(misual te u, in sual manah Zawlaidi May, 2010 Issue- a chhuak tur hi ka lo share a che u)
Thawkkhat lai khan thian fel deuh mai, nuthlawi, fa pawh pahnih neitawh, Lungleia mi ka nei a. A tira kan inhriatna bul pawh Lelte Weekly emaw ni, Zozam Weekly/ Zoram Today zawk nge maw ni, thian zawnna huangah ka hming leh Mobile No ka thawn ve a, chu chu lo hmuin min rawn sms ta a ni.
Kan inhriat tantirh laite kha kum li vellai a liam tawh na a, lung a tileng thin khawp mai. Kei lah khan a chang khan ka lo tahkhum a, a ni pawhin min tahkhum ve fo thin. Mahse, kei aiin a upa a, mi dawmdan te kha a thiam thin zawk a, tun thlengin inhmelmak phah lovin kan la inbe fo thin a ni.
Amah hi ka sawitawh ang khan nuthlawi mah nise, thian angin min enbakah a nau angin min en a. Ka dinhmun min hriatthiam pui a, a chang chuan ka nawm loh hlauvin Top Up te pawh min rawn thunsak ve hial thin a. A pawisa ang pawhin Rs. 300 lai chu min rawn thawn tawh nghe nghe.
A thlalak min rawn thawn tawh a, ka thlalak ka thawn ve tawh bawk. Keichuan eng thilhlu mah ka la thawn ve lem lo va! Roll Film pakhat ka thawn kha a man a tam ber awm e!! A ni erawh chuan pawisa fai mai bakah, Silver Case Lighter min thawn tawh bawk. Tin, ka sawi tak ang khan Top Up pawh min thunsak tawh thin nghe nghe.
A ni nen hian a hring a hranin la inhmu lo mah ila. thlalak atangin kan inhmu tawh a. Kan inhriat tirh laite khan kan inbe zing mawlh mawlh bawk a, a chhungte pawhin ka aw kha chu an hai lo khawp mai!!
A pa hi School pakhata Headmaster a ni a. An unau hi an rual angreng phian bawk. Ka sawitak ang khan a fate pahnih chuan School an kal ve ve tawh bawk.
He ka thian chhar hi Mobile Phone ka neih hnua Mobile Phone ka chhawr tangkai berna niin ka hria. Tunhnu kum li ral hnuah pawh kan inbe zauh zauh va, mahse kar te a hla a, inbiak nan sum leh paite leh hun te a lo ngai leh zel nen, tunah erawh chuan kan inbe ngai tawh lutuk lo!
Ka sawilan duh pakhat chu, ka SMS thiannu hian hmangaihna kawng hi a zawhpelh ve nasa hle a. A pasal nen an inthen chhan tak pawh a pasal hian Zu a in nasat vang a ni. Inthen tawh mahse, a pasal hian a la duh em em a, koh leh atum fo thin. Mahse, an inkarah Zu chuan daidanna bang a siam tawh tlat si a!!
A hun tawn tawhte ka ngaihtuah pui chang chuan ka lainat thei khawp mai. Tunhma kan inbiak thin lai chuan a chanchin a chhia leh a tha min hrilh hria a, ZawlaiDi- a ziahsak turin min ti a, mahse, tunah hian ka rawn ziak theita chauh a nih hi!!
Kan inbiak thinlai kha chuan a chang chuan a lungchhia hi a tap a, hnem a tulfo thin. A pasal nen an inthen avangin eizawn nan Puan a thui thin a. Amah mai bakah a fate pahnih a chawm a ngai bawk a. A pa Inah an khawsa ve nawk nawk a, an lo rualkhat bawk nen, a hringnun chu a eng lo ve khawp mai! Hemi avang hian a chang chuan a fa te muhil lai hmel pawh a hmutha ngam lova, a tap thin hial a ni. Zu tak hi chu aw, hmangaihte nen inthenna dar vaw tu a ni thin hi a buaithlak khawp mai!!
