– R.K.Lalhluna, Padma Shri Awardee (Lit.)
Bible hming phuahtu hi Jerome-a a ni a. A ziakna ṭawng bul aṭanga Latin ṭawnga a lehlin hmingah Greek ṭawng ‘Biblos’ ‘Zial’ tihna chawiin ‘Bible’ a vuah a, tun thleng hian Kristiante Pathian lehkhabu hmingah hman a ni ta a ni.
Bible hi Hebrai ṭawng te, Greek ṭawngte-a ziak a ni a. ‘A ṭawng bul’ an tih ṭhin hi a ni a, thuthlung hlui Hebrai ṭawnga ziak chu Greek ṭawngin mi 70 velin an letling a, chu chu ‘Septuagint’ tih a ni a, ‘Sawmsarih’ tihna a ni.
‘Lehkhaziaktute,’ an tih maite khan Bible ziak chhawn hna an thawk a, papirus phek sei takahte an ziak a, chu chu an zial a, chu an lehkhabu zial chu ‘Scroll’ an vuah a. (Isaia 34:4) Lal Isua hun lai velin savun lehkha hmangin an ziak bawk a, chutianga an ziakna chu ‘parchment’ an vuah a ni. (II Tim 4:13)
Bible ziak chhawn tam tak a awm a, copy dan inang lo deuhte pawh a awm a, chutiang a nih avangin Bible letlingtute chuan Scroll hrang hrang an khaikhin ṭhin a ni.
Greek ṭawnga ziak Bible-te pawh parchment tam tak a awm a, ‘Kutziak bu’ tih a ni a, chungte pawh chu an rawn khawm bawk ṭhinin a dik thei ber tur ang ngaihtuahin hma an la ṭhin a.
Hebrai hawrawpah vowel a changtlun vak loh avangin, thuziak a kawh zawk hriat har takte a awm a, lehlin dan pawh a inang lo nual a ni. ‘Rul thlawk thei’ nia an lehlinte chu ṭhenkhat chuan ‘Chhimbuk’ an ti thung a ni. Isaia 34:15 ‘Chhimbuk’ (Owl) NRSV.
Pathian hming hawrawp pali-a ziak ‘YHWH’ tih pawh lamrik theih a nih loh avangin 1000 AD velah Juda mi thiamte chuan Hebrai vowel siam belhin Pathian hming pawh ‘YAHWEH’ tiha lamrik theihin an dah ta a ni. (AD 1520)
Bible hi copy chhawn a nih hlawm avangin Hebrai Bible leh Septuagint (LXX) an khaikhin fo ṭhin a, chutiangin Bible letlingtute hian hma an la ṭhin a. Kum 1948-ah Kumran pukah Scroll chhar a ni a, chumi hmaa lehlinte chu chumi thlir chungin an ennawn leh a, a kimchang hlel-a an hriatte chu an tiphuisui leh ta a ni. Authorised Version te hi chumi hma a mi a ni a, tuna lehlin tharte hi Kumran Scroll ena tih a ni ta hlawm a ni.
Bible hi kum tam tak chhunga mi hrang hrangin hun hran hrana an ziak a niin an ziak hun lai mite nun (background) pawh a inang lova, thulaknate pawh a inang lova, thu thuhmun an sawi thumalte a inang lo nual a, chuvangin a inrualkhai lo nual a ni. II Samuela 24:9 Israel sipai nuai nga, I Chronicle 21:5 Maktaduai khat leh nuai khat a ni thung a. Tichuan II Samuela-a Israel sipai zat an ziak leh I Chronicle 21:5 a mi chu a intam hleih a ni.
