Kan aw neih te hi Lalpa min pek a ni a, kan unaute tanpuina tur a nih chuan engmah phut kan nei lo tiin tunlai zaithian lar tak tak – Mathlenga (Mizo Idol), Alex-a (Mizo Idol), Mimi Lalzamliani (Youth Icon), Malsawmtluangi (Youth Icon), Lalrinkima (Youth Icon) leh Gnat Lalrinchhana te chuan footballers te leh mipui pungkhawmte an awi dawn a ni.
Mihringten a kan duh dan reng ni hauh lo mahse, kan thuneihna piah lama chung khuanu rel, kum 50 dana kan rama lo thleng thin, Mautam tam a lo thlen hian, Mizo kan nihna anga kan tih tur chu Zofa chhul chhuak hian kan hre vek mai.
Tun kum AD 2008-a Mizoram a Mautam tam lo thleng hi mitin in a thu chuan kan hria. Aizawl khawpuia chengte hi chuan a tlangpuiin he tam pui lo thleng hi chuti lutukin kan tuar lo mai thei. A dik takin tam tak chuan kan nitin kuhva hring lei pawh kan la thulh lem lo. Inrinni tuka kan vawksa lei pawh a la khaihlak lo a ni mai thei. Amaherawhchu hetih lai hian kan unaute, a bik takin zokhaw lamah chuan patling meialh en hi an awm tak tak tawh. Hnathawh an peih lo a ni lo. Kum tina an in nghahna, lo neih chu Mautam a rawn chhawmchhuah sazu puang chuan awmze nei lovah a rawn chan a. Eitur thawkchhuak tura inhlawhna a awm si lo. Englai maha tanpui ngai nih duh ngai lo Mizo pa, kan unau, mi tlawmngai, hatsatna kan tawha min phatsan ngai hauh lo te chu tlai lam thlak turah an buai a. Harsatna la hrethiam pha ve hauh lo an fate, naupang hlim taka tual chai pawh rilru na ngawih ngawih in, mittui far fap fap chungin an thlir mek a ni.
Hetih lai hian mahni hnam pui phatsan duh ngai lo Chinlung chhuak Zofate zingah he Mautam lo thleng hian Mizo nihna thinlung a rawn chawk tho tha leh ta hi a lehlam zawnga ngaihtuah chuan a lawmawm a tih loh theih loh. Mahni tih theih tawk theuhah he tampui a midangte puih duhna thinlung so liam chu a rawn phul chhuak leh. Zaithiam ten Pathian laka an dawn (talent) chu tam tuar te tan tiin concert an buatsaih a. Kan hnam phuarkhawmtu pawimawh YMA leh MHIP pawhin chanhai an awm hlauvin Zokhaw thler tin an suar tluan mek.
Chutiang karah chuan kan ram leh hnam tana chawimawina vawi tam tak rawn chawi lut thin tu kan footballer te chuan awm mai mai an thei bik lova. Pathian laka an dawn, an taihmakna leh tumruhna a an chhawm nun, an football thiamna chu Mautam tam tuar te tana chaw bar khat tal a lo nih theih nan tiin ke an rawn pen chhuak ve dawn ta.
India ram hmun hrang hranga an football thiamna hmanga eizawng mekte leh Mizoram chhuahsan lova, football a eizawng talent neitute chuan he tam tanpuina atan hian 20th March 2008, chawhnu dar 2:00 hian AR Lammualah Charity Football match an khel dawn a. He inkhel hi Mizoram Football Association huaihawt a ni dawn a. Kan tlangval chhuanawmte tan hian khelmual hi eizawnna a ni, khelmual an rah tawh chuan a hnathawh man an tel thin, mahse tun tumah chuan kalphung danglam an zawm ve dawn ta, an ke pen khatin Zokhaw lama kan unau chhuan chhama awm mekte tan chaw bar khat tal a lo lei chhuah theih chuan tiin an theihna an sawmkhawm dawn a ni. Mizoram Football Association chuan he inkhel en tur hian mi zawng zawng a sawm a ni, a sawm chauh ni lovin a ngen tak meuh meuh a ni.
Centre atangin tanpuina a lo kal alawm, tanpuina khawn khawn hi a tul ber em ni tia zawhna zawt pawh an awm ngei mai, MFA chuan a diklo a ti hauh lo, mahse tuna kan unaute riltam authawm hian min ko tawh si a ni. Chaw bel ruaka awm mek leh fairel bel ruak thaka fate chaw pek tur pawh nei lova patling thu mek khawngaihthlak tak takte tanpui hi kan chanvo a ni, Centre tanpuina chu eng pawh ni rawh se, tunah hian an nghei mek si a, “Tun hun hi a ni lo’m ni” tih chang vawna neih a, tanpui tura ke pen chhuak turin MFA chuan mipuite a ngen a ni.
