Tripura Police leh Civil mi thenkhatin Nilaithawhtan zana Mizo tlangval pahnih kut an thlak avangin Tripura leh Mizoram inrina, Kanhmunah boruak a sosang hle. He boruak sosang avang hian Kanhmun lam atanga Damchera(Tripura) luhnaah Kanhmun lam khawtlang dutry-in inkalpawh theih loha khar mek a nih thu dawn a ni.
Kanhmun Branch YMA Secretary Lalnuntluanga Kawlni sawi danin, Nilaithawhtan zan dar 9:00 vel khan Mizo tlangval pahnih, Lalnunhlima leh Malsawmtluanga te chu Langkaih lui ral leh lam Tripura ram chhung Damchera khuaah Mobile phone Top-up lei turin an pheii a, an haw leh tur chu Tripura Police-ten Gate an lo khar avangin hun dangah pawh an lo tih tawh thin angin a hnuaiah an lut tlang a, an luhtlang paha gate an tihrik chu Tripura Police Duty Constable pathum ten lo hria-in Gate tihchhiat tumah puhin, Damchera-a cheng Civil mi leh Police te chuan Mizo tlangval pahnih te hi an sawisa ta nia hriat a ni.
Courtesy: ZALEN via Chanchinthar
Similar Posts:
- Zarzokima thattu 2 man belh
- Tualthat avangin Ngharchhip mipui inep
- Tuikuk helpawlin truck suam
- Truck driver sawisa hlum
- Movie a nilo maw?!
May 10th, 2009 at 8:40 pm
hnam mawl tih takah engemaw hlek ah kut an in thlak erh zel maia, police te pawh chuan dan anga man a lock up ve mai awm tak. A buaithlak ani e, in sual nuaih nuiah teh u, chanchin thar ti tam ah.
Report this comment
May 10th, 2009 at 9:11 pm
Bridge tha pangai ve takin Kanhmun leh Damcherra hi dawh zawm ani. A karah Langkaih lui a luang a, auh poh in auh phak ani luikam hnaiha insa ve ve te chu. State hran a ni naa a engkimah an inban tawn. Damcherra lam hi sumdawn an thiam zawka engkim a awm zawk ei in damdawi leh zu thlengin.
Helai state in kal pawhna foreign ram kal tur ang zia zanga khar hun neih hi, state 2 te inhriat-thiamna nge kan mamawh zawk avanga advantage lak tum Tripura Police te tih hi zawhna awm nghal ani.
Criminal pawh nise or small petty crime poh tise IN SAWISAK TORTURE hi India danin a phal reng em? zawh belh tur a tam thei ang
Report this comment
May 10th, 2009 at 9:41 pm
Zu dawr neitu fapa, Naga nupui nei kha a fel khawp mai… tra la la la la… Kanhmun ah ka muthilh hlan in ka engkim an lo ru fai vek mai a…Damcherra lamah hian kan zuk zawng ngheng tawh alawm….che chhe mai mai tak ka ni.
Report this comment
May 10th, 2009 at 9:49 pm
Kan tlangval te an huangtau deuh nge an ngampa deuh aw..Engpawh nise mzvision.sawi khi ka thlawp e.
Report this comment
May 10th, 2009 at 10:10 pm
Zu dawr neitu fapa … mutthilh hlan … INKUNGKAIHNA RIAU a awm a ni mai! NOI
Report this comment
May 10th, 2009 at 10:12 pm
Chawnghilh, mut a tui duh tih i hria e peep
dam gui gui maw
Report this comment
May 10th, 2009 at 10:41 pm
HV, Damcherra tih vel ai chuan Lunglei lamah zawk mawle! I va reh ve!?
Report this comment
May 10th, 2009 at 10:48 pm
kan tlangval te chu an rui ve deuh ani lo mo…ruih lo hi cuan buaina hi chuak khat asin………..ka lo expe………mai mai …thiam lo mahse tran hi an ngai thina …..