Lal Isua thawhleha Angel inlar zat Matthai-an pakhat a ti a. (Matt 28:2) Luka’n pahnihin a tarlang thung a. (Lk 24:4) Chutiangin Bible ziaktute hian thil thuhmun ziak dan inang lo deuhva ziak an neih avangin ziak sual (Lipographa) emaw, thulakna (Source) inang lo a awm ṭhin a ni. Tuipui Sen (Red Sea) pawh Hebrai Bible-ah chuan ‘Yam Suph’ ‘Phairuang tuipui’ (Reed Sea) tih a ni a. Septuagint-ah chuan ‘Eruthran thalassa, (Red Sea) ‘Tuipui Sen’ tih a ni thung a ni. (Ex 10:19)
Chutiang chuan inang lo a awm nual avangin Bible-a thumal tinte Pathianin a hrilhin a ziaktir si se-in a thawkkhum vek lo a ni. Thawkkhum vek nise a inang vek tur a ni. Paulan Timothe-a hnenah, “Lehkha thu tin hi Pathian thawkkhum (theopneustos),” a ti a. Heta Lehkha thu ‘graphe’ a tih hi thuthlung hlui ni berin a lang a, thuthlung thar hi ziakin a la awm hman rih lova, lakkhawm a la ni rih lo a ni.
A enga pawh chu ni ta se, Bible-a thute inmil lo a awm nual avangin thumal tin leh sentence tinte hi Pathian thawkkhum vek anga sawi theih a ni chuang lo va.
Bible hi background hrang hranga ziak a ni a. Hebrai, Greek, Rom, Babulon, Medo-Persia hun laia ziakte an ni a, an ziak hun laia thilte a inang lo hlawm bawk a ni.
Tichuan, Bible-a thumal tinte inang lo hlawm mahse an thuchah (message) chu a inang vek a ni. History te, hlate, prose-te, hrilhlawknate an ni hlawm a. Anmahni-ah ṭheuh nunna thu a awmin thu nung an ni hlawm a ni. Chuvangin Mizoṭawnga lehlin dan pawh a inang kher lovang. A thuchah erawh chu a inang vekin Pathian thu (Word of God) a ni vek a ni.
Bible chuan, Israel-te khan Tuipui Sen, Baal Zephon bula inkulha kan ta-in a sawi a. (Ex 14:2) Map-a en chuan helai hmunah hian Tuipui Sen a luang hauh lo mai a, heng thilahte hian kan buai tur a ni lova. Tuipui Sen an kan leh kan loh thu aiin Israel-te Pathianin Aigupta ram atangin Kanaan ramah a hruai thleng tih hi a pawimawh zawka chu a ni. Map hi han thlir teh.
Reverend Chuauṭhuama leh Pu PC.Biaksiama thu inchuhte hi mipui tihbuaina mai mai a ni a. Dr. Luka’n, “Chu chu Kurinia Suria ram awptu a nih laia chhiarpui hmasaber a ni,” tih thu an khelte hi; nise, ni suh se Luka bung hniha a thuchah (message) a tibuai chuang lo.
Rom Sawrkar-in chhiarpui (Census) a neih laiin Isua a piang a ni tih hi a thuchah pawimawh chu a ni mai a ni.
Pu K.Lalreia chuan amah ngatin Bible pumpui hi a letling zo vek a, Pu Chuauṭhuama leh Pu Biaksiama inhnialna kara tlazepin Luka 2:2 thu “Aute apographe prote egenetaw hegemoneuontos tes surias Kureniou,” tih chu “Kurinia Suria ram awptu a nih hmain chhiarpui hmasaber chu neih a ni a,” tiha lehlin theih tho niin a sawi ve mauh mai!
English Bible 2001-a lehlin English Standard Version-ah chuan helai thu hi hetiang hian dah a ni a, “This was the first registration when Quirinius was Governor of Syria,” “Kurinia Suria ram awptu a nih laia chhiarpui hmasaber a ni,” a ti tho mai!
English Bible lehlinah pawh chutianga dah a nih tho avang chuan a ṭawng bul chu an tidanglam chuang lo va. Dr.Luka’n a hriat danin a ziak a ni ve mai a, lo dik lo palh pawh nise Pathian thu-in a tum ber chu Isua pian thu tarlan hi a ni mai.
