By.L.R.Colney
Mizo Christianna in kum 100 hmel kan hmuh ve meuh chuan, Pathian thu zir mi mithiam kan ngah ve ta hle mai. Duhsakna degree (Honorary) dawng pawh kan ngah ta hle mai bawk. A lawmawm viau lai hian tlem chu kan zir chian a that a rin awm ta.
Mizo zinga Honorary Doctorate degree nei te hian hmingbul (formal title) ah an dah deuh vek mai a. Zirchhuakte nen mipui te tan hriat hran an har ta hle mai. He ti nuai nuai a kan kal chuan a dik dawn leh pek lo. Rev.Dr. kan ngah tulh tulh anga kohhran hi a ho tulh tulh mai ang tih te pawh a hlauh awm ta.
Kei ni ( Misual ) ho bawk hian ching chhuak leh teh ang u.
Honorary Degree kan tih mai hi Latin tawng HONORIS CAUSA atanga lokal a ni. Mi chung chuang bik khawtlang leh ram tan a contribution tha chungchuang te tan a ni. Chu mi ah chuan an hnathawh a field adang ang angin chawimawina an hlan dan pawh a dang thin. A tlangpui thuin heng ang degree hi hlan ani tlangpui.
Doctor of law (LL.D)
Doctor of letter( Litt.D)
Doctor of Science (Sc.D)
Doctor of Pedagogy ( Ped.D)
Doctor of Divinity (D.D)
Doctor of Music etc,,te
Mizo fate dawn tam tak hi Pathian rawngbawl tute an nih tlangpui angin Doctor of Divinity(D.D) khi niin alang.
Honorary Doctorate degree an dawng hmasa ber nia lang chu Lionel Woodville a ni a. Kum 1470 khan University of Oxford chuan a hnathawh that chung chuang avangin ( Doctor of Divinity) duhsakna hi a hlan a. A hnu ah phei chuan Salibury Bishop ah a tang zui ta nghe nghe a ni.
Miram a an hman dan:
Khawvel ram changkang, First World countries kan tih mai UK, Australia, New Zealand, America leh ram dang enge maw zat ah chuan he tiang chawimawina Doctorate degree an hmuh hi hming bul (Formal title) ah an dah ve ngai lo.An chanchin ziakchhuahna ah chuan Honorary degree alo lak tawh ten en lam an sawi chhuak thung thin.
A maherawh chu khawvel pui in kan ngaihsan rawn, Pathian miropui Billy Graham a te ang erawh chu miten phu hluah hluah a an hriat avangin an dah sak ani. A ma ka atangin “Dr. Graham a ka ni” ti a a insawi hria erawh tu mah an la awm lo an ti. A mah Billy Graham hian Honorary doctorate degree hi hmun Seminary leh university hrang hrang 20 atangin a dawng daih tawh zawk ani. Zirna lpangngai ah chuan chuan Wheaton Collage atanga B.A degree a neih bak thil dang tehchiam a nei hran bik lo. Mahse Rev.Dr. anih na lam aiin a rawngbawlna avangin mite zah leh ngaihsan a hlawh a ni.
Formal Title a hmang ten sawisel an hlawh:
Benjamin Franklin chu University of St. Andrews in 1759 leh University of Oxford in 1762 ahte chuan a Scientific accomplishments avangin Honorary degree an hlan a. Hei vang hian a mah leh amah chu A hming bulah Doctor Franklin a in ti ta mai a sawi sel a hlawh nasa hle.
Peter Hollingworth Governor –General of Australia 2001-2003 chuan a hming bulah DR. HOLLINGWORTH atih avangin sawi sel a hlawh bawk. A ni pawh hian honorary degree Australia ram university hrang hrang atangin 6 lai a dawng tawh bawk.
Sawibuai theih ani tlat:
Kum 2001 khan George W. Bush khan graduate alo zir chhuahna, Yale University chuan Honorary Doctorate hlan an tum a, Zirlaite leh Faculty ten an boycott a An pawm thei tlat lo mai nia.