Report this comment
May 10th, 2009 at 10:58 pm
Hetiang hi chu mizoram chhungah ngei ngei pawh a thleng nasa viauin ka hria. Tute emaw zu zuar sawisak te, a in thiah sak te, a motor hal sak te leh thihna khawp hiala sawisak te pawh kan tlawmngai pawl inti thenkhatte kut ngei mai atangin a awm zauh zauh a. Tawrh viau tur niin ka hre lem lo. Kan tlangval te hi an han huangtau deuh pawh a ni mai thei e. A nih loh vek chuan he lai hmuna awm mipuite hian a ngei thei vak lo chu a ni phawt mai. Hei tak hi a nia, darthlalang atana kan hman a that ka ring. Tunlaiah insawisak chiam chiam te hi a mihring tawh lo em em a ni.
Misual ber pawh DAN-in a hremna a nei a, chu chu kan zawm tur a ni a. DAN lo va thil titute DAN lo veka kan thuk rulh hian belh leh butin kan kal he bem ta thin a. A huhova inhawrkhawmna a thlen tawh chuan a mal mala kan tih duh hauh loh tur kha kan ti ta mai thin. Chuvangin DAN hi lal ber thin se la a tha.
Report this comment
May 11th, 2009 at 12:21 am
Hnam fing zingah pawh kut inthlak hi chu a awm tho — silaia thihna phei chu ram changkangah a tam zawk daih! Burma atanga raltlan, Australia lama asylum la, inchhek ve tak tak pawh hi in awm a ni thei … ka thiam vek che u … Mizoram leh Tripura inkar thu PAWH hi a nep chuang lo … hmeh-mih ngai vek tho problem a ni e. Khaw khaw che u hian! Ring chhunga intawn ka va chak em … tawng thuhmun heti tak maia kan han inchaldelh vel hi, rethei chaw-khawn kutdawh pawh ni mah ila, ka thinlung chhunga tulum huaisenna hi a bo chuang lo a ni aw!
Fimkhur teh u.
Report this comment
May 11th, 2009 at 12:28 am
Bengali suahsual tu khum pawng bak an ni lo ang. Mi tihdik lo na, mi that lohna, mi fel lohna, chhuanlam dawrawm te te a mi tih buai chak hliah2 bak an ni lo ang.
Bihari/bengali against anybody a nih hrim2 chuan anybody lampang ka tran zawk khrim2.
Report this comment
May 11th, 2009 at 12:32 am
A post-tu sawi tum chu a ni chiah lo tih ka hria, helai thu “Tripura Police leh Civil mi thenkhatin Nilaithawhtan zana Mizo tlangval pahnih kut an thlak avangin ….” tihah hian ‘Nilaithawhtan’ or ‘Nilai-thawhtan’ tih lai hi ka lo ngaimawh deuh a. Weekdays ho hi – Thawhtan, Thawhleh, Nilai, Ninga, Zirtawp, Inrinni, Pathianni – tiin a hming bik kan nei theuh a, Ningani tih aia ‘Nilai-thawhtan’ tih hi a hnawk deuh truaiin ka hre tlat. A lam hrim hrimah pawh syllable 4 zet a ni a, a sei fu mai. ‘Ningani’ tih mai hi a fel fai zawkin ka hria. ‘Nilai-thawhtan’ tih hi chuan, a tuk chu ‘Nilai-thawhleh’, a tuk leh chu ‘Nilai-nilai’ te pawh a nih duh hmel a, kan tawng a tipachhe deuh tlatin ka hria. ‘Nilai-thawhtan’ tih ai chuan ‘Ningani’ tih mai hi a harsa viau em ni aw? ‘Ningani’ tih hi a fel fai zawkin ka hria.
Report this comment
May 11th, 2009 at 12:43 am
Thursday hi Nigani ti phal tan chuan SABBATH serh a ngai! Kha daih kha asin!
Report this comment
May 11th, 2009 at 12:44 am
Nilaithawhtan tih hi hmasang pipu hun atanga kan lo hman ve dan a ni tlat mai pek a. A dik zawk phei zawng ka ti hauh lo va. Ningani kan tih chuan Friday pawh Nirukni tih ve mai awm? Nilaithawhtan tih leh Nilaithawhleh tih zawnga kan sawi dawn chuan, ka han tihram teh ang.