Chuvangin Lal Isua thihna leh thawhlehna leh a lo kal lehna thu te, Pathian fapa a nihna leh Messia a nihna sawichhiatna nasa tak a lo awm tak avangin, Apologetic theology (defend theology) Pathian thu humhalh tlattu theology a rawn piang a, Pathian thu humhalh a dik rualin a pawng a taka ‘a ni ang e’ tih ang zawnga ṭan khawh vak pawh a dik chuang lo.
Bible hian chin leh chhui a dawl a, thuthlung hluia hrilhlawkna kum ang chiah chiahin thil a thleng kher lo tih Historian-ten an sawi ṭhin reng a ni.
Judate kha kum 70 Babulon sala tang tur anga sawi a ni a. (Jer 25:11) Mahse, Historian-te chuan BC. 586-ah Babulon lalin Judate salah a hruai a. BC 538-ah Kuran sal tang a chhuah niin an hria a. Tichuan kum 70 chiah ni lovin kum 49 (Hapta sarih) ni zawk mahin a lang a ni. (586–538+1 = 49)
Tichuan, Pathian thute hi Pathian ziak te, (Ex 34:1) ‘Ziak rawh’ a tih avanga ziak te, (Thup 1:11) miin ziak an tuma an ziakte a ni bawk a ni. (TT 1:1-3)
Chuvangin Pathianin a thawkkhum chu thu mal te te ni kher lovin a thuchahte hi a ni e. Hetianga kan pawm hian Bible hlutzia leh ropuiziate hi kan hmu chho zel zawk dawn a, a hahdam zawk bawk a ni.
Dr. Billy Grahama’n, “Bible-in a ti (The Bible says)” a ti ṭhin a, Pathian thu har hi a chelek ngai lova, thu mawl leh chiang leh fiah hi a hmang ṭhin a ni.
Biblicist ni lovin, Biblicalist nih tum zawk ila, Balanced Theology hi i ngaipawimawh ang u. “Pathian thu kan chhiar lai hian kan thinlung chu a thu-in kan tikhat a, Pathanin kan hnenah thu a sawi a lo ni,” – Billy Graham.
Thu har hrilhfiahna :
1. Yam Suph : Hebrai Bible-ah ‘Phairuang tuipui’ tihna.
2. Eruthran thalassa : Septuagint (LXX) Tuipui Sen tihna
3. YHWH : Hebrai hawrawp pali-a Pathian hming ziak, a kara vowel awm lo an lamrik theih loh (Tetragramaton) a ni.
4. YAHWEH : Hawrawp pali-a Pathian hming an ziak karah AD 1520-ah Galatinus-a thurawnin vowels (Adonai vowels) zeh a ni a. YAHWEH tiha lamrik theih a ni ta a ni. Sam 68:4 Mizo Version lehlin hluiah ‘JA’ Hebrai Bible-ah ‘YAH’
5. Biblicist : Bible ziak a nih anga pawmtute.
6. Biblicalist : Bible inbuk tawka latute.
7. Apologetict theology : Pathian thu humhalha zirtirna
8. Protos : Greek ṭawng, hmasa, hma tihna. e.g. Protos kai telos – Alpha leh Omega, a bul leh a tawp.
9. Jerome : Latin ṭawnga Bible pumpui letlingtu.
10. Scroll : Lehkhabu zial, papirus (Phairuang)-a siam lehkha emaw savuna siam sei tak, a ziala zial.
11. Parchment : Savun lehkha
12. Graphe : Greek ṭawng a ni a, ‘thu ziak’ tihna
NB : Pu RK Lalhluna nen hian kan inkawm ngeih phian a. Mi(sual)-a kan inkawmho dan te hi ka hrilh ṭhin. Chak ve hle mahse kum lama a upat tawh avangin a tel zuam ve tawh si lo. A article thar hi Misual ho hnen atanga Feed back a hmuh ve chak avangin Post ve turin min ti a, ka han Post sak a ni e. Heti lama tui miten han sawi zui sak teh u. Comment ho hi ka lo print sak ve leh ange..
