U – 13 All India Football Festival chu Jamshedpur ah 13- 22 jan 2009 a neih chu zawh a ni ta a. Mizoram Football Association pawhin he football Festival ah hian team a tir vein Mizoram aiawh a kal SSA Football Academy naupang panga Samuel Lalmuanpuia & Hmangaihtlunga (SSA Zemabawk Football Academy ), Lalrinenga & Lallawmawma (SSA Ramthar Veng Football Academy ) Lalkrawshlua (SSA Mamit Football Academy) te chu India team a selection trial nei turin koh an ni ve a ni.
India camp a tel tur hian naupang 46 koh an ni a, heng zingah hian mizo naupang 5 an tel ve thei hi a lawmawm hle. India camp hi Jamshedpur ah March ni 20 atanga neih tan tur a ni a. Heng Mizo naupang panga te hi India team atana thlan an nih chuan kumin july thla atanga neih tan tur AFC U -13 Football Festival ah India tan an khel ang.
Football Festival ah hian a tir lamah chuan tournament pangngai ang deuh takin an kalpui a. Tan a nih kum hian Mizoram chuan final ah West Bengal chu 2 – 1 in final ah hneh lo a. Kum 2005 atang kha chuan tournament ang tak takin an khel tawh lo a, naupang skill leh technique chi hrang hrang an neih te hai chhuahna hun atan hman a ni ta zawk a.
Football Festival neih zawh takah pawh hian small-sided games (format I & II) 7-a-side, Mixed Group Competition (small-sided game), Skill Competitions (4 competitions) leh Quiz Competition hmang te in elna neih a ni a. Naupang te chu AIFF technical Director Colin Toal Joseph chuan traning a pek bakah State hrang hrang coach te pawh theory & practical training a pe tel bawk. Football Festival hian a tum bulpui ber chu mitin thleng phak football a nih theihna tur leh naupang te talent haichhuah a ni.
Similar Posts:
- Mizo football chanchin thar
- Manchester Premier Cup 2008 ah Mizoram che tha zel
- Final round khel turin Mizo naupang
- A vawi nga na atan Mizoram champion thei a ngem?
- SSA team hnawl an ni
February 4th, 2009 at 6:57 pm
Kum diktak an ni hlawm a ngem le aw!! An va lawmpuiawm ve le… Go go MIZO
Report this comment
February 4th, 2009 at 7:34 pm
An va ti tha ve. Lawmpui awm hlawm khawp mai. All the best.
March 20 at Jamshedpur… hmmm. A lum leh ngawt ang chu. Summer training nikum khan Jamshedpur ah ka ti a, chhunah hi chuan kan hmin hman thelh thin. Tap water hian kut-ke a sil theih loh, sa tak hi a ni ringawt.
Report this comment
February 4th, 2009 at 7:38 pm
@lalmisualpa, i ngaihdan hi ka thlawp e. Kum bithliah chinah hi chuan tunhma kum tam tak liamta atang khan Mizo player kan nei ziah mahse senior team-a khel pha kan la nei lo. Heng naupang te pawh hi an lawmpui awm takzet a, an hlawhtlin ngei ka duhsak rualin an kum zep then sak ngai lo ni se duhthusam a nih ka ring.
Matric ceritificate leh damdawi ina kan kum chhinchiah dan in ang lo thin te leh kan rualpui nia kan hriat thin keini aia kum 2-3 vela an lo naupang leh thut te hi nep ka ti hluah2….ka ngaisang lo bawk.
Report this comment
February 4th, 2009 at 7:58 pm
Football hi eizawnna tlak a ni tawh viau a nia, hamara desh ah pawh hian
Report this comment
February 4th, 2009 at 9:37 pm
Kan vanglai min van ti ngai ve aw !
Report this comment
February 4th, 2009 at 9:42 pm
Kanidar!! Football khelh/pet i tihna mi??
Report this comment
February 4th, 2009 at 9:54 pm
tuman an support leh hlei lawng nge!!
An han phur pui ve hlut a, a hnu lawkah Man U forever!!.. Chelsea the Blues, Liverpool de de deei antih san leh vek tho ang.
An phurpui te zok hian an hre lo nasa mai si aah.. anla inhnial ve luih2 zui!!
Hairehai (:P)
Report this comment
February 4th, 2009 at 11:00 pm
Thingtlang nu pakhat Aizawl-a chiseh rawn la zuai pawhin Lammuala Football khel a thlir thla ve zuai a; “Ball khu an inchan lo em a nih khu …” a ti!
Awithangpa khaw hlui Maubuang-ah chuan sertawk hmangin “Bakcheh khinglehlam bung Cup” inchuhin Tournament an nei ve thin a; goal mouth-a sertawk phel khing lehlam a luhin, fair takin an khaw lal PATLA hmang ngeiin, goal mouth-a lut leh goal mouth-a lut lo zawk kha a khawi nge rit zawk an buk leh kher thin! Maubuang hi R. Vanlawma (Padma Shree Awardee) khua a ni. An FAIR PLAY ve khawp mai; tuman kezungpui tin zuah seia inkhelh dawna tihzum awih loh an ti bawk thin.