Mizoram chhim lamah Ningani an ti a, Hmar lamah Nilaithawhtan kan ti thin niin ka hria. Hei hi hman deuh khan Rev.Chuauthuama khan chanchinbuah Ningani a dik zawk thu a sawi chiam tawh a, chutihlaiin Mizoram hmar lehah chuan pipu hun lai daih tawh atangin Nilaithawhtan kan lo ti ve mai thin kha a ni a. A dik zawk tih lam ai mahin a awlsam zawka, a remchang zawk tih lam hawia thlak hi a finthlak mai thei zawk. Lai/Pawi dialect ah hian Nikhatni, Nihnihni, nithumni, Nilini, Ningani etc.. in an lam a. Hei hi chhim lam hian Lai dialect atangin an seng lut a ni mai thei bawk. Engpawhnise, a tawi fel zawka hman zawk atan pawh a tha mai thei e.
Report this comment
May 11th, 2009 at 12:46 am
@pu Chawnghilh-a chu, “.Burma atanga raltlan, Australia lama asylum la, inchhek ve tak tak pawh hi in awm a ni thei … ka thiam vek che u”.
Topic leh a thu a va in mil lem lo ve !
Tripura unau te leh mizoram unaute in kar ah in remlohna chu dan in chingfel mai tur ah ngai i la a mipui zawnga chet hi chu sim hliah hliah tawh tur ani!. Law Enforcement lam a trang in che thrinse a tu a te tan pawh hah a dam in paidam a awlsam nge ang.
Report this comment
May 11th, 2009 at 1:23 am
@zorunpuia:
Nia, Nilai-thawhtan tih leh Ningani tih hi chu aizawl chanchinbuah an ziak chiam tawh tih ka hria. Chhim leh hmar hman dan tih ngawt chu a dik lo mai thei. A chhan chu Hmar lama kan Mizo tawng thiam neih, Pu R.Vanlawma (RIP) pawh khan ‘Ningani’ tih hi a dik zawk tiin a ziak tlat. Ka han sawi tum tak chu, Weekday hming ‘Nilai’ leh ‘Thawhtan’ kaikawpa hming phuah hi, a chhangchhe deuhin ka hria a, tawngkam bungrua kan neih tlem hmel em a tih thil thu mai a ni e. Nirukni, Nisarihni tih chuan, a la ‘unique’ tho alawm, ama puala hming hranpa liau liau a neih ve kha a tha zawk em ka ti mai a ni.
Report this comment
May 11th, 2009 at 1:29 am
Police ho runluih zawngin gate chu an tiri lui deuh nge ni dawn? Police ho hian an huat vangin diklo takin an puh ni dawn?
Aizawl khawpui chhungah pawh veng dang mi an hmu h chuan an tlangvalten “Vala lo ding teh, i huai em? Khawi veng nge i nih?” tih vel mai mai, mi lo tih buai duh te chu an awm ve a lawm.
Nilaithawhtan tih hi ka lo hmang thang a ni a, Ningani tih pawh ka hre tho a, Ningani tih hi chu ka hmang khat khawp mai. Mahni khaw bik, veng bik, chhim la, hmar lam, chhak lam thlang lam,etc.. tawng hi a dik ber tih ngawt hi chu a fuh loin ka hria, kan hman dan hi in hriat tawn sak i la, Mizo tawng pawh tipungtu leh tihosatu a ni zawk ka ring.
Report this comment
May 11th, 2009 at 1:30 am
@flying : Kan comment-ho khi en kim la, Australia lam atranga deusawhna khi i hmuh hmaih pek em ni? Nang chawp chawp chuan i khabe ka hik vek mai tur a nia! Glove tel lova insual hi ka ngainat zawng a ni lehnghal! NOI
Tak taka na —Nilai-thawhtan leh Ningani tih hi “bawkbawn leh manta” ang tho a ni ber e. Photo leh thlalak tih pawh angkhat a nia, pani leh ewater leh tui pawh inang vek maw le!