Kum 2005 khan University of Ontario chuan Dr. Henry Morentaler Medical Doctor, (Gynecologist) chu chawimawina doctorate pek an tum a, mahse Canada ramah nau tihthlak (abortion) ah hming chhiatna lo nei tawh anih vangin mipui 12,000 laiin an hming ziak (Signed)hnan meuh in university ah duh lohna an thlen ani. Khing kan sawi te khi en tirna ang chuah ani. A dang pawh sawi tur a tam hle ang.
Mizo ram a kan hman dan leh dawn dan hi a ngaihsan tlak em?
Hming bul ah Formal title angin an hmang deuh vek.
Lehkha Bu leh Article ziak reng reng ah pawh an dah zel a, Programme ah antelna zawng zawngah an dah tel zel.
A duh thawh zualin a tawp lamah D.D. tih emaw an la ziah belh bawk.
An Visiting card (business card) ah pawh an dah vek tlangpui.
Fimkhur ngaihna te:
Bible Seminary tam tak leh University tam takah chuan sumdawnna chikhat a ni tawh.
An mission/ seminary sponsor theitu turte an pe thin tawh.
Bible seminary thenkhat ah Rs.15,000/= lei tur a awmlai in thenkhat chuan Rs.20,000 an phut.
An Honorary pek tam tak chu Sponsor zui turin an intiam tir loh pawn sponsor zawn sak turin an in tiam tir thin.
A ziak tupa pawh hi Bible seminary 2 ten Honorary Doctorate pek an tum ve tawh ka ni avangin bible seminary hrang hrang lo deal ve tawh ka nih avanga rin sawi mai ni lovin a tak a ka thil tawn atanga sawi ka ni.
He tiang hi ni mahse Mizo te honorary dawn zawng zawng alem tihna leh an qualified love tihna chu ani hauh lova, phu hluah hluah lek zahawm taka dawng chu tam tak an awm ang tih chu I ring hlel lovang u. Hei hi hre reng ila. A person with integrity is a one-man Army.
Similar Posts:
- Misual.com leh Theologian
- Mizo Nula Chhuanawm : Nl.Joy Lalkrospari Pachuau
- Mizoram University 7th Convocation
- Mizoram University atanga Commerce Ph.D hmu hmasa ber
- MBBS Doctor ho ve mai mai hi…. (Part – I)
June 29th, 2009 at 11:03 pm
Ziak tha khawp mai! Mahse, Mizo hnam hming, Mizo tawng a ziah theih ngei, Colney te hi Kawlni tia kan thlak hunah he thupui chu kan la sawi chhunzawm dawn nia u !
No offence!
Ka lawm e
-VK
Report this comment
June 30th, 2009 at 12:26 am
Mizoramah chuan Professor nihna te kan office kan hnathawh hming kha a ni si a.Mahse Biakinah te hian Upa Proffessor Thanga te hi kan ti zel a..kan chhawm zel chu a nih hi.Reader zawhah Profeesor kha an ni mai a.Chuvangin Pu C.Lalsawta IAS te pawh hi Kohhran upa lo ni ta se, Upa Principal Secretary C.Lalsawta kan ti mai dawn em ni.Upa Chief Secretary Vanhela ,Upa Director LR Sailo,Upa PS to Chief Minister Liana…mak thei teh duah viau ang.Upa Cashier Thanglawta…
Report this comment
June 30th, 2009 at 3:40 am
Kei pawh ziak tha ka ti, he thil hi ka enghelhna a rei ve tawha sawi pawh ka sawichhuak ve zauh zauh bawk. 100%-in ka support e, kei misual hian.
Report this comment
June 30th, 2009 at 4:55 am
Kawlni hi Mizo hnam pakhat ania, Colney hi Mizo tawng a ni ve em le… lam ahar ngian ngian hle mai a.
Report this comment
June 30th, 2009 at 4:55 am
George Bush khan graduate a lo zir a ni maw
no offense 
Report this comment
June 30th, 2009 at 5:01 am
Kan pastor sermon, “thi reng si a nung hming pu.” a tih te kha… ang tak tak kan tam hmel mang e!!
