Sikul luh a hnai a, kan fa te luh na tur buaipuiin an head teacher te emaw kan han be tan a, fee te engzat nge, uniform leh thil dang te hriat tur pawimawh a tam thei hle.
America lamah daih daih hian fa te sikul luhna tur hi ka la buaipui ang tih kum 10 hmalam kha chuan ka ngaihtuah em em ngai loh a ni nangin, tunah chuan kan phe ta vat vat mai zawng a nih hi; tum chuan kawng hi a lo awm zel mai bawk a!
Awle, helam sikul an enkawl dan leh kalphung hi a danglamin a tha ka ti em em mai a, ka hriat zinga tlemte ka han tarlang dawn a ni. Sikul ah hian a hranpa in fee pek hi angai tawh lo phawt mai. Hei hi a chhan chu phalna nei a hnathawk (legal worker/employee) te tax pek khan a tum vek a ni. Tax hi Federal (India rama central ang hi) Tax, State Income Tax, Medicare leh pension hun a mi tur, Social Security Tax te hlawh lak apianga pek a niin, chung chuan zirtirtu te hlawh, sawrkar hnathawk hlawh hrim hrim hi a tum vek bakah, naupang sikul kalna fee tur leh lehkhabu man leh ram chhung/tual chhung enkawlna a tum bawk a ni.
Admission kan dil hma hian kan dil dawn a kan neih sa tur tlar thui tak inziahna chu min sem theuh a. Naupang sikul luh tir kan tum a dental record, ei chi ah huat a nei em (allergy), medical record te thlengin neih vek angaih avangin dentist leh doctor dang chi hnih kan hmuh angai phawt.
Sikul ah fee a awmlo kan ti nangin an chaw ei tur man hi chhungte thawhchhuah zat a zirin chawi a awmlo theiin, Naia 40 (40 Cents) atanga Cheng 3 ($3.00) emaw a aia sang te pawh nitin chawi angai thei thung. Chaw hi in atangin pai tir an ni lo a, sikul ah hian an sem mai thin a, hei hi allergy an nei em tih an hriat duh chhan pakhat a ni bawk.
Pre-School hi an bul tanna a nih avangin sawi zawm ta zel ila. Sikul hi August thla ah an tan thin a, chumi kum a lut tur chuan naupang khan September thla ral hma ngeiin kum 4 a tling ngei tur a ni a, October ni 1 ah pawh piang se an luh tir ngailo, dan angin a kumleh nghah angai thin. Class room ah hian chhuat ah an thu tlangpui a(hei hi tha ka ti,naupang chu a ngai renga awm an harsat thin hi), A,B,C an zirtir hnu hian nitin thil dang an zirtir bakah, hawrawp pakhat atangin thumal hrang hrang an zirtir thin; nitin hawrawp dang zel hmangin.
Tichuan, computer room an nei ve ran a, an hming chhut dan atangin an zir tan bawk. Naupang an ni a, tih tauh ngut ngut leh lungawi lohna ngah an nih theih fo thin avangin thinrim hrikthlak na room (ti mai ang) an nei a, tah chuan an thinrim a reh hma/an lungawi hma chu an va thu vang thin a, an thinrim a reh hnu ah an zirtirtu hrilhin an thiante an fin leh ta thin a ni. An bathroom hi a lawmawm ka ti hranpa riau mai bawk, an mahni ban phak tur khan hniam te te hian “hmai phiahna chawhtawlh/Maihun” leh ekin thutna (toiletbowl) hi a awm fer reuh a, an lawmawm fir fer khawp mai. Sikul an tan hma hian pawnah an tei harh pui thin a infiamna hun te pe in, chhun ah mut huan an siam thin bawk.
NB: Public sikul ka han sawi, naupang tam zawk luhna a nih avangin.
Similar Posts:
- Kan Sikul
- Ramhlun Primary Sikul-II (Pu Kaia sikul)
- Kan Sikul kha..
- Zirna sikul hi
- Kan sikul ve kha aw!
April 21st, 2010 at 8:29 pm
comment phawt chuan ka chhiar ang
Report this comment
April 21st, 2010 at 8:29 pm
Kan sikulah chuan keini chu chithak kan keng/pai thin :lol:
Report this comment
April 21st, 2010 at 8:39 pm
Khalam leh helam chu kan inang lo deuh a nih hi mole :lol:
Report this comment
April 21st, 2010 at 8:43 pm
Naupang te easy taka an awm theihna tur hi an ngaihtuah peih khawp mai.
Report this comment
April 21st, 2010 at 8:51 pm
Pu Hv, naupang eg class 1,2 tih vel homework tam tak tak pek hi kha lamah khan an ti ve em le?