Report this comment
May 11th, 2009 at 1:33 am
@chawnghilh:
Sabbath serh ngaipawimawh i ni tih ka hria a, Kolossa 2:16,17 thu hi chiang takin min hrilhfiah thei la ka va ti em. Abikin chang 17 thu –
“These are a shadow of the things to come, but the reality belongs to the Messiah.” (International Standar Version)
“things which are a mere shadow of what is to come; but the substance belongs to Christ.” (New American Standard Bible)
“These are a shadow of the things to come, but the body [that casts the shadow] belongs to Christ.” (God’s Word Translation)
“These are a shadow of the things that were to come; the reality, however, is found in Christ.” (New International Version).
Sabbath hian Isua hlimthla a entir a, Isua Krista-ah Sabbath chawlhnain a entir chu atakin kan hmu a ni thei mai em? “Ka hnenah lo kal ula, keima’n ka chawlhtir ang che u” (Matt 11:28) tih hi Sabbath awmzia (essence of Sabbath) a ni thei em?
Report this comment
May 11th, 2009 at 1:39 am
@aputea, Nia, kha inhnialna kha ka lo chhiar ve fo thin a, ka aizawl awmlai a ni thin bawk a. Record hlui hrang hrang kan en ngial ve bawk a. A bik takin Hmar lam chhuak thuziakah chuan Nilaithawntan tih deuh vek a ni hlawm kha a ni a. Entirnan, Rev.Zairema ngei pawh khan Nilaithawhtan tia an hman thin thu a sawi khan ka hria a. R.Vanlawma khan engtia Ningani ti ve tlat nge a nih kha ka hre mai lo va. Engpawhnise, a mah kha thil chikmi tak a nih rualin Mizo tawng thiam tak erawh a ni hauh lo tih a tawngkam bungruaah a hriat theih thung.
Report this comment
May 11th, 2009 at 1:51 am
@zorunpuia:
Inhnial vak hi chu a sawtna awm bawk mah se, kan hman than dan hi sahuai thingvawn tlur a awl duh riau a, chuvangin, inhnial lam zawnga lak ai chuan, thangthar lo awm zel turte tana thu leh hla kan hnutchhiah dan tur, kan tawng changtlun theih dan tur hi a pawimawhin, keini hian a mawh kan phurin ka hria. ‘Nilai-thawhtan’ tih pawh chu ka do bur chuang lo ve. Ka mimal duhthusamah chuan, thil hming hrim hrim hi chu, a putu hi a anpui awm lo a nih chuan, a hming pawh hi a anpui awm lo hi ni se ka ti ve mai mai a. Mihring hmingah pawh hian, ngaihpawlh theih tura hming inang kan inphuah nasa lutuk te hi a buaithlak ka tia. Mi lar vak lo kan nih chuan a zia tak a la awm a, vantlang hriat rawn (public figure) nih chiah hian, hming inang chiah chiah hi chu a lo buaithlak hma khawp mai. Personal name a nih chu ka sawi tak daih. Tunlaia hming unique deuh deuh, Lalkohbiki, Israel vohbiki, Khiangdingliani, etc. han tih ang te hi kei tha ka lo ti riau pek a. Hming ka phuah ve tawh pawh, tu’ma la put ngai loh a ni deuh zel. Kan infin chhuah zel ang chu.
Report this comment
May 11th, 2009 at 1:53 am
@chawnghilh:
Kolossa 2:16 sawi anga Sabbath hi thil hlimthla (shadow) a nih si chuan, a hlimthla thutak khuka lo khukpui vak hi a trul ber ang em tih te ka ngaihtuah mai mai a, a hnuaia Bible translation pakhat hi han en ve mah teh, ‘People’s New Testament’ atanga ka lak a nih hi:
2:17 Which are a shadow of things to come; but the body is of Christ. The body, or substance, which casts the shadow is Christ. We are to pay no attention to the shadows since Christ has come, but to observe what we find in him and the gospel.
