Khawvel atawp mai dawn lo! “Kum za tamtak kal ta atang khan khawvel tawp tur thu- Hun hnuhnung/ Isua lo kal lehna/ Mithianghlim lawr tih vel hi mithenkhat-in an lo tlangau pui chiam tawh thin a, a sawi huai apiang dawt sawi huai an ni lek a. Bible-in hun hnuhnuanga thil thleng tur nia a sawi- “Indo thu thang” nise, khawvel indopui I-na leh II-na hial a lo chhuak tawh a. “Lirnghing rapthlak” nise, khawvela lirnghing rapthlak ber ber te pawh a lo thleng tawh thin a.
“Natna/ Hri leng leh tam tla” nise, natna mak tak tak te leh hri leng avanga pul(h) phuk phukna te pawh lo thleng tawhin, ram hrang hrangah tam nasa takin a lo tla tawh thin bawk a. Vawiin thlengin khawvel chu a la tawp lem lo a. Isua pawh a lo kal leh lem lo a. “Mithianghlim lawr” tih te hi thil tak tak pawh va ni suh.” ti a ngaihdan neih rum rum chang ka nei thin. Khawvel hian kum maktaduia tamtak a lo paltlang tawh a, kum maktaduai tamtak a la kal zel dawn niin a lang!? Englai pawha thi thei reng i nihna zawk kha hre reng la, thlarau khawvela Isua hmachhawn turin i nun inbuatsaih rawh.
Kan pi leh pu-te kha an sual! Thildangah an sualna em em ka hre lo. Mahse, Ar sa hmeh thu-ah ngat chuan an sual ka ti lo thei lo. Keini’n a tì leh a sa tha lai apiang naupang ei atan kan pek laiin, an ni chuan a ke- tlan chakna, a mit- mitvarna, a thluak- finna, a chhuang- zaithiamna tiin a tui lo lai apiang kha bumna nen min lo ei tir thin a.
Hmeichhia-te rahbehna! “Hmeichhia i nih kha ngawi tawh rawh… Mipa kan thin a rim tawh chuan hmeichhia chu ngawih mai tur…” tih leh ngawt thin hi hmeichhia-te rahbehna diktak a ni. Thiam zawk leh dik zawk nia inhre ve ve karah, sawi tur tamtak an nei ve ang. An aw-ki te pawh a lo sang ve ang. Äwmnem leh dawi zawk an nih avanga an sawi duh leh sawi chak te sawi ngam lo lèk a, kuttuma tin uaih uaih chung a, vau/ khapbeh tluka hmeichhia-te rahbehna a awm chuang lo. Misual pa ho chuan i ching hlek suh ang u.
Similar Posts:
- Mizoram ah Lirnghing
- Chile lirnghing nghawng!
- 21st May 2011-ah khawvel a tawp dawn???
- Hmeichhia (hmeitha) te pawimawh na
- Sual
February 27th, 2010 at 7:09 pm
Nimin ka program en ah chuan, khawvel a tawp mai dawnlo angin an ring ve tho mahse, a cheng a te (species)hian tawp chin kan neih thu an khel.
Kan pi leh pu te khan min duh saklo emaw kan tih khan, chhel na, duh loh neih loh min zirtir ah ka ngai. Ka pa hian ei tur ei duhloh neih hi a remti lo thin. Ka lo upa telh2 a ka lawm tulh tulh. Khawi hmun ilo kal hian kan ei than leh duh chi kher hi a lo awmlo thei, in adjust ka awlsam phah.
Hmeichhia te hi Mizo ah hian kan ti khawngaihthlak zual em aw, ka ti fo thin. Mahse, hmeichhia te hi mipa in, “atawk tawh e, ngawi tawh rawh,” an tih hnu a an la tawng zet zet mai hi chuan mipa tan chuan tawng ve vak ngaihna a awm tawhlo thin. Hei hian kut inthlak na te athlen phah fo reng a ni.
Mipa leh hmeichhia te ze hrang kan neih hi in hriat sak tawn ila, mipa hian hmeichhia hi kut thlak lova khap daih tum ila, hmeichhia pawn mipa hian tawngkam (tuai lo tan) kan thiam lova mipa kan nihna angin kan in defence reaction chhuak ve a ni tih hria in, “ngawi tawh rawh” tih chuan ngawih mai a fin thlak tih hriat tur. Tin, thusawi in ngaihthlak sak a pawimawh em em.
Report this comment
February 27th, 2010 at 7:26 pm
Lirnghing rapthlak chu Haiti leh hei vawiin khan Chile ah nghing leh mawle. A tawp hnai ani em lawng chu maw? Natna lamah lah Cancer te HIV te hi rapthlak tak chu ani.