Report this comment
April 21st, 2010 at 8:55 pm
awmawmpui, Home work hi Azl aiin an ngah zawk ngeiin ka hria. Naupang bag te hi a rit thei teh mai ania.
Report this comment
April 21st, 2010 at 9:01 pm
Nurseryte hi pass ngei2 turin kan ngai tawp nge an fail thei ve tho? Engnge in ngaidan?
Report this comment
April 21st, 2010 at 9:13 pm
HV, ila ziah belh thei em ? A bengvar thlak dawn lutuk…
Report this comment
April 21st, 2010 at 9:14 pm
sdzote, pre-school atanga zirtirna pangai a sikul kal leh, rilru lamah kim lohna an nei a nih loh chuan naupang te hi pass ngei tura ngaih an ni, kindergarten (KG) mai a nilo.
Mahse, KG anga fail hram pawh an awm tho a nih hmel, heihi chu nu leh pa te thiam loh anih ka ring.
Report this comment
April 21st, 2010 at 9:17 pm
Correction: “hmai phiahna chawhtawlh/Maihun” tih khi, hmai phihna tih tur a ni a tin, “chhun ah mut huan an siam thin bawk.” tih khi, ” chhunah mut hun an siam thin tih zawk tur a ni e. Apology
Report this comment
April 21st, 2010 at 9:27 pm
Sikul – II han ti leh law law teh!
Report this comment
April 21st, 2010 at 9:35 pm
A bengvar thlak e. henglaia ‘Grace mark’ kan tih ang chi hi an hmang ve em?
Report this comment
April 21st, 2010 at 9:42 pm
Pu Hv, chutia HW an ngah viau te chuan naupang tan ava rit awm ve. All work and no play makes Jack a dull boy tih kha an hre ve lo emaw ni le. :lol:
Report this comment
April 21st, 2010 at 9:46 pm
PimPom, ka van hre chiah lo ve mawle mahse, school ah zitirtu in a zirtir a, in lamah chhungten. Chutianga zirtir an nih hnu chuan rilru lam dik lohna neilo an nih ngawt loh chuan pass pangai a pass awm tak ka ti.
Rilru lama rual ban vaklo/enkawl ngai zual te hi chu students with special needs tiin, an sikul a hranpa in a awm leh lawi si.
Report this comment
April 21st, 2010 at 9:46 pm
Nia, Sikul-Ii awm thei se
Report this comment
April 21st, 2010 at 9:47 pm
awmawmpuia, engkim a hun bi thlap in an duan sak vek alawm, a tlachawp a ni ve lo
hairehai tlachawp a nun hian hunin min daih lo mai thin. Naupang lek phei chu an ngai pawimawh tih a chian zia chu infiamna hrang2 an duang chhuak hnem em hi. Mizoram lama naupang infiamna kan hriat te pawh helam copy an ni hlawm in ka hria.
https://www.udel.edu/bateman/acei/playpaper.htm
Report this comment
April 21st, 2010 at 9:47 pm
a va han tha em. Arnold emaw kha an teacher ni ngei bawk se :lol:
Report this comment
April 21st, 2010 at 10:01 pm
HV an homework chu a ziah/learn byheart lam nge a tih a tih eg Lehkha emaw a lawnglem/basket etc siam ?
An zirdan sim2 hi eng method nge anhman le? Helam a Sava thil vawn vak2 hi thlakna tur thrate a awmlo maw?
Report this comment
April 21st, 2010 at 10:13 pm
USA te chu changkang lo chi an lo ni hlei nem. Pre-school naupang ho pawn English zu thiam vek a!
Report this comment
April 21st, 2010 at 10:20 pm
Je Lo, An inzirtir dan hi a tha ka ti khawp mai. Kindergarten lam min zawt nge chu ka hre lova entirna tlem in kan chhang dawn chhin ang che.
Sikul ah zirtirtu in an zirlai kha uluk takin a sawifiah anga, chutia a sawifiah hrep hnu chuan an zir mek mil chuan lehkha ah zawhna emaw a siam sak ang. Chumi an chhanna theuh te chu zirlai te khan in sem kual in an in check sak ta thin a. Ti diklo an tam chuan an hriat thiam theih awlsam dan tur berin a hrilhfiah leh anga, chuti chuan an thiam hma chuan an zirtir thin. An thiam har lai ang te kha zirtirtu in chhinchhiah in class neih leh ah a ennawn pui thin bawk.
A lian deuh lamah chuan minute sawm vel emaw class period zawh hma in “Brain pop” an tih mai te hi an neih pui zawk thin bawk, chu chu true or false ang zawhna hi a ni a, GK a ni tlangpui. Tin, News paper te an chhiar tir chang a awm a, chumi atang chuan enge pawimawh an tih te an zawt leh thin.
