei.
Tin,Mizoram kohhran/kohhran hruaitute pawh helam kawng,retheite chhawm dawlna kawng ah hian kan harchhuah zel ka beisei.
Report this comment
July 2nd, 2007 at 10:05 am
Ram vei rau rauah mahni a vei tehchiam aiin Mizoram tana tha tur mitha sawm khawm a, thalai hovin kan puih vak a fuh zawk lawngmaw le!!!
Report this comment
July 2nd, 2007 at 10:23 am
khitiang khi thalai puihna chu a ni dawn lawm ni?
Report this comment
July 2nd, 2007 at 10:41 am
Ka kal ve chak ngang mai a…….
Report this comment
July 2nd, 2007 at 12:12 pm
Zoa & Gerarda Pa, in ti tha hle mai. Keep it up!!
Report this comment
July 2nd, 2007 at 12:22 pm
Mass Media lama awm ho in ni bawk a in tih awm tak pawh in ti e.. ‘media lama thalai hovin ZKP an tlawh’ ti ula a dik tho lawmni? haha.. Mizo thalai rual in in represent tir ve ringawt in ka hre deuh.
Report this comment
July 2nd, 2007 at 12:39 pm
Haw lem lo la Zova,,,,,thu i pehhel em mai….Nilenga In thusawiho chanchin i ziak don emo ka ti a…lolz
Report this comment
July 2nd, 2007 at 12:39 pm
Haw lem lo la Zova,,,,,thu i pehhel em mai….Nilenga In thusawiho chanchin i ziak don emo ka ti a…lolz Thup
Report this comment
July 2nd, 2007 at 12:56 pm
Kei chu ka nu in min KO… Tuikhura insu turin
Report this comment
July 2nd, 2007 at 1:04 pm
ni e, in thusawi ho in ziak dawn emaw ka tia, GOMI (thlawhna khalhthiam) sawi ang deuh khian media lam pang mi leh sa in nih hlawm hmel. T-Shirt khi ka duh ve, ka lo lei ve ang.
Report this comment
July 2nd, 2007 at 1:53 pm
thinktwice Says:
July 2nd, 2007 at 10:23 am
khitiang khi thalai puihna chu a ni dawn lawm ni?
Ram hruaitu tha zawn thuah chuan nilove. Kuthnathawtute hi rorel tua kan duh a nih ngawtloh chuan.
Report this comment
July 2nd, 2007 at 2:42 pm
ti tha khawp mai… kan ram hi a vei awm takjet ani.. thu chauh nilova thiltiha lantir hruaitu tha kan mamawh ani… kan ram hmangaih em2tu kan hruaitute hi an thau kung2 maia a diklo ani.. kan ram tana an rilru seng lovin an pum puar nan an rilru an seng ani jok mai lo maw. Chutah mipui lah party buaia lo buai pawl kan om bok. Chumi party chu anih chuan “lungte” poh nise ka vote ang ti tok kanlo om bok nen… a diklo kual vel vek ani… christianna te poh hi sakhaw dang hmuhah hmuhsitomin kan siam tep toh jong anih hi
Report this comment
July 2nd, 2007 at 2:44 pm
mahni in an vei lova, a huhovin an vei a, kuthnathawkte nen. Thalai ram vei ten kuthnathawkte, ram vei ve bawk nen inkawmna an nei a, khi khian rah tha a chhuah pawh ka beisei. Ram hruai tura mi tha an tih zawng te pawh an sawi ho pawh a ni thei.
“Kuthnathawtute hi rorel tua kan duh a nih ngawtloh chuan.” i tih tawngkam atang hian kuthnathawktute hi ram hruai tur leh rorel tur hian tlak i ti lo a mi? kei chu an tlak lohna bik tur hi ka hre lo.
