Family planning han tih hiana awmzia chu kan hre theuh awm e, mizo tawng tluang pangai chuan,’chhungkaw ruahmanna’ ti a dah thin a ni. Tun laia kan kalpui dan tlanglawn berah leh awmzia kan neihtir danah chuan, fa nei thei tawh lo tura insiam, fa tih chhangkhat leh fa 2 emaw 3 emaw lek neih te a ni awm e.
Ama’rawhchu heng a chunga kan han sawi tak te hi chu family planning hlawhtlinna a tana hmanrua lek chauh an ni zawk. Family planning chu ‘planning’ a nihna ang leh ‘ruahmanna’ a nih ang tak hian chhung kua kan din dawnin ruahmanna fel tawk kan nei tur a ni a, a nihna takah phei chuan nulat/tlangval laia family planning hi lo neih tawh tur a ni. In satu in in a sak hmain a in sak dan tur ruangam leh a senso tur zawng zawng a lo chhut fel vek a, chutiang ang chuan a sa ta ang hian.
Nula in pasal a neih huna a pasal leh a fate a enkawl dan turah ruahmanna fel tak a lo nei tur a ni a, chutiang bawkin tlangval pawhin nupui a neih huna a nupui fanaute, a chhungkua a enkawl dan turah ruahmanna tha tawk a lo nei tur a ni. Mipa chuan a thawhchhuah mil tawkin a chhungkua a din tur a ni a, chutiang bawkin a chawm theih tawk fa pawh a neih a tha ang.
Mizote hi thu awi thei leh hotute thu zawm mai thin mi kan nih a vangin he family planning programme pawh hian kan ram a lo luh chinah chuan kan zawm tha in India ramah phei chuan a zawm tha ber pawl a mi kan ni hial a ni.Family planning hi India ram mihring pung chak lutuk tur venna a tana India policy pakhat ni a, ama’rawh chu Mizoram hian kan mamawh ve chiah em tih erawh chu zawhna awm thei tak a ni.
Mi tamtak ngaih danah erawh chuan tunah pawh kan inchawm zo lo a ni a, ‘fa kan neih tama kan pun hluai mai chuan kan rethei lutuk ang tih’ a ni. Mihring rawn piang chhuak reng reng hian hnathawhna tur kut pahnih leh a thawhchhuah sa eina tur ka pakhat a nei a ni tih hi hriat reng a tha. Mawng a tam chuan lo vawih palh tawk pawh an awm ang chu.
Family planning avanga fa tlem te neih hi a fuh ber em, kan synod hial pawhin fa nei tam tura inzirtir lam an awn ta hial a nih hi. Kan nu leh pa te khan fa pahnih emaw pathum emaw lek lo nei ta sela tuna he article chhiartu te zingah pawh hian piang ve lo tur kan awm nual mai law’ng maw. Tuna kan Officer lian hote pawh hi chhungkaw rual tak atanga rawn chhuak a ni tlangpui a sin, Chhungkaw tam tak, fa 2 lek nei, an fate, ro pawh luah tlak lo hial khawpa nikhua lo ta pawh an awm nuk mai. chuvangchuan chhungkaw rual hi an rethei ngawt lova, chhungkaw tlem an changkangin an ding chhuak ngawt lo tihna a ni thei ang em. Japan hote kha nuai sawm vel lek ni ta se kha tiang khawp khan an chakin ram an la zau thei ang em.
Kan ram tan hian tun ang bek beka inthlah pun zel hi nge tha anga, tun aia chak deuha inthlahpun hi le. Family planning kan kalpui dan hi a tha chiah em, nakin kan tu leh fate tana tha tur a ni em tih hi sawi ho teh ang u hmiang.
.
Similar Posts:
- Birth Control hi le
- Kristian chhungkua leh kan tehdan diktawk lo te
- Indian actress Aishwarya Rai turns 33
- Kristian Chhungkua
- Mizo ṭawnga ziah zawm leh zawm loh tur te-III
April 20th, 2009 at 6:34 pm
Ka chhiar lemlo naa, kan comment risk.
Family planning tih hian fa neih tlem a kawk kherlo. A nei tlem duhin nei tlem tura lo plan emo a nei tam duhin nei tam thei tura lo plan kha ni deuh maiin ka hria. Mahse eng pawh lo plan ve ta ringawt ila, a hlawhtlintirtu chu Pathian a ni thung.
Report this comment
April 20th, 2009 at 6:58 pm
Silent_man I daw lo lutuk .Nang leh kei hian plan duah hle mah ila a hlawhtlinna chu Lalpa ah tih hi ka chiang khawp mai
Report this comment
April 20th, 2009 at 7:05 pm
He post tu pa logic hman dawn chuan population sang a piang an hlawhtling ang tih na a ni ang… kan khawvel an hian a ni bawk si lova… Progress a tan chuan variable tam tak a awm a… he logic hi chu a one dimensional lutuk.
Report this comment
April 20th, 2009 at 7:13 pm
Mizote hi thu awi thei leh hotute thu zawm mai thin mi kan nih a vangin he family planning programme pawh hian kan ram a lo luh chinah chuan kan zawm tha in India ramah phei chuan a zawm tha ber pawl a mi kan ni hial a ni
India ramah a zawmtha ber kan nih na hi a proof kan nei em le?
Report this comment
April 20th, 2009 at 7:17 pm
@Tripplestar
synod hial pawhin fa nei tam tura inzirtir lam an awn ta hial a nih hi.
khi khian kohhran member pun duh na lam a kawk thei em?
Report this comment
April 20th, 2009 at 7:59 pm
Family Planning hi keini mizo hnam tlem lutuk tan hi chuan a tul berlo khawp mai. Tlemlai deuh khan Aizawl veng pakhata nu pakhat fa nei thar hlim pawh khan a nau hnute a pe duh thaklo anti. A chhan ber chu a hnute kha a vuai chhe uai hnu ang tih a hlau tlat. Chutiang deuh chuan fa neih tam avanga kan nulat mawina te a han chuai thla rawih rawih mai turte, kan han inti nula hlei theilo turte hi thenkhat chuan kan huphurh niberin alang. Fa pahnih vel kan han neia kan han insiamtir ngawt zel a, a result chu chhe ang reng tak ani……uire pawn a rai tawh chuang lova a pawi tak taklo tih vel te ani a. Tunlai chhana fa 3 aia tam neiho chu min nuih zat tlat. Mahse kei chu ka tunlai lemlo bawka ka pawisa derlo. Ka duh dan tak phei chuan dorzawn khat aia tlemlo nei ila ka duh a, mahse a chuanga Silent_Man sawi ang khian fa neih kher hi chu chunglam kut hi alo ni chiang khawp mai. Duh zat zat kannei thei miahlo. Keini plan lemloh pawh hian chunglam hian minlo plan sak tho tho mai. Chawm sen loh khawp hi chu tumah hian kan hrin ka ring tak tak lemlo. A eina ha a awm phawt chuan ei tur lam hi chu a lungngaihthlak lemlove antia lawm.
Report this comment
April 20th, 2009 at 8:21 pm
Comment #3, Thirkut-a ziah khi kei pawh ka ngaihdan a ni. Population sang apaing hlawhtling dawn se India ram hi a ber pawl kan ni dawn asin!
Report this comment
April 20th, 2009 at 9:27 pm
Good post. Comment ho pawh ka rilrem zawng tak vek a ni. A tlangaupui hmasa pawl pawh ka niin ka hria. 1985 vel khan ka lo tlangaupui tan tawh a, pulpit tlangah meuh pawh vawi tam ka sawi tawh. A hmasain, ‘Family Planning’ tih aiah ‘Family welfare’ tih tawngkam hi an hmang tawh zawk tih kan sawi hmasa ve duh hrim hrim. ‘Health and Family Welfare’ te pawh an tih tawh hi.
Sorkar anga Health Department-in a kalpui danah chuan ‘Family Welfare’ hian fa neih tlem hi a thupui ber a ni. An poster tarah pawh fa 2/3 nei tura inzirtirna an ziak deuh vek. Fa neih tlem khan chawm zo tura ngaihna ‘pre-conceived notion’ an nei lian hle a ni.
“Fa tlem te neih a, hneh taka enkawl” tih hi Family Planning/Welfare thupui pakhat a ni. Hei hi a dik em? ‘Emotional Dependency Syndrome’ tih hi kan hre tawh chawk ang a. Fate mamawh zawng zawng pe thei nu leh pate hian, an fate thinlung an enkawl sawngnawi duh khawp. Chuvangin, fa tlem te neiah ‘Emotional Dependency Syndrome’ (Midanga innghat thinlung sawngnawi) an awm duh khawp mai.
Mizo zingah chuan unau rual an dingchhuak tlangpui. A chhan chu, unau rual na na na chu mahni kea din theih a ngai a, a upa lamin mawhphurhna an la hma a, rin aiin an fel phah duh phian. Ka nu te unau hi 13 an ni a, mahni tawkah an dingchhuak vek. Unau rual ding chhuak sawi tur ka hre tam mai. A chhan ber chu, mahni kea din an zir hma a, mahni hma an hai kuak theih phah tlat.
Mihringah hian Pathianin adaptability a lo dah tlat mai a, a hun leh a hmun azira insiamrem zung zung theihna kan nei a ni. Chhungkaw rual takin harsatna an tawh tur anga kan chhut hi, a practical lo fo. An dinhmun azirin anmahniah ‘adaptability’ a lo pung ve zel a, an khawsak harsatna khan an ngaihtuahna pawh a tihriam tlat a, an ding chhuak zawk tlat.
Population a pun hian hna pawh a pung ve zel. Mihringin problems kan neih tam poh leh, kan thluak pawh hian kan ‘survive’ theihna tur kawng a dap chak mai a ni. Mizoramah hna a vang a, ram dangah kan chhuah tam phah. Population hian competition a hring chhuak ngei ngei a, chu chuan hmasawnna a siam ngei ngei bawk.
Report this comment
April 20th, 2009 at 9:38 pm
Ka la sawi zo lo. Tunlaia kan hmeichhe tam takin fa neih tlem an duhna chhan hi, nula anga awl thawng taka awm thuai an duh vang niin ka hria. Nu nihna (motherhood) hi phurritah an ngai a, chuvangin, chhangchhiat pumpelh thuai an duh a, fa neih tlem an duh phah a ni. Hei hian sex lamah pawh sual a hring chhuak nasa tih kan hre vek.
Sam 127:3-ah chuan ‘Fanaute hi LALPA laka kan rochan a ni a, rila rah hi a lawmman mi pek a ni’ tih kan hmu. Pathian hian nuai biin pawisa min pe dawn se, nuai 2 lekah ramri kan khamin ka ring lo. Ca pawh min pe dawn se, car 2/3 lek kan duh tawk lo vang. Mihring min pek a duh a, 2/3 chauh kan duh tawk hi ngaihtuah chian a tul khawp mai. Fa 10 neih tum ila, kan nei thei kher lo vang. Ka farnu hian fa 10 chuang neih a duh a, 6 chiah Pathianin a pe. A naupang ber a danglam bik a, a lawmawm ber bawk. Ka nu nau pakhat hian fa an neih theih zah zah neih a duh a, fanu 7-ah an kin der. Ka thian pakhat chuan fa 6 tal ka duh a tia, pakhat bak an nei thei lo.