Tin, @Diktea_pa zarah ṭ dan thar ka hria a, ka lawm hle. Amahin chiangkuang deuhvin a la rawn zirtir dawn che u nia. (He post-ah hi chuan ṭ chungchang chu sawi awi loh)
Similar Posts:
- THLAPHANG AU NGE HNEHNA HLADO ?
- Sunday Pual – Numbers 4:6-a “Savûn țha mi” a tih hi “Eng Vûn Nge?
- Ka hmangaih ber kan Bible
- Kristian Chi 2 Te {Sunday Pual}
- Ropuite Vs Ropuina-te
April 4th, 2010 at 8:27 pm
@bmw : Holy Bible hi Synod Publication a awm ngai lo. :roll:
Report this comment
April 4th, 2010 at 8:28 pm
@chawnghilh,synod press a an chhut ti zawk ila dik em? A chhungthu hi ka chhiar ve nuah nuah a, a letling tu, publish tu tih vel ka lo ngaihtuah ngai lo reng reng.
Report this comment
April 4th, 2010 at 8:31 pm
Synod Press-ah Bible an chhu bawk ngai lo, Phairamah leh Foreign-ah an chhu thin, Bible Society of India kutkawih a ni thung alawm!
Tun hma deuhva Pulpit Bible kha Synod Press kutchhuak a nih leh nih loh erawh chu ka chiang lo, kha Pulpit Bible kha ka chang ve lo va, ka duh teh reng nen!
Report this comment
April 4th, 2010 at 8:33 pm
@chawnghilh, awi ka van hre lo ve le!! lol Bible leh hlabu te hi ka lei ngai lo..ka pa in synod bookroom a mi a lei a, min pe mai thrin a..synod press a chhut emaw ka lo ti mai si. Ka ignorant zia ka ron in pho lang ringawt a lawm le!!
Well, kan knowledge zauna lam a in ang lo hlawm i ti tawh mai ang 
Report this comment
April 4th, 2010 at 8:40 pm
:oops: ha ha ha, I think I like you!
Report this comment
April 4th, 2010 at 8:43 pm
..and why are you blushing?
Keimah zawk hi thil ka hre lo lutuk a, zak a blush sen trawn² tur zawk ka nia lawm!
Report this comment
April 4th, 2010 at 8:46 pm
Ka blush lo, HMEL awmze DANGLAMNA TLANG-ah ka lawn a nih khi! “Hei hi ka Fapa duhtak … Ama thu ngai rawh u …” tih rik dum dumna kiangah khan Juda-te ngaihsan Mosia leh Elija an lang ding zum zul mai!
Pathian hi chuan a Fapa hi chu Mosia leh Elija ai pawhin a dah lian ve hle a ni!
Report this comment
April 4th, 2010 at 9:04 pm
einch, bmw leh chawnghilh chu(h)!!
Enge a thupui kha(h)?
Report this comment
April 4th, 2010 at 9:14 pm
Heih Kanidar, over suh!
Report this comment
April 4th, 2010 at 9:18 pm
@Pu Chawnghilh
@Bmw khian ka zak a tih khian ka ang che tiin i chhanglet a maw a ti a mi, a khawilaiah khian nge i blush na ka hmu lo. A buai hle anih khi, khitiang tur te chu @bmw edit jeih awm!
Report this comment
April 4th, 2010 at 9:23 pm
@rugga, BMW an tia lawm!! edit jeih ngai hlei nem…ka nih ang ang a lan hi ka zak hauh hlei nem
Ka hriat thil hre lo an tam ve thova e..khawvel ah hian mitin hian bo huih na topic chu kan nei vek!!!
tin, comment # 55 a chawnghilh a ‘smiley’ khi han en chiang teh…’blush smiley’ a nih khi. I lo hre ve ngai na nge?