Report this comment
June 30th, 2009 at 5:24 am
Colney,Colbert = mizo hnam peng Kawlni, Kawlbat…sap ho hnam peng anni lao… Amaherawhchu Murray, Miller tih hnam hming a dah te hi chu ancestral connection nei te an ni
Report this comment
June 30th, 2009 at 5:27 am
Hnam mawl nihna leh ropuina duh huam huam tih taka Padma Shri tih tak ngial pawh hmingbulah an dah par chiai chuai a lawm.
Hming bula Doctor leh title dang dah par chhek chhuk ho hian kan nuihsawh tih an hriat hunah an sim ve mai ang
Kan naupan laia chuan
Padma shri A Sawihlira
Padma Bhusan James Dokhuma
Padma Shiri Lalsangzuali
Tih te kha hman hrat zual te an ni in ka hria.
Report this comment
June 30th, 2009 at 5:43 am
kan sakhaw pu mi inpe tak tak karah a lem deuh an lo awm ve anih pohin kei chu sawichhe zawng hi chuan keuhthluk ka duh lo; ka tih peih loh leh tlin loh Pathian leh Kohran sakhaw puipa te hi i respect ang u.
Vai ho rengin zirtirtu an chawimawi thiam mai “master” an ti thlap.Khawhar inah kan lenga sawrkar minister leh officer lian an lokala, trhutna an lo kian thuai thuai, mahse Pastor vengdang ami va kal kha khatiang ang respect kan lo show leh silo te hi kan va khawvel em tih hi kei misual ngaihdan zu ni ve daih mai a
Report this comment
June 30th, 2009 at 5:44 am
Ayran, tun hnai mai ah pawh Mizo pakhatin a business card min pe a..a hming tawp ah,”scientist” tih a awm kalh mai hairehai… ka ngaihsan sa kha a…thlan tla, dai vawt ang dap ka ni berin ka hria.
Report this comment
June 30th, 2009 at 5:46 am
mzvision, peih zawng hi a inang lo alawm…
Report this comment
June 30th, 2009 at 5:51 am
Vai ho chu zah turin an awm thiam ani mahna… Mizo te hi chu dik chiah chuan… han inti engemaw tur bik hi kan awm chiahlo hlawm bawk em a ni… kan in hrechiang hlawm em asin. Mahni ai hian thenawm khawveng te hian min hria a…Mizoram Kohran hruaitu te pawh hi an thawhlawm lak te an in bih chian a an farisai zia an tih danglam hma chuan ka zah nguar ang. Vai zitirtu te anga zahawm turin an awm tlat lo alawm. Pathian tan a langa thawk hi an ni fur maiin ka hmu…fel chu tamtak an awm tho ang a!
Report this comment
June 30th, 2009 at 6:36 am
mzvision ngaihdan hi ka thlawp e. L.R.Colney hi mipa nge hmeichhia hriat a chakawm ve mai mai ka ti.
Report this comment
June 30th, 2009 at 7:19 am
Hun engemaw chen ka connection a chhia a, khawharthlak hle mai. Misual zun ngaih hi lo na zek dawn a nih hi.
L.R.Colney, bei tha fu mai. Ti zawng hian rilru erawh seng ve tho ila. Mizia a in ang lo ang bawkin ngaihdan a dang thin si a. Honorary Doctorate degree dawng emaw, Padma Shri emaw pawh nise, mi thenkhat chu anmahni indah a ni lem lo tho. Miin an chawimawi nan an hming an behtir a, pu hlen ve ta mai an awm ve nawk a nia. An duh reng vang leh an chapopui lam a ni vek bik lo.
Chuan, L.R.Colney ka be pawp ta sa sa che, ‘Orissa Kristiante tihduhdahna’ bu hi ka lo lei ve a, ka tum angin ka chhiar ngaihnawm lo tlat. Buaichuar nuai lo deuh hian published theih nise ka ti mange.
Report this comment
June 30th, 2009 at 7:37 am
Ph.D leh Doctorate degree neitu ngah viau mah ila, qualified carpenter, plumber, electrician te kan neih tlem tlat si chuan dar benthek ri ang mai mai kan nih duh hmel.