Report this comment
May 11th, 2009 at 2:03 am
Nia, aputea, i ngaihdan chu a dik viau mai. Ka han sawilan duh zawka chu a dik zawk tia mahni khaw lam tihdan an sawi vung chiam kha a ni ber a. Pu Buanga ngei pawh kha Chhim leh Hmar lama lo awm ve ve tawh a nih avangin a dictionary ah pawh khan a pahnih (Nilaithawnta & Ningani) kha Thursday leh nan a hmang ve ve tho a ni.
Hming inang tam lutuk i tih hi a buaithlak viau lah takah kan Chi(Or Hnam) hming hi telh ta thin ila, a zia viau mai thei. Mapuii tih ngawt ai chuan Mapuii Khiangte, Mapuii Hnamte etc.. ang deuh hian.. Mizo nulaah hian Mapuii an tam em em mai a. Veng leh kohhran hriat tel loh phei chuan a buaithlak thin khawp mai.
Report this comment
May 11th, 2009 at 2:04 am
Tun ang laia lo insawisak chu a va thring tawh ve. Mizo ka ni a,ka lennaah hnamdangin kan naute an lo sawisa anih vaih chuan an ngam ngam ka ngam a ni thruai mai. Aryan-a ve hi chu ngaihkhata ngaih deuh tur.
Report this comment
May 11th, 2009 at 2:05 am
“…. is Christ” a ni lo va; “… of Christ” a nih chuan … Ningani i ti pawh chu a awm khawp tho ve. “Shadow of things to come,” hian a tak “Krista chungchang (of Christ),” chu kan rin leh beisei kal mek a nir eng alawm!
Report this comment
May 11th, 2009 at 2:15 am
@aputea : I rawn quote tak thu CHAWLH tih khi chu SABBATH a ni hauh lo mai … Grik-ho hian CHAWLHNA tih apui hi an ngah a’ CHAWLH tih reng reng hi sabbath a ni hauh lo; sabbath rau rau pawh hi Hebrai (Grik ni lo) chuan ‘ha sabbath’ leh sabbathon’ an la nei leh dim dem a; “ka chawlhtir ….” tih thu Isua sawi phei khi chu Sabbath chungchang a ni hauh lo.
Tape i play a, i PAUSE zauh va, i play nawn leh a. Heta PAUSE tih tak mai hi Grik tawng atanga rawn chhawm a ni a; anaPAUSIS emaw kataPUSIS emaw tih a ni zawk a, ANAPANO tih thumal atanga zungkaih a ni zawk a; Isua hi SABBATH ni zui ta chiah sela chuan, CREATED BEING mai mai a ni dawn tih hriat tur a ni a; Isua DEITY hi hriat a ngai a; mkima hriat ang em em ni hran lovin! Isua hi deity nei, He is the God ni lovin, he is very very God ti ila, a dam ber mai awm e; Aman “Ka Pathian, in Pathian …” ti meuhvin a la sawi bawk si!
Report this comment
May 11th, 2009 at 2:31 am
@zorunpuia:
Topic hrana khel awm tak a nia, mahse, kan sawi pawp ta sa sa, sawi leh mai ang, off-topic hi nuam ve alawm. Hming sawi takah chuan, Khawvel huap hian, 1st name, 2nd name, 3rd name (1st, middle, last name) hi an lo ching riau mai a. Passport ka apply dawn khan, kei pawh ka hnam hming nen hming pathum ang deuh chuan ka fill up ta a. Tin, hming bula hnam hming lamtawi (eg, C.Lala, C.L.Ruala) tih ang hi a international lo riau a, hming tawpah hian hnam hming hi thangthar chuan dah vek se a tha zawk ang em?