Report this comment
April 4th, 2010 at 9:30 pm
Anih khi ama(?) blush lai hmel
Kei chu misual a ka luh tirh hian edit ala awm si lova password thlakdan te kha ka thiam lo a, ka thiam hnu khan ka jak leh si a ka hming khi ka thlak ta daih a, register na apiangah ka hmang ta alawm.
Report this comment
April 4th, 2010 at 9:34 pm
chawnghilh, Krista Lalram he leia dintur chungchang i sawi hi ‘in tan hmun ka siam chuan ka lo kir leh anga, ka hnenah ka la ang che u’ a tih nen hian a inremlo deuh em aw ka ti. Min han hrilhfiah teh a.
Report this comment
April 4th, 2010 at 9:37 pm
Inhnial vak vak loh tur, in mawl zia intilang.lolz. Ka ti mai mai nih kha.
Report this comment
April 4th, 2010 at 9:40 pm
@pimpom, i ti dik..keipawh ka chhaw zia ka hai lan kuau khi! Tih chi loh tak a ni…mahse ka edit duh bik thrak lo! Nih ang ang a lan ngam tur.
Report this comment
April 4th, 2010 at 9:41 pm
Bible hi a ziak ang anga pawm mai chuan a dik berin ka hrelo a, mihlim tawng takin a ziak phen ami te pawh hmuh tel ve a ngai ang.
Report this comment
April 4th, 2010 at 9:45 pm
@blackmagicwoman: Mahni nihna lanchhuah tir uka zahpui leh si ho hi chu, mi ropui tak pawh nise, ka ngai ropui ngailo.
Report this comment
April 4th, 2010 at 9:52 pm
Het @pimpom nula in a i chetchhiatna ka sia nia aw, jak leh si nge, mhs, poi lo kha chu i nihna a ni tlat lo, bmc khi tan riau mai, pasal nei lai ni maithei nia aw..he..he…
Report this comment
April 4th, 2010 at 10:08 pm
Ruga: Pasal nei pawh hi han chang han chang phawt mai ila, kan la chang chhuak mai tur asin..ha..ha.. :lol:
Zanin zawng mut a chhuak mawh hle mai ka ti, ilo la meng ve ni maw? Nula rimna lam chu sawi chi loh nia.ha..ha..
Report this comment
April 4th, 2010 at 10:20 pm
@pimpom Thupui pel dawr a men chang hi awm ve thin nih hi a… Tidaih ila DVD leh a ROM hi an siamfuh chiah lo a ninawm tak a ni, blue lens, lightscribe tih vel te hi fuh chiahlo ni…
@~woman tak taka ka’n fiam zauh na chhan che chu computer hma a thut ngut ngut hian kan bing mup thei ane kan tih fo hi min rawn thlawp ve ang e maw ka’n tih mai mai vang ania. Tunhmain santana hi ka ngaithla fothin asin.
Report this comment
April 4th, 2010 at 10:31 pm
@Ruga: Ka hriat zawng ani leh ta peklo, hriat veloh thu eng eng emaw hi min barh reng mai. A sikhraib chu a kawi a niang. :lol:
Report this comment
April 4th, 2010 at 11:28 pm
Pu keimah leh Pu Chawnghilh te ka thlawp e.
Bible pumpui hi Pathian thawk khum, a original manuscript ah tihsual awmlo a ni tih hi ka pawm. Bible original author ten an tisual ti zarh zarh ngam khawpa inti fing mithiam emaw theologian te hi belhchian tlak an vang khop mai. Bible a ngial a ngana pawmtute hian Bible ziak thumal ang ang hian an pawm tihna a ni kher lo tih hriat a tha khawp mai. Bible a inziak, a thu zirtir leh sawi a tum te hi anih ang ang in an pawma, thu inkalh lai an zawng an zawng velo a, thu inkalh ni a langte leh hriatfiah harsa awmte avang hian Bible in a tisual an ti lo a, Thlarau Thianghlim zirtirna ngaichangin dawhthei takin an nghak mai thin a ni. Entirna pakhat tarlang ila: Bible a Pathian ka atanga mei chuan misual a kanghlum tih te hi Pathian khan dragon angin mei alh a thaw chhuak tihna ah an ngai kherlo a, a rorelna thuchhuak sawina ah an pawm mai zawk a ni.