Report this comment
April 20th, 2009 at 9:45 pm
A awm zawng zawng hawl thlak vek an tum a ni maw thenkhat chuan
Report this comment
April 20th, 2009 at 9:46 pm
Ka la sawi zo lo cheu. India ram hi khawvela mihring tamna ber dawttu kan ni a, rethei an tam zia kan sawi fo. India ram hi population tam avanga rethei tam kan niin ka hre lo. Ka mawhpuh ber chu Hindu sakhua hi a ni. Christianity hi India ram sakhua ni se, khawvela ram intodelh ber zingah kan tel daih tawh ka ring. Hindu sakhua hian hnam hnuaihnungte hmasawnna tur hi a khap a, chi leh chi inthliarna a nasa a, outcaste hnam an awm ringawt te hi development thanmawhbawk a ni. Tuna Mizorama mirethei leh mihausa kar zau tial tial pawh hi, kan politics kal fuh loh vang mai mai a ni. Kan politician te hian ram politics tak tak hi buaipui ngat se la chuan, 2nd class family leh a chunglam vekah kan invawrh chho tawh ang. Hnam thatchhia kan ni lo va, chuvangin, fa neih tlem ai chuan fa neih tam hi kan hnam dinchhuahna tur a ni.
Report this comment
April 20th, 2009 at 9:48 pm
Synod ten eng vang in nge population pun an duh nachhan hi research/investigate tlak a ni in ka hria. Reproduction lam a ethics zirtir ai mah in population pun an nawr nachhan hi chhan a awm ngei ang. Population pung ta se an ni an hlawk phah na tur te a awm em le? Post tu pa logic hman phei phei chuan, population pun in meidil a tla tur an tam phah awm si a.
Report this comment
April 20th, 2009 at 9:50 pm
5# in thlahpun lam hi member tamna tur lam a kawk lo e.. Kan pathian thu ani. kan pathian hian inhlah pungturin a ti char char ani.
tin sam 127:1- ngaiteh fanaute hi lalpa laka kan Ro chan ani a tih kha, mihringin a neih theih zat nei se ka ti kei chuan, insiam pawh hi thra ka ti lo.. kan pathian thu nen a in mil em?
inngaih tuah angai ka ti..
Report this comment
April 20th, 2009 at 9:53 pm
12#, kan pathian chuan mizawng zawng chhandama awm thutak hria se tih hi a duh dan ani asin. Vanram kai tur tamse tih hi pathian duhdan zawk chu anih ka ring.
Report this comment
April 20th, 2009 at 10:17 pm
#14 : Pathian duh dan te chu ni awm tak. Pathian duh dan leh thil rawn thleng thin hi a in kokalh fo.
Report this comment
April 20th, 2009 at 11:40 pm
Mizo te hi kan la tlem lutuk kan inthlah pun hle a ngai a chu chu Pathian duhdan poh a ni tih hi ka tlangau pui ve tan tunkum atangin. A chhan chu kan birth leh death rate kan enin kum 100 lo awm turah poh mi maktaduai 2 chu chu nuai 20 kan pel dawn lo.
Ram leh hnam thang tur chuan mi kan tam a poimoh ve tlat. Mi tam lutuk over India China Vietnam etc te hi chuan one chil policy an hmang a. Chutih rualin Europe ram engemaw zah hi chuan fa an neihin lawmman te an pe zawk senso an free vek bakah.
Full support ka pe e.
Report this comment
April 21st, 2009 at 12:05 am
Tun Century kal ta growth rate kan hman chuan, nuai 20 kan pel hrim hrim.
“Tlem” leh “tam” tih he subjective words an ni a. Kan hman dan a zir a ni. Kan thenawm te nen a tehkhin chuan kan “tlem”. Kan environment in kan population a sustain theih leh theih loh zawng a en chuan kan “tam” tawh.
Report this comment
April 21st, 2009 at 1:05 am
“Party campaign inchirhtheh ang deuh a ni. A thatzia in han sawi tak2 chuan hma kan sawn duai2 duh hmel. A thatloh zia in han sawi leh tak2 chuan hnam chimralna a nih leh duh hmel lawi bawk sia. Huiha!
by wonderboy
Report this comment
April 21st, 2009 at 1:41 am
Comment no 7: Population sang apaing hlawhtling dawn se India ram hi a ber pawl kan ni dawn asin!
– Khawvel ah Indian ho hi an ropui deuh ber tawh lawmni, Indian Doctor,Indian Scientist leh Indian Labour tello hian ram tam tak hi a awm thei tawh lo a nih ber hi, tam hi changkanna ani ve tlat, chuvang in inthlah pung ang u.
Chakma leh Tuikuk refugee vote awt miah lo Mizo Political party a awm theih nan Mizo te hi in thlahpung ve deuh ila…
Kanin thlah pun loh chuan Lalthanhawla leh a hote hian kan hmun awl hi Chakma leh Tuikuk refugee an mai dawn ania!
Report this comment
April 21st, 2009 at 3:50 am
karei, one sided deuh a en chuan ni e… Mahse India ah poverty a nasa tulh tulh, gini coefficient a sang tulh tulh (income inequality), naupang chanve deuh thaw hrisel loh a ngaih an ni (malnutrition), khawvel a crime sang ber pawl na ram a ni… etc..
Report this comment
April 21st, 2009 at 5:40 am
Japan ho hi Xtian an tlem em em maia an CHK em em tho bawk sia Xtianity hi changkanna ani kher lo anih hmel
Report this comment
April 21st, 2009 at 6:15 am
Ni lo meithei… Mizoram pawh wan haanred parcen kreestian kan ni nanga kan changkang lem lo… aizawl ho changkang viau emaw in ti mahse…
Report this comment
April 21st, 2009 at 9:33 am
Mizoramah hian mihring hi kan la tam lo hle a, kan thenawm State dangte ngaihtuah pawhin tlem tak kan la ni. 1991 census-ah Sq.Km 1 ah mi 42 vel zel ang kan ni a, thawl tak kan la ni. Tin, kan ram pawh lo neihna hmun atana ram ruak/ tha ala awm. Mihring tamna ber Aizawl pawh 3 lakhs emaw vel chauh kan la ni. Mizoram aia lian bik lo Israel ramah pawh kan let engemaw zat an awm.
Retheihna (poverty) hi mihring tlem leh tlem loh vang a ni ber lo. Chhungkaw tlemte pawh rethei tak a awm theih. India ram pum huap kan sawi thin, a dik e; India chu over-population a ni a, keini Mizoram bik hi chu la pun zel hi a pawina awmin ka hre lo.
Report this comment
April 21st, 2009 at 9:56 am
tuna mizoram population hi tawk renrawn khawpin ka hria. Hmun fianrial awmlo lek hian sairang road ang maiin in rawp chhe te te mihring chena tlak ani emaw le tih tur hi a ding fir fer ang tih ania ka hlauh ni. Kei ni ang ram changkanga awm thrang tawh tan phei chuan EYESORE ani ringawt. Tunah pawh khian VC tena condemn a vuak thriah tlak a tam lutuk.
Report this comment
April 21st, 2009 at 12:45 pm
Mi chimawm Aryan-a ka thlawp.
Population hi tam se changkang bawk tho ila tih hi kan duhthusam theuh a ni. Mahse changkanna tura hmalakna mumal leh rin tlak nei mang si lova tam inzirtir ringawt hi hlauhawm deuh a ni. Chhungkaw rual apiang an ding chhuak ringawt tawh lo tih hi hriat a tha. Tunhma lo neiha mi an inhnangfak lai thil a ni. Industrialization hnu lamah hi chuan tam chu changkan lohna chhan pakhat a ni tawh zawk. Hei hi economist-te chuan an hre chiang viau mai.
Tun laia naupang education leh health care senso tam tawh ziate ngaihtuah hian a rual pawl tawka fate enkawl sei lian tur chuan fa pathum chung lam neih hi chu mi hausa deuh bikte tih chi chauh a ni. Chawm ngawr ngawr a KG 70 a rit an nih thleng vulh hi a harsa hran lo, mahse rilruin quality nei deuh turin fate kan lo duha neih duah a ngam awm lo a nih hi.
Engpawh nise mi chang kang leh khawpuia chengho zingah hi chuan Synod leh YMA hian sawi mawi sa teh mah se fa hi an nei teuh teuh dawn lo hrim hrim. Educated zingah chuan Muslimho meuh pawhin an inzirtir hlawhtling bik lo. Chuvangin fa neih tam inzirtir hi chu a mawl deuh leh rethei deuh zingah a hlawhtling anga chu chuan buaina lian zawkah min kai lut zawk ang.
Ram thenkhat anga “fa pakhatna piah lam chin chu free education pek an ni ang” kan tih theih hma chu fa neih tam tura infuih loh a tha ang.
Pasthian thu lam atangin: Pathianin inthlah punga lei lung luah khat turin thu min pe tih hi a dik. Mahse Pathian hian ideal a neia chu chu mihringin kan tlin vek lo. Chuvangin kawng dang min ruat sak fo thin, chhandamna thleng hian. Lal Isua khan, “Engvangin nge Mosian inmakna lehkha a ziak?, nangmahni chak lohna avang zawkin a ni”, a ti. Inmak hi Pathian duhdan a ni lo mahse thenkhat an chak lova, an uire a, enge maw special case bikah inmakna lehkha ziak a lo ngai ta a ni.
Fa neih hi hmeichhe ovary neih zat bak aia tam a neih theih lova, a tlangpui thuin 10 vel an nei. Hei hi Pathian remruat a ni ngei ang. Nu khat hrin ngat chu unau 10 pel an tam lo khawp mai. Khawvel hausakna te hi insem rual deuh se chuan fa 10 vek pawh nupa tuak tin hian nei ila chawm an har miah lovang. Mahse kan khawvel hi a kal sual tawha, a tirtea Pathian rem ruat angin a kal lo zo tawha, a secondary zawk hi kawng hrang hrangah apply a ngai ta a nih hi maw. Chhang tihkhatna pawh Pathianin finna a pek thluak hmanga ngaihtuah chhuah leh hmuchhuah a ni a, Setana hmanruaah ngaih bik loh tur. A chhe berah Mosia inmakna lehkha ziak ang ngaih tur a ni ang. Pathian thuin condom hman loh tur a ti bawk lo, inrek ping suh u a ti hek lo.
Chuvangin mahniin kan enkawl zawh tawk tura kan ngaih fa neih hi a tha mai. Nawmsak leh thatchhiat vanga fa neih tlem erawh Pathian huat zawng tak a nih ka ring. Tla tin cheng nuai khat vel la lut ila chu 10 neih pawh ka hnial aih lo. Cheng sing hnih vel ka la luta 4 ka neia, kan nuamsa lo, kan mamawh erawh a daih. Mi inhnuai luaha, ei chawp dapho hi chuan pa hnih aia tam nei lul suh se. Pa berin ruih hlo a ngaih phei chuan fa pawh nei ve suh se.