Tichuan, chhuna an zir zulzui khan homework chu an pe thin, zawhna an pe a in lama an chhan tur etc, “byheart” kan tih ang chi hi an tih ngai pawh ka hre lo; kei a zirlai angah phei hi chuan hriat chian angai tawp a ni mai. Thla khatah hian test hi vawi2-3 te an nei thin.
Hei hi Edu’ US an system tlangpui:
https://en.wikipedia.org/wiki/E.....ted_States
Report this comment
April 21st, 2010 at 11:11 pm
Helam nen an naupang enkawl dan a in zul hmel in ka hria.1st step ah chuan daycare ah thla 3 to kum 3 Tah hian fee pek a ngai nu in hna a thawh chuan 70%vel consesion tin social welfare kal tlangin a ai a hniam in.A tlangpui in a te zual hi tlem in a fee a sang deuh.Hetiang nu te hnathawk ho hian NIS500to 600 an chawi kei chuan300 pm.
Pre school ah chuan kum3 achin kum nga la kai lo zawng .Chumi chungah chuan kum5 kai chin .Kum 6 kai chin chu school tak tak ah.Heng pre school ah hian chawi em em a awm loinsuarance leh party vel a hman tur a vai in kum khat ah 100 nitin ei tur an dawng .Bakah eng eng emaw hun pui ah an dawng in an hawn tir trhin.Heng ang ah hian chi hnih in an thlen phawk Sakhuami leh sakhuamilo a enkawl .
Report this comment
April 21st, 2010 at 11:14 pm
H.V-a thil rawn post chu hmanlai thil min ti hre chhuak! US lampang hi chu ka hre vak law! Kan teber School a luh tan khan, kan ngaihtuah rilru khawp mai a. Mahse, a nuam em? kan han ti hi a nui sen sen thin a. “ka thiam loh pauh leh, VERY GOOD ka hmu tam” a tia,…! tawng hre lem lo pawh khan school kal hi a phur em em mai zel a. An inenkawl dan hi a lo va han tha tak e aw ka ti thin! Mahse, a sawi ka la hriat reng chu “Why” a tam lutuk a, ka ning….a tih kha! Why? Why? tih hi a tam duh khawp mai UK Education System ah hi chuan! naupan lai atang Why? hi an lo hmelhriat vang hian creative idea an nei tha bawk. Tunah chuan kan te ber pawh nupui neih a ngen ve thar thar tawh mai.
Report this comment
April 21st, 2010 at 11:23 pm
Jaspi, An thil zirtir dan hi an chiang thei ngawt mai, naupang ho lah in an chik bawk.
Report this comment
April 21st, 2010 at 11:46 pm
HV chu i va ti bengvar thlak ve! mahse keini hrai chawi tur la nei lo tan chuan tui a har rih deuh…
Report this comment
April 22nd, 2010 at 12:07 am
I rawn sawi lan hi Public School a nih chuan… Fee leh lunch chungchangah chuan kan in an hmel in ka hria,,, Mizoram Public School ah hian fee an chawi lem lo a, tin, SSA lam hian lehkhabu leh Lunch chu an tih ve hi maw… Amaherawhchu, Khati lamah chu kan tluk lo fe chuan ka ring, Kan SSA te hian an thiltum chu tha viau mahse a tihhlawhtlin dan kawngah a duhthusam lo thin hle niin a lang, abikin a chunga ka han tarlan lehkhabu sem leh Lunch chungchang ah hian.
Report this comment
April 22nd, 2010 at 12:29 am
Mulukawlh, Fees chu thuhran ni ta sela, zirtir lam hi public sikul ah hian an uluk ve em, mi tam zawk in public sikul hi fate luhna tlakah kan ngai em? Nu leh pa ten an fa te luh na tlakah sikul te hi a siam ve theih lawm ni, tih lam rilru a ziak a nih hmel
SSA ang ten an thawh emaw puih emaw ngai lovin, sawrkar lamin ngialnghet takin naupang te lehkhabu leh fees te hi TAX la in zirtirtu te hlawh thleng hian central sawrkar chawm tawp nilo hian tih dan te a awm lawm ni tih lam hawi ten ngaihtuah ni thei ta zawk sela.
Report this comment
April 22nd, 2010 at 3:34 am
An va tan hma ve, kan vengah chuan kum 6 an tlin kumin Augustah tho an tan. Homework karkhatah vawikhat an nei cl-1 leh 2 chuan, an homework lah chu a awl bawk si
mahse. Cl-111 atang chuan homework a tamtawh deuh an ti.
Report this comment
April 22nd, 2010 at 4:56 am
Parents meeting, Parents day velte ?
