1.Zantlai lo ni, leng len bawh ar a khuang
Chhailai siangah leng tin an lawi del del.
Chung van zawlah zan lanu a hnim riai a,
Phurh zawh loh zun min ban a na ngei e.
2.Hlan ka zuam lo lungruka di biahthu
Par nghilnghel te tha par ning zu dawn ve an.
Ka tling love ngur nun valleng zingah,
Theihtin chawiin di chhai tuan zai an rel si.
3.Aitenawnpar, sakhmel ainawn par te
Duhte’n ka tangah nen te’n han bei mai teh la.
Chhawrpial runah senlai nau iang min chawi la;
Duhaisam zua ka chang ngei ang khua velah.
4.Ka vuah nang che sakhminga’n maw D’puii
Lo pawm nang che,’Lungruka di’ tih choh hi.
Chutin sakhmel tha ainawnpar chawiin,
Perhkhuang remin duhai lunglai ka sam ang
We wrote to the author on May 20, but never got reply 
heng te hi tel thei se
1) phuahtu
2) satu
3) rawn chawpchhuah nachhan (a awm chuan)
Similar Posts:
- I Thliak Dun Ang
- Thianpa Marama (Lalramnuama) Nghilhlohnan..
- Chungmuvanlai iang leng ila
- Angel
- Mimi Renthlei – Tu nge Ruati I ngaihzawng
June 16th, 2009 at 2:21 pm
Mizo tawnga ‘di’tih hi ngaihzawng satliah lo deuh sawi na ani lawm ni? Tunlai hla phuah ho hi chuan an hman dan atang hi chuan ‘chhas’ tihna ang lek ah an hmang ta mai bawk si.A hla khi chuan ka lung a ti leng lem lo! No offence.
Report this comment
June 16th, 2009 at 2:30 pm
Pu Doctor, ngaihzawng sawina tawngkamah kan hmang tawh alawm.. Tun hma chuan i sawi ang hi a ni thin mai thei. Hemi chungchang hi kan khel chiam tawh kha. Mahse, tuna kan hman dan tlanglawn hi tha ka ti viau tho mai.
A phuahtu rilru puanchhuahna tawmpui chuan, hla lungkuai tak a nih hi..!
Report this comment
June 16th, 2009 at 2:38 pm
Thu awmzia thlak ah chuan a fuh lo ber pawl ani hi! Mut pui tih pawh chu nula rim naa sofa set a thu/mu dun pawh mutpui kan ti zelmai dawn chu anih awm hi maw. Tawng tih hausak anih dawn phawt chuan, awmze bo thak in ching vel mai ang aw.
Report this comment
June 16th, 2009 at 2:56 pm
A tha viau, bih chiang deuh ila,
Tlar hmasa ber khi a flow a biboh khawp mai,
Chhiar a kaltluang lo, sak chuan a zia deuh mahna.
chang hmasa ber hrim hrim khian a hla ken lairil a phawrh nghal a, tihdan loh a ni lem lo, mahse a tlar tawp ber “Phurh zawh loh zun min ban a na ngei e” khi awm lo phei seng chuan ‘chuti hlauh’ ka ti ang.
Chang hnihna khian chang khatna a a sawi tawh a sawi nawn leh deuh thaw.
Chang thumna erawh khi chu a luang thra ngei mai, “Duhaisam zua ka chang ngei ang khua velah” tih erawh khi chuan mit a timim deuh.
Chang Li-na pawh chang hnihna ang tho in a biboh deuh. sawi belh vak tur a awm lo.
Tlangkawmna
A phuahtu rilru ngaihruatin a phuah chhan hmuh a chakawm khawp mai, hmangaihna a luang liam hi a ni lawm ni hmuh nuam ber thin ni. Hla thra tak a ni e ka tih rualin, Ngurliana Sailo sak “Lungrukah duhthu ai ang sam in” tih hla kha a entawn mah mah em aw, ka ti deuh.
Report this comment
June 16th, 2009 at 3:08 pm
Di tih hi tunhmaa an hman na zawk tak chu chawngchennaa kapkara nula chawi sawina a ni a. “Di neilo Pawlan a sai an ti…” tih te pawh hi hetianga nula la chawi lo sawina zawk a ni. Mitmei lo in hmuh sa deuh leh in haw lo deuh chu an lo in di duh bik a ni mai thei e. Chetsual pui tawh sawinana hman hi chu tunlai deuh zawk a ni. Ngaihzawng sawinana hman zui zel hi inthlahrun na tur a awm love
Report this comment
June 16th, 2009 at 3:11 pm
A thaviau mahse, ngaihtuah chiang lemlo leh lungruk tak a han phuah chhuah chu a ang lemlo khop mai,Tin Chang 2 na “Duhte’n ka tangah nen te’n han bei mai teh la”, tih khi,(tangah nem te’n) tih tur ni in a lang,atha viau tho e.
Report this comment
June 16th, 2009 at 3:23 pm
Thu leh hla lam ah ka hausa lo hle nang in, kan thlasik mau puah phawng phawng ange. ‘Tang nem’ tih te pawh hi,mi pa in sawi ve chi ani dawn emaw ni le? Hmeichhia chuan tang nem an nei,mipa chu a nem vak lo.English a a tlukpui chu ‘bosom’ ni awmtak ania, hmeichhe awm bawr sawi nan a hman ani deuh ber.
Report this comment
June 16th, 2009 at 5:53 pm
thu ulh deuh leh gender fello chu dahtrha ila – a phuahtu hian inleng ngah tak neinung deuh leh deuh lo lenkhawmna, biathu hlan a duh a hisap hei hian classic story min ti hre chhuak
hmangaih thu sawi ngam si lo duh si beidawngin a sikret bawm a theihgnhilha “Dpui I love you” tih ziak a hnutchhiah style kha apply mai se trha tur. NOI :lol:
Report this comment