Report this comment
July 2nd, 2007 at 6:22 pm
@@: A lawmawm hle mai, kan thu nawi te te te min lo hlut sak a, takin Saituala kalte kha media vek kan ni lo a, Private school teacher, Khaia & Sons manager, Hrawva principal, social worker etc kan ni hlawm. Media lam hi kan tawng tama kan lo puangchhuak ve mai a ni, thalai zingah hian nang leh kei kan tel thei a, tumah hruaitu kan la awm lo e. Media lam nen hian he hna hi a inmil deuh a, chuvang chuan a thawm pawh a lian hmaa ni.
T-Shir khi 50 chuang kan chhu a, vawiin khan a zo der tawh. Chhutbelh kan tum a, a thlawn ni lo, senso zat chiah chiah Rs 180-a hralh ni se, T-Shirt Rs 150 man leh chhut man Rs 30 ni se kan ti ve deuh.
Report this comment
July 2nd, 2007 at 6:54 pm
Kan buaina ber chu, zoram kalsiam hi kan vei lutuk, a sawi poh kan soi peih,….mahse…action tuman kan la peihlo/duhlo a chhan chu kan hma khua kan ngai lutuk..(we are too selfish to really help people..Me included)..
Report this comment
July 2nd, 2007 at 6:59 pm
Sorry a chung a quote source khi…Jim Morrison…An American Dream..
(hehe source pek loh chu tunlaiah tu te moni huatthu kan soi palh ang)..
Report this comment
July 2nd, 2007 at 7:33 pm
ACTION hi engnge, inthlan huna ram hruai dik theite tana kawng zawn sak hi a ni ang em? WHAT IS ACTION WHILE WER’E WAKIN UP AND FIGHT FOR THE RIGHTS OF THE PEOPLE. Action lai tak hi define ang u, tichuan tupawh kan kal thei ang, a tiha tih lai tak hi i sawi ang u.
Report this comment
July 3rd, 2007 at 3:12 am
Minlo hrethiam lawk teh@ a post tu. A rualin i han eih teh ang u. Hmun hla deuh a mite kha chu in bei ring deuh mai dawn nia. A hman velo te chu lo record mai ula file lo upload ta mai ula.
Real comment:- Ram hmangaih tak tak hi kan awm dawn em ni le? Ram hmangaih ti a iak iak te hi a rei chuan mahni bak anlo in hmangaih chuanglo! Revolution kan tih te hi kei chuan a thlen ka la ring miah hleinem. Harsatna kan tawk tak tak rih lo. Thingtlangpa chawnghei hi engzat chiah nge awm tawh le? Chaw bel meuh a ruah tawh hun ah chuan Revolution hi ka nilo in kutin minla rawn sawisak dawn zawk a ni.
Report this comment
July 3rd, 2007 at 1:23 pm
@thinktwice: A hmuna kan inkawmna hi ‘CONFIDENTIAL’ a nih ve khanglan avangin sawi chiam a rem lem lo. Eng he hu chu kan sawi lo, thu kan insawichhawk a, ram tana dik taka thawhho a tul thu kan sawi ber
Report this comment
July 3rd, 2007 at 2:25 pm
Zoa, in T-shirt chu ka lo lei ve. valbrosky@gmail.com ah min lo contact la, kan in be chiang don nia.
Report this comment
July 3rd, 2007 at 4:47 pm
Ram leh hnam tan ti trang trang ru. Inkalna tur erawh uluk takin thlithlai zel ula, tin, action plan fel tak nei ula mithiam rawn hreh suh u in zawm vek ang tihna ni lovin idea in form anga implement ngei in tum bawk dawn nia. Hriakthih loh rau rauah chuan Zawlbuk a e tang lo thalai te hi ka ring zawk
Report this comment
July 4th, 2007 at 10:57 am
@Val_brosky: ka la rawn contact ang che
Report this comment
July 4th, 2007 at 11:07 am
Thalaite zin chhuak hrim2 hi a positive ka lo ti ve khop mai. Coz tun hma in heting hi a la thleng ngai lo. Kan ram hi hetia kan dah top chuan MZP bang tih vel mai2 politics lam ah an lut ang a, kan thlang tling leh mai ag, heti vel mai2 hi kan ni kumkhua mai don a sin…..what can u do for ya country?? ka sawi tha zek mai!!!! lolzzz
Report this comment
July 4th, 2007 at 11:10 am
kan soi leh lokssss politics hi sual emaw kan ti toh a, ram vei deuh te hi kan hmuh dan a mak toh ltk an tii—— heheheeh
Report this comment
July 4th, 2007 at 12:34 pm
Ti zel rawh u, tih ai chuan i ti ho ang u tih tawngkam tam thei se ka va duh em. Thalai te hi kan tankhawm chuan ram kan siam tha thei a ni.