He ka thiannu pual hian ZawlaiDi Chanchinbu ah hian thu pakhat tal ziahloh chu nitheia ka hriatloh avangin leh, hun lola kal zel turah ka huntawn tawh- amah nena hun kan hmandun tawhte kha la theihnghilh thei ka nih avangin heti hian ka rawn ziak ta a ni. He ka thuziak hi a ma tan liau liau ka rawh hlan bawk e.
A fate pawh Phone- ah chuan ka be ve tawh nghe nghe. An chunnu a fel bawk a, nakinah an lo thanlen hnuah pawh, Lunglei khawtlang tana mi tangkai leh chhawr nahawm an la nih ngei ka beisei tlat a ni.
A eizawnna ber Puanthui a ni chung hian a SMS thian mai mai pawh minlo ngaihsak thiam hle a. Harsa taka a rahvir chhuah pawisa te pawh min rawn thawn tawh hial a. Dik tak chuan ka chunga a thatna hi engtikahmah ka rulh theih ka ringlo!!
Tunlai thangtharte hian SMS hi kan hmang tangkai thiamlo hlein ka hre thin. Thuho deuh leh tawngkam bawlhhlawh tak tak inthawn nan kan hmang a. Thenkhat chuan mi bawl nan an lo hmang mek bawk a. Kei leh ka Thiani erawh chuan kan harsat laia intanpui nan leh inhnem nan kan hmang thin!! Fiamthu pawh kan thawh ve fo va, mahse tawngkam tlahawlh zawngin engmah kan inthawn ve ngai lo!!
Kan inbiak chang pawhin tunlai thangtharte angin, chumi khami chu ka Star, ka duh e, tih nan te, midangte rel nante kan hmang ngailo!! Thenkhatte anga zahmawh thu sawi nan kan hmang ngailo bawk!! Tunlaia thangthawr tamzawkte hi chuan kan rilru lo pui pui sawi nan SMS leh Mobile Phone te hi kan hmang a. Kan thawhchhuah nilo tawp Mobile Phone kan nei a, a Top Up na tur kan nu leh pate kan la dil zui!!
Kristian 100% inti ramaha hian thangtharte chauhlo pawh, Nu leh Pa, Pastor etc., thleng hian midangte va bawl nan leh va rel nana SMS leh Mobile Phone hmang kan tam lutuk!! Hemi avang hian alawm, kan ramah hian tul lo taka Sex Video te an siam a, a lo leak out thin ni!!
Chanchinbu khawi khawi emawa Zawnglai huang leh Thian zawnna an siam hi a tha viau na a, mihring nun leh moral tichhe thei a ni tih erawh chu keimah hian ka chian tawh a, chuvangin hengahte hian in tilang ve mai mai suh!! I duh ang chu anlo kal a ni maithei, mahse, rei an rial ngailo vang che!! Hetianga i tiha rawn be pawhtu chu chu eng mipawh nise, mahni nihna zahpui, mahni neih aia sanga khawsak tum lerh leh hur, pawisa duh an ni tlangpui!! Ka va chiang tak em!!
Thawkkhat lai khan hetiang lamah hian ka rilru ka pe khawp mai a. ZawlaiDi Chanchinbu- ah pawh keimah vang liau liauvin Zawnglai Huang (matchmaker) siam a nih kha!! Tichuan, ka duhzawng ang kha an lo kal ta tak tak a, ka thiannu ka sawitak anga fel leh tha hi tuna midang pakhat tihloh chu tumah an awmlo!
Nia, hetia ka Mobile No ka han tlangzarh taka khan hmelhriat pawh ka ngah ta sawt a. Tin, an hmel pawh ka hmu tawh hlawm a. Chung zinga thenkhat chu an ngamloh tur pui ti niin ka hria!! Ka sawi awmzia chu, khatia thian tur ka va zawn a, min rawn contact a, kan han inhmuh khan hmel leh zia thliarhrang lo ni a insawi kha a tukah chuan thehhmeh angin an reh vang vang thin a ni.
