by-Denis Lalfela
PATHIANIN mitin mai hi mite tana malsawmna ni turin min kova. I pathian kohna hlu tak hi ngun takin i ngaihtuah ngai em? Abrahama hnena ‘Nang malsawmna ni ang che’ ti a Pathian kohna kha nang leh kei hmanga chhumzawm zel a ni a. I duhthlanna azirin malsawmna i ni ve dawn tihna a nih chu!
Mizoramah ringtute nunah Pathian thua tuihalna thar leh boruak thar kan tawng chho mek niin a lang a. Heng malsawmna te hi kan hlut thiam a pawimawh hle ang. Mite tana malsawmna kan nih theih nana rahbi thenkhatte i thlir ho phawt mai teh ang.
1. Tawngtaina
A hmelmapa Setana bei turin Lal Isua chu thlalerah ni 40 leh zan 40 a inbuatsaih a. Sawmli chuan famkimna a entir avangin Isua chu a tang hle tih a chiang a. Setana chu tihtlawm ni mahse, hun remchang hmasa bera Isua thlem leh turin a kal bo ta a ni.
Tawngtaina chuan kan thinlung a chhemalh a, hneh theihloh min hnehsakin beiseina thar min pe thin. Kan nunah Pathian a lal ber theih nan chher hriam kan ni a. Nun tam nei tura min buatsaihtu a ni bawk. Tawngtai mi chuan engkimah Pathian remruatna a hrethiam a, mite tana malsawmna a ni thei ta thin a ni.
2. Kraws pu a zui tur
Lal Isuan amah kan zui theihna kawng min kawhhmuh chu mahni kraws theuh put hi a ni. Kraws chuan Pathian hmel min hmuhtir a. ‘Thinlunga thianghlimte chu an eng a thawl e’ (Mathaia 5:8) tih ziak ang khan thlaraua rawngbawl duhtu tak tak chuan kraws hmanga nitin a intihthianghlim a tul ang. Kraws chuan inngaihtlawmna min zirtirin mite harsatna hrethiam turin min tithianghlim a. A hma ang kan ni thei tawh lo. kan kraws te hi zo taka pu tur kan ni lova, rinawm leh chhel taka pu tura koh kan ni zawk. Beidawnna leh harsatnaah Pathian a chet thin avangin kraws hi kan ngainep thei lo.
3. Rilru phir nei suh
Mite tana malsawmna ni tur chuan rawngbawlnaah rilru phir neih a rem lovang. Kaisara thilte chu kaisara hnena pe a, Pathian thilte chu pathian hnena pe tura thu petu Isua hi a thusawiah a chiang a. Rilru phir leh phawkleka rawngbawl hi a huatzawng a ni. Kan thinlunga kan duhnate a inmil hun leh Lalpa ropui nana thil kan dil hunah chauh kan duhna leh dilnate hi tihhlawhtlin a ni ang. Duhthlanna mumal tak hi siam a har hle a; uluk taka duhthlang te pawh an inchhir leh a, a then an bang a, a then an rinawm lova. Chutiang khawvela kan awm avangin thinlung zawng zawnga Lalpa kan thlan a hun takzet a. thinlung taka lalpa au lo leh khawvel thlah thei lo mi chu mite tan malsawmna a ni tak tak ngai lovang.
4. Malsawm la, anchhia lawh suh
kan tawngkam chhuak hi malsawmna authlatu a nih laiin anchhia a ni thei bawk. Tawngkam malsawm leh ngainatawm hman hi a kristian a, chhawm nun ngei ngei tur a ni. Nu leh pa ten fate mal an sawm tur a ni. Hnathawhna hmun tinah malsawmna kan ni thei. Kawng kal paha mite malsawm hi a hlu em em a; kan mi hriat lem loh pawh hi malsawm ringawt mai ila. Mi rel nan hun kan nei tlem anga, Lalpa thlamuanna leh malsawmna chuan min umzui veng veng mai dawn a ni. Hmelma leh ngaihdam theih loh kan nei anih pawhin Pathian hminga mal kan sawm a, Pathian auh tam lehzual nana kan hman a tul hle. Ngaihdamna duhtu kan nih hmasak hi kan tihmakmawh a ni a. Lalpan aw-ka te min pe a, heng hi mite malsawmna atana kan hman a tul hle bawk ang.
5. Krista khawngaihnaa awm a him ber
Mite tana malsawmna ni tur chuan krista khawngaihnaah kan cheng anga, mahni hmasialna nun kalsanin mite tan kan nung ang. Sual lian a chengte leh chung sual sim duh lote chu an luhlulna sual avangin an boral thin. Khawngaihna chu rawn sur mahse la, a loluhna dawhthleng kan thinlung hi kan hawn si loh chuan hmasawn ahnekin kan hnungtawlh fo thin a nih hi. Lalpa min dahna hmun theuha lawmthu sawi theih hi khawngaihnna nuna cheng te awmdan a ni. Pathian hi nang leh kei min kohnaah a uang lova, keini pawhin kan chhan dan hi fimkhur a tul hle a. Mite tana malsawmn ni turin haw u inngeih dial dial in tan i la theuh ang u.
Similar Posts:
- Lalpa Țih {Sunday Pual}
- Thawnthu hlui chul thei lo (Good Friday Pual)
- Krista Kraws Thiltihtheihna !
- Chutin Fak Che Thla-in A Nuam Lalpa! {Sunday Pual}
- Ka Lalpa Kraws
February 27th, 2010 at 1:07 am
Serhtan lohte pa leh serhtante pa pawh a ni leh … rinna dik taka kal a ni … mi dang tana malsawmna chu a thalbe atanga chhuakah Messia Yahshua a rawn piang ta chiah reng a, khawvel chhandamtu kha Abrahama tupa —malsawmna tluantling a ni chiang hle.
Kalvary kalphung ziarang Abrahama leh a fapa Isaaka khan an lo dramatized diam! Malsawmna a tih kalphung tak hi kan suangtuah phak bak baka malsawmna a tling. Factors chhiar sen loh a ni zawk e. A tupa khan ram tha zawk zuanin a kalsan, mahse ral lakah a che chhia, tunge chhanlet leh … chhantu Abrahama tho maw le … amah kalsantu pawh a chhanlet leh mai, lesson chu a tam lutuk, kan chhawpchhuak seng lo vang a … bek bekin Krista lam enin, toward perfection lesson hi i zir bek bek zel ang aw!
Chhantu kan ngai, tidamtu kan ngai … Abrahama phak baka min chhantu leh min tidamtu —Chhandamtu Lalpa Isua Krista, kan chatuan nunna hnâr awmchhun chu!
Hmei Hagari leh a fa Ismael-a tan pawh chawfun leh tuithawl-a tui a paisak, a rinrawl chhung a rei hran lo nain! Pa tha tak —chi tin tana malsawmna bul ve tak chu a ni e.
Report this comment
February 27th, 2010 at 1:29 am
tha leh hle mai.midang tana malsawmna ka nih loh zia,midang tana phurrit mai ka nih zia ka hre chuak tlat.challenge pakhat min siam ringot lawm le thanks,pu hv
Report this comment
February 27th, 2010 at 1:33 am
Ka thlarau nun a chau a, sualah ka tluksan leh thin. Mahni hma sial a, duham thin, mahni nawmsakna um thin kei hian Amah ka mamawh lai taka he post ka chhiar fuh hi ka va lawm em!!
Report this comment
February 27th, 2010 at 1:34 am
VanlalStallion, va mengrei ve…
Report this comment
February 27th, 2010 at 1:50 am
Ka awm lohna tura ka awmin ka tih loh tur sual ka ti thin.
