mi(sual).com

Lunglei MI hun pawh nitin, darkar tin kan hnaih zel a. MI zan hi a nuam leh hlimawm thei ang bera hman kan duh. Hlim duh avanga hlim ngawt theih ani lo tih chu ka hai bik lo. Kan inkawm ang a, kan ei ang a, kan in bawk ang; kan zai ang a, kan lam bawk ang.

Tawp hun hranpa a awm dawn lova, a tul anih chuan zanlai ar khuang kan hnawt kir mai ang a, khua pawh kan var mai ang….vawi khat na reng reng chu. Sakhmel la tawn ngai reng reng loh kar hla thian, duh duh sawia kan titi pui thin te nena inhmuhkhawmna hun hi a hlu ka ti. Hemi zan hian zaithiam a hranpa in sawm a ni dawn lova, kan zavaiin, mahni aw neih ang angin kan zai dawn. Musical instrument pawh a awm, mahse guiter bak hman phal a ni dawn lo.

Kan inhmu khawm ang a, thenkhat te chu engtikah nge kan la inhmuh lehang kan hre lo, chu tak chu a hlutna a ni. Khaw khata awm tan pawh MI neih a harsat zia kan hre tlang bawk a, a nuam thei ang berin kan hmang dawn a ni zi ri thawh. Thenkhat tan chuan Lunglei MI hi a ho viau mai thei, keini tan erawh a ho lo dawn khawp mai.

Hemi zana sak ho tur atan hian hla pawh kan ngah thaw khat tawh hle a. Sap hla leh Vai hla te’n hmun an chan ve ka ring lo. Tichuan hei, kan sak ho tur tlem azawng ka han dah chhuak a, a hla thu te, a hla thupui te ka hre tawh lo, ka tih dikloh a awm nual maithei a, a dik zawk hria chuan lo correct ula ka lawm khawp ang. Hla dang pawh thawh belh phal a ni a, comment lamah a lyrics nen han thawh belh zel turin ka han sawm nghal che u a ni.

Hla hruaitu tur te: Mama_B, Caribou leh Muantea

Mizo irawm chhuak hla nalh tak tak, kan sak ho tur te chu:

Kar a hla Di Bawihte (Phuahtu: A hria chuan min hrilh ula)

1. A saw raltiang Leitlangpui tual nuam ah sawn e,
Tleitir dawn thar tuaite a leng an ti;
Theih chang se thuva nunnem len thiam tir in,
Thaikawi bawngte palai va hlan ang hmiang.

Chorus:
Za lam liam tluang phei aw a thui vawng vawng,
Thaikawi biahthu hlan nan chuan in e;
Khuarei turnipui lenkawl a liampui leh si
Kar a hla Di Bawihte, aw ka lung a leng vawng vawng.

2. Zantiang daifim chhawrthla eng no riai hnuai ah hian
Ka han thlir aw ka lung a leng vawng vawng
Aw dam te’n zan mu lo va chhing ta la,
Tawnmang lamah tal intawng ang aw.

3. Zobawm siahthing par ang lo vul siu siau ve
Kei ka dawn thar tuaite bahsam thlah mawi
An iang zo nem maw ka tawnah hian e
Thuva siahthing zar awi lo iang e.

___________________________

Mitthlain ka hmu che Ngaihzuali (Phuahtu: Lalzova)

Mitthlain ka hmu che Ngaihzuali
Lenna tlangte chu dang rih mahse
Hmana kan nun hlui zawng zamual liam hnu
Mitthlain ka hmu che Ngaihzuali

Thal favang lenkawl ka han thlir a
Rauthla nge I ruang buan ang pawm lai
Kan sul I hnu tiangan a rang a vai
Mitthlain ka hmu che Ngaihzuali

Ka nghilh lawng ni rei kumkhua pawhin
Tlai nitla eng ramthliah hnuchhