Tunlai chu ‘Tihdam Rawngbawlna’ hi ka rilruah a lang fo mai a. Ka rilrua a rawn lan dan hi ka han sawi ve mai mai ang a, engnge in ngaihdan ni ve le.
Mi thenkhat, Pathian rawngbawltu emaw, Pathian rawngbawltu ni sa em em lo te pawh, Tihdam Rawngbawlna an han dawng a. Chutah damlo tam tak in kan pan ta ruih ruih thin a. Hmun hla tak tak atangte in kan pan khawm a. A then te phei chu thingtlang khaw te reuh te a cheng a, tihdam rawngbawlna hnathawk te an awm bawk a. Chung hmun te pawh chu, a kal harsa harsa in kan pan hram hram a, mahni ei leh intur in pai chawp sa hial ngaiin. Damna tur a nih phawt chuan, a panna turin senso engmah kan sawisel lo a ni ber mai.
Hetia kan va inhlan ta a. Tihdamna rawngbawltu chuan kan natna lai emaw, a zawn te lo dek in, tawngtaina te nen min lo sawngbawl a. Tam takah chuan dam ta hmiahah te kan in ngai a. Kan awmna lamah kan haw leh thin a nih hi.
Tichuan ka han sawi duh tak a chu, tihdam rawngbawltu chu a tak tak a nih leh nih loh lam sawi lo in, hetia dam ta nia kan han inhriat hian, kan nat hma emaw, kan nat lai emaw a kan thil chin than thin kha sim zui chuang lo ta ila, tihdam tlak kan ni ang em? Pathianin kan taksa chu lo tidam ta tak tak pawh ni se, ama ropui nan leh ama tan a rawng kan bawl zui leh si loh chuan min ti dam zui duh tak tak ang em? Ama duh anga kan khawsa zui te a nih si loh chuan atan ‘laap’ a awm dawn si lo a. Han ngaihtuah ve mai mai teh u.
Similar Posts:
- Tihdam Rawngbawlna leh Thilmak
- Lawm chunga Lalpa rawngbawl
- Tripura lamah tihdam rawngbawlna
- Pu Chawilien rawngbawlna
- Rawngbawlna hlen
May 2nd, 2010 at 2:10 pm
I thu rawn sawi chu ka pawm zawng tak mai a ni. Damna chiah duh, mahse mahni hma chauh ngaia dam duh hi kan tam em mai a. Pathian kut ngei a taksa damna chang te pawh hian, ama ropui na atana an nun zui si loh chuan, Pathian tan pawh a thanat thlak ngawt in ka ring.
Report this comment
May 2nd, 2010 at 2:44 pm
Dam leh vanramkaitum,mahse phatsanrutu nisi,mihring mit hmuh a tlin/lanmawitum,inti feltaksi,thinglung erawhchu ten awmtak.Miin vanram ikai angem tisela hluathawng rudeuhin kai ang tive theizel te,kohhran/pawl a buai em em si inkhawm ngaimiah lo,huai tak a Pathian thusawi ngamsite kanvahan tam ta em.
Report this comment
May 2nd, 2010 at 2:58 pm
Taksa damna ai in thlarau damna hi a pawimawh zawk in ka hria!
Report this comment
May 2nd, 2010 at 3:18 pm
Pathianin min tidam anih hlauh chuan A duh dan anga kan nun a ngai ngei ang. Chuti anih loh chuan khuareiah natna kan insiam chawp leh vat in ka ring. Anih loh vek pawhin Pathianin a hma aia nasa zawkin min thunun nan min ti na leh ang tih pawh thil hlauhawm tak a ni.
Report this comment
May 2nd, 2010 at 3:18 pm
Fakte a te leh Ramte a teng te kha chu tidam thei suak an nia, tawngtai dam thei dang te ang bawkin. Kum 6-7 vel liam ta a Cancer leh natna dang vei khawngaihthlak tak tak tawngtai dam ni a an chhal ho kha zawng chhuak ula an thi fur tawh ang. A hlawkpui tu ber chu an mahni kha an nia Faktea phei chu Durtlangah RCC in tha deuh Rs Maktaduai 10 chuang man a sak tawh kha.
