Dan pangaiin hlimen quarry chu khualzin motor mawi nalh tak tak ten an tlan pel thuak thuak hlawm a. He hlimen quarry hi a chim fo tawh avang leh mihring nunna hial alo lak tawh avangin mi tam tak tan a rap awm tak zet a ni. Mahse, he hmun thenkhat ten an rap em em hmunah chuan pitar pakhat hi tuboh kengin a lo ding a. Amah hi ka hmelhriat zawng emaw ka hmuh tawh thin emaw a ni lo.
Zoram tualchhuak chanchinbuah a chanchin ka la hmu lova, a hmel pawh ka la hmu ngai hek lo. He quarry hmun paltlangtu khualzin thin te hian ngaihsak hmel an pu hran lova, an tan chuan kuthnathawktu pakhat mai chauh a ni. He quarry hi khuanzin ten an nel lova, vaivut nawi atam em bawk avangin ramhuai speed a tlansan thuai a tul thin. Mahse, ka pi hian ka mit a la tlat, a chanchin hriatzau ka chak bawk.
A hnathawh hi tlawmte anga lang ni mahse, nang aia upa a nih vang hrim hrim te, i hmeichhiat pui a nih vang hrim hrim hian “Ka pi” tiin i ko ve mai dawn nia! Ka pi hi tunah hian kum 67 zet a ni tawh a. Ni tin he quarry-ah hian tuboh nen rawra a chhu ve bauh bauh thin a ni. He quarry a ka pi hnathawhpuite hi kum inthlau tak tak an ni hlawm a. A then chu tleirawl lek an nih lai hian, a then kum 50 chuang an lo ni tawh thung a. Ka pi leh a thiante hian rawra, chawhrualin nikhatah tin-10 vel an chhu tlangpui thin a. Hah taka an rawra chhut sa hmang hian mi hausa thenkhat ten concrete in ropui tak tak sak nan tin 1 hi Rs 5 zelin an lei sak thin a ni.
Ka pi hian a thian naupang zawkte el rana hna a thawh ve a ngai a. Hah taka nihnih a thawh hian a vanneih tum chuan Rs 600 dawn a hmuchhuak ve thei hram hram thin. Hetih lai hian mi thenkhat chu sorkar office-ah hna nei mumal chuang hauh lovin an kal nitin a. Thenkhat ten Zuma leh playing card an khel a, office ban tlai phah khawpin peon/forth grade ten porn movie an lo en mawlh mawlh bawk a, nu thenkhat hlimsang deuh office chhungah duah fe main an tawngtai sek bawk a, lungphun chhuan lama office chhuahsan sek thin te, pa ho ten politician ho hriat phak loh tawk turah politics an lo sawi ve hlut thin te hian thlathar a lo inherchhuah meuh chuan thawh (loh) hlawh ala leh nge nge thin. Thenkhat phei chuan eiruk phet an lo tum bawk si. Hetih lai hian ka pi erawh hi chuan a thawhhlawh dik tak bak ala ngai hauh lo tih hi sawi nawn leh tawh chuang pawh ngai lovin “thudik” a ni.
Ka pi hi kum lama upa tawh leh tar chak lo lam a ni ve der tawh a. Mi pi te chu nise, an chhung ten hnathawh pawh an phal tawh lovang a, an chawlh hahdam tir mai mai tawh ngei ang. “Ka pi hian chawlh hahdam a thlahlel lo bik a ni hlei nem”, a ma intuamhlawmna ringawt tur chu nise, tlemin a hahdam ve deuh tur….!Mahse, ka pi hian hah taka hna a thawh ngei a tul si a ni….a chhan ka han hrilh ang che aw…mi ten ka ui leh ar an tih duh tawh loh fahrah mi 3 zet a chawm vang a ni…!! Ti hian ka pi hi pitar namai lo tak a nih zia chu i hre mai
em!
Photo Credit: Hmingthanzuali
Similar Posts:
- Mizoram kawng kam quarry
- Ni 100 inhlawhna in thatchhiatna a hring
- Thaibawih kan tih fo hi
- Mizote leh kuthnathawh
- Ringtu Nun Part II
February 8th, 2010 at 12:31 am
@Chawnghilh…mi tihchhan hmel tlts..lolzz..Han kawm kual tih khan kan research tihna atana a thufun taka kawm kan ni lo tlts…Gender studies lampang ka lo tui ve hrim2 bawk nen, kan motor chiangkuanglo kan chawlh pah a kan inkawmna ang mai2 a ni e.:)
Report this comment
February 8th, 2010 at 12:33 am
@Shailendra : Kei pawh mawl deuh deuhvin ka comment ve phawng phawng a, min khakna thufing leh dik zawk atangin ka hawi pir jeih tho alawm!
Ka sawichhawn lehnaah ka comment ka sawi niah nuah tawh ngai lo … in comment fing leh fel ka reproduce jeih!
Hnukdawk bik lo ve …
Tunah tak pawh hian Spinach hnah ka pet hmiar hmiar a nia, ka ban chu a sek bawn tawp tawh … Popeye ai chuan chak fe zawk ang! :lol: just kidding and NOI
Report this comment
February 8th, 2010 at 12:54 am
he he he. zan dar 12.53 a ni tawh a, kei pawh mumang nen ka in pawlh nuaih tawh a nia… :lol:
Report this comment
February 8th, 2010 at 2:40 am
Awwzman, #6 hi… Ngaizel ah Rawra chhu a kan inhlawh thin lai chuan tin khatah sikithum.