Tin, hnam ang pawhin kan la tlem a, chi bil hnam – fanai, sailo, khiangte – tiin kan indah a, a khaikhawmtu Mizo tih kan dah lo hi hnam integrity thanmawhbawk a ni thei em aw te ka ti mai mai a. Hei Chakma ho hi chuan Chakma tih hi an dah vek mai a, keini pawh hian hming pathum ang deuhin, Lala Khiangte Mizo ti hian dah ta ila, Mizo hian min phuar khawm deuh ang em? Kan pate hunlaia Lushai an lo dah fur mai te kha a tha riauvin ka hre hnuhnawh.
Tin, tunlaia pa te hming an chhawm hi a tha ka tih rualin, a tawpa ‘a’ an dah tel hi a confusing deuhin ka hria, entirnan, Margareth Zama, Lalrinsangi Nghinglova, etc. Sailo te, Zadeng te pawh Sailova leh Zadenga hming atanga lo kal a ni a, ‘a’ kha an dah tel ta lo ang hian, pa hming chhawm duh pawhin ti ta se, entirnan, Lalhmingliana Saiawi, HC Lalmalsawma Zasai, etc. tih te hi an pa hming – Saiawia leh Zasaia a ni a, hnam hming or family name anga an hman dan hi a dik thlapin ka hria.
Tun atang hian hming ziak dan tur format mumal tak kan neih hi chu a tha-in ka hria. Hming bula hnam hming lamtawi kan dahna pawh hi missionary lo thlen hnu chauh a nia, mizo tihdanphung reng a ni chuang lo va. Chuvangin, tunah hian kalphung fel deuh kan neih theih nana hma kan lak hi a ngai riauvin a hria. Duh leh, a hranin la rawn post ila, a tha mai thei.
Report this comment
May 11th, 2009 at 2:40 am
@chawnghilh:
Ka zawhna i rawn chhang a, ka lawm e. Ka lo ngaihtuah danah chuan, Pathian kha ni 7-naah a chawl a, chuvangin, 7th hian Isua a entirin ka hria a. Isua hnen kan thlen rual chiah hian, chhandam ni turin engmah kan tih a ngai lova, Amah (Isuan) engkim a lo thawh zawh tawhnaah khan kan chawl (rel) ta a. Chuvangin, Sabbath-a chawlhna (rest) kha Isuaah a takin kan chang ta a ni. Kei Isua hi ka Sabbath-ah ka pawm a, Pathian tana ka tih aiin Isuan ka tana a tih, Pathian rawng ka bawlna aiin, Isuan rawng min bawlsakna, Pathian tana ka thilpek aiin, Pathianin a Fapa mal neih chhun min pek hi – keimah atanga chhuak aiin Pathian atanga chhuak hi ka dah chungnung a, ka chhuang a, ka fak a, ka sawiin ka sa a – chu chu ka Sabbath (Isua) ka serh dan a ni. Sabbath-a an chawlh dan pawh kha, hna an thawk lo, ei rawng an bawl lo, etc. Chutiang bawkin, “Keiman ka chawlhtir ang che u” a tih pawh hian, chhandamna hlawh chhuah tuma thawkrim a, phurrita neih hote hi, Ama tih zawh tawhah min chawlh hahdamtir a duh niin ka hria.
Report this comment
May 11th, 2009 at 2:41 am
Amah (Isuan) engkim a lo thawh zawh tawhnaah khan kan chawl (rest)… tih tur.
Report this comment
May 11th, 2009 at 2:42 am
Thanga Ralte Mizo tih hi a sample ni ta se; Passport apply-te tan APPLY dawn vek vek chuan tih nghal mai a tha hle tawh — a nih loh chuan, tih tawh dan ang kha OFFICIAL a ni tawh si a. Tihdanglam leh hi rin mai aiin a khirh duh. Tihdanglam chhan kha DIVORCE nge MARRIAGE a ni daih tawh dawn bawk si, chhan dang dang a tam thei mawlh tawh si lo!
@aputea rawtna ang hi a fuh riau mai!
Report this comment
May 11th, 2009 at 2:46 am
@aputea : Thiltih-thi buaipui zui tawh lovin; Messia thil tih famkima nung kan ni tawh zawk, i tidik hle mai!
