Balhla Bu hi ka lo bèl chiang ngai meuh lo va; thàwkkhat lai khân TROPICAL GARDEN an tih bìk, an Green House chhûnga an khawi tel ve zîngah Changêl kùng sâng pui pui hi ka va hmu pek a. Balhla Bu hi ka lo tuk ve fo tawh thìn nà a; mahse, hetiang ang hian Balhla Bu leh a thlâr hi a lo awm thìn em ni chu le ka ti deuh hê hâw…
(click pic for larger size)
Han en chiang ve mah teh u, Mizoram-a kan Balhla Bu kha —ka lo phèk-en dànah chuan Balhla THLAR kha kutphaha “thil thàm tùr” ang zâwngin a awm thìnah ka lo ngai a; he laia Balhla bua an balhla thlâr hi “kutphah, thil dawng tùr ang zâwngin” a awm tlat bìkin ka hria a.
Han khaikhin chhin mai mai atân ka ti a ni e —aesthetic photography lam hawia rawn tàrlan ka tum hran lo! Missionary Sàpte zînga Pi Teii khàn Mizo nungchang hi a hre chiang ve khawp a—mi hmanhmawh satliah—thil thlîr thui hran vak lo min tih aleiah, “Mizo rilru chuan thil thar-hmâ an duhtàwk viau, Balhla Huan siam se …” a tih hi ka la theihnghilh thei ngai lo. Kan hnam hawiher leh min Hruaitute kalphung hre chiang ru riau tân chuan Vaiho pawh hian kan tleipui tàwk inlemtekhualna tùr ang lekfang hi chu an hai lo riauva hriatna i nei ve em?
“Balhla thlâr kutdawh,” nge i duh zàwk — “Balhla thlâr kut-hna thawk” thiam?
November 6th, 2009 at 12:13 am
Banhla leh Balhla tih chungchangah chuan hetianga sawi hi ka hre ve ve tho. kei chuan Balhla ti mah ila Banhla tia an sawi hian ka hrethiam tho. Banpawl,Banria etc..tih hmingte pawh a awm hi.
Mizo tawng hi a hausa lo ti mah ila, tlang hrang hrangah hian thil inang reng sawi dan hrang a awm thluah a ni. Chuvangin kan sawidan ang khera miin an sawi loh avangin ‘a dik lo’ ka tihsak thei lovang.
Chawnghilh meuh pawh Balhla tawnah a tho aa ve tlat mai!!:)
Report this comment
November 6th, 2009 at 1:05 am
Mipa an awm avangin minu an awm ve kher tur tihna a ni hleinem mawle.
NOI
Report this comment
November 6th, 2009 at 1:18 am
Balhla tih hi hmandan tlanglawn leh pipu hunlai atanga tunthlenga kan hmandan chu a ni a. Banhla tih hi a bik takin Lai dialect hmang ho hian an hmang a, a dik lo chu ka ti tawl thei lo ang a. Mahse Mizo tawng kan tih, Lusei or Duhlian chuan Balhla tih hi a dik ang. Mahse Banhla pawh ti ila, a dik loh em emna erawh ka hre lem lo. Thingfanghma pawh Hnuhnun ti kan awm tho ang hian.
Pu Buanga chuan:
balhla bu, n. a complete bunch of bananas or plantains.
JF Laldailova chuan: banana: n. balhla. a ti.
Report this comment
November 6th, 2009 at 1:37 am
banhla banana kela kan high school kal lai in kan teacher pakhatin plantan lei turin min ti a kan bo khawp a banhla a tihna lo ni in
Report this comment