Chuvang chuan Tawngtaidam thei ho ai chuan Civil/Synod Hospital a doctor te thu kha awih zawk la, meizuk te kha sim la, i hriselna ngai pawimah la he leiah hian ilo dam rei dawnnia.
Report this comment
May 2nd, 2010 at 3:20 pm
tidamtu aiin tihdamna, maksawmtu aiin malsawmna kan duh thin. Hei tunah pawh ka handset ka thlaka 3G a lo man ve hlauhva,tidamtu atan @kawlhawk zarah ka rawn misual anih hi. Tidamtu kawlhawk aiin misual hi ka duh ta anih hi :smile:
Report this comment
May 2nd, 2010 at 3:40 pm
muantea, tidamtu kawlhawka chu i hawisa ta tihna a ni maw? :lol: 3G a awm chuan tidamtu te nen chuan hmaichhanah a va inbiak theih mai awm ta ve…
Report this comment
May 2nd, 2010 at 3:45 pm
Tihdam rawngbawlna chu Doctor leh nurse ten thawh atan ka dah mai e.
Mi tawngtai dam mih ai chuan Pathian tihdam nih hi a hlu zawk in a tlo bawk.
Report this comment
May 2nd, 2010 at 3:56 pm
Tihdam aiin Inven a tha… te ti
Report this comment
May 2nd, 2010 at 4:00 pm
Aryan: Faktea chu sum alo va ngah awmve.. eizawnna dang anei anilo maw. a rawngbawlna ami ho kha sumdawnna bul tan nan a hmang keuh emawni dawnni.
“Ka Bible chang chhiartur tehi Pathianin Rangkachak rawng hian min rawn underline sak thin..” kha ati in ka hria a.. tunah hian ala underline sak thin angem aw..
Ar tihvel tenena inbe thei ang tekhan a insawi kha nia,, tunah hian la inbe thei tak maw..
Report this comment
May 2nd, 2010 at 4:17 pm
Tihdam rawngbawlna hi thu har tak a ni a. Pathian thu lamah pawh nise, “dam leh dam loh” chungchang ah pawh ni se…buai thlak tak a ni.
Theology lamah engnge buai na?
Kan tawng an huat thu suha, tihdam rawngbalna nei ho hi a tlangpui thuin an huai hle a. Sawi hreh an nei lova, Theology leh Doctrine lampang engkhaw hre si lovin, an sawi piap piap thin a. Tindamna an ken tel thin a vangin mipui tamzawk te hian an hnial ngam thin si lova. A hnu rei fe ah khawtlang leh hnam hian kan tuar leh thin a ni.
Pi.Darmani (Muchhip) rawngbawlna a neih lai khan, tlangval pakhat chuan nula pakhat (KS ni thin) tawngtaidam kha, Pathian in a tidam tawh a lawm, ti in nupui ah a nei rawk mai a. Chhe lai let der a ni. Pathian in a ti dam tak tak lo kan tihna ni lovin, buai thalk chang a tam khawp mai.
Cancer tam tak, HIV vei tamtak in, tawngtaina an dawn atang in damdawi an ei chhunzawm duh tawh der si lo hi chu, an chhungte an buai ve thei a sin…!
Chuvangin, tindam rawnbawlna hi a ropui a, mahse, kawng leh lamah erawh chuan,…kan fimkhur hle a ngai thung. Pathian ropuina nasa taka a lan na (Pathian inpauna) a nih ang in, Setana pawh hi theih tawpin a rawn inrawh ziah.
Report this comment
May 2nd, 2010 at 4:32 pm
aryan, funny, jaspi te khi ka thlawp zawng tak an ni. Ka lo vei ve zawng a nia, ka sawifiah kual thiam si lo. Tawngtai dam thei ho hi ka ring thei lo a ni ber e.