Thawkkhat lai khan Reiek- ah, a chhas neih vanga Class-X repeat pakhat nen kan inhria a. Lehkha min thawn a, a thlalak nen! Keipawn , lehkha ka thawn ,a ka thlalak nen!! Mahse, a hnuah chuan a reh ta daih a!! Kum hnih vel hnuah kan inhmu leh a, hmuh pawh min hmu ngam lova!! A thlalak atanga ka hriatchian em avangin ka be hmasa ta zawk a nih kha. He thu hi a lo chhiar a nih chuan a inhrechhuak rauh rauh ang chu!! Ka Top Up sak thin lai te kha a hrechhuak ngei ang!!
Tin, Kolasib- ah thian ka nei bawk a. Thlalak kan inthawn tawn a. A hnuah Aizawlah kan inhmu a. Mahse, hmeichhe lerh tak a lo ni e. Republic Vengah pakhat ka chhar bawk a. An Inah ka leng a. Mahse, a thiante min kawm san!! Ka haw daih!! Edenthar- ah inla KTP ve tak mai pakhat chu ka chhar bawk a. A tirah chuan a SMS pawh a thlum thei hle!! Mahse, chanchin ka han hrechiang a, an In ka han luhchilh meuh chuan khawilamah!! Tin, Tuna MZP Pisa pui bul lawkah sawn thian ka chhar tawh bawk a, min hmu ngamlo vel!! Chuan, Khatla- ah pahnih ka chhar tawh bawk. An Inah ka kal ve ve tawh bawk!! Diktak chuan hetianga chanchinbu- a kan hming leh Mobile No kan pek a, kan tih lan a, min rawn bepawh tute hian kan laka an rilru an hlan tak tak ngai lova, thianah pawh an tlak loh!! Kan sum chiah an duh a, chumi atan chuan fawh te mai mai chu…an awlsam lutuk!
Ka thiannu nena kan inhriat atang hian SMS leh Mobile Phone hi a tangkai zawnga hman chuan a hman tangkai theih tih ka hrechiang khawp mai!! Mahse, Mizo Thalai- Tleirawl leh Rawlthar tamzawk hian kan hmang diklo va, tul lova sum khawhral nan leh mi rilru tihnat nan kan hmang mai mai zawk a ni.
Pathian zarah ka SMS Thiannu hi a damchhoh zel a. Zu In mi nilo Pasal tha tak, a fa te tana PA nih tling a la neih ngei ka duhsak a. A puanthui khawlte pawh a lo thatzel a, amah leh a fa te mai bakah, an chhungkua a chawm theihnan ka duhsakna sang ber ka hlan a. Kan damtlan chhung zawng thian kan nih reng theih nan leh, he ka thuziak lo chhiartuten SMS leh Mobile Phone kan lo hmanthiam tawh zawk nan, tiin ka thuziak hi ka tlip mai ang e.
(via: Hmingtea Sailo’s)
Similar Posts:
- Facebook Phonebook kan hman dan hi
- Mobile Phone ka nei ve a
- Statistics versus Reality
- Misual.com mobile version
- I Mobile phone a thi ve dawn em?
April 2nd, 2010 at 2:26 am
SMS hmang tangkai 1st i va nih hmel ve auh!!
USA ah chuan eHarmony.com hmang hian an innei tam tawh khawp mai an tih chu.
Report this comment
April 2nd, 2010 at 2:26 am
I luck bik hle mai a,ithiannu chu keipawhin ka khawngaih vetlat mai.
Report this comment
April 2nd, 2010 at 2:35 am
Kan third ve khiah chu. I ziak sei trha hle mai ka chhiar veks
Hun awl i ngah hmel hle mai ka tlawh chhuak ka leng tih a tam hle mai.Parent paid i hman duh hmel ka ti bawk.