Bible thu zawng2 hi thawk khum anilo ti a, a thuchah chauh hi thawk khum titu te hian Bible historical narrative leh geographical narrative te hi a spiritual narrative nen inkungkaih tlat, thenhran theih miahlo anni tih hi an hre lo emaw ni! A thuchah chauh pawma thildang hnawl theih ani lo. Chronicles bu vela nambar inmil chiah lo Bible translationa an tam avang hian Bible original rendering ah tihsual a awm tihna a nilova, thawk khum anni lo tihna pawh a nilo. King James ah khan tiang kha a tam em em a, an manuscript hman ‘textus receptus’ hnu khan manuscript tam tak an hmuh belh leh tawh a, chungte chu compare in tunah chuan heng nambar diklo te pawh hi an tidik chho mek a ni. Bible thu har tam takte vang hian tihsual a awm tihna a ni heklo.. vantirhkoh zat te, ramhuai zat te, mithianghlim tholeh khawpuia vei huai huai te ang hi sawifiah harsa mahse, Bible thawk khum anihna leh diklo theilo anihna a bo phah lo. Inti fing lutuk lo hian kan hrethiam lo ti ve mai sela a finthlak zawk.
Pu R.K.Lalhluna hian Judate Babulon sal tan chhung hi chu amah zawk hian a tisual anih hi.. Bible nilovin. 586 BC kha an sal tan tran kum nilovin Jerusalem Temple chhiat kum zawk a ni. Chawnghilh sawi ang hian hemi hma 605-607 BC vel daih khan Babulon Lal khan salah a hruai tran tawh. Kan pu in Paula’n Thawkkhum a tih hi thuthlung hlui a sawina nia a sawi pawh hi a nuihzat thlak lek lek zawk a ni. Zawlnei te hmanga a thu sawi mah a thawkkhum chuan, Fapa meuh hmanga a puan tawh chu a va thawkkhum nasa lehzual dawn em ! Padma Shri awardee ve meuh tan chuan man thiam a harsat awm loh vei nen.. Thuthlung Thar thawkkhum anihna sawi nawi talh kan tum anih ngawt loh chuan.
Bible hi a thenlai chauh pawma a then hnawl chi a nilo ang bawk hian, thawk khum anihna pawh hi a thenlai thawk khum, a then thawk khum loh a nilo.
Billy Graham a rawn quote a, Grahama aia ropui thiau ka’n quote ve anga, Bible an ngaihdan hi a chhinchhiah tlak khawp mai:
1) Bible ah hian thudiklo pakhat pawh a awm a nih chuan, thutak Pathian hnen atanga chhuak a ni lovang — John Wesley
(2) Bible ziaktute kha tihsual lakah an fihlim chiang bal tih ka pawm — Augustine
(3) Kohhran pa te meuh pawh khan mihring an nih avangin an tisual/hresual ve fova, chuvangin tisual ve ngailo Bible nena an thu a inrem chauhin anni ho kha chu ka ring ngam — Martin Luther
(4) Pathian Lehkha Thu zawng zawng hi Pathian thawk khuma pek a ni (a thenlai a ti lo) — Paula
(5) Thu hrilh lawk reng reng hi mihring thua chhuak a ni ngai si lo a, miten Thlarau Thianghlim tirhin Pathian hnen ata an sawi zawk thin a ni – Petera
(6) A tawp ber leh a pawimawh ber chu a thu neitu Amah Isua Krista khan engtin nge Bible hi a ngaih ilo thlir teh ang. Tunlai mi thenkhat ang deuh in Sadukaite khan Bible a thu inziak chungchangah Isua an chhuahchhala; ‘Bible ah mi nupui neilova a thih chuan a unaupa in a nupui chu neiin chi a thlahsak tur ani tih ani a, thawhlehna a awm dawn tih ani leh bawk a, thawhlehna ah chuan tu nupui ber nge ni ta ang? Bible bawk hian pasal pakhat chauh neih a phal si a, Uire suh tih te pawh a awm si a.. A VA INKALH NEIH NUAIH VE!’ an ti a ni bera.. Isua khan engtin nge a chhan ? Umm… Bible hian a lo tisual deuh anih hi a ti hauh lo. “Pathian Lehkha Thu leh Pathian thiltihtheihna inhriat loh avangin in ngai/kal sual thin a ni” tiin a zilh anih kha. Kan hrethiam em ? “Nangni inti fing ve em em te u.. Bible hian a tisual lova, nangni zeh zuah khan Bible in zirchiang peih lova in tisual zawk a ni” a tihna ah kan pawm thei em ?