Report this comment
June 30th, 2009 at 8:42 am
Ph.D tak tak ni si loa Dr title hming bula ziak thrinte hi dannaranin inferiority complex nei an ni duh hle a, mahni insit rukna luah khah nana an hman a ni. Chumi zawnga thlir chuan mi khawngaihthlak an ni. Chutiang chu hnam tin zingah an awm. L.R.Colney thu ziak hi zaa za ka thlawp. LK
Report this comment
June 30th, 2009 at 10:00 am
Ph.D kan tam tual tual a kohhran kan buai tual tual a ni ber lawm ni?
@lal-Viking, kei pawh Fanai tih tawh loin Phaneye ka tih ve tawh mai dawn.
Report this comment
June 30th, 2009 at 10:20 am
“Upa Director LR Sailo….Upa PS to Chief Minister Liana….Upa Cashier Thanglawta”
lol
lol
Nia, mi chawimawi nghak zo lo hian keimahni hi kan in chawimawi hmanhmawh ta thin a nih ber awm hi maw.
Report this comment
June 30th, 2009 at 10:31 am
Upa Prof. Laltluangliana Khiangte tih pawh hi a sei ve thawkht khp mai, Padma Shri dah tel loh pohin a zahom tok vin ven e
L.R Colney hi Orissa-a Rev. LR Colney kha ni tak maw? Ani poh hi Orissa ah buaina laih a om toh chuan Mizoram a lo thleng chho hman ziah an ti
Report this comment
June 30th, 2009 at 11:27 am
“C” hi mizotawng nge sap tawng? “colney” tih word mal zawng zawng hi Mizo hawrawp vek ani a. sap hawrawp vek ani bawk. Sap tawngah chuan “ey” a awmkawp hian mizo tawng a “i” kan tih aimah a nem deuh hian a ri a. chu chu Kawlni mizo tawnga kan lamrik dan dik takin a rawn richhuak thin. He tia ka dah hian hnamdang ka hming lam dik lo emaw, ni lo deuh a min ko emaw an awm ta lova hahdam thlak em a ka hriat avangin KAWLNI aiah COLNEY tiin ka ziak ta mai zel ani.Ka lo ziak dawk lak ta zel mai a lawm maw le…
L.R.Colney hi Mipa a ni e.
kawnga coment 14: ah Orissa chritiante tih duh dahna lehkha bu ilo lei chu a lawm awm e. I tum aia a ngaihnawm lo chu pawi hle mai. Tin buaichuar nuai a published ani chu a pawi ka ti leh zual. Mahse a ziaktu hi hrechiang la chu kha aia sang kha i phut bik hauh lo mai thei. Ka inhmeh tawk awm lek pawh ani zawk ang. Mahse ka thei tawk anih ve kha. Mahse tan ka lo la ve ange aw theih pa tawp in…
Report this comment
June 30th, 2009 at 11:37 am
Hming bula nihna (title) dah hi hming inang tam tak karah chuan identified na tha tak a ni ve a, amaherawhchu mizote hi chuan kan uar lutuk mah mah em aw? a tih theih. Kohhran lam chungchang sawinaah chuan Pastor/ Upa tih hman te hi chu a inhmeh viau. Chutiangin eizawnna lama kan thiamna leh nihna (Dr. Prof. ) te pawh a huna zirin a tha. Hman hun leh hun loh thliar thiam a pawimawh.
Thenkhat chu an hming bula nihna (upa) tih an ziah telh loh avanga lungawilo tlat te pawh an awm. Hming bula nihna dah kan sawi rualin hming tawpa dah pawh hi a pawimawh khawp. IAS/ MCS/ Advocate tih ang reng te hi Kohhran thil tihna leh Biak In vela puan tel atan chuan a inhmeh chiah lo.
Report this comment
June 30th, 2009 at 12:13 pm
@20 comment, C hi Mizo tawngpeng dang hmang ho reng reng chuan Kei ni Duhlian tawng hmang hoin “Ch” kan lam rik ang leh kan hman ang hian an hmang a, “K” ri a hmang pakhat mah an awm lo.