Report this comment
April 21st, 2009 at 12:51 pm
Tunah pawh heti khawpa, Subsidy leh Central Govt puihna kan dawng chung hian, mihring tlem te zingah, thalai hna nei lo tiin kan au kan au a, naupang kha piang teuh se, thalai an lo ni ve ngei dawn a, khawi a mi tak chuan in chawm dawn ang mo. Ram dangah hna zawng turin an chhuak leh tho a nga. Awmzia pawh chu a va awm lo ve.
Report this comment
April 21st, 2009 at 1:42 pm
Adama hmasa zawk hnenah khan inthlah pung turin Pathianin a ti ngei mai. Mihring dang pakhat mah an la awmlo a, leilung luah khat turin a ti reng ani. Fa neih tam hi ka sawisel lova, a duh chuan 20 pawh lo nei ang hmiang ! Amaherawhchu Pathian thu hmanga fa nei tamlo te emaw neihtam inhuam lo te sawisel emaw, thiamloh lo chantir ngawt hi Pathian thu zir chian hian a fuh berin ka hre lo.
Thuthlung thar ah chuan Tisa lama fa hrina in thlahpun teuh lam ai chuan thlarau lam fahrin ani a zirtir tawh zawk. Tisa lam fa hrin hrim hrim hi Pathian in ngai pawimawh ber nise, Isua pawh khan nupui neih awm tak ! chutiang bawkin Paula teh pawh. Ani phei chuan amah anga [nupui neilo/fa nei lo] mi zawng zawng awmturin a duhsak hial zawk anih kha. Pathian hian fa neih tlem emaw neih miah loh pawh hi a sawisel loh laia, pathian zawk niawm fahrana mahni ngaihdana midang kan lo condemn ngawt zel hi chu sim daih a tha ang.
I duh chuan nangmah khan nei teuh mai la, a nei ve teuh loh kha dem kher tawh suh. A nei tlem pawhin a nei tam hmusit suh se.
Report this comment
April 21st, 2009 at 2:23 pm
@Aryan, Christianity tel lo pawhin a changkan theih tih hi a dik. Japanho hian Indopui II-naa an tlawm hnu khan Thawhrimna (Hardwork) hi Pathianah an neih ta a, tun hi an thleng ta a ni. Amaherawhchu, sakhua-in a bualat tlat India ram te, Pakistan te, Bangladesh,etc. angah hi chuan Christianity hi kan mamawh chhanna a ni chiang khawp mai.
Hindu ‘outcaste’ hote hi Hindu sakhuaa an awm chhung chuan an changkang dawn lo. An sakhua hian a dang hneh em mai. Chu chu an hriat avangin an zalenna tur sakhua, hlutna an neihna tur sakhua hi an zawng reng a ni. 1935 leh 1936 te khan Yeola-ah te, Pune-ah te Hindu outcaste conference an lo nei daih tawh a, hlutna an neihna tur leh zalenna an neihna tur sakhua zawn ni se, tiin a zawng tur atan BR Ambedkar kha an ruat nghe nghe a ni.
Kum 20 sakhaw hrang hrang a zir a. Kristianna-ah a beisei a sang em em a, mahse, a hmuh theih china kristiante khan chi leh chi inthliarna an ti na ve tho sia, a beidawng ta a ni. A tawpah 1956 khan Buddhism hi kan mamawh chhanna a ni e tiin Buddhist-ah a inlet a, hemi ni hian Hindu outcaste nuai 22 vel Buddhism-ah an inlet a ni.
India ram retheihna chhan pawh hi Hinduism hi ka puh tlat. Brahmins, Kshatriyas, Vaishyas, Sudras tia Caste system a han awm sa ringawt te hian changkanna a kawk lo tlat alawm. India rama cheng 40% lek pawh hi kristian han ni ngat ila chu, kan changkang chak ngawt ang.
Report this comment
April 21st, 2009 at 2:35 pm
@Keimahte, fa neih tlem kan duhna rilru hi alawm bih chian ngai. Mizo nula tam tak chuan, fa neih tam hi a changkang lo, a thring an ti. Tin, tam tak chuan chhangchhiat pumpelh thuai an duh. Mahni hrin loh fahrah enkawltute an awm laia mahni hrin ngei ngei pawh enkawl tha peih lo, chhangchhiat peih loh tlat hi a hrisel lo ka ti. Fa 2 lek kan nei a, Hostelah kan la dah bo zui a, nu ber tan tihtur a tlem khawp mai. Extra-marital sex a pun nachhan pakhat pawh niin a lang.
Hmeichhia leh mipa inpawlna atanga mihring insiam theihna chance hi rin aiin a tlem asin. Mipa chi (sperm)-in hmeichhe chi a tawn hma kawngah hian mipa chi zawng zawng thih mang vek theihn kawng thui tak a awm a ni. Survival of the fittest tih chiah chiah hi a ni mai. Heti zawnga chhut phei chuan nu pum chhunga nausen a insiam hi Pathian hnathawh liau liau a ni. Chuvangin, fa hi duh zat zat a neih theih loh.
Hmanlai kan nu leh pate hunah kha chuan hmeichhia-in kum 20 an tlin hmain pasal an nei tlangpui a, fa pawh an hring tam thei a ni. Tunlaiah chuan kum 30 hnu lama pasal nei an tam tawh. Chuvangin, fa neih tam pawh duh viau mah se, an pai rei thei lo hrim hrim. Chuvangin, fa neih chungchanga kan rilru put hmang hi Pathian malsawmtlak a nih a ngai. Pathian meuhin ama anpuia a siam mihring, a fapa meuh pawh ui lova a pek chhan, Isua meuhin krawsa a tuar chhan mihring hi kan hlu a, kan fate-ah pawh, Pathianin malsawmna a dahna hi a 5na emaw, a 6na-ah emaw a ni mai thei asin.