Ei leh in lamah chuan hmanlai kha chuan an harsa em ani. An vawk talh pawh hi zing dar 4 velah chuan an eifel thrin. Remar/lawiar te pawh hi zanlai pelh ah threnawm te tello ngeiin an ei thrin reng ani.
Hmeichhe rahbeh hi chu kan ram thranmawh-bawk anih hi, heihi Mizo te hian kan sim loh chuan kan nep tolh tolh ang
Report this comment
February 27th, 2010 at 7:29 pm
Rin loh lai taka lo thleng tur ani a. Kan rin loh hun lai ber ah a lo kal duh hmel.
Report this comment
February 27th, 2010 at 7:30 pm
Khawvel tawp hun lam ai mah in keimahni mimal tawp hun atana inpeih, inbuatsaih hi a tih chi zawk lawng maw? Khawvel hian tawp hun nei dawn lo mahse, keini chuan tawp hun kan nei dawn chiang si a.
Report this comment
February 27th, 2010 at 7:39 pm
@ kawlhawk : i thu ziah chuan kalo chan dan loh deuha ka rilru a her tak daih chu..:-)I sawi khi keipawh a dik kati e.
* Hmeichhia-te, Hmei ah pawh a chhia tia sawi ching te hi kan awm a, hetiang ang ltk hi chu khawi atanga kan zir chhuah nge mawni te kati fo thin. Lalpa ah chuan ang khat vek kan ni tih hi kan hre thra duh lo vel a. Chuvang chuan, kan nupuite, kan sas te, kan unaunu te, kan nu te, hlut nachang i hre chhuak leh zual uar2 ang u.
* Kan pi leh pute ngaihdan kan tiha kan chhawm tam tak hi chu kalsan hmiah atan pawha thra tak tam tak a awm in ka hria.
Report this comment
February 27th, 2010 at 7:45 pm
a tha khawpmai..
Report this comment
February 27th, 2010 at 7:53 pm
Khawvel atawp mai dawn em?! Lei lung leh a chhung a chengte nakin zel dinhmun tur hi lo mihring zingah hria an awm chu sawi loh,Khawvel pa fing ber pawh hian hmalam hun second khat pawh a hrelawk thei lo tih ah hian chiang ila.Mihringte hriat bak hria leh A SIAMTU manufacturer sawi hi ka awih mai a,a hahdam thlak phian.Hringnun manual BIBLE min pe hlauh mai leh nghal.
Khawvel tawp mai leh thih thut hlauh vang ni ringawt lova FREEWILL ngei a AMAH thlangtu Pathianin a hriat theih a,a zawn hmuh theih nan future hriat theihna hi min pe lo a ni awm mange aw ka ti!!
Kan pi leh pu-te kha an sual em?!
Pi leh pu te method a naupang enkawl chu Kum 15-17 ah mahniin an tlahrang thei deuh veks.Khawngaih leh hmangaih kha an lo thliar hrang thiam daih zawk. An fel leh an fing ka ti lo thei lo.
Hmeichhia-te rahbehna!
Mipa leh hmaichhia hi intluk chiah chiah,mawhphurhna hrang ve ve mai a ni tih hi ka Tarmit hman lai a ni.Nupui kut thlak chu MI DAWIHZEP te chauh tih thin a ni tih hriat tur.
Report this comment
February 27th, 2010 at 7:56 pm
Lal Isua Krista rawn kal lehna hi chu ala rawn thleng mai ka ring lem lo..Pathian thu hi a la thleng kim lo miau a..Arsi ah bu em kan la chhep hleinem.
Amaherawh chu Nova dam lai ang khawvel chhiat vekna ang kha chu ala rawn thleng leh em em ang.Kan Bible tan tirh ber ah pawh Khawvel chu thim mup mai;chhe vek anih thu kan hmuh kha..Kha kha khawvel chhiatna hmasa ber pawh ani maithei sin;hmasa ber lo maithei bawk a.Pathian hian khawvelah vek hian Khawvel thar a din hi ka rindan zaawk ani e.
Report this comment
February 27th, 2010 at 8:08 pm
Khawvel a tawp dawn…Eeeeee..ka awih eih lo e, a South Korean rinna em mai.
Pi leh Pu te chuan an sa duh lai lai an thlang ang chu, upa te kian thei nih hi a tha ngai e. Tar kiring hrawk lo huphurh ngawt hi a malsawm loh thlak e.
Duhtaka a chhia leh tha ah pawh ‘Tiam Tlat’ e tih tawh hnuah kehthei dawma dawm aia rapbet tlat mipa te an awm ngai anih chuan an inbih chian leh deuh a ngai ang. Mi hrang fanu, an duat lai leh hmangaih ve ngawih ngawih, kan nei tih hi inhrechhuak leh theuh ila; tin, pumkhat kan ni tawh bawka mahni taksa peng hrem hian awmzia a nei thui lo – Damchhung hun tawite a in ngeih theiloa awm ai chuan inthathen mai tur.