Report this comment
May 2nd, 2010 at 4:33 pm
Lal Isua sawi,”Kal la,tisual leh tawh suh” atih kha a pawimawh hle mai.amaherawh chu Pathianin a tihdam tawh,entirnan,zeng kha,Lalpa rawng alo bawl zui loh avang ringawt chuan ati zeng leh ringngawt lo ang.Lal Isuan Phar 10 atihdam khan 1 chauhin LALPA hnena lawmthu sawina chang ahria a. “9 te kha khawiah nge?” ati.9 te kha an phar leh ta tih a sawilo.LALPAN atih dam tawhte chu ati dam ani tawp mai.AMAHERAWHCHU, LALPA hnena lawmthu emaw,a rawng an bawlzui duhlo anih chuan an chungah harsatna an tawk ngei ang.chu chu atìhdam te chauh pawh nilovin,ringtu te ah ani tlat ani.
LALPA hnen atanga damna kan chan hian a pawimawh ber chu LALPA hnena lawmthu sawi,amah zui hi ani.
Tin,tihdam rawngbawlna pawh hi kan chhut chian angai hle.a na zawng kan bawh ruih2 ltk te hi adik ber em?Lalpa hnen atanga chhuak ani em tih te pawh kan chhut tel a tha bawk awm e. Apostle Paula chuan”Setana meuh pawh eng tirhkohah a in siam chawp si thin” atih te kha i hre reng bawk ang u.
Report this comment
May 2nd, 2010 at 4:47 pm
@Aryan: maktaduai 10 a? Cheng nuai za (Rs. 1,00,00,000/-) a ni mai a. chutiang zat2 man mo in a sak? Durtlang-ah in tha tak a sa tih chu an soi ka hre zauh2, mahse, rin aiin a turu a nih chu!
Report this comment
May 2nd, 2010 at 4:55 pm
Lal Isua meuhin mitthi zing ata a kaihthawh Lazara pawh kha a thi leh daih tawh! Taksa damna ngawr ngawr hi chu Temporary a nia, Pathian agenda lian ber a ni lemin ka ring lo! Amaherawhchu, Lal Isua min chhandamna hian Damna Famkim a keng a, he khawvela kan taksa damna pawh a tel bawk. Damdawi hmangin emaw, hmang lovin emaw a tidam thei vek.
@Mapuia07 #13 sawi ang deuh hian, taksa damna hrim hrim hi Pathian atanga chhuak a ni vek kher lo thei bawk tih hriat a tha. Johanan “Thlarau nazawng ring suh u..” a tih kha hre reng ila, Pathian atanga chhuak a nih leh nih loh fiah dan pawh min hrilh kha. (1 John 4:1-6)
Tunlaia tihdam rawngbawlna nei tam tak, a bik takin America ram lama mite phei hi chuan sumtuakna tha berah an neih a ni ringawt a lawm! Mizoram lamah pawh Faktea in sak chuan sawi a hlawh deuh hlekin a lang. Tirkhoh Paul-a te hun lai atang tawh khan Pathian thu hi mahni hlawk nana hmang an lo awm tawh thin reng a nih kha!
Report this comment
May 2nd, 2010 at 5:03 pm
Mizoram chhungah hian mitdel pakhat, tihdam rawngbawlna hmang a tih dam, mahse awm tha zui duh lo a, a mitdel leh ta kha a awm em kha le? Sawi awm tlat a ka hriat.
Report this comment
May 2nd, 2010 at 5:07 pm
Natna leh Damna chungchangah hian zirtirna a tam lulai lutuk a,a dik ber hriat a har a vangin Bible lam a tangin chhui dawn chhin ta ila a fuh mai awm e.
Pathianthu a tang chuan damlohna leh natna hi kawng thumin a thliar theih :
1. Thih pui tur natna:johana 11:4Tin, Isuan chu chu a hria a, “He na hi thihna tur a ni lo, Pathian mawi nan a ni zawk e, Pathian Fapa chu he mi avang hian a la mawina turin,” a ti a. .Khawvel chhuahsana Kan chatuan In kan haw na tur kawng chu damlohna leh thihna chauh hi a ni si a,pumpelh dang a awm si lo!.Kan thihpui tur natna tawngtai dam rual loh hi chu a lo thleng tho tho dawn.Rinna leh tihdamna zar zo va Dam reng tur a siam kan ni lo hrim hrim.