Report this comment
April 21st, 2009 at 4:00 pm
Family Planning………ho lutuk…….an chawm zawh tawk a an rin an nei a ni mai a, chuta an chawm zawh leh takloh leh an thu a ni tawh mai. Mizo te hi kan la tlem lutuk tlat……….. Phai VAI ho zah zet khu kan ram hmeichhia te hian han hringchhuak se tih hi kei chu ka duhdan a ni.
Report this comment
April 21st, 2009 at 4:01 pm
@ Aputea:
Miin fa neih tlem an duh miau chuan an thu/duhthlana ah i dah sak mai thei lawmni ? an rilru lo judge sak vak a tul ber dawn ami ? Thenkhat tan chuan sum leh pai lama harsatna avang pawh ani anga, thenkhat tan tam hrim hrim kha thil huphurhawm ani thei a, thenkhat tan ..aw ni e.. i sawi ang khian chhangchhiat pumpelh thuai an duh vang pawh ani ang. A enga pawh nise midang lo sawisak ve tur a awm in ka hre lo. A chawmtu turte thu thu ni in ka hria. Ka rawn tarlan tawh angin Pathian thu ah pawh hian hetiang lam condemn na hi ka la hmu rih lo [ khawngaih in Bible ah hian a awm anih chuan min kawh hmuh thei la, a lawm awm khawp ang. Thuthlung thar ami ni thei ngei se ].
Fa hrin tam hi tha kan ti anih chuan a tha ni mai sela, mahni chhungkua ah theuh pa ber chuan thu tlukna fel tak siam mai se. Amaherawhchu kan ngaihdan ang miin an tawmpui ve loh avanga insawisel kher hi a tul lo a, Pathian thu kan duh anga khawilai ami emaw a then a zar hmanga midang va mawhchhiat phei chu ringtu tih loh tawp turah ka ngai. Pathian hming kan lam anih phei chuan rinthu ‘maithei asin’ tih ang hi chu midang condemn nan chuan hman lo a tha.
Fa neih chungchang ah hian kan ngaihdan kan sawi anih chuan thuhran nise, Pathian thu hmanga midang selnan kan hmang anih chuan chiang takin kan Bible ah hian fa neih tlem emaw fa neilo tura insiam hi a khapna bung leh chang emaw chumi kan hmuzo lo anih paw’n, a tlukpui tal tarlan nise a lawmawm khawp ang. Pathianin insiam a phal ka ringlo tih vela rinthu mai mai a Pathian thu hi kalpui chi ani lo. A thupek reng reng hi a pawimawh chin chu fiah fel takin a inziak mai, chianglo rei ruai in thu min pe ngai hek lo. Nih chu ni, nilo chu nilo ani mai.
Report this comment
April 21st, 2009 at 4:05 pm
Ni chiah mai, kan chawmsak dawn hleinem tiraw…….. keimahte….
Report this comment
April 21st, 2009 at 4:43 pm
Fa neih tam leh mihring tam sawi hian ‘pessimist’ zawng hlira ngaihtuahna hi a awm thin niin ka hria. Optimist zawnga ngaihtuah ve pawh a tha. Negative side ringawt chu a <i bias ve thei. Miin fa a neih duh zat chu a thu thu a ni ang a, a neih hnem deuh avanga thawk chhuak lo emaw chhawrtlak mang loh an tam rin nghal ringawt tur a ni lo ang. Mi sual ai chuan mi tha an tam zawk, misual te sualna hi a langsar mai thin a ni.
Report this comment
April 21st, 2009 at 5:15 pm
Fa neih tam hi chu a thra teh meuh mai, Mizoram mihring zat ngaihtuah hian.. Mahse keichu tuna fa neih tam kan in zirtir vak hi a thra em² lo em aw te ka tia.. a chhan chu in sawi ang deuh khan a changkang ho chinah hi chuan a tla na vak dawn lo hian ka hre ltk a. A hausa em em vaklo, chawm zo em em bik lo tur te zingah hian a tla na leh ber anga.. ti hian kan kal chho bek bek anga ‘thring deuh, tam deuh’ hi kan awm hûl ang tih pawh hlauhawm deuh ani… LOL
Keichu nei ve dawn ila chuan pahnih pathum vel hi ka duh tawk Pathian zara ka nei ve thei anih chuan.. eng ang pawhin chawm zo pawh ni ila.. A Pathian thuloh na em em pawh ka hrelo. Bible thu te hi kan duh duh na lai hi kan lakawiin a sawi tum em em ni lo kawh tir tum tlat te pawh hi thil awm ve thei deuh mai ania..
Report this comment
April 21st, 2009 at 5:48 pm
@keimahte, mkima … Bible in khawvel hi overpopulate tur in min chah lo. Sava te pawh “pung rawh se” tih a in ziah kha (In Bible verse refer ber ah khan.) Mizoram ah an pung em? Pung leuh. Sava awmna habitat kan tih chhiat zel chuan kha Bible command kha entinge kan fulfill theih ang?
In duh lai lai kha strict deuh in en lo u la. English version then ah chuan “fill” tur in min chah a, kan planet hi a full tawh. No vacancy. Kan pun zel dawn chuan ransa dang kan nawr zel angai dawn a ni.
Report this comment
April 21st, 2009 at 7:33 pm
Thawkkhat lai —Channel TV-a RAT ATTACK an rawn tihchhuah mek lai khan kan thenawmpa —sap, kan inah a rawn leng lut a; Mizoram-a sazu tamzia a hmuh khan mak a ti ve hle mai a; han sawi uar chhunzawm a nuam ngang mai bawk a; mak tiin a phawk heu hou tawh mai bawk a —chutih rual rual chuan California-a fa paruk a hrin hnua fa pariat (Octuplets) hring kha an rawn tichhuak zui ve hlauh mai a “Oh, American rats!” ka’n tih zui ve bauh kha le … kan va nui ring ta deuh ve —za vak lovin! ‘Battery nuih’ ka ti mai!