Report this comment
February 27th, 2010 at 8:08 pm
In ning lawk —
Khawvel hi a tawp dawn lo. Age (hun) —tuna thih leh manganna, tram, lungngaih kan hmanna ang HUN erawh hi chu Bible-in tawp turin a sawi zawk. Grik tawng hi mi tam tak tan a ninawm, ka tiri lo mai ang.
“Mithianghlim Lawr” theory hi 1830 hnu lam atanga rawn piang chauh a ni. A tichhuaktu chu Scottish mi, nula hnute um ve tantir Margaret McDonald a ni. Inlarna hmuin a insawi a, a hun laia an khel nasat em em a ni. Tunlaia kan Kohhran fathers-ho zawng zawngte chuan an pawmpui lo; mahse, hun a inher zela Calvin, Booth, Wesley etc. te pawm loh kan pawm ta fur mai! Inbihchian a ngai.
@jaspi : Kan inang leh ta lo mai thei! Pawi ka ti lo!
Buh lem leh buh tak tro zaho chungchangah pawh bum lem (tares) zawk kha ah chhum hmasak leh rawh ral a ni hmasa, “aruka mithianghlim lawr” hmasak chanchin a ni lo. A then hriat, a thente hriat lohvin Isua Krista a rawn kal dawn bawk hek lo —kawl chhak lama phe, thlanglama mi zawng zawngte pawhin a ruala an hmuh tur angin a rawn kal zawk dawn. Hmuh theiha rawn a kal dawn avangin, a then hmuh leh hriat lohvin a rawn kal dawn bawk hek lo. So, Secret Rapture Theory is unbiblical!
Kan pi leh pute kha voh an ngai, an rethei ve a. Arsa ei a khat, a ngum pawh “phunchiarna” tiin, naupang ei ai chuan an ei atan an hauh thiam, a pawi lo. A kethiah pawh “tlan chakna” an ti, a tui tho. Sawi tur a tam —hunin min daih lo …
Chuvangin, tunlaia Evangelist vir ru tak tak te pawh hian an rawngbawlnaah duhsakna arsa buhchiar an hlawh hnem hle. Mahse, Mizo chhungkaw kalphung hriain —a ngum, nu ber tan. A thial leh ril —pa ber pual. A lu —naupang tan. A thlaki —Mami tan. A thin —Matea tan. A mit (gall) —pa ber hmawm hmakah … tih zawng zawng hriain —chawi eia an sawm Evangelist leh Pastor-ten, chhungkaw dining etiquete hre chiangin, engmah an suak ve tawp tawp tur a ni lo. An duhsak a nih tak tak chuan a tui lai lai an rawn suah mai ang.
Mi chhungkaw sa duh lai, an talh ve chhuna an inchan sem vekna inchhungkhurah Evangelist mawl leh koham takin a duhlai a va suah zung zung chuan —naupangin a sa duh a rawn sawi nalh ang a, a awm tawh loh chuan … chhuatah ke leng bawrh bawrhin a nuar chawhma zak thei tih hriat a pawi lo, ka sawi kim vek lo mai ang.
Hmeichhe pawngpawrhna tawk lekin mipate hi kan zawldawh lawi si ang e, pakhat a thinrim laia thinrim loh hram, kan thinrim laia an zawldawh ve hian —kalphung a fel hret.
Mipa leh hmeichhia Pathianin a siam lai khan khawvel chawlhkar hmasa ber hmang ve hman lo hmeichhiate hi chuan tlema hniamna an nei ngei ang! Khawvel thilnung siam zinga Junior ber an nih hi hmeichhiaten an hre ve fo tur a ni a; chawlhkar hmasa bera siamte rual pawl phaa an awm hi an ropuizia fah nawn fo an ngai. Mipa leh hmeichhia hi kan value a inchen, inla champ zawk kan awm tur a ni lo! “Ka tisa ang pu, ka ruh ang ruh nei,” tih a nih kha!
Rah beh ai chuan —nghet tawka kuah beh an thlang zawk!
Report this comment
February 27th, 2010 at 8:15 pm
Robin-Hood an anu azahzia leh angaihhlutzia atih lanna trawngkam kha ava mawi em..khatiang angtho kha kei ka rilru ve chu..ka Nu ka ngaihtuah chang hian katan ahlutzia alo lang zut2 thrin a..Hmeichhia te hian kan lungoi lohna tur thlentir thrin mah sela,,an chhiatna laitak anti langve maiah i ngai mai ag u ..