Polynisian, Frenc,Italian,etc.. hnam tam tak hian an hming an ziah reng rengin Sap tawng mi hriatna turin an ziak damlam hran lo an mahni tawng a an ziah dan ang khan an ziak mai, a lam dik lo leh chhiar diklo chu an hrilh fiah mai, Sap tawng hmang ho pawn an lehkha chhiar dan leh lam rik dan te pawh an hriat phah a, thil tha tak a ni.
Nangma rilru ang hi Mizo ho zawng zawng hian pu ta i la,”Kan family name(chi or kuang hming)”, te hi sap tawng in ziak zel ila, lehkha reng reng, thu leh hla te pawh , Mizo tawng ziak tawh loin, “Mizo tawng chu khawvelah hria an tlem e mai, Sap tawngin ziak ila, hriat an tam zawk”, ti ta vek i la, kan Hnam hi kan ral tial tial ang a, kan tawng a bo ang a, a mihringa te pawh chimralin kan awm vek ngei ang.
Tunah pawh nangmah leh nangmah i family name/sure name(Chi or kuang hming) chu Sap tawngin i in chimral tir der tawh a nia, i ngaihdan chu sawhsawn sak che ka tum hran lo a, i ngaituah ve mai mai ka rawn ziak ve mai mai a ni e.
Report this comment
June 30th, 2009 at 1:35 pm
@22 Comment: Ziak tha khawp mai. ka lo ngaih ve dan chuan Tawngah chuan a rik chhuak danin kawng ro a su hle a, a pawi mawh ber bawk. Literature lam thilah chuan a ziah dan te a thumal hman dan leh remkhawm dan thlengin an pawimawh thung vek. Tawng chu lamrik dan a dik loh chuan awmzia nei sa pawh awmze nei lovin a siam theih vek thin. a rikdan dik loh vangin pawi hial a sawi thei zawk bawk. Hming zawng zawng hi inkoh nana kan nu leh pa ten emaw an lo phuah vek ani e.Hming hi mimal ta liau liau ani a, zalenna a nei bawk. Chuvangin Bible a kan mi ngaihsan zawng te leh Sap hming te kan in phuahin kan inko bawk a, Sap tawng a in chimralna ah chuan kan la ngai chuang lem lo chu nih si hi.
Tawng zirna ah phei chuan a rik dan ang khan an ziak thin a. Kan Dictionary ho ah pawh a lamrik dan min ziak sak talh talh hi le.
Vai ho zingah hnam pakhat Sahu hnam ho hian Sahoo tia ziak te sahu tia ziak te an awm a, khawi nge dik a dik lo a hriat hran loh. Patra tih pawh Patro tia ziak te an awm bawk a. German mi Reinhard Bonnke a tirah chuan Bonnkie (German tawng) in a ziak a, ahnu ah US ho tih dan lain Bonnke tiin a ziak a. Mahse heng ho hi sap tawnga chimpil ah chuan kan ngai huah lovang. Dik zawk a an hriat danin an ziak a ni mai. Sawi tur a tam awm e.. ka lawm e.
Report this comment
June 30th, 2009 at 2:01 pm
Vawikhat chu conference na ah kan thianpa in paper a present ve a , fiamthu in nula ho in abcd a kim tep a lawm le an ti hehe
In hre ve emaw kan Vice Chairman Planning Commission Ahluwalia hi BA chauh a ni awm a sin, Doctorate an pe a ,thiam awm hem hem khawp mai.(Source NDTV walk the talk)
Report this comment
June 30th, 2009 at 2:10 pm
misual.com ah hian doctorate in pek theih se, hmu an tam tawh awm
Report this comment
June 30th, 2009 at 2:21 pm
mahni leh mahni in correct teng . Montek hi Deputy Chairman zawk .
BA ,MA ,Mphil a ni .