Report this comment
April 2nd, 2010 at 2:44 am
SMS thian à ni! Hmêlmâa chang leh ta vek, atìr phata rinawm àwm anga lang (all great pretenders) in deuhsawh leh viaute vek an ni emaw ka lo ti thung asin! Nanga tak (sms hrat) pawhin i hràt lu’lam hret niin a lang. I luhchhuah kim èm èm mai lehnghàl, vêng inkàrakìk leh hlate khua thleng thlengin!
Mobile-phone in hmang thiam tlâng e—hman thiam lehzual ngaihna pawh in hre dâwn tawh zàwk em ni? Hman loh thiam dàn ngaihtuah zàwk rawh u.
Report this comment
April 2nd, 2010 at 2:57 am
5th ve khiah, ka lucky number, ehemm
haahahaha: hmingtea agreed :lol:
a ziak tupa pawh hi lerh ve tak leh hunawl ngah ve tak rilru kaptu dang em em neilo, nula lawm ve tak anih dawn hi. haahaha
“sms a ka thiante” tilovin “ka sms chhas ka ka hmelchhiat an hmuh hnu a min duh leh talo tute” ti zawk ta se. hehehehehe
ps: kan fiamthu ve ta hluai anih khi.Report this comment
April 2nd, 2010 at 2:59 am
Nanghi nuthlawi zunah ilo uailetder tihna animaw eheu,keipawhin nuthlawi 4 vel chu kazui hlum ve tawhhhhh auh auh he he
Report this comment
April 2nd, 2010 at 3:04 am
Kristian 100% lai tak mai khi…
sob sob waa waa
Report this comment
April 2nd, 2010 at 3:14 am
pu chawnghilha comment #4 khi ka chhiara ka nui kiah kiah. hahahahaha hihihihi.
Report this comment
April 2nd, 2010 at 3:17 am
Zawlaidi May Issue chu lei a ngaih loh hmel ta phawt. :lol:
Ka chhiar chhuah vek vang zawk a nia aw…
Report this comment
April 2nd, 2010 at 3:18 am
A lan dan chuan:-
1)I Hman Lu lai hle mai..
2)Ngaihzawng i mamawh hle..
3)I Luck em em lo tih a chiang,achhan chu maw,an hmu che a an duh lo tlangpui che..Be ve duh chhun lah che chu Nuthlawi a nia I iai ve khang lang a ang,Thian tha i ti jeih..
4)Mi chanchin sawi i hrat hmel..(a chhe lam hawi zawng mah mah in)
5)Lelte Pals tih vel pawh i buaipui duh hmel…
a chunga mi te khi kei misual ngaidan ve mai ani e,chawtak khuk a khuk pui chi ani lauh..Dah mai a…!!!
Report this comment
April 2nd, 2010 at 3:28 am
hahahaha: “top up natur nu leh pate kan la dil zui” tekhi anti ve ringawta amah pawhin midang sms thian tihvel ho kha a topup tir vethova, a nuthlawi hnen atangin 300/- ala in thawntir zui. lol
nu leh pate dil aichuan a cheap ka ti zawk deuh tlat. :lol:
Report this comment
April 2nd, 2010 at 3:30 am
Mobile nei ban phar rawh u ti ila, kan phar vek ang a, top up-a intodelh lo zawng phar rawh u ti ila kan phar leh suau bawk ang : R.Lalngheta
Report this comment
April 2nd, 2010 at 3:35 am
I zaik sei bawk a zan rei hnuah pawh nuihna i ti tam e. mahni chauh a nuina tur i siam thiam e.
han ti ngawt ilang a coment tu te zawk hian min ti hlim phian zawk mai ka ti .An confesssss vek mai dawn che a nih hi i post hma i ngai veng veng mai ang tih a van hlauhawm ve le.
Nuthlawi paid hman ve tur ka duh ve ngei mai.