Report this comment
February 27th, 2010 at 8:34 pm
Khawvel atawp dawn..i khawvel tawp turin iduh em?..i eiruk duhna te i itsikna rilru pai te,i chäkna sual tenawm paite..thenawm ithikna rilru te,.thatchhiatna nun i vawn runte…i sum ngainatna bawlhlawh tak te..ava tam em keimah ni a “khawvel” awm hi, hetiang zawng2 hi paih bo vin hnawl ila kan khawvel atawp animai..nunthar Krista ah kan nung tawh ang…taktak ana Tuman anhre lo Fapa pawhin ahre leu’s..
Report this comment
February 27th, 2010 at 9:27 pm
khawvel a tawp dawn tawh antih thin hi chu ka awih eih lo kan thi hun hi kan tan a khawvel tawp hun ni mai tur ah ka ngai…
kan pi leh pu te khan arsa an ei khat em vang ania te lo ti vel i la….. mizo mipa hian hmeichhia chu rahbeh hi an tum tlat thin a mahse tunlai khawvel ah erawh chuan a fing a piang hi an thaiboy tawh hian ka hria
Report this comment
February 27th, 2010 at 9:28 pm
Karleh khian kawvel a tawp dawn.! He he he
Report this comment
February 27th, 2010 at 9:46 pm
Thanglura tu chhuan nga-na ka ni a, an hun lai paw’n khawvel tawp a hnaih tawh zia leh Isua lo kal a hnaih tawh zia hahip-in an sawi thin. Tunah, an tu chhuan nga-na thlengin khawvel a la tawp lo a, Jesus 2nd comming a la thleng bwk lo a. Tu chhuan sawm ka neih thlengin Isua hi a rawn kal tak2 ka ring ta lo!
Report this comment
February 27th, 2010 at 9:48 pm
tawngthuchheloa ka lo thi thut anih chuan ka khawvel a tawp khawvel pum pui khawvel tawp hi chu ka ngahtuah peih lo e…
kan pi leh pu (kan nu leh pa te thleng hian) an ei duh loh min eitir an tum avang hian a sa chekhnawk min hlui nan an sawi mawi mai mai.
Hmeichhia te rahbeh nan ‘hmeichhe fin in tuipuiral a pello’ an ti a ni lawm ni?
Report this comment
February 27th, 2010 at 10:01 pm
Chu post chu chawh-chaw-rawi tak em a nih hi le. Kan thihni hi kan khawvel tawp ni nimai a. Sawithui lo mai ila. Isua rawn kal hun earwh hriat a har ang. Engtik hunah nge a rawn kal dawn tih lo chhutchiam hi kan hna a ni lo. Biblea min zirtir ang in, Moneitu rawn kal hun nghak in, nula thianghlimte ang a inring rana awmtur kan ni zawk.
Kan naupan liaa, ka nu leh pa, pi leh puten satui lolai min lo eitir thin hi, keichuan “sual” ka ti phal thlawt lo. Ka khawngaih, tupawhin mahni rilarah te, tu leh fate min hmangaih vek. Mahse, kan “rethei” em a ni…! Tin, “mawl” vang a ni bawk! Kan hawiher lo in, an phaktawk a lo hniam ve em mai a…kei chuan tha ka tihna ni lovin, ka hriatthiam pui thei khawp mai.
Hmeichhia rahbehna, Feminist Theology ah luh chilh law law a va chak awm ve! Hemi chungchanghi pa ho, mipa in kan buaipui ziah, ka ning. Kan hmeichhiate hian buaipui ve rawh se! Kei chu an buaipui a, an vei phawt chuan support tur in ka in peih reng. Mahse, an mahni hmeichhia ngei pawh hian, an nihphung turah an ngai tlat hian, min ti beidawn thin.
Report this comment
February 27th, 2010 at 11:28 pm
@kawlhawk :
Khawvel a tawp mai dawn lo e a ?!!
‘Khawvel tawp’i tih hi khawvel (planet earth)chhiat thu i sawina a nih chuan i sawi dik maithei e. Amaherawhchu Pathian thu denchhena sawi i nih chuan ‘i thaw thelh’ maithei a ni. Pathian thu in ‘khawvel tawp’ a tih hi he lei (khawvel) hi a tawp dawn a tihna nilovin, he hun (age); mihringte rorelna hun hi a tawp dawn tih a sawina a ni. He khawvel(age) hi a tawp dawn a,leiah hian rorel turin alo kal thuai dawn tih hi Bible zirtirna a ni zawk e. Bible khawilaiah mah hian ‘khawvel a tawp mai dawn lo’ tih i hmu lovang. Pathian leh Isua hming kan lam anih chuan a Thu/Bible zirtir ang hi sawi ila, mahni duh dan dana A zirtirna kalh zawnga thu phuhchuah hi sim a hun khawp mai. Mahni ngaihdan leh duhdan kan sawi hi a thiang a, kan sawi anih chuan Pathian hming hi chu a naran hian sawi lo thung ila. Ringtu anga in chhal si, a thu/Bible kalh zawnga thu chhakchhuah hi Pathian huat ber ani tih hi hre bawk ila. Lei(earth) hi kum maktaduai fe chu lo awm tawh pawh nise mihringte khawvel hi chu kum sangruk erhawrh bak ala nilo. Kum 2000 vel zela a hlawma then theih ani: Adama atanga Mosia leh Israel ram din (kum 2000), Mosia atanga Krista(kum 2000), Krista atangin a kohhran(2000 yrs of church age). Pathian hi a consistent anih chuan Age lo thleng leh tur hi kan hma lawk hi a ni tawh.
