Mi tuten pawn thiantha neih theuh kan duh. Mangan ni leh lungngaih ni, hlim ni leh lawm nite a kan rilru ang sawipui theih tur kan duh thin. Naupan zual lai phei chuan thian thiltithei, chak, huaisen neih kan chak thin a, chutiang thian tha nei phei chu an in chhuang deuh thin.
Kan lo puitlin hnuah pawh thiantha neih kan chak a, tunlai-ah ngat phei chuan mithiltithei, minister, MLA, sorkar officer lian, milar te thian nih ngat phei chu a chak hian kan chak tawh zawk hial awm e. Thil sual ani hran lo ve!
Kan Bible ah, Lal Isuan ,Bawih ka ti leh tawh lo vang che u; a pu thiltih bawihin a hre si lo; thiante ka ti tawh zawk ang che u; Pa hnena thil ka hriat zawng zawng in hnenah ka puang tawh si a [ Johana Bung 15 : 15 ] he thu hi, Juda Iskariot a’n Lal Isua man tir tura a kal san hnua, Lal Isuan zirtir sawm leh pakhat te thlamuan nana a sawi ani. An ngaihsan, zirtirtu anga an lo en chuan, ‘ Ka Thiante in ni ‘ an ti hi, zirtirte tan hian a thlamuanthlakin a lawmawm duh ngawt ang.
Thian leh thian chuan an harsatna, manganna, lungngaihna, hlimna leh lawmna te an in thlen tawn thin a; an in tanpui tawn thin a, an inngaithla tawn thin. Kan Lal Isua pawh hi, lei leh vana thuneihna zawng zawng neitu, engkim siamtu, lalte Lal ani chung hian, kan thiantha tak ani thei bawk.
Kan manganna, lungawilohna, hlimna, thinurna te thlenga kan ‘share’ a, kan titi / kawm ( conversation ) pui theih, he leia kan thiante hnena kan sawi duh loh, kan thuruk thlenga kan thlen ngamna tur a Thian Tha, Thian rinawm, phatsan ve ngai lo ani. Tin, Ani chuan, mitute pawh hi a thian atan a duh vek, an vun rawngah, an thil neih ah athliarve lo.
Lal Isua hi i Thiantha a ni em ? I lunglen changte a i biak thin ani em ? I lawmna, lungawilohna, thinurna te i hrilh ngai em ? Lal Isua min Chhandamtu, kan Thian ni bawk nen hian, engtiang takin nge in in Thian-that a, in inkawm ( intimacy) thin le?
Similar Posts:
- THIAN RINAWM
- Thluak vawrh nazawng a fuh kher lo! :p
- Inphatsanna (Good Friday Pual)
- The Butt Sniff!
- The poem which makes me cry
November 23rd, 2008 at 4:15 pm
Seki chu rawn thawh tha hle mai.
Report this comment
November 23rd, 2008 at 4:58 pm
Tukin kan inkhawmnaah “What a friend we have in Jesus” tih kha tui takin kan sa a. Ban ve leh he post hi ka hmu leh chiah a, a inrem hle mai. Ni e, Isua hi lal a nihna te, Roreltu a nihna te, Puithiam a nihna te anga biak leh chawimawi tur a nih laiin “Thian” anga kawm melh melh theih a nihna lai hi a ngainatawmna leh kan tana a hlutna lai tak pakhat chu a ni awm e. Tha hle mai.
Report this comment
November 23rd, 2008 at 8:49 pm
hV dan takah thutak deuh leh Pathian thu lam pang hi kan comment peih vak lo anih hi maw!!!sekibuhchhuaka thahnem i ngaih thin tehlul nen,mahse chhiar vek turah chuan ngai tal ang.VLA of tawngtai mak khan Isua chu a kawmngaih khawpin ka hria kei chu…ziak tha khawp mai.
Report this comment
November 23rd, 2008 at 9:39 pm
@taia-pa te chu Lal Isua in hnuchhawn leh tawh zawk chungin thian tha ah chuan in la pawm thi a ni maw
haha
Ziak tha khawp mai.
Report this comment
November 23rd, 2008 at 11:53 pm
A ni,ka thian a ni. Amahin engkim min hriatpui.
Report this comment
November 24th, 2008 at 12:48 am
Lal Isua tluk a thian tha leh hlu hi khawvel ah an awm lo.
Report this comment
November 24th, 2008 at 1:12 am
Pi amanda sawi hi ka amen e..
Report this comment
November 24th, 2008 at 2:02 am
kanidar,Isua tih aiah khian ,kan pu Abrahama-te,Isak leh Jacoba te Pathian Israel fate Aigupta atanga hruaichhuaktu Pathian Jehova kha ka rilru in ka daha,nangnin in tuipui vak hmel silo a,tha ka lo ti ve mai.
Report this comment
November 24th, 2008 at 11:45 am
Isua hi kan thian tha tak ani tih kan hriat chuan, Isua thian thatak mi RINAWM kan nih angai.
Report this comment
November 24th, 2008 at 1:41 pm
adelfos sawi ang chiah chiah in keini pawh sunday inkhawmna ah , ‘Lal Isua kan thiantha ber in’ tih biak inah kan sa ve chiah! A hla thu ah ka lo chang lutuk a, seki ziah hi a hnu ah ka chhir leh chiah a, in hmeh khawp mai. Engkim kan hrilh ngam thiantha Isua kan nei hi chu kan vannei hliah².
Report this comment