Chuan Rhodes scholar a ni, Obama pawh a ni in ka hria ( hriat sual pon siam tha toh lo ang)
chuan oxford in honourary doctorate degree an pek lai a Oxford chancellor thusawi hi kei ni chu ni ila kan thlan lungah kan ziak awm e-
‘the chancellor was all praise for Ahluwalia and said, “I trust that we may be forgiven a touch of self-congratulation at the fact that so distinguished a man acquired some part of his expertise in this place. He worked at the World Bank for a number of years before being summoned to India by his prime minister. He came back to America for a second stint, and then once more returned home, again at the prime minister’s request. One can readily see from this how highly his judgement and experience are valued.”
Report this comment
June 30th, 2009 at 3:47 pm
Colney chu Ralte hnam an nia Ralte tawngin A Aw B an nei lova an duh leh saptawnga C pawh hmang se a pawi vak ami?
Hrim hrimin tunge maw Colney tih hi hmang hmasa ber le. Mi lar ka hriat zingah chuan Lalchansanga Colney (seven day) kha ani awm e, chu bakah Rev Zosangliana Colney, Mizoram Synod Executive Secretary te pawn an hmanga, hman lar tawh hnu sa sa in correct tum fo pawh hi a tul lo khawp mai.
Report this comment
June 30th, 2009 at 4:12 pm
Kawlni hnam ni reng si colney han intih tlat hi a ‘intih eng nge mawni’ rilru atranga lo pianga ni ngei ang. Kei pawh hian hnam dangin an lam thiam zawk nan ka hnam hming hi ‘sailo’ tia ziak tawh lovin ‘shylou’ ka ti tawh mai dawn em ni ang.. teuh lo mai, a teuh lo mai, duhleh lam thiamlo mai mai ang hmiang, i don’t care..
In family name kha hnam dangte lam thiam zawng turin han ziak ve teh u, i lo thlir ho teh ang u hmiang
Report this comment
June 30th, 2009 at 4:59 pm
Kawlni ni reng si a colney tia inziak ho L.R.Colney, Zosangliana Colney, L.Colney IAS etc.. te ho hian in ngiahdan tha leh fing tak tak hi an lo ngaihtuah pha ve lo anih ka ring ta ber mai.. ngaidam mai teh u….Kawlni ti ngatin in lamsak thin dawn nia..
Report this comment
June 30th, 2009 at 5:01 pm
Hming First name hi tunhma kha chuan Christian name te an lo ti a, Bible a chuang hming an lo inphuahna sa a, Sap hming emaw kan tih hi Sap hming a ni hran lo a nia. Sap ho an FAMILY NAME hi han ziah danglam tir dawn ngawt teh an duh teuh lo mai.
English dictionary a, a thluk an ziah hi langauge/ tawng a ni lo a, symbol a ni zawk a. I famliy name, chi/kuang hmig chu mi zawng zawngin thluk dik a, chhiar theih i duh tak tak chuan English Dictionary a, lam rik/thluk dan an ziah ang symbol khi hmang ve la a tha ang chu!!
Vai te , German ho te nen hian intehkhin chi kan ni lo , kei ni zawng kan la tlem lutuk, awlsam tak a chimral theh mai kan ni a, kan tawng te, kan chi/kuang hmingte hi dik tak a ziah leh humhalh hi kan tih makmawh a ni. American eng hnam pawh ni se khing ho khi sawi sawi chi pawh a ni lo, culture bo, hnam inchiahpiah nasa tawh an ni hlawm a, an duh duh danin an awm an duh duh dan in thu an ziak a. An ngaih dan ang a piang khi a fing ber kher lo a, atha ber kher lo bawk.
Sap ho in an ram lak/awp a mi khaw hming pawh dik lo tak takin hming an ziak a Burma-ah Rangoon tunah a hming dik Yangon. India-ah Puna=Pune, Calcutta=Kolkata,Bombay=Mumbai,etc..mi ram hming ni lo lo an ziah sak te hi huatthlalaawm tak an ni a. Mi awm mai mai an rawn run a, an ram an la a, Kei ni Zofate pawh Lula hnamah min chhuah a, an mahni zawk hi hnam tenawm leh fingvervek an ni a, SAP ho tih dan a piang pawngtawng ngaihsan tur pawh a ni lo. Sap tih dan , hnam dang tih dan hi kan zir vek tur a ni lo a, eng hnam mah hi va an tum tur pawh a ni lo a. “An duh leh an mahniin min ang zawk se, an duh leh kan tih dan hi zir zawk se”, tih thinlung hi kan neih a hun tawh.