Inkhel hmuhnawm em em en pahin 20th March 2008, 2:00 PM hian AR lammualah Mautam tam tuarte tanpui ila thil tha ti kan va ni dawn em. I en man kha tam tuarte tan liau liau a hi si a. Mizo hi football ngaisang leh ngaina hnam kan ni. Kan thalaite pawhin football ah hian hma an sawn na ngiang mai. India ram mihring tam zia kan hria, chumi zinga Mizo hnam tlem zia pawh kan hai lo. Heti chung hian kan tlangval te hi India ram football club tha ah hian an awm fer fur a. Ram pawn a India team feh chhuak ah Mizo tlangvalte hming kan hmu reng bawk. Heng tlangvalte hi an lo haw khawm a, Mizorama thiam thlan te nen tam tanpuina charity match an khel dawn. Ticket: Rs. 100.00, Rs. 50.00, Rs. 20.00
Sumdawng pawl liante pawhin an sum bawm hawngin he football match atan hian “Kan channa hi tam tuarte tan hlawkna lo ni teh se” tiin Active Sound, RP Modern Feeds, Ar chaw dawr, Temple Square leh AIRTEL PCO, Sikulpuikawn, Prop-V.Lalzawmliana te chuan he football match alo hlawhtlin theihna tur hian ke an rawn pen chhuak tawh a ni.
Zoram thalaite tan chuan football leh rimawi hi lui khata luang tiin a sawi theih. Footballers-te’n ke an pen chhuah laia mahni thuthmuna hahdam taka lo awm duh biklo zaithiamte pawhin Mautam tam tuarte tan hian an aw an rawn thawh ve dawn. Kan aw neih te hi Lalpa min pek a ni a, kan unaute tanpuina tur a nih chuan engmah phut kan nei lo tiin tunlai zaithian lar tak tak – Mathlenga (Mizo Idol), Alex-a (Mizo Idol), Mimi Lalzamliani (Youth Icon), Malsawmtluangi (Youth Icon), Lalrinkima (Youth Icon) leh Gnat Lalrinchhana te chuan footballers te leh mipui pungkhawmte an awi dawn a ni.
Similar Posts:
- Football for famine
- Youth Icon-in banna thehlut
- Aid For Hunger concert
- Mautam March 2008 Update
- Youth Icon-ah tel la nuai 1 hlawh rawh
March 19th, 2008 at 8:41 am
Mautam tam tuarte tana mizo mipui, mimal, pawl, kohhrante theihtawp chuahnate hi fakawm hle mai.
Tamilnadu sorkar chuan Mautam tam avang pawh ni chuang lovin mipuite tan buhfai kg khat Rs. 2/- (chenghnih)in a hralh chur chur mai-ration card nei tan chuan khawsak a tiawlsam ngawt ang. Buhfai chauh ni lo, dalte, chinite, etc pawh man tlawm takin a state mipuite tan a semchhuak reng bawk.
Reuters meuhin kan state in tam kan tuar tih an puang ta a, kan sorkar hmalak dan i lo thlir zel teh ang u. Pawl leh mimal, kohhhrante hmalakna chu kan hria chho zel a….
Report this comment
March 19th, 2008 at 10:20 am
Nizan kan chaw ei laia ka chhungte bula ka sawi pawh ‘Reuters ah meuh a lan tawh hi chuan…….’ Buhfai hi a harsa khawp khawpuiah pawh, a to si, a tlawm deuh a chhe si, bag khat 900 te a nia, hrawk a tam si. a mang an thlak ka ti ve khawp mai buhfai to ltk hi. Han ti ve khanglang ila, kan tan pawh a harsat chuan thingtlang lam unaute tan phei chuan harsa tak a ni ang.
Lammuan inkhel en a ka nin deuh mai chu tutu te emaw khuallian tih vel atan an han sawm a thusawi tir hi .. beisei nei ran in… a ninom, zaithiam te pawh hi an ti that viau nangin ka ning thin. a hun takah hian inkhel hi an tan khat em em mai lehnghal a…
Report this comment
March 19th, 2008 at 2:53 pm
Heti taka kan ram leh hnam min timualphotu MNF sawrkar hian ka thin a tiur tlat thin! BAFFACOS…Uaakkk!! Ka luak a chhuak!
Kan infiammite leh zai thiamte an ti lawmawm e. Mahse heti teh erha phi ruai ngai lo tura rauhmanna SUM leh HUN nei tawk si, kan ram hruaitute tenawm lutuk avanga a hmingchhe zawnga khawvela kan han thang chhuak hi chu rilru hi a vit ngan mai ka ti!! Vawkpa sutnghak talha TALH phu hi chu an awm maw le!! Sawi tawh lo vang..De de dei dei dei…!!!
rka_49er sawi ang hian tumah VIP(Politician ho ka tihna) thusawi tura sawm loh ni ngei rawh se! Engmah sawi tur an nei lo!
Report this comment
March 19th, 2008 at 2:56 pm
“VIP(Politician ho ka tihna) thusawi tura sawm loh ni ngei rawh se!”
– Keipawh ka tlawp. Tin function vel reng reng a, contribution nei pawh ni lem VIP Chief Guest a zawm ziah pawh hi tul lo ka ti.
Report this comment
March 19th, 2008 at 6:09 pm
MZI te kan Soccer star te’n tram an tanpui dawn. Kohran ho pawh an che nual tawh. Mizoram Budget eizotu Gujarat Lirnghing leh Saiha leimin atan poha tranpuina petu te kha ONE DAY PAY peturin Sawrkharin a ngena Zuk duh miah lo mai a mole !!! Mahse sawtkar hnathawk hruaitu ho hian heihi SOURCE dang an hmuh vang em ni ang aw?? or Ministry tihmualpho duhna vang??? A Deptt ang te te chuan an khonkhom chu a thenin an Minister ah a thenin CS Josefa zemah an pe…. Chhut peih mi te tan….
Report this comment