Report this comment
May 11th, 2009 at 3:03 am
Amen
Report this comment
May 11th, 2009 at 3:45 am
@Pu Chawnghilh
“.@flying : Kan comment-ho khi en kim la, Australia lam atranga deusawhna khi i hmuh hmaih pek em ni? Nang chawp chawp chuan i khabe ka hik vek mai tur a nia! Glove tel lova insual hi ka ngainat zawng a ni lehnghal! NOI “.
Aryan-a rawn comment na khi em ni i sawiduh chhan! (Anih ngai chuan ani hian a khawi khawi a pawh deuhsawh vek in a ti fo tih chu i hriat reng ka ring a mah ti ngam loh vang in nge tia pawisawi lem lo chu i zeh tel tral le.).Naupang chir chiar pawn i lehkha ziah duh chhan khi an hre thiam ang chu.
Mipuitlingtak tur ah ka lo ngaichea i va an hmel loh ve le.
Topic in miltak a i kalpui loh a, kutin thlak zawnga keimah huam a i duh te chuan mipa hi tia in vo in vo tur kan i hoh lo ania.
I Duhna hmun tlang la i duh na na ah ka lo kal peih reng asin.
Mipa leh mipa tia in vo zam mai tur kan ni lo , if you really wanna fight with me, chose any location. I can come at anytime without delay!! P.
Report this comment
May 11th, 2009 at 3:55 am
Top up an va lei hla em2 ve a?ramdangah daih
Chu tlangval 2 chu an khawngaihthlak hle mai..Hnandang, abik takin vaiho min deu sawhna pawh a na ania,chutianga kut han tuar lehzel te chu,a tuartu tan chuan ana ngawt ang,mahse hetiang hunah hian a tlawm zawka tran ngam hi a fuh ber fo.A tlawm zawk awm hma chuan remna a awm thei lo,tih kan hriat kha..
Report this comment
May 11th, 2009 at 4:00 am
@flying : A puitling zawk pawh chu i va duai lo ve; i chalah chil ka hnawm e … fair fight nge i duh, i thiante pali rawn hruai la, min beihrawn turin. Exercise ka la tran tawh a nia —15 rounds, not saved by bells, ka tha a za tlat!
Report this comment
May 11th, 2009 at 4:05 am
@pu Chawnghilh : khei a, kei poh ka lo in sawizawi deuhteh ang, hmanni kan jin kualna vel ka ke a la sil deuha ka kick thra hlei thei der lo:D
Taktak ka tlawme, Pu Chawnghlih-a Championship Honor ka pe mai nange!.
Report this comment
May 11th, 2009 at 4:10 am
Pu Chawnghilh,’if u really wanna fight with me,chose any location’ tiha ‘chose’ ai khian ‘choose’tih zawk tur a nilo mi?nge type sual zawk?a hrim2 ah Tuipui chungah nih loh paw’n van boruak han thlang ta tlat mai sela,insual har awm!
Report this comment
May 11th, 2009 at 4:15 am
@flying : Ha ha, push up vawi thum vel ka bei mek a, insual leh loh dawn chuan ka inbual leh rih mai ang e. LOL Belt chu ring-rope-ah inbang mai mai rih rawh se.
Report this comment
May 11th, 2009 at 4:23 am
The postmodern discourse leh khawthlang lam mithiam ten “the linguistic turn” an tih thin kha ka’n kan thleng chho ve dawn tan a ni ange, tawng hmanga khawtlang thlirna kan uar chho viau mai. Engpawhnise, theology deuh leh social science lam deuhte leh subject dang dang atanga thlirna pawh a awm chho zel hi lawmawm. engpawhnise, keini university student satliah, mahni hriat ang ang a, thu vaw mai thin, solid fact thleng a mihring ten kan construct chawp theih zia hre sil awng ve tan chuan in discourse hi ngaihnawm tak zet. Theologylam hi ka hre tam lo hle mai a, Bible awmzia hi interpretation/contextualize kan nei dawn rau rau anih chuan English tawng ni lovin, Hebrew or Aramaic atangin hrilhfiah law law ila, a origin deuh zawk angem tih te ka lo ngaihtuah mai mai bawk a.