‘“Mithianghlim lawr” tih te hi thil tak tak pawh va ni suh’i tih hi chu a dik e. Pre-millenial dispensationalist te zirtirna anga, Isua hi vawihnih lokal tur anga zirtirna hi chu Bible zirtirna anilo reng ani [vawikhatna ah chuan lei thleng lova lokal in mithianghlim a lawr ang an ti a, vawihnihna ah chuan lei lo thlengin mithianghlimte nen an lokal ang an ti bawk]. A lokal lehna chu vawikhat chauh niin, lei lo thleng lova mithianghlimte rawn lawr tur nilovin, Lei lo thleng ngeiin misualte a lawr zawk dawn ani (tah leh ha thialna hmuna thawn liam turin). Mithianghlimte chu leiah hian amah nen kum sang ro an rel dawn.
Hmeichhia-te rahbehna maw ?
Hmeichhiate hi kawng tam takah mipa ten tluk lohna kan nei a, an rorel pawh a fin zawk chang a tam mai. Chuvang chuan zawldawh leh zah taka nupuite hi enkawl tur anni reng a. Amaherawhchu Mipa lu chu Krista anih angin hmeichhe lu chu mipa ani a. ‘Lu’ tih hian ‘chunga thu neitu’ tih a kawk a, mahni chunga thu neitu an khum hlawih2 a, duh apiang sawi zarh zarh reng thei tura hmeichhia kan ngai leh mahni nupui te an diklohna ah pawh thunun/khak ngam lo hi chuan pawnfen feng zawk mai se a tha mai lo ang maw?
Report this comment
February 27th, 2010 at 11:46 pm
Mihring nunna chu engtik lai a top thei ani a,kan in ring reng chu a ngai kati & Mithiang hlim lawr(rapture) poh ron thleng thut thei a ni,chu vangin a pa hnih a kan IN ring reng a ngai….. Chuan he mi hi, mi(People) hriat thiam lo tam tak ani, mithiang hlim lawr I kai don em ti in mi han zoh ila,kai don e an ti ngei ngei ang…mahse ngati nge I kai ang han ti ila Isua in cross a min thih sak toh alom an ti ang…..Mahse mithiang hlim lawr a kai tur chuan thil pakhat a la ngai!!!!! Mithiang hlim lawr a kai tur chuan rilru thianghlim nei a ngai…Rilru thianghlim nei dan chu In hriat ka ring eee……Mahse chu mi rilru thianghlim nei tur chuan Pathin nen chiah In ti thei a ni tih kha hre reng la… Chuan a top ber ah chuan Mithiang hlim lawr(Rapture) hi a ron thleng tep toh…Chu vangin INRING RENG IN kan awm a ngai…
Report this comment
February 27th, 2010 at 11:49 pm
Mizoram leh vawin chhung inkhawm bu a mi chu kan va in hmeh ve mawle.
Marka 6:4-6. Tin, Isuan an hnenah, “Zawlnei chu ama khaw lamah te, ama laichin zingah te, ama inah te chauh lo chuan chawimawi lohvin a awm ngai lo,” a ti a. Tin, mi damlo tlem te chunga kut nghata a tihdam chauh lo chu, chutah chuan thil mak reng a ti thei lo va. An rin loh avangin mak a ti hle a. Tin, zirtir chung zelin khua te chu a fang vel a.
Lal Isuan a rawngbawl hna a tan atanga rei vak lovah a zirtirte nen an khua, nazaret an lo thleng a. Chawlhniah Biak Inah mipui a zirtir a. A thil mak tih leh a finziate an hriatin an itsik a, a chungah an lungni ta lo va.
A rawngbawlna atana boruak a inhawn loh vangin mi tlem te a tihdam bak chu thil mak dang reng a ti ta lo a ni. Pathian hnathawh a lan tak takna tur chuan a dawngtu tur lam kan inhawn a pawimawh thin tih he lai thu atang hian a chiang hle a ni.
“In ka ang zau ula; ka tikhat dawn nia,” (Thuf. 81:10)
Mizoram hi thutha dawngsawng tu ni lovin, mimal ngaihdan phuh chhuak tu kan niin ka hria.