Nuthlawi kum li i ngaizawnga chu pawh trhian ah i chhuah thei hram a nih hmel .A ni pawh chuan a duh tak tak vak lo che anih hmelhahahahhhaahah
Report this comment
April 2nd, 2010 at 3:39 am
I SMS thian nge, Ka SMS Jokes hian comment dawng tam zawk ang aw? In el ang hmiang. Kei chu 827 a ni tawh a… SMS post theuh theuh :lol:
Report this comment
April 2nd, 2010 at 3:52 am
Nuthlawi SMS i thawn nasa bawk a i blind par par thei tawh ang a…lol
Report this comment
April 2nd, 2010 at 3:56 am
Ka duh in minduh silo,minduhtu kaduh silo(0h.Ka hmusi lo)…Tra la la la.
Aizawl chanchinbu 1 ang in m0bile ph0ne hmang tangkai ber thlang ve ila 120% vel i sc0re. Muah.
Report this comment
April 2nd, 2010 at 6:58 am
Zu (ruih!) vang bawk maw!, i nuthlawi thiante inthen chhan chu. I va inpuang nasa ve, an kap sup sup mai che a lawm le.
Report this comment
April 2nd, 2010 at 7:07 am
Va ti thei bik ve :lol:
Report this comment
April 2nd, 2010 at 7:20 am
Lungleiah va zin rawh!
I inpuan danin SMS thiante zingah Lunglei Nuthlawi chiah hi i la tlawh chhuak lo niin a lang. Ngawi teh, va tlawh leh lo zawk mai rawh…a be duh tawh lo ve palh ang che!
Misual Fiamthu!! :lol:
Report this comment
April 2nd, 2010 at 7:38 am
‘ka thuziak hi ama tan liau liau ka rawn hlan bawk e’ tih ah khian a tawp ta emaw kati hman a..a tar tak tak dawn choh alo nia..’ka sawitawh ang khan’ ti kur zut mai,aninawm lek lek..’SMS Thian’ hi anti fo a..la tih ve chhin tur ani..Dosti lo zawngin a her rem duh fu lo maw?
Report this comment
April 2nd, 2010 at 8:10 am
I va han ler ve le…..i sms chaass te zong2 i tlohchhuak dap2 mai chu nia.i la nei ngai vak lo niang mo a chhan chu i ron ziah dan spirit khi a insoithei spirit ka ti tlat…
Nia sms chu i hmangtangkai khop mai,mahse i thlalak i thon kha chu i inchhir ve deuh thin ang ka ring deuh tlat mai……aaa i luck vak lo a nih don khi hehheh
Midang tumah i soisel theilo,i ron soiselna ki zong2 khi nangman i posses vek….Zawngin a ngumkhak a hmu lova a thiante ngumkhak a nuihzat!!!
Report this comment
April 2nd, 2010 at 8:15 am
Lianhmingthanga Sailo, thian tha tak i chhar a, ka lawmpui che, thian tha hi hmuh fuh an har thin reng ani! I thu ziah a ngaihnawm ka ti a, mi(sual) hovin an kah che hi eng atan mah ngai suh! Ka tan che ania!
Report this comment
April 2nd, 2010 at 8:33 am
Tun hma chuan Penfriend kha an uar a,Penlove te pawh thleng chho a innei ta te pawh an awm an ti.
Report this comment
April 2nd, 2010 at 9:38 am
Tawngtaipui i ngai hle mai he2
Report this comment
April 2nd, 2010 at 10:14 am
hetiang faceless friendship hi chu a…eng ti kawng zawng pawn India ah ka awm chhung hi chuan tumah ka ring thei leus…!!
SMS chass chu i ngaih ve khawpmai a….sms pack om hma ani awm sia..balance chu i dek hek ve dawn anih chu mawle..
Report this comment
April 2nd, 2010 at 12:34 pm
“Ka hmu a, ka be zui lo vang vang” ti hi an tam reng asin. Mihring nun hrechianga hre chhuak tur khawpin tawnhriat i ngah tawh anih hi. Chiang taka kan hriatsa te hi an lo tha ber awm asin le..
I sim phah nge chin zui zel tlak tih te leh i hmuh chhuah te hriat zel a va chakawm ve..
Report this comment
April 2nd, 2010 at 2:48 pm
Nui chhuak silo va ka nuih ruk sen sen chu le!