Tin, titi “changkang tak” (quate unquate) kan neih thin lai hian ho deuh zawnga lo pawt zauh te pawh hi (eg.Aryan) lo accommodate thiam ve ta tho ila…tih hi ka ngen duh bawk che u a ni. Midang te sarcastic deuh deuh a tih ka support hauh lo mai…mahse, tleirawl/rawlthar lai a tlema tawngkam duhtui loh lai a awm ve bawk a. Hetiang te thlenga hriatthiam zir pawh hi tha ve tho mai. Heng ho te rilru hmin thiam zawng a kawng zawn pawh hi thiltha tak niin ka hria…..!
Bible in mi tete pawl zawk rawh u (ka Bible chang quate hi dik tak ang maw?)a tih angin, kan discourse hian mi te ber (rawlthar/tleirawl) huap zo ni tho bawk se tiin puitling zingah ngaihdan atthlak tak ka han vawrh ve ngawt a ni e.
Report this comment
May 11th, 2009 at 4:36 am
@Pu Chawnghilh , kha anih chuan lo in siam la kawmthlang lam ah i tlan dun ang, kei pawh ka KE ka lekkual chhina zia awm lam a pan e. Tlangval ti hlerh hlorh ho chu lo kal pui miah lo la arukte in mizoram Wine Siam, grape Tui ka pe angche. In zawnga pum sa thla hawrh2 thinnu tla thei nghalmai tur chi!. I tan ka lo keng dawn ania:D
Report this comment
May 11th, 2009 at 5:19 am
nilaithawhtan leh ningani hi hman kawp ila trawng a hosa deuh a ni mai.
khawchhak triau ral lamah chuan upa lam hian ningani hi an hmang zeuh2 a trhangthar hi chuan ningani hi kan hmang miah lo a tih theih.
aputea sawi hming tawpa mizo dah khi trha ka ti.kei ngei pawh hian ka dah a. mahse ka dah lai khan “mi” tih hi an lo ziah hmeih a “zo” chauh an ziah a vangin “Zo” ka pu hlen ta a ni.
aputea sawi angin (lala khiangte mizo) hmang vek thei ila tun ai hian min khaikhawm nghet zualin ka ring.
Report this comment
May 11th, 2009 at 8:06 am
In va han OT nasa ot ot hlawm ve mawle
@aputea: Lala Khiangte Mizo, tha ka ti hle mai, sawrkar, YMA, kohhranin hma han la sela engah nge kan han theih loh tehlul ang, hnam inpumkhatna atan pawh a tha ang, hming tawpa MIZO tih dah duh zawng kha mizo ah chhiar mai tur
Report this comment
May 11th, 2009 at 8:46 am
Damcherra khua hi ka kal ve tawh a, ka kal lai chuan leilawn an la dawh lo, mau pum 5 vel an tel khawma an dawh phei a vawnban neiin, tunah chuan an lo ti changkang tawh hle a nih chu.
A reng2 thu-ah damcherra ah kher ngati nge top up an va lei, Kanhmun khua ah pawh khan an zuar ve lo em ni, nge top up an va lem zuai zawk, mizoram chhungah zu an khap a, a piah lawkah duh2 a lei tur a awm tho si a, mizoram pawisa chu an rut hnem miah2 teh ang chu.
Report this comment
May 11th, 2009 at 11:23 am
A ni ngawt mai tiro triplestar, dikhlel leh felhlel deuh hi Mizo teah hian a lo awm ve tumhrang a nih ka ring. Tun hnuah chuan Top-up lei mai mai tur chuan an kal tawh êm lovang chu. An sim chiang ve khawp ang…. he he
Report this comment
May 11th, 2009 at 12:19 pm
an lo tih tawh thin angin a hnuaiah an lut tlang a
A hma pawh hian an lo hmu lo fo hi an vannei zawk ka ti……
Report this comment