Report this comment
February 28th, 2010 at 3:33 am
Sony, #3 khi hairehai tawp. Kan inrin loh lai taka rukru anga lo thleng tur a ni si a, inring rengin awm rawh u tih a ni leh lawi si a. Kan inring hman veklo a nih pawn a then inring an awm ngeiin ka ring bawk.
Chuti a nih chuan khawvel mihring hei zozai zingah hian lo inring reng an awm laiin inring lo pawh an awm dawn ngei a,. A lokal hun chuan inringlo te nangching turin kal zig zak angai duh awm, te ka ti mai mai a
A thu hrim ah vanram kal vek tura min duh si chuan kan inrinlai te chan ve awm hairehai
Report this comment
February 28th, 2010 at 3:43 am
Helam ah chuan an nupui te hian anpasal te hi an chhawr trawk 2 mai maw le khawlai leng se naute pa zawkin an pawm pur pur a inhauh nikhua nise nu zawk in an lim hrep zel maw le.In hmeichhia te chu an fel bik in chhawr trawk 2 zawk ta an ti mai mai zawk maw le.
Khawvel te chu a dintu in loawm rawh se tia lo awm mai ani a tawp rawhse a tih hun ah a tawp le mai dawn a lom.
Report this comment
February 28th, 2010 at 3:45 am
hmeichhia, chaklo zawk nau kan puak tir pur reng mai hi chu a zialo ngawt mai. Nau an pua a an chhangchhe em em a, tamtak in an sit a, nula te an kawp san ta a… pa zawk hi an chak zawk a, rit chawi leh hmeichhe tan a harsa tur zawk hi chu tih sak zel zawk turah ka ngai.
Nupui fanau te kan duat lovin tunge min duat sak ang? (duat sual zawng lovin!)
Report this comment
February 28th, 2010 at 5:54 am
Feminist lampang kan lut bawk a, ka ti ve leh dawn!
Hmanni chu Global Conference ah hruaitute duhsakna vangin culture leh mahni duhzawng sawina tawite hun ka nei a. Chutah chuan Feminist lampanghi ka sawi zeuh pek a. Kan Mizo culture ah chuan mipate hi choka(ei leh in) ah kan lut ngai lovin, choka hna hi chu hmeichhia hna ah kan ngai thin a. Ka ti zeuh a…! Tea-break ah chuan chhuahchhaltu ka tawngtam ngang mai. “Men eat more” an rawn ti sap sap a,..fiamthu titak in..!
Hmeichhia hi duatsual anawl an ti leh bawk si. A har zawng a har a niang nge! Kanla nei ve lova,…Um E phawt mai ang.!
Report this comment
February 28th, 2010 at 7:04 am
Ni e.. hna hahthlak leh tharum ngai hi chu mipate hian mawh ah la ila.. duat takin nupui fanaute hi enkawl in, engkimah hian mawhphur ngam ila. Kan duat ngam chuan a tulah pawh hau/zilh ngam bawk ila. Tul lo taka mahni inchhunga intih PA leh intih LAL hi bansan in… diknate, zirtirna dikte leh thununna tha kenkawh lamah hian inti PA in inti LAL zawk ila.. a tul chuan naupuak te, insukte, rawngbawl ah te pawh hian hmeichhiate hi chhawk thiam ila.. Bible ah pawn hetiang lam hi a BU in a awm kha mawle.. HE-BREWS tih anih kha !!
Report this comment
February 28th, 2010 at 9:08 am
Pu keimah, Pathian ringtu ka ni a, tho leh Krista nun tawmpuitu ka ni bawk. A duh zawng ti a, a duh zawnga nung turin, sual leh thil tha lo laka ka tluk mai loh nan nitin ka nun ka veng thin. Mahse, khawvel tawp emaw, mithianghlim (or) misual lawr emaw, mihringte rorelna tawp tih vel thleng mai tur anga sawi fo hi insawithaihna bak a nih ka ring ta lo. Isua leh Pathian hi kei leh nang, kan tu chhuan engemaw zat lo la awmzel tur thlengin, thlarau khawvelah bak kan hmachhawn lo ang tih hi ka rindan a ni deuh bur tawh. Ka thih hun hi Krista nen kan inhmachhwn hun, englai ph a thi thei, zaninah ngei ph thi thei ka nih avang zawk hian ka nun erawh englai pawha Pathian duh zawnga hman hram ka tum thung.
Report this comment
February 28th, 2010 at 9:16 am
@Kawlhawk : “Ka thih hun hi Krista nen kan inhmachhawn hun,”
A TEUHvin a hnai LO MAI! In inhmachhawn lo khawp ang!