2. Pathian thununna a ni:IKor 11:30,Chuvangin, in zinga mi tam tak in chak lovin in bawrhsawm a ni, duai pawh in muhil lo ve..Pathian duh dan huanga tang a kan vah bo vin setana hliam kan tuar thei thin.Thununna tuarte natna hi Pathian venhimna a tanga tla bo ten setana thalfang kan tuar a ni awm e.Entirnan, drug addict,zu ngawl vei, ruih vang accident thenkhat,leh thlarau lam a tanga taksa natna te pawh a huap ang.
3. Pathian ropuina tur liau liau:Heng mite hi Pathianin Damna a pek chak leh a pek duh tak tak te ho an ni.Johana 9:1 Tin, Isuan a kal pahin a pian tirh ata mitdel pakht a hmu a.
9:2 Tin, a zirtirten a hnenah, “Rabbi, mitdel saa a pian hi tuin nge thil tisual, he mi hian nge a nu leh a pain?” an ti a, an zawt a.
9:3 Isuan, “He mi hian a tisual hek lo, a nu leh a pain an tisual hek lo; Pathian hnathawh a chunga a lanna tur a nih zawk hi..
Pathian in kan nunah damlohna a lo thlen a remtih chang a awm thin,Mi zawng hnena a ropuina puan chhuahna hmanrua ni tura a buatsaihna hmanrua liau liau atan damna a thlen fo.
Tichuan heng damlohna chithum-Thihna tur natna,Thununna tel zilhhauna natna leh Pathian ropuina lanna tur natna ah te hian a pathumna chauh hi taksa damna thuah chuan Pathian chet duhna bik niin a lang.
Report this comment
May 2nd, 2010 at 5:18 pm
Tihdam na kan tih hi, kan sawi tawh angin thu awl lo tak a nia. A damlo vin a “RIN” tlat loh chuan a dam thei lo, an ti bawk a. “RIN” hi duh mah ila, a chang chuan “rinhlehna” hi a rawn lut lo thei lo ve bawk a. Antam chi fangkhat ang pawh rina nei a, tlang hial pawh sawn thei tur kan nih vei nen,…hian! Pathianin mirhingte a tihdam hian “chet duhna bik” a nei hian ka ring tlat lo pek a. Pathian remruat hi hriat thiam a har hle in, a hnathawhdan pawh hi lo ruahman lawk sa rual a ni lo. Kei ni ang nitin tihdam ngai tan phei chuan,….
Report this comment
May 2nd, 2010 at 5:35 pm
Faktea a kang kaita duah mai a..!
Thuhril at thlak hmanga chhandamna thu dawngtute hi kan sual lulai ve bawk ani e..thilmak tihnate hmu zet lova ring duhlo ang hrim in..Pathian thu sawitu naran thusawi aichuan Tihdamna keng tel chin ngat lo chu an thu sawi pawh uksak tawh manglo kanva tam dawn em..
Kan Pathian thikthu chhiatna zia alan ve na thin pawh ani ang,atana nun hmangzawm lo te lakah ‘kan ral hmang’ anih na a lang fo thin in ka hria…
Report this comment
May 2nd, 2010 at 6:03 pm
Tihdam rawngbawlna/tawngtai dam ai chuan Pathian in mihring kan in enkawl nan a thiamna a pek doctor te leh chumi te hman atan a damdawi an siam hi ka ring fe. Ka lawm e
Report this comment
May 2nd, 2010 at 6:12 pm
Damna chungchangah hian huang zauh a ngai khawp nia,doctorte enkawlna a tanga damna pawh hi Pathian atanga chhuak vek tih hi pawm thiam tak zet a ngai.Pathian tihdamna hi Thil dang engmah tel lo tawngtai rah chhamphual damna liau liau chauh ah hian khungbing a fuh lo fo.
Doctorte hi Pathianin damna hnathawhpuitu leh a hmanrua mai an nih leh,damna hna a thawh laia thuhretu tlarhmasa a thu phak a a dah bikte an ni mai chauh!!.Vanneihthlak takin kan Mizo christian doctor tamtakte hian “doctorten kan tihtheih chin chu kan ti a,damna chu Pathian kut a ni tawh e” thinlung takin an ti thei tawh tih hriat hi a nuam khap mai.