Report this comment
February 8th, 2010 at 2:52 am
pu mz, #22 2nd para hi hetiang hi a kalphung tlangpui a ni e.
401K an tih mai ( https://www.401k.com ) retirement plan chi khat la theiin (legally) kum 58 1/2 ah a retired theih. Social security la telin, kum 62 ah a retired theih. Kum 65 ah retire chuan social security thlatin hmuh kum 62 a retired aiin a tam. Kum 70 a retired hi an social security a sang lehzual a, amaherawh chu mahni an in huam a an thawk thei a nih phawt chuan thih thlengin retire lo pawn an thawk thiang.
Fiamthu titak deuh in, ” kum 70 a retire tura an duh na chhan chu an dam thlen loh hlauh takin an ti a ni,” an ti thin hairehai
US military thil siamna ka thawhpui thin pakhat chu US Post office atangin kum 70 a nihin a retired (pension) a, kan thawh ho na hmunah chuan kum 86 a nih thleng a thawk leh. A nupui in lama a enkawl angaih tak avangin a bang chauh mawle. A kum 85 nih lawmnan pickup truck, nalh lutuk a modify a lei thar
Sap ho hi chu kum 18 an nih chin hi chuan an duh2 in an awm thiang tlat tawh mai a (an nu ten an khuahkhirh thiang lo) tam tak chu hna hmuin an indang mai thin reng a ni.
Mizo te hi chu chhungkaw inzawm hnai te te, indan hnu pawn in lenpawh leh in ngaina kan ni tlangpui. He pitar (ti mai ang) hian fate emaw, chhungkhat laina hnai chu a neih ve ngei ka ring a, a taksa chhe zawr ve tak mai hetia hna rim lutuk thawh tir an phal hi chhan tha fe a awm theiin ka hre lemlo hle mai. Chhungte enkawl tu emaw, khawsak pui a neilo emaw a nih ngawt loh chuan a laina te ka thiam lo tawp. Hetiang upa duat lo hi kan thlahtu te ah an awm ngai lova, an awm tur pawn ka phal bawk heklo. NOI
Report this comment
February 8th, 2010 at 10:15 am
Epis chu ziak tha hle mai. A post tupa hi Hyd. ah chuan hriat loh tak tak pawh a nei lo an tih thin kha maw le.
Report this comment
February 8th, 2010 at 11:46 am
Tha khawp mai
Report this comment
February 8th, 2010 at 12:49 pm
I pi chu i va tikhawngaih thlak ve ? Ka pi chu nise hna ka thawh tir miah lovang. Pite hi duat tur asin @epi
Report this comment
February 9th, 2010 at 8:19 am
Hlimen quarry pawh lung tha lak tur a tlem ta hle mai. Sentizel (airport quarry an tih mai te), Zawngekkham quarry te pawh Aizawl-Lunglei road ah an hmang zo vek tawh si.
Mizoram ah lung tha/chang a va vang em. Project lian tak tak a la awm dawn chauh si a. OT em aw
Report this comment
February 9th, 2010 at 9:11 am
ZerO i va reh veee. ka OT ve em ooo…
Report this comment
February 9th, 2010 at 9:25 am
Photo credit:Hmingthanzuali hi ka nau (cousin) :smile: ka insawithei lutuk em aw :lol: Mahni hma zawna sut tlang tur awm hel mai lova bei tlattute hi an ngaihsanawm a ni. Unsung heroine ka ti mai e
Report this comment
February 9th, 2010 at 5:37 pm
Khawngaihthlakin chhuanawm lawi si hle mai, ka lainat top, ka nu dinhmun angah ka han chan chhin a, hnuk a ulh thei mai dawn a lawm
shailendra #7: Misual dot com charity sem tur chungchang vel kan rawt lai khan quarry a hnathawk ho hi chu ka sawi lan ve kha maw le, ngaihak an hlawh lem hlei law…
Report this comment
February 9th, 2010 at 5:40 pm
edit ngial kan tuma, a lut hlei thei lo, ‘ngaihak’ tih hi ‘ngaihsak’ tih tur a ni e.
Report this comment
February 9th, 2010 at 5:57 pm
@triplestar. MI Charity kha duh aiin a belebut a… ni e… kan ti leh thei a nih chuan hawlkim theih deuh dan tur ngaihtuah a tha khawp mai…
Report this comment
February 9th, 2010 at 6:13 pm
shailendra: nia,kan hmuh phak rengah hian mi harsa tak tak leh puih ngai ngawih ngawih hi an lo awm ve reng leh thin a sin, an dinhmun leh nihna kan lo hriatsak loh vang mai2 hian kan lo hmuh kan leh mai thin.
Kohhran leh tlawmngai pawl tam tak te pawh hian ram hla tak thlir lo hian kan chhehvel hnai te te hi thlir i la, kei mahni mi leh sa zingah hian puih ngai kan la tam zia hi i hre thar leh teh ang u. Sawrkarin hmasawnna tur plan a siam beisei pha si lo, beisei pawh ni se tihpuitu tha nei ve bawk si lo, mi harsa tak tak, puih ngai ngawih ngawih hi kan hnam pui ngei te zingah hian an la tam a sin.
Report this comment