“Lalthutphah Var Ropui” hi i thih hunah a inhung chhuak rum rum ngawt dawn lo. Ka hrilh kimchang rih lo ang che, hriat belh i chak hun ka ngaichang phawt ang! May God bless you and yours. Rei erawh rial lo ila —
Report this comment
February 28th, 2010 at 9:30 am
II Timothea 4:1 Pathian mithmuh leh mi nung leh mitthi ngaihtuahtu tur Krista Isua mithmuhah chuan a inlarna leh a ram chhalin, thahnemngai takin ka hriattir a che:
Zotawng version hian a chiang kelh kawlh mawh, KJV atang chuan, “I charge thee therefore before God, and the Lord Jesus Christ, who shall judge the quick (living) and the dead at his appearing and his kingdom …”
“Investigative Judgement” ti ve chhente leh “Purgatory” tihote tan phei chuan, he II Timothea 4:1 hi chang NGEIAWM a tling! Mitthite puala rorel chhin phawt? Tawngkam hranpa hmanga zirtirna dik lova thurualte an ni! (Hrethiam pha lo in va tam dawn tak!!!!!!!!!!!!!!)
Krista lo kal LEH hun leh a Lalram rawn din turah —he lei siamthara a indin leh chiahin minung leh mitthi rorelsak an ni dawn, tih hi Paula’n Timothea hnena a hrilh hriat a ni, chu chu kan innghahna ve tur tho a ni.
Thianpa Jaspi hian eng ang takin rawn ngai ve maw?
Report this comment
February 28th, 2010 at 9:32 am
#25 @keimahte intih Lal leh pa ber nih mana in tih Pa ber a kawhkawi vel hi ka sim angai khoops
Report this comment
February 28th, 2010 at 10:34 am
@kawlhawk
Pathian ngaihsak tak leh a duhzawnga nun tum tlat mi i nih ka ringhlel hauh lo… amaherawhchu ka han uar duh lai tak chu Pathian thu hi a then azar chauh nilovin a zavaia awih tur kan ni tlat a, chu chuan a thu min zirtir anga kan sawi a phut tlat a ni.. kan rin dan nilovin. “Mi tupawhin thu a sawi chuan Pathian thute angin sawi rawh se” – I Pet 4:11 tih anih kha.
@mzvision
a ni asin.. thu hi awih duam mai ila — tawngtam lem lo hian thawk tam ila, nupui fanaute pawh hian kan thu sawi hi an lo ngaipawimawh zawkin kan thu te hi an awih duh zawk emawni te ka ti thin !!
Report this comment
February 28th, 2010 at 10:37 am
“Preach the Gospel at all times and when necessary use words.” —St. Francis of Assisi
Report this comment
February 28th, 2010 at 10:46 am
Pu chawnghilh, Paula’n Timothea hnenah He Lei hi siamthar anih a, dinthar leh anih hunah chauh mitin rorelsak an nih tur thu a sawi anih chuan…
Kan Pastor mithi vuitu te hian kan thih ni hi kan thlarau rorelsakna ni ang leh Pathian nena kan intawn/ inhmachhwnna ni angin min vui vek. “Vawiinah Pa hnenah a chawl ta… Krista bulah hlimtakin a leng ta… Pa ängchhungah a chawl ta…ect.., hei hi engtia sawimam or dawnsawn chi nge niang?
Report this comment
February 28th, 2010 at 10:52 am
@kawlhawk : A bung leh chang ka rawn tarlang thlap a, an la chhiar ve ngai lo a nih chuan —chhiar ve se a ni mai!
Mitthi chanchin leh an chungchang, Bible-a a inziak dan ka rawn tarlang kimchang dawn em ni?
In lama vuituin vanah a vui kai a, thlanmuala vuituin ni kin nia thawhlehna chungchangin a thlamuan thung a, thu inkalh, a sawitute thawkho an ni ber hian ka hre thin!
Report this comment
February 28th, 2010 at 11:19 am
“But everyone, indeed, knows that at times they (the fathers/theologians) have erred as men will; therefore I am ready to trust them only when they prove their opinions from Scripture/Bible, which has never erred.” – Martin Luther
Kan pastor tam tak te hian inerrancy of Scripture hi an pawm tawh lo tih hi kan hria em !! Bible ai chuan Serampore college emaw a an zirdan an pawm zawk a, Bible hi Pathian thawkkhum anih pawm inti siin a original authors te khan tihsual an nei a, chu chu Pathian pawhin a pal zam mai mai an ti ani ber tawh. An theology han chiri dan em em te hi!! Calvina zirtirna pawmtu an inti a, an revival speaker ten Arminianism zirtirna an tlangau pui dup dup a, an hawi vel mai mai a !! TMEF zirtirna a him lo an ti leh ang lawi bawk a. TMEF zirtirna hi Calvinism zulzui a nih te hi an hre lo emaw ni ? (anmahni chuan nilo ang chuan an sawi) A himlo an tih lai ber lah hi an thurin #5 na nen a inkalh tih vel mai mai.. Bible nen a inkalh tih ni hlei lo. Huihaaaaaaaaaa……….