PS: Dr. Luka’n a tihsual leh sual loh chungchang ah chuan Thuthlung Thar manuscript a kim thlapa awmchhun leh hlui ber Codex Sinaiticus a Greek syntax hi zir tham fe a tling. A translate dan dik ve ve 2 a awm a..Pakhat chu K. Lalreia translate dan ang hi a ni. Koine Greek hi dead language a ni tawh bawk si a, a hnial chak chak a ni deuh ber tawh mai. Heti chung hian Luka’n a tisual kan la ti zarh zarh ngam anih chuan mahni thu ni sela.
Report this comment
April 5th, 2010 at 10:48 am
Kei chu Tirhkoh Paula Theology te hi eng hehu ah vak mah ka ngai lo; a thente chu nun kaihruaitu atan a tha tih ka hre tho nachungin. Matthai-a Bung 5 hi ka duh ber.
Report this comment
April 5th, 2010 at 3:15 pm
Khawvel thil taka hriatna hi a awm thei a, zir finna atangin tam tak neih theih a ni bawk. Tin, Pathian Thlarau hruaia awm ten Thlarau hriat fiahtirna an dawng bawk. Kan mizo hla phuahtu hmasate khan Pathian thu an lo man chiang hle niin ka hre thin.
Report this comment
April 5th, 2010 at 3:26 pm
Mithiam tak tak, thil ching pawr peih deuh te an awm zel a. Joba lehkhabu te pawh hi awih lo lek lek te pawh an awm a ni awm e. Tin, Estheri bu, Bible-a telh a ni ringawt te pawh mak ti an awm.
Kan sakramen chan thin a, Isuan, “Mi hriatreng nan ti thin rawh u…” tia kan lo hriat te pawh ‘ti thin’ tih hi a awm lo va, thahnemngaih thuah translation lam tihsual palh a ni ang ti an awm bawk.
Thawkkhum chungchangah pawh Mithiamte zingah ngaihdan inpersan tak a awm a, Ruatlawk chungchangah pawh chuti tho. Chin pawr theih takte pawh a ni ta ve ang. Jona nghapuiin a dawlh chungchang te, Nova lawng tuk leh ran rual nu leh pa a khungkhawmna lawng (area/ dimension) in mil thei lova an hriat dan te pawh a awm thei awm e.
Report this comment
April 5th, 2010 at 4:57 pm
@shabito #73, I va duh tawk tlem angreng ve!
@chawnghilh, i email-ah chuan ka la rawn contact ngei ang che. I thil min present tur pawh chu hmuh hlan ka va nghakhlel em!
Report this comment
April 10th, 2010 at 9:41 pm
Net chiangkuan loh avangin kar khat dawn ka misual thei lo va, comment ngaihnawm tak tak in rawn thawh hlawm a, a lawmawm e. Amah Pu R.K.Lalhluna chhiar ve turin ka’n buatsaih sak ange.
Report this comment