Report this comment
May 2nd, 2010 at 6:34 pm
Pathian in, mihring kan lo in enkawl ve theih nan, thluak tha tak min siam sak a (ka rin dan),chumi hmang chuan damdawi leh thil chi hrang2 tuna inhnial nan in hman internet thleng hian , mihringin hman a thiam ta a ni. Isirael fate Aigupta sal ata an chhuah hnu a Pathian ropuina an hmuh hnu ah pawh phunna, vuivaina an la nei cheu ang khan zawhna neih pawh hi zak teh u.
Medicine is God’s miracle
Report this comment
May 2nd, 2010 at 7:03 pm
Mi in “ka dam phah e” a tih chuan keia sawi tur hi a han awmlo mai mai khawp a, pan duh in pan, duhlo in panloh a ni mai, engle khaw le he lei taksa hi chu a la ral dawn chiang.. Lei leh Van a ral anga, ka thu erawh chu a ral lovang tih a nih kha. Pathian thu hi sumdawn nan pawh lo hmang se a reaction chu Pathian thu thu tho a ni. Lo care vak a ngailo, kan tihtur chu “Bum in awm suh u…” tih hi hrereng ila a ni mai.
Report this comment
May 2nd, 2010 at 7:03 pm
Tihdam rawngbawlna neia inchhal emaw miin an sawi hi an tam tawh khawp mai. Mizo zingah leh hnamdang zingah pawh an chanchin hi chu chhiar peih a thu a ni mai. Heng zozai zingah hian kei ve tehlul hian pakhat te mah hi a tak a, a hmun ngei ah, taksa a lang chhuak nghal tihdamna hi ka la hmu lo.
Mi an tidam lai tak ka mit ngei a ka hmuh ve chhun chu TV ah chauh a la ni. Chutiang rawngbawltu ka hmuh ve chhun pawh chu mi pahnih chiah an la ni. Pakhat chu mizo hmeichhia B.Lalremtluangi a ni a, pakhat leh chu mihang, Nigeria lam a mi, TB Joshua a ni. Anni pahnih bak hi chu khawvel ram zau ah hian tidam rawngbawlna kawla an sawi, mi an tidam lai ka mit ngei a ka hmuh hi an la awm rih lo tlat. An awmlo ang ka tihna phei zawng a ni law…
Report this comment
May 2nd, 2010 at 7:06 pm
A hming a ramhuai hnawtchhuaktu te pawh kha, “nangni thilsual titu te u, ka hre ngailo a che u..” tih tawngkam a nih kha an la hlawh dawn ni.
Report this comment
May 2nd, 2010 at 7:18 pm
A hming a ramhuai hnawtchhuaktu nge ‘hnawtchhuaktu a inchhal’ nazawng ?
A lem tam tak an awm rual hian a tak tlem te an awm tih hi hriat a tha khawp mai. A lem ho te avang hian a takte nilo taka puh hi thil hlauhawm tak a ni thei.
Report this comment
May 2nd, 2010 at 7:23 pm
@Keimah : A hming a hnawtchhuak tak tak tu, amah zui peih tak tak silo te ho mawle, Lal Isua hming hian thil a lo ti thei em a ni. Piangthar lemlo hian rawngbawlna hlung tak leh ropui tak a neih theih a ni tih pawh a chian phah reng a ni.
Report this comment
May 2nd, 2010 at 7:37 pm
Grik thumal “ANOMIA” hi “thil sual ti” tia lehlin kan nei a; a nihphung dik tak turah erawh chuan A + NOMIA a ni a; chu chu “DAN KALH” tihna a ni.
Tihdamna changtu tam tak te hian Pathian Dan kalh reng chungin, tihdamna thilpek erawh chu an dawng si lawi a ang hle. Hengho hian Isua an la chhuahchhal dawn a, a sawt dawn lo khawp leh nghal!
Tihdam rawngbawlna neia an sawite hi ka la pan ve chhin ngai lo. Thlarau leh tisa dam kawpna (double cure) hi kan mamawh!
Report this comment
May 2nd, 2010 at 7:43 pm
chawnghilh i van reh em em ve….!
I dam lo emaw ka tia,…i rawn lang hlawl mai a, a lawmawm! Damreng a ang che…!