Report this comment
June 30th, 2009 at 6:14 pm
Pu LR chu ziak tha khawp mai…kei pawh ka ngaihdan ani e.A hun leh hmun kan thliar thiam a ngai khawp mai..entirnan medical doctor chuan…..damdawiin/clinic,seminar paper present (hriselna lam hawi),chanchinbu,etc a a nihna nen in kaihhnawih a thu a chhuah in,hriselna chungchang,etc a interview emaw an kawmna ah te hian dah thei se…Profession dang pawh chutiang zel in a niang chu.
Khawiah pawh kan dah zel mai thin hi chu min ti CHHANGCHHIA te ka ti mai mai a.
Report this comment
June 30th, 2009 at 6:33 pm
Colney an intih vanga Mizo talo leh mizo hnam chimralna anih pawh ka hre lo kei chuan. Chuatia hnamdang alphabet an hman vanga mizo talo annih chuan hming te hi ziak lo law law ila kan alphabet pawh hnamdang ta kan hman tho ani sia?
Report this comment
June 30th, 2009 at 9:31 pm
Rev. Zairema khan a hming bulah Dr a indah ngai lovin ka hria. Rev Lalsawma pawhin Dr dah aiin a tawpah DD a dah fo. Hetiang bawka ka ngaimawh chu Mizoramah hian zirtirtu mipa tawh phawt chu “Sir” an ti zel mai a. England ramahte Sir kai tura kaltlang an neih nasat tehlul nen. Zirtirtu zawng zawng “Sir” tih vek hi bansan a tha ngawtin ka hre ve.
Report this comment
June 30th, 2009 at 9:54 pm
Mizoram zirtitu mipa tohphotin ‘Sir’ an intih zel ka van ringlo e ooo an student te tan chuan ‘Sir’ tia koh chu an tihtur chu ani phot
Report this comment
June 30th, 2009 at 10:10 pm
Vawikhat chu Mizo hnam hrang2 te hi lawng ah hian an chuang a, chuatia an chuan lai chuan tuifawn nasa ltk chuan an lawng chu a tipil dawn ta mai a. Lawng chu a rih em avang chuan tih zan a ngai ta a. Captain chuan, “Mizo tlawmngai thei tak te kan ni bawk a, hnam hming A,Aw, B indawtin tuiah inpaihchhuah zel tur” a rawn ti ta mai a. Tihngaihna dang a awm tawh si lo. A atang chuan an han tan ta a. B an kai, Bawitlung te an tia an ti chho zel a, Ch an thleng ta.. Chawngthu an rawn thleng. Chutah Kawlni hnam pafa in an chuang ve a. A fapa chuan, “Apa Chawngthu an thleng tawh ania” a ti a.
A pa chuan, “Mate, bengchheng suh, tun trumah chuan Colney kan ni lo, Kawlni alawm kan nih KAWLNI” a ti ru su su e an ti!!!
No offence
Report this comment
June 30th, 2009 at 10:36 pm
Art 18 of Indian Constitution : The State shall not confer any title, the exception being the Military and Academic distinctions. No citizen of India will accept any title from any foreign state.
One may argue as to how the Govt of India continues to confer Bharat Ratna, Padma Shree etc. The contention of the govt is that these are not titles but honours conferred by the state, the distinction being that honours are prefixed to the name of the holder, while title are suffixed to the name.
Hriat ve mai2 atan
Report this comment
July 1st, 2009 at 12:12 am
ka lo off topic leh zuai. Montek-a bawk kha. Ka hre leh si.Walk the talk ah khan doctorate degree a neih lo thu hi a sawi chhuak tak a, Mphil nichungin vawihnih lai Prime minister khan a han sawm bik a nih chu.
PHd ho hi an thiam lo tihna chu a ni lo a.
ka lawm e.