Report this comment
April 21st, 2009 at 7:57 pm
Thirkut :
Ka comment khi ngun deuhin chhiar la i duh chuan mi rawn ‘khak’ leh dawn nia. ” Bible in khawvel hi overpopulate tur in min chah ” tih lam hawi zawngin ka sawi em ?” leilung luah khat turin a ti …” tiin ka ziah khi !! ‘Luah khat” tih chu overpopulate tihna emni ? I sawi angin sap tawnga ‘fill’ chu mizo tawngin engtin nge an lehlin a ? Luah khat/tikhat tihna ani mai lawmni ?
Report this comment
April 21st, 2009 at 8:39 pm
@Keimahte:
Old Testament i duh mang si lova, New Testament atangin Bible chang 2 chauh ‘food for thought’ kan tar chhuak ang e. Thank you for your counter-argument
Mathaia 6:25-34. Family Planning thupui ber pakhat hetah hian Isuan a rawn khel tlat. Ei leh bar, silh leh fen, etc. kan lungkham thin tih a hria. Fa neih tam kan huphurhna pawh Pathian tel lova kan enkawl vek tur anga ngaihna kan neih len em vang a ni. Pathian hian kan ni tin khawsaka inrawlh ve a inhuam khawp mai.
“A ram leh a felna zawng hmasa zawk rawh u, tichuan chung zawng zawng chu a pek belhchhah dawn che u nia” (Math 6:33) tih hi a pawimawh khawp mai. Nupa engemaw zatin sex an hman dawnin Pathian hnenah inkawltirin, fa pai leh pai loh thlengin, a remruatna an dil thin. Tawngtai thiltihtheihna hi Birth control-a hmang pawh ka hre nual. Pathiana inkawltir thlapin nupa nun an hmang a, Pathianin ‘birth control’ chu a tihsak mai a ni. Fa nei thei lovin Pathian hnenah theihtawpin fa an dil a, awlsam taka fa pai thei te hian, tawngtaina nen fa neih zat turah Pathian kan rawn ve tho turah ka ngai. Chu chu ‘A ram leh a felna zawng’ ka tih chu a ni.
! Timothy 2:15-ah heti hian kan hmu: “But women will be saved through childbearing – if they continue in faith, love and holiness with propriety.” Hrilhfiah dan chi hrang tam tak a awm. Eden huan Adaman anchhia a dawn kha, “Bianga thlan tui luang zawih zawihin….” tih a ni. Mahse, hei hi kan physical health atan a pawimawh tlat. Thlan tui tla lo zawngin ei kan zawng nasa ta a, BP sang, Diabetes, etc. a hluar tawlh tawlh a nih hi.
Evi anchhe dawn chu “hrehawm taka nau neih” a ni ve thung. Hetah hian Pathianin Krista zarah malsawmna a dah hlauh tawh tih hi ka pawm dan a ni. Saptawng Bible thenkhatah chuan ‘childbearing’ tih aiah ‘motherhood’ tihin dah a ni. Motherhood hi hmeichhe rawngbawlna ril tak a ni. Pumpelhna an zawng ang tih ka hlau thin.
Billy Grahama’n ‘When the Bible is silent in a particular subject or issue, we must make decisions with the help of the Holy Spirit’ a tih ang deuhin, Birth control chungchangah pawh hian Old Testament chuan zirtirna chiang tak a nei, New Testament-ah chuan chiang fek fawk kan hmu lo. Old Testament zirtirna kan pawm thei lo a nih bawk si chuan, Pathian Thlarau tanpuina kan mamawh khawp ang.
Mimal decision chungchangah kha chuan, an ngaihdan awmsa buk turin counter-argument lo siam hi ringtu mawhphurhna niin ka hria. Dik lo kan ti a nih pawhin dik lo kan tih chhan sawi mai ila, kha khan mi tam tak a finchhuah turah ka ngai, a ngaihthlak dan an thiam chuan. Mahni intihhlum tum ru an awm pawhin, an nun a nia tia thlahthlam mai lovin, ngaihtuahna fim a hman theih nan a thil tih tum chu a dik loh zia kan hrilh tur a ni dawn lo’m ni? A tak taka titi dun bawrh bawrh ka chak. Ka kawmngeih zawng tak tur i ni, i thluak i vawrhvir tlat.
Report this comment
April 21st, 2009 at 8:50 pm
keimahtte, i point ka hnial che kha khak ang ah ngai mah ta che.
I comment ka chhiar nawn leh a, Bible verse i refer kha ka chhiar bawk a, a verse pum pui i consider lo alawm. Genesis 1:22, kha a ni lomni? Han chhiar nawn ve re re teh. A verse pumpui kha. Genesis 1:21 pawh kha han chhiar pah bawk la.
Report this comment
April 21st, 2009 at 9:31 pm
Thirkut :
A verse pumpui mai nilovin Bible pum zirtirna base in alawm ka comment.
Khawvel overpopulate lam zawngin ka comment lova. Adama hmasa hnenah kha chuan leilung luah khat turin [ tisa lama inthlah pung turin] Pathianin Adama hnenah a ti a, mahse thluthlung tharah chuan Adama hnuhnung [Krista] ah chuan tisa lam ni toh lovin thlarau lama chi thlah tur thu kan hmu tawh zawk tih lam zawngin anih khi ka sawi. Ka sawi dan i man lo anih kha. Ka rawn sawi Bible chang kha fa nei teuh tura midang zirtirtuten an hman lar em em anih avangin ka rawn quote ve zawk mai ani.