Report this comment
April 22nd, 2010 at 5:09 am
lushai_er, Nu leh pa te leh zirtirtu te hian meeting an ngah ngang mai. Zirna lama an fate an chak vak loh ngat phei chuan zirtirtu te nen in hmu khawm in engtin nge tha ber tur ni ang tiin an sawi khawm fo. Spring break lai te emaw hian nu leh pa te leh zirtirtu te hian meeting pawimawh tak tak an nei fo mai, fa te harsatna lai leh engtia hmalak tur nge tih vel etc etc. Special care a an dah ho chhungte ngat phei chu hna atang a leave lak ngaih hun hi a tam teh mai ania.
Parents day kan tih ang hian “Talent show” hi an neih pui thin a, tah chuan naupang ten an thiam an show thin a, chu chu nu leh pa ten chhuang takin an lo thlir ta thin a ni.
Report this comment
April 22nd, 2010 at 6:38 am
Fate kal ve nan a va it awm ve!! Hawiher a in ChK hleih dawn bawk sia. Mizoram ah ringawt hi chuan tawng dang hman hi kan zak them thum bawk nen.
Report this comment
April 22nd, 2010 at 7:58 am
Zero sawi ang khian,pre-school a lut pawhin saptawng(english) an thiam vek aaa.. :lol:
Report this comment
April 22nd, 2010 at 9:37 am
sorkar school kan tih ang vek hi emaw ni le? Private school te a awm ve em? Helamah chuan sorkar school zirtirtu te pawn an fate private schoolah an dah deuh vek.
Report this comment
April 22nd, 2010 at 11:20 am
India ram chu Income Tax pe aiin pelo an tam zawk a, Public school chu hetiang chuan a changkang thei lo a lom. aaa..India ramah hi chuan a changkang ho hi an changkang vaka, a changkanglo lo lah chu chuti hlauh chu a ni. Mizoram angah hi chuan Mihring an tlem bawk a, tang deuh eih ilang chuan education, health care etc hi chu state dang aiin kan tha thei tur a sin mo le.
Report this comment
April 22nd, 2010 at 11:48 am
@H.V : TY.
Zawhbelhna : India ram ang hian Boards hrang hrang a awm ve em? Eg.
1) State Boards (HSLC, HSSLC, PUC)
2) ICSE (Indian Certificate of Secondary Education)
3) CBSE (Central Board of Secondary Education)
4) IGSE (International General Certificate of Secondary
Education )
5) NIOS (National Institute of Open Schooling)
6) IB (International Baccalaureate)
OT lutuk lo ang chu maw?
Report this comment
April 22nd, 2010 at 1:31 pm
Mizoramah pawh free lunch a awm thin kha, kan tet lai Primary school kan kal lai chuan biscuit an sem thin. Aganwadi(E pawl) kan kal lai chuan chawhkawi kan ti mai a vaimin her sawm ni awm tak tuiso leih a ei mai theih kha an sem thin a, tuilo tak ani. Vanneih changin bawnghnute powder atanga siam chawp chini a thlum chawp dal zet kan in thin.
A tlangpuiin Mizoramah chuan khitianga school lunch tur ho khi zirtirtu te, a supply tu te leh sawrkar hnathawk hovin an EIRU zo deuh vek zel. Thingtlang a Aganwadi a lactogen sem tur a awmlo a awmlo an tih laiin a neinung deuh chuan black in dawr aia tlawm zawkin Aganwadi zirtirtu leh MHIP ho hnen atangin an lei thin (Ka hriat chhianna chhan chu ka Nu in a lei thin miau a)
Report this comment
April 22nd, 2010 at 2:04 pm
Khawvela zawnga ram hausa leh ropui bera an khawsak dan phung a hmuna chengte zarah an thlalak te, an chanchin te kan han hria a; keini India ramah pawh State rethei berte zinga miin kan ram nen kan compare lo thei si lo a, a hahthlak duh mang e. Kan phak tawk a hniam si, chu pawh corruption ten hmun an lo khuar vei rawl nen. Huiha….
Report this comment
April 22nd, 2010 at 4:25 pm
awmawmpui& lushai_er, Public school (sawrkar sikul kan tih ang ) ah hian mi tam zawk ten an fa te sikul an luh tir. A thu hrimah, mahni veng sikul ah choh an luhtir thin. A awmzia chu mi vengah sikul tha deuhin hre ta la, i luh tir thei ngawt lo, nangmahni in va insawn angai. Hetiang hian veng tha leh thalo (good & bad neighborhood) pawh a hriat hran theih khawp mai.
Lushai_er, hei hian i zawhna a chhang thei ang em aw?
https://en.wikipedia.org/wiki/E.....ted_States
Report this comment
April 22nd, 2010 at 10:12 pm
hetiang hi alawm thra chu, ram changkang hi kan entawn dawn rau2 anih chuan educationah hian bul tran ila kan tifuh berin ka ring….
Report this comment