Report this comment
February 28th, 2010 at 6:35 pm
#27 Paradise chungchang ka’n sawi fiah dawn nge i sawifiah dawn?
Report this comment
February 28th, 2010 at 6:50 pm
@keimahte
Calvina zirtirna leh Armianism zirtirna leh TMEF thu kalpui dan te min han hrilh keuh teh. te pawh chu min han hrilh belh teh
Helamah hian ka kawlo nasa mahse hriat ve deuh ka va chak em
Report this comment
February 28th, 2010 at 8:51 pm
lol mzvision.. ka sawi thiam dawn em ni aw.. tawi thei ang berin ka han sawi dawn ange.
Soteriology(chhandamna) chung changa 5 points of calvinism [TULIP] chuan tihian a zirtira :
1) Total depravity – mihring hi chhelet der ani a, mahni inchhandam turin tih theih engmah a nei lo.. tah hi chuan Arminian ho nen an in lungrual viau.
2) Unconditional election – Pathian in chhandam tur ruat lawk bik a nei a, chung mite chu a thlang lawk a, an thiltih vang nilo in a chhandam. Rinna vang pawh ani lem lo an ti!!
3) Limited atonement – Krista kha mi zawng zawng tan a thi lo a, chhandam tur a ruat lawk te tan chauh a thi anti.
4) Irresistible grace – Pathian khawngaihna hi a hnar theih lova, chhandam tura ruat lawk te chuan eng ang paw’n lo dodal sela chhandamna ah a hruai lut tho tho.
5) Perseverance of the saints – Chhandam tawh an tlu theilo.. chhandamna a bo theilo tih nen a in ang deuh a, a danglamna chu.. chhandamna chang tawh ni awma lang tlu leh te chu, chhandamna an la chan tak tak loh vang an ti.
Arminianism hi chu a opposite ani deuh ber mai.. point #1 tih lo ah khi chuan. An danglamna lian ber chu Arminianism chuan mihring hian chhandamna chang turin a duhthlana a hmang tur ani a, a free will hmangin Krista a thlang tur ani an ti a.. Calvinism chuan chhandamna chang turin mihring in duh a thlang theilo.. Pathian thu thu ani.. chhandam tur a ruat lawka, hremhmun kal tur pawh a ruat lawk ati. Hei hi miten calvinism an dodalna chhan ber pawh ani.
TMEF zirtirna diklo an tih lai ka han hriat theih mai chu Presbyterian thurin #5 ah khan mihring chuan ama duhthu ngeiin Pathian dan a bawhchhia tih ani a.. TMEF chuan heti zawng lo deuh hian an kalpui a, II Tim 2:14 thu ‘Tin, Adama chu bumin a awm lo va, hmeichhia erawh chu bumin a awm a, bawhchhiatnaah a tlu ta a’ tih lai hi lavungin mihring chu buma a awm avangin sualah a tlu an ti ani.
Pres hoin ama duhthu ngeia tlu an tih laiin TMEF chuan bum anih vang an ti ve thung ani. Kohhran te hi hmeichhia anga tehkhin kan nih ve fo avang hian Krista mo kan nihna lam an lavunga hmeichhia buma a awm kha mihring bumin a awm tizawngin an kalpui ani deuh ber awm e.
ka sawi fiah em ka hrelo.. a chianglo lai chu han sawi leh la sawi that leh kan tum dawn nia.
Report this comment
February 28th, 2010 at 9:00 pm
Ka va lawm em Pres ho hi John Calvin-a zirtir innghat kan nih chuan 2) Unconditional election – Pathian in chhandam tur ruat lawk bik a nei a, chung mite chu a thlang lawk a, an thiltih vang nilo in a chhandam. Rinna vang pawh ani lem lo an ti!! Ruatlawk nih leh nih loh hriat a va thra ve ni mang silo hian peih leh peih lo hian kan lo ti ve trang2 anga atawpah Chhandam kan ni si lovanga.
Hei vang hi em ni Ruatlawk thu hi Pres ho hian an sawi thrat duh tak miah loh le :?:
Report this comment
February 28th, 2010 at 10:47 pm
Pres chu nimah ila Calvina zirtirna hi chu ka pawm velo a, chuvangin ruat lawk ka nih leh ni loh hi buaipui ngai pawn ka hre lem lo. Calvina emaw pres zirtirna ai chuan Bible min zirtir ang hian Isua hi ring ila a thupek te zawm turin nitin mahni theitawpin thlarau, rilru leh taksa in a hnenah in hlan ila… a tawk viauin ka hria.
Report this comment