Juda-te chuan kum khat chhungin kutpui pathum an lawm thin. Chung zinga pakhat Kalhlen Kut (Passover) Hebrew-in Pesakh chu tun Inrinni zan atang khian Khawvel hmun hrang hranga Juda-te chuan an lawm leh dawn a ni.
Kalhlen kut chuan Nissan thla ni 15 atanga ni 21 thleng chawlhkar khat chhung an hmang thin. Aigupta bawih ata an chhuah hriatrengna a ni. A ni khat ni leh a tawp ber ni chu ‘Inkhawmpui Thianghlim’ an tia. Thianghlim takin an serh thin.
Kalhlen Kut hi ‘Chhangdawidim telhloh Kut’ tih a ni bawka, Kut chhung zawng chuan dawidim telna reng reng ei khap tlat a nia, chutatanga siam emaw amah atanga hlawkna awm thei engpawh chhim awih a ni lo. Tin an in chhungah chhang leh dawidim telna thil a awm an hlauh avangin an in leh bungbel zawng zawng tifai vekin thenkhat phei chuan hemi pual bik atan liau liau bungbel hran an hmang thin.
Hemi tum hian alawm Pathianin Aigupta mi fatir tawh phawt a tihhlum tum kha ni. A hnam thlan Israel-te a hmangaih hle. An thlah kalzel kan nia, sualin min bawih nasat tak em avangin min chhandam turin A fapa mal neihchhun min rawn pe hial a ni. tupawh amah ringtu chu chhandamin an awm ang.
Similar Posts:
- Youth For Christ (Mizo Thalaite Lal Isua Tan)
- Mizoram ah Kalhlen Kut
- Ka D
- arngeng…pimples…acne
- Ram pilril lamtluang ve thung aw – Part 2
April 17th, 2008 at 8:44 pm
Kalhlen Kut Mizoram ishtyle chu Nissan thla pawh ni lo, Toyota thla pawh ni lo, Misubishi thla pawh ni lo, Volkswagen Passat thla pawh ni lo,Budget thla (April) hian Central Sorkar treasury atangin Politician/officer/engineer kutah, a chantu tu dik tak Mizo mipui kalhlen in a thleng rup thin ani.
YMA conference hi Inkhawmpui thianghlim anih leh nih lo ka hre lova, website danga ka chhiar dan chuan condom hman hnu leh kekawrte an hnutchhiah nuai thin.
Chhang dawidim telh loh thla ani reng mai. Total Pohibition anih hi. Dawidim hi zu siamna chi khat ani si a. SRS an hrang em mai.
Report this comment
April 17th, 2008 at 8:54 pm
Happy Kalhlen Kut,Chhana!
Naktuk tlai/zan velah chuan,Sunagog vel ah chuan Hlathlankhawm(song of Solomon) an sa/chham rual dual dual ang chu maw!
Aw,kan Unau Jews ho hian,thihna hneha tho leh Krista hi,Messiah a ni tih an hriattharna ni han ni tehlul se aw!
Report this comment
April 22nd, 2008 at 2:19 pm
Assamese ho pawhin Bohag Bihu (Kut) an hmang ve mek a ni awm e. 14 April kha an Bohag thla ni hmasa ber a ni em aw.., an urhsunin an ngai pawimawh hle mai, a hman dan kimchang chu internet ah han google ila, a lang uaih mai.
Juda ho Kalhlen kut pawh an Nissan thla ni 15 vel chu a hnai a ni mahna. Lal Isua ringtu te tan erawh khing pahnih te khi a inang reng, inzawmna kan nei lo. Kan Pathian Lal Isua chil chhaka, sawisa a, vervek taka tihlumtu Juda ho chanchin zir leh an sakhua Mizo Pastor tam takin an buaipui viau hian hnemhnanna a nei meuh emaw chu?
Pres. Bial Inkhawmpui pakhat ka chhim ve ah chuan Bial Sande Sikul Secy. Report pek ah “Nikuma Puitling zir Israel te chanchin kha a tlangpuiin kan tuipui meuh lovin a lang a, tluang tak erawh chuan kan zir zo thei a” kha a rawn ti a, floor ah ‘tuipui meuh lo’ kha an delete a, an pass ta a. Israel te chanchin zir ai chuan min hnaihtu Bengali leh Tripuri, Meitei Assamese te chanchin zir hi chanchin tha puandarhna kawngah tal kan hman tangkai zawk a rinawm.
Report this comment
July 27th, 2011 at 2:22 pm
ÑÍÎÑ ÑÒÎÈÌÎÑÒÜ…
minny…
Report this comment