July 14-a Sihphir Neihbawih khaw nu pakhat, sumo-in a sut avanga Aizawl Civil Hospital-a dah luh chuan ngaihsak a hlawh tawk loh avangin Sihphir khawtlang mipuite an lungawi lo hle tih Sihphir VCP chuan Vanglaini a hrilh.
Inrinni zing dar 5 vel khan Pi Tlanglawmi (63) chu Sihphir bazar-ah vai sumo, AS11 2456-in a su a, Pi Tlanglawmi hi Aizawl Civil Hospital panpui a, X-ray a ni. Sihphir VCP Pu Khawlrimawia’n a sawi danin, Pi Tlanglawmi ruh chu engmah tliak a awm loh thu leh, a tukah an en leh dawn thu doctor-te’n an lo hrilh a. Hemi ni hian zing dar 6 atanga tlai dar 3 thleng ngaihsak lohin a awm a, tlai dar 3 velah pawh Pi Tlanglawmi hi a la zun tak loh avangin Sihphir khawtlang hruaitute ngaihdan a ni ta lo va, Greenwood Hospital-ah tlai dar 3:30 velah an inla phei a ni. Greenwood-ah hian doctor-te’n lo en vatin, a d^r ruh leh n^k ruh pali a tliak tih an lo hmuchhuak ta a ni.
He thilah hian Sihphir khawtlang hruaitute leh mipuite an lungawi lo hle a, Sihphir VCP chuan, an lungawi lohzia sawiin, zing karah mangang takin, thi chhawnga let an hruai lut a, Civil Hospital-a ngaihsak an hlawh lo chu thinurthlak an ti a, doctor-te chungah Sihphir khawtlang an lungawi lo takzet a, an tawn ang thil chu mi dang chungah pawh thleng nawn tawh lo sela, an tih thu Vanglaini palai a hrilh a ni.
source: vanglaini.org
Similar Posts:
- Dawrpuiin Demand Day hmang dawn
- Doctor hmeichhia aiin doctor mipa
- CM in Dawrpui Veng a lo tiam em?
- Vaivakawn PS a thil thleng chungchang kha..
- Upa K. Saibela kan chan ta (Zualko)
July 17th, 2007 at 8:30 pm
Hriat van nuam loh thrin ve ! Pawi thrin m mai !
Report this comment
July 17th, 2007 at 11:31 pm
A va zahthlak thin ve…
Report this comment
July 18th, 2007 at 1:49 am
E khai… va buaithlak thin ve le aw… Civil Hospital Casualty khi chu a bul atanga thuam that leh vek a mamawh tawh tak meuh meuhin ka hria
Report this comment