Report this comment
February 27th, 2010 at 1:51 am
:lol:
Report this comment
February 27th, 2010 at 2:12 am
@pu hv,min lo hretiam lawk my,lo 0T lawks.. sisente,naktuk in chawlh vang ni maw i va mengrei zawk ve hehe..keini chu kan chawl ve silo a ka mut san my ang che.in zavaiin mangtha u le
Report this comment
February 27th, 2010 at 2:13 am
stallion, ka mu ve dawn chiah
Report this comment
February 27th, 2010 at 2:49 am
denis lalfela rome inti thin kha mi? a thuziak 1 mah ka la chhiar lo tun ami tiamin.
OT: misual.com on orkut awm ve se, facebook ka hmang ngai lo
Report this comment
February 27th, 2010 at 3:57 am
He topic hian ka lung a ti leng in, thil min va ti hrechhuak nasa em! Kan tleirawl chhuah ve laia ka nu buaipui a nia. “Nang malsawmna ni ang che” tih hi a lo atchilh tawh thina. Bible school nikhat pawh rap lo leh zirlo a nih ang in, a Pathian thu a rindan leh pawmdan a mawlmang em em bawk si. A ma tawkah a fiah hle leh lawi si a. Kapa School naupang ho sum chatlak buai lutuk, chhungten rawn thawn thei si lo te hi sum a lo puk hman reng a. Kan thawmhnaw a lo sem zut zut bawk a. Tawngtai reng mai bawk! A Theology zawnga kawikhat pawh hre lo khan, “Nang malsawmna ni ang che” tih hi a mahin a lo interpret ve tawp mai.
Kan nitin nunah hian, mi tan malsawmna kan ni thei theuh a ni. Misual.com ah thu tha hla tha in rawn post a, Adminten’ an hun hlu tak sengin an lo en kawl…ka tan chuan malsawmna…! In comment atang thutha tak tak leh thil hrang hrang ka chhar reng…malsawmna leh bawk..! Kan nui dar dar, nalutuk tep in kan in chuk leh….malsawmna leh bawk!
Pu.Chawnghilha Pathianthu pawmdan leh Theology nen hian kan in kalh hle chuan ka hre thin. A ni, Bible hretak, firtak leh chhiarzau a ni a. Kei earwh Liberal in ti ve tak ka ni.
Mi zawng zawng hian, kan nitin nunah hian “malsawmna nih tum vek ila”, khawvel ah hian Vanram kan siam a ni mai lawm ni? tih hi ka Pathian thu pawmdan a ni. Tunlai Theologians ho an Liberal viau tih chu ka pawm, Liberal tak a thil ngaihtuah thei tura Pathianin fina minpe hi kei chu ka lawm hlauh thung.
“Nang malsawmna ni ang che” a van ropui tak e aw! Bible a thumawi ber leh pawimawh berte zinga mi pawh a ni ngei ang.
Mahse, Pathianah hlimna (nun) neih loh chuan, “malsawmna” kan chhiardan leh mite tana malsawmna nih kan tumdan a in persan hle bawk si….!
9#Arkhay, Orkut chu ka lo lei dawn nia :razz:
Report this comment
February 27th, 2010 at 5:04 am
“Setana bei turin” nge “Setana beih” ni turin?
Ni 40 leh zan 40 chaw nghei (Bible-in ‘chaw nghei’ a tih hi tui far khat pawh an in ngai chuang lo) a nih hnuah Diabola khan thlemna chi thumin a rawn bei a ni zawk em? Hei hi Jaspi azarah ka’n tiri zauh mai mai a nia … a dang chu a tlachawp zelin!
Matthaia 4:1 “Chu mi zawhah chuan Isua chu diabola thlema awm turin thlalerah Thlarau hruai luhin a awm ta a.”
Report this comment
February 27th, 2010 at 5:12 am
#chawnghilh
hei hi ka lo hriatdan leh pawmdan chuan, “setana bei turin” a kal lova. “Setana beih” tur zawk in a kal a ni. Mihring fapa a nih ve ngei a vang in, thlemna hi a tuarin a pumpelh tur a ni ve tlat a. Chu vang chuan Stana beih turin, … ti in keichuan ka pawm hmak!