Sentlang khua (Lungdai leh Serkhan khaw inkar) hi Hockey khelhna hmun hmasa a ni thin. Zoliana Royte pa hi Chawnga a ni a; Assam Rifles puanthui a ni thin a; Aizawl Lammual-a hockey ball liam a chhar khawm thin a; Sentlang paho leh tlangval-ho infiam nan a thawn thla awl lo va.
Inkhelh hun chhung Half time, full time hriat theih nan thli-thaw dawng lo laiah buara hrui-hrual an mut ta mai thin a; thli-thaw a dawn fuh deuh chuan an inkhelh hun a rei loh phah deuh thin a. An protest ngei ngei thin bawk —a chak lo lam ten!
An chhung leh khatte pawhin hming atan meuh ‘Nomawii etc.,’ an inphuah phah a ni … Zoliana Royte khi Mizo pa-ah chuan a namai lo ber ang; mahni Veng chhuahsan lo, mahni inchhungkhur lehzel atanga Director ni chho tluanchhuak zak a ni. Officer dangte khi chu an ni ve bau lo!
Report this comment
February 4th, 2009 at 11:07 pm
Football chu hmanlai ti ila kan naupan lai kha a vul lai ber niin ka hria, khatih lai khan sum lengvak pawh a tam (a hunlai nena ngaihtuah leh lek pheichuan). Entirnan: kan veng ami KHUALCHUNGA pawh MAP atangin TAXI in an leichhuak! chutiang deuha thil man tam tak tak a in lei kha a tam ani. Tin, mipui pawhin kan ngaisang em em thin. khatiang hun tekha a ngaihawm ka ti thin.!!!
Tunlai hian football kan tuipui dan hi in ngaihtuah chian kan ngaiin ka hria, football t tui ho te tana eizawnna siamsak zawnga kan response thiam hi a ngai in ka hria. sorkar pawh hian policy a siam thiam hi angai ani. kan hruatu tehi an finglo ve sia (inti fing poh minlo ti ula pawi ka tilo,
an finglo lulai em ani )
Report this comment
February 4th, 2009 at 11:14 pm
Football-ah khian Wg Cdr J. Lalhmingliana a la President em?
Report this comment
February 5th, 2009 at 1:40 am
Mizo naupangte chu hlawhtling ngei turin duhsakna ka hlan e.
Report this comment
February 5th, 2009 at 2:21 am
Vaiho an induhsak leh tho tho ang. Phakar hlawm si.
Report this comment
February 5th, 2009 at 6:08 am
Engpawhnise stadium sak kan mamawh hmasa ber. Chumi hnu ah a za telin infiammi kan thawn chhuak thei ang. Tuna kan Mizo naupang 5 te hi an chhuanawm tak zet zet ani
Report this comment
February 5th, 2009 at 7:42 am
Missionary 10,000 tir chhuak tawh lo zo tawh —footballer tir chhuak chiah ang maw? Engzat?
Report this comment
February 5th, 2009 at 10:14 am
Savun hampuar um truk truk
Report this comment
February 5th, 2009 at 10:37 am
Football khel thin ka hriat tawh ah chuan a la Pa ber awm e. A hming chu sawi kher lo ila tunah chuan Synod Pastor zahawm tak a ni tawh nghe nghe. Inkhelhna a tel ve tawh na reng rengah Refree in firit a ham chiah hi a thinrim nghal zel a , a tawpah chuan an insual buai leh nge nge thin.
On topic : An Selection trial ah chuan hlawhtling ngei se tiin duhsakna ka lo hlan ve e. Hetah vairam, vaiho karah kan mizo inkhlel thiamte han hmuh te hian rilru a hlim ve in, kan hnam ti mawitu an nihzia min ti hrechuak nawn fo thin. Politician corrupt tak tak ai chuan ka chhuang che U. Aw Mizo tlangval, India ram chhung mai pawh ni lovin khawvel hian min la thlir thrup ang . Mizo kan ni kan hmel a tha, kan tum a sang bawk si.
Report this comment
February 5th, 2009 at 6:15 pm
ConstantineXX comment ka thlawp e. Ni e duhsakna sangber ka hlan mawlh mawlh hlawm e. Mizo hming India football ah a lang em tiin newspaper kan thlir hian kan en hmasa ber fo ania.. kei tal chu ka ni.
Chutihlaiin, thenkhat hi chu mak ka ti thin. Mizo puite han chawimawi a, han fuih that ve mai kan tumlo emaw ni aw ka ti. Fakna karah sawiselna kan la rawlh tel hram zel hi mak ka ti. Kum dik an nih leh nihloh lamte kan han sawichhuak leh hram hlawm a. Diktak chuan Vaiho hlei2 hi nia kum diklo a khel hrat chu (an vai chuan ka ti chuanglo). Tin India ram mai ani lo ramdang tamtakte pawhin hetia kumdiklo hman hi an hrat ve viau tho ni awm asin.
Tin football ah mai nilo, sawrkar hnathawhna, sikul kalnaah leh kawng tamtakah pawh kumdiklo hmang chu kan tam ani lom ni. Football leh sport a nih avanga sawilan em2 hi tha ber dawn maw ni aw ka ti thin.
Kan mizopui an nihna ah leh an thlenchinah chawimawi ila, hmalam pan zel turin Fuih zawk mai teh ang u
Report this comment
July 27th, 2011 at 1:59 pm
ÄÅÌÎÍÒÀÆ ÊÎÍÑÒÐÓÊÖÈÉ…
minny…
Report this comment