Report this comment
July 1st, 2009 at 2:19 am
BA History kan zir ve laia Ancient India chungchanga kan lehkhabu leklam ber berte chu Romila Thapar kutchhuak a ni. Amah hi JNU Professor a ni a, Ancient Indian history-ah kher kher chuan ani aia hria leh thiam an awm chuang lo tura ngaih a ni. Mahse, a lehkha hrang hrang, OXFORD leh PENGUIN tih vel meuhvin an publish ah te pawh ‘Professor’ tih angreng kha an ziak ngailo. ‘Romila Thapar’ tiin an ziak mawl tawp. Academics chungchangah pawh ka tihna a nih chu. Chutiang bawkin Historian lar Irfan Habib, Sumit Sarkar, Mrdula Mukherjee etc te pawhin an lehkhabu khawiah mah an hming cheimawina an ziahlan ka la hmu lo.
MA te, M.Phil te, Ph.D te hi heng mite hian an lo zo ve lo te pawh a ni mahna! Professor pawh an lo ni hlawm lo a ni maithei a ni. An lehkhabu te kha kan chhiar kan chhiar bawk sia!
‘Mithiam’ an nih leh nih loh chu anmahni nilovin midangin an teh tur ni awm tak a ni.
Mizorama kan music video threnkhatah chuan ‘Er. tuemawni’ te, ‘Dr. chuti khati’ te kan hmu. Hetiang a nih chuan ‘Excise Inspector Thangvela’ te, ‘Diploma in Carpentry Rikhuma’ te, ‘Fixed Pay Teacher Nebukanezar Thanzara’ te, ‘Muster Roll aikal Michael-a’te kan la nei nuaih maithei. ‘Upa Ran Daktawr Ngura’ te hial pawh!
Report this comment
July 1st, 2009 at 3:53 am
I ziak tha hle mai.101pc in ka thlâwp e!
@14 a kawnga sawi ang khian midangin chawimawinan an hming bulah title an lo dah sak a nih pawh in an duh lo a nih na na na chuan dah chhunzawm awm lo tak ka ti ve deuh.
Tin, mizo te hi thil in tih hmuh ching kan nih avangin midang in an an dah vek si a,a dahte title ang emaw, a ai a tha zawk emaw nei tan phei chuan dah chak vak loh pawh in dah awl deuh tur a ni(title dah tur nei ten an dah vek si a, i dah ve si loh chuan dah tur nei lo, mi naran i nih mai dawn avangin
) Chuvangin title dah lo ngam (belhchian tlak tak si 
) han awm zeuh zeuh phawt se la, kan in tih hmuh leh anga, an dah sa pawh an la bo leh sup sup mahna.
Report this comment
July 1st, 2009 at 6:55 am
ka rin ve dan mai2 chuan tun a hming bula title leh degree dah vel sawi2 ho hian dah ve tur in nei lo a nih hmel
Report this comment
July 1st, 2009 at 8:07 am
in sawi trha ka ti deuh vek mai #15 khi ka tran bon top
Report this comment
July 1st, 2009 at 9:22 am
COLNEY= KAWLNI
POONTE= PUNTE
ZAWNGTE= JONGTE
………….
Report this comment
July 1st, 2009 at 9:50 am
Rev.Zairema khan Mizo zingah chuan Honorary doctorate dawng hmasa ber pawl ami ani a, a qualified khawp mai reng a. Mifing leh ril a nih angin Rev.Dr. tih chuan a dah kei pawn ka ring lo.
Report this comment
July 2nd, 2009 at 1:53 pm
Tunhma kha chuan hming tawpah B.A,/B.A,B.T tih te kha kan hmu fo thin a, tunlaiah erawh chuan hetiang hi kan hmu ta meuh lo, thiamna sang zawk nei kan tam tak vang te pawh a ni ang e. Hming bula Title leh Degree ilo vel dah pawh hi tun aia kan changkan leh deuh hunah zawi zawiin a tih dan tawk kan la thiam ve mai turah i ngai mai teh ang u. Tunah hi chuan Rev tih leh Revd tih te hi la buaipui mai mai ang u.
Report this comment
August 21st, 2009 at 9:33 am
[…] example, some months ago Misual.com user […]
Report this comment