Report this comment
May 2nd, 2010 at 7:46 pm
Pu chawnghilh hi tunlai chu a inla cute tlat a, a comment tha duhlo.. :lol:
Report this comment
May 2nd, 2010 at 7:48 pm
Tihtak zeta Ama hnena ka tawngtai hi chhan loh a neih ka hre lo..
Report this comment
May 2nd, 2010 at 8:00 pm
Ka theuleu bo leh internet connection khawloh a inhnukhnang vel atin maw le! Tukin zing hi ka chance neih hmasak ber a nih hi … a tam hman tawh lutuk a, a khawi ber nge comment tur pawh ka hre seng tawh lo! Nick thar ka hmu hnem hle mai! A nuam thin e. Jaspi leh funny te —in zavaiin in ngaihawm e.
Report this comment
May 2nd, 2010 at 8:06 pm
chawnghilh, i bo rei bawk a. Comment tur i ngah viau ang. Thu har deuh kan sawifiah ve thiam si loh a tam khawp a. A tawp ah “chawnghilha sawi ah dah ang…” tiin kan hnutchhiah phung mai.
Report this comment
May 2nd, 2010 at 8:09 pm
chawnghilh chu, Tennesee zin kawng report ah tihdam rawngbawlna te i va chang em? Zin photo album hmuh ava chak awm ve le…
Report this comment
May 2nd, 2010 at 8:18 pm
welcome back, chawnghilh.
Report this comment
May 2nd, 2010 at 8:36 pm
kham ah i tang a, i tlak vaih chuan i thi ngei dawn. Chutihlai chuan mi pahnih pathum an lo kal a, puitu tur i thlang zut zut hauh lo ang, i dinhmun a hlauhawm em avangin i hmuh hmasak ber hnen ah khan tanpuina i dil nghal ang.
Chuvang in a damlo te dinhmun hi hriatchian a pawimawh khawp mai sel vak hma hian.
Report this comment
May 2nd, 2010 at 8:38 pm
@lalrihema
kan thil chin than thin kha sim zui chuang lo ta ila, tihdam tlak kan ni ang em? Pathianin kan taksa chu lo tidam ta tak tak pawh ni se, ama ropui nan leh ama tan a rawng kan bawl zui leh si loh chuan min ti dam zui duh tak tak ang em? Ama duh anga kan khawsa zui te a nih si loh chuan atan ‘laap’ a awm dawn si lo a
I rilru ang hi Pathian hian pu ta mai selah ! Kan nasa awm lo teh e ti raw..
Report this comment
May 2nd, 2010 at 9:18 pm
coolsoul09. ka khawvel rilru atanga ka ngaihdan siam a nih khi. Pathian chu ka rilru aiin rilru zau a put ngei ka ring.
Report this comment
May 2nd, 2010 at 9:24 pm
ni e ti raw…! Khawvel rilru a tang chuan a dik chiah a lawm. Pathian hi eng rilru nge kan put tir? Mi phakar tak chuan, phakar tak….mi sual tak chuan, Phuba lak hmang tak Pathian ah an ngai bawk a….! Mi tha tak chuan, Pathian rilru tha tak……!
Report this comment
May 2nd, 2010 at 9:33 pm
Coolsoul leh lalrihema te kha han inbei teh u :lol:
Report this comment
May 2nd, 2010 at 10:52 pm
@lalrihem: I phu reng vanga chhandamna hi chang i ni em tih hi lo inzawt nawn leh teh.
Report this comment
May 2nd, 2010 at 10:54 pm
@lalrihem: I phu reng vanga chhandamna hi chang i ni em tih hi lo inzawt nawn leh teh. :!:
Report this comment
May 3rd, 2010 at 9:36 am
#37 a coolsoul09 sawi khi he post ka chhiar veleh a ka rilru a lo lang nghal a ni a. Tumahin in sawi chhuak dawnlo emaw ka ti a, kan chhiar thla zar zar a atawpah ‘ka rilru ang pumi’!!! alo awm ta hlauh a. Nie, Pathian hi kan duh dan danin kan dah thin nite pawhin ka hria. Khitiangmi lek Pathian kan neih chuan kan chatuan hmun min buatsaih sak thei hauh lo ang le.
Report this comment