Report this comment
July 4th, 2007 at 1:35 pm
Bottomline is we need new leader to mobilise the youth to save our motherland.
Report this comment
July 4th, 2007 at 5:14 pm
Zoa te khan hma han hruai teh u kan lo zui dawn che u alom chu chu ACTION chu a ni mai. Mizoram Reform Party ti mai ila a tha mai lo maw tum chaing fak hming hi chawi mai ila
Report this comment
July 5th, 2007 at 6:36 pm
In thil sawi chu confidentialte a ni teh nuai bawk sia, hriat ve a chakawm hle mai. a hre chak xual te hi chu “khilai” hian kaltir ta mai ila
Report this comment
July 5th, 2007 at 7:41 pm
Thlai (tun lai a thawm nei te hian) MLA candidate neih ve mai te pawh sawi a awm deuhin ka hrie deuh (ri ret ret). Tu te nge hriat kan va chak ve Mizo Thalai ve tho te hian!!! a la awm hran lo a nih chuan ka beng chhe ri a nih zawk ka ring.
Ti zawk hian i ti teh ang… Tunge MLA/Minister tur hian kan it deuh. Kan veng ami mi hriat ve loh a kan rin pawh nisela, midang kan khua a mi he site tlawh thin an awm ve takin sawi tho tho ang.
Kei ka it ho a chu.
1) Pu R. Lalduhawma (AMFU President), Kolasib Diakkawn
2) Pu Vanneihtluanga, Chandmari, Aizawl
3) Pu Muanpuia Punte, Neso vice chairman, Kanan Aizawl
Duh tawk rih ang
Report this comment
July 5th, 2007 at 7:43 pm
Thlai kan tih leh pek chu. Ka computer ah hian keyboard hi ka thil hman thiam loh ber a ni awm e. Thalai tih zawk tur a ni e.
Report this comment
July 7th, 2007 at 12:52 pm
Politics hi sual a ni lo, thalai te lut rawh u……. kan politician awm khawloh avangin sual emaw miin an ti tan hi a pawi ka ti khups
Report this comment
July 9th, 2007 at 10:39 am
Zoa Tlau hi Tv ah chiah ka la hmu, a thuziak erawh ka chhiar zeuh zeuh, a a hring a hrana kawm ka chak hle mai
Report this comment
July 9th, 2007 at 10:57 am
Ka duh loh ka’n sawi ve, Muanpuia Punte hi chu ka duh lo chiang sa a………
Report this comment
July 9th, 2007 at 11:54 am
Lolz.. kei pawh
Report this comment
July 21st, 2007 at 12:20 am
[…] “I Rami A Ko Che” tiin ka phi buaisek a, chutah mi thenkhatin kei ve teh lul hi min beih dan tur an zawng ve sek a, ka thusawi leh ziakte Hnam Run writter lamin an lo helh a, article-a hminglem hmanga “party thar dinnaa tui” tia min lo ti tawk an awm, Biate MNF lahin ka thusawi chhang turin Aizawlah PR an rawn siam bawk! […]
Report this comment
September 7th, 2007 at 11:01 pm
in thiltih hi Mizorama thalaite chauh ni lo hmun dana awm thalai te pawh hian kan tuipuiin kan lo phur ve hle ania, rah tha a chhuah ngei kan beisei tlat ani
Report this comment