Report this comment
February 27th, 2010 at 5:24 am
@Jaspi : Kan pawm dan a inang a nih chu, i insawi danglam lutuk deuh va! Fela of Rome ziak dan hi a dang deuh hlek a ni zawk lo maw? Neuh neuh dang chu a inchhawp te tein le, thil hi kan chhiar ngun hlawm em tih pawh INZIRNA zel tho a nia lawm!
Report this comment
February 27th, 2010 at 5:36 am
mangtha U le, kanlam ah zanlam dar 12 a ri dawn ta.
Pu.Chawnghilh nakum chu inram ah ka rawn transfer mai thei sia, SAUM BUR liantawk ka rawn ken dawn che mi niang..!
Pu.H.Va hi buh z* dik tak nen..!
Mangtha U
Report this comment
February 27th, 2010 at 5:45 am
Jaspi : mangtha le, muttui! Zing thawh nuam —on new ground on a new day!
Report this comment
February 27th, 2010 at 7:33 am
He thupui hian min Vel thin. Midang tana malsawmna nih hi a va lo har ve le…
Report this comment
February 27th, 2010 at 7:39 am
A ni, mi ânchhe lawh hi a duhzâwng a ni a, tichuan, ama chungah a lo thleng a; Mi malsàwm hi a làwmzâwng a ni lo va, tichuan, amah hlat daihah a awm a. — Sam 109:17
Report this comment
February 27th, 2010 at 8:13 am
Nang Malsawmna kan tih tak lai kan tlang dang atranga thlirdan (perspective?) hi a inang awmlo ka ti –
1) Rinna tihchak lam te
Dam lo KAN te
2) Sual sim tura mi tranpui te
3) Kraws put awn tawh tihngil pui te
4) Eizawnna ngelnghet dinpui te
5) Zirlai zirtir thiam te
6) Mahni hna rinawm taima taka thawh vanga nihlawhna thlen te
7) Miharsa zawk tranpui te
9) Rilru thinlung na te hnem tu nih te leh
10)Hmasawnna kawng kawhmuh te
Mahni hmasialna lama kan intlansiak vak vak mekna lama mite aia tihfuh tumna avanga tamtakin malsawmna anga kan chhiar hi erawh a tel ve kan ring lo rawka
Report this comment
February 27th, 2010 at 10:03 am
Midangte tana malsawmna nih hi mihring nuna hlimawm ber a ni a, mahse thil harsa tak a ni lawi si…
Report this comment
February 27th, 2010 at 10:13 am
Delhi, Mumbai leh Kolkata Mizo te hi ka tan malsawmna an ni ngun khawp mai. Ka lawm e.
Report this comment
February 27th, 2010 at 11:19 am
Midangte tana malsawmna nih hi thil har lutukah ngaih tur a ni loin ka hria! A chang chuan kan beisei sang lutuk thin pawh a ni mahna.
Nitin hian Pathian thu leh a duh dan nia kan hriatah hian dingnghetin nung tawp mai ila, kan hriat loh karah mi tam tak tan malsawmna kan ni hrim hrim ang. Tin, midangte tana malsawmna kan nih pawhin an hnen atanga lawmthu dawn let kher hi beisei lo ila. Kan nun atanga malsawmna lo dawngtu tam berte hi chu he khawvelah hian kan hre kher lo vang. Nakinah khi lam kan thlen hunah kan la hre chauh dawn!
Report this comment
February 27th, 2010 at 1:05 pm
Ni e
Report this comment
March 1st, 2010 at 10:58 am
hui ha
Report this comment
July 26th, 2010 at 4:21 pm
a ngaihnawm hle mai a
Report this comment
April 10th, 2016 at 2:41 pm
In sawitha tlang hle mai….
Report this comment