Report this comment
April 2nd, 2010 at 3:19 pm
He post ka chhiar hian hengte hi ka ngaihtuah mai mai:
1) A post tupa hian hunawl a ngah ve hmel
2) Ka rinaiin nula a ngaihven
3) A ziah danah hian Mipa lam chu a msg ngai loh hmel
4) A ho ang reng ka ti
5) SMS atanga inchhar a in date an tiha min hmu leh duh lo an tih hian a tu emaw zawk chu an rinaiin a lo hmel(…..) vang a ni duh an ti
6) Boruak mai mai lak thutak a hrat ve viau a nih dawn hi ka ti ve mai mai
7) Ka fiamthu ve mai mai
Report this comment
April 2nd, 2010 at 3:27 pm
hahahaa: PLa teho in an hnehsawh thiam lehpek ngawt ang. :lol:
pu chawnghilh coment #4 khi pu PLa sawi nise a inhmeh ngawt ang. :lol:
Report this comment
April 2nd, 2010 at 3:28 pm
lianhmingthang leh…hahahaha, naupang te emaw tih lai che in ilo va dai kim ve maw le, hahahaha. I sawi Lunglei mi hi min hrilh la ka zin tep ka lo biak ang che live in,hahahaha.
Report this comment
April 2nd, 2010 at 3:37 pm
A post tupa hian a mamawh em mai…. i zawn sak ang u, SMS matchmaker huang pawh amah avangin chanchinbu lamah an lo siam a nih si!!
A hrat chu ka ti ve pah reng mai 
Report this comment
April 2nd, 2010 at 3:37 pm
sms tih vel hi a thing leh tawh tlat. Tunlai chu Telepathy lam kan uar thar keini chu
hairehai :lol:
chawnghilh hian muttui laia telepathy hman hi a hrat roh lutuk a, min ti harh ziah
Report this comment
April 2nd, 2010 at 3:42 pm
Zawlaidi hi an editorial a tha thei khawpmai. mahse article ho hi chu, tuna article ang chi khi a tamin ka hria.. article ziaktu an tlachham deuh nge ni..
Report this comment
April 2nd, 2010 at 4:18 pm
@funny, thu tha deuh han thawh tur i nei lo maw, han ziah sak la maw le.
Report this comment
April 2nd, 2010 at 5:02 pm
hahaha: lunglohtui: thu ziak lam hi ka pachhe ve khawpmai, ka chhuan awmloh hle. :lol:
bakah a magazine hi hetiang lam zawnga kalpui ani ve hrim hrimin ka hria, an customer duh ang zawngte level leh rilru tur milin an kalpui ni awm ani.
tunlai business ah chuan a pawimawh tlat customer te rilru leh duhzawng hriat hi..
Report this comment
April 2nd, 2010 at 11:56 pm
I hrat ve hrim hrim anih hi a. Nangmah pawh i rilru a kawi nual ta ve ang. Hetiang mi hi an vang ve reuh lutuk. Nge i Test duh a i ti kual vel pawh hriat va ni suh. Ho em mai a…. I thil lo post hi kei chu a cheap ka ti tlatsssss…
Report this comment
April 3rd, 2010 at 12:00 am
JonBoz, SMS hman tawh loh tur, telepathy a tunlai leh tawh :lol:
Report this comment
April 3rd, 2010 at 3:59 am
“Ka Top Up sak thin”…min lo top-up sak ve teh…:)
Report this comment
April 3rd, 2010 at 5:48 am
kei pawh min lo topup sak tu…. 9085220111 ah hian aw..
Report this comment
April 3rd, 2010 at 9:11 am
mawi ah poiti reng2 suh, tu poh hian kan duhna ah chuan hunawl kan insiam thei veek, i thu ziah hi a nihna ang2 hian min tihlim, ron thoh zel roh
Report this comment
April 4th, 2010 at 1:06 am
Haha..! In top-up sak lai tak chu ka duh berr! Vawikhat mah la hmulo chung pon..! I hrat ve hmel reng..
Report this comment