@Aputea :
:)… I rawn khi ka hnial hauh lo mai. Mahse ka point chu kan sawi tha leh ange.
Fa neih tam hi Pathian thu in a khap ka ti reng reng lo. Ka challenge zawka chu Fa nei tam duh lote duhthlana lo sawisel saka, Pathian thu hmanga thil diklo a ni tizawnga an condemn thin hi ani. Bible chang rawn tarlang tura ka tih pawh fa neih sawimawina lam ni lo in, FA NEIH TLEM KHAPNA lam ani zawk e. Pathian thu ah hian fa neih a phal ang tho hian fa neih tlem emaw neih lem loh pawh hi a phal tho niin alang. Chuvang chuan fa nei tlem duhte rilru tiphawklek zawnga Pathian ngaihah insiam emaw fa nei tlem tura indan te hi sual niawm fahrana an sawi thin hi ka rawn counter mai zawk ani.
Midang decision chung chang ah chuan ringtu inrawlhna tur chin chu awm tehreng mai. Pathian thu hi kan tehna tur pawh ani. Mahni intihhlum chu tualthat ani a, chu chu kan ngawihbo pui chi anilo ang. Fa neihzat tur erawh chu thu dang daih ani.
Thil 1 leh chiah : thuthlung hlui hi ka pawmlo nilovin thuthlung thar ah kan cheng tawha, engkim hi thuthlung thar enge tang hian a fiah zawk avangin ka han thlang mai zawk ani. Thuthlung hlui ah pawh i duh chuan fa neih tlem khapna a awm chuan han tarlang tho ta che.
Min convince tur chuan Bible ah chauh hian ka innghat dawn mihring ngaihdan leh zirtirna ah nilovin :). Bible ah hian chutiang a lo awm anih chuan ka ngaihdan hi ka sawhsawn nghal ang.
Report this comment
April 21st, 2009 at 9:31 pm
Inrehpin,indan hi Pathianin a do ka ring hran lo..bible behchhana a do chuti khati tih hi a hlauhawm khawp mai. Mahni dinhmun zirchiang ila,Pathian rawnin,chuta kan decision chu lal rawh se..fa neih tam hi ka do lo va,fa neih tlem hi ka support ngawt bawk lo..synod-in hetia a rawn la vung hi erawh a hmanraw hman a diklo ka ti..nu leh pain puitling khek khawka decision an siam chu ka zahsak mai ang,kei chuan.
Report this comment
April 21st, 2009 at 10:09 pm
Aputea ngaihdan hi a diklo ka ti miahlo.. ngaihdan tha tak leh zahawm tak ani. A sawi ang hian fa neih tam hi malsawmna chu ani chiang. A nei tam lo te hian tam tak an chan ngei ang an hriat loh in. Mahse ka point chu hei hi ani …
Tv ah an soi kan hmu tawh …. lehkhabu ah te pawh an ziak kan chhiar .. fa nei thei lo tura indang emaw insiamte hi SUAL ni a sawina awm tlat hi ani diklo kei chuan ka tih bera chu. A neithei tan chuan hrin theih zat zat neih chu malsawmna hlutak ani ngei ang.. nei tam lo tan chuan a chhe berah malsawmna an chan ni mai ah ka ngai. Thihna khawp sual niin Bible atang hi chuan ka hre thei lo ani.
Report this comment
April 21st, 2009 at 11:10 pm
@Keimahte:
I sawi tum ka chiang lehzual ta e. Ni e, Bible behchhan chat chat hian ngaihdan siam ila tih hi keipawh ka thupui a ni. Polluted petrol chuan motor engine a tichhia a, motor a chak thei lo bawk. Chutiang bawkin, kan ngaihdan (concept, beliefs, ideas, etc) te hi khawvel zirtirnain a pollute chuan, ringtu nunah kan chak theih ka ring lo. Chuvangin, Bible-a innghat, unpolluted concept/belief/ideas, etc hi neih i tum zel teh ang u.
Ni e, fa neih tam chu Bible zirtirna a ni ngei mai. Mahse, fa neih hian mawhphurhna namen lo tak a keng tel a, chumi mawhphurhna Pathian rin chhana la ngamte chuan Pathian awmpuina leh malsawmna an dawn ka ring. Fa neih tlem hrim hrim Pathian thu-in a dodalna ka hre hran lo. Mawhphurhna la ngam lova fa an nei tlem a nih pawhin, Pathian an ring ngam lo a ni mai a, an thu thu a ni e.
Han sawi han sawi hian kan inpawh chauh thin a lo nih hi. I rawn chhang leh hram peih a, ka lawm e. I am with you
Report this comment
April 22nd, 2009 at 12:16 am
Fa neih thei lo mangan zia hi hmanah ka chhiar tawh a, chung mite tan chuan fa hi malsawmna a nih zia hi a chian ka ring. Tin, Rape avanga fa paitu lehkhaziak hi reader digest ah ka chhiar tawh bawk a. Ka rilru a khawih tak zet. Chhungkaw kalphung enkawl that hi Kristian family planning dik tak a nih ka ring.
Indan chungchang erawh ka ngaihdan ka sawi rih lovang. In comment hi ka chhiar chhuak dap a, ngaihnawm satliah mai pawh a ni lo. a ngaihnawm over let bon top top a ni ber mai. Aputea ngaihdan hi ka rilru a hmin mah mah zawk a ni e.
Report this comment
April 22nd, 2009 at 6:42 pm
@keimahte, kan views a lo in ang reng a ni maw… ngati nge min hnial min hnial si?
Report this comment
April 22nd, 2009 at 6:49 pm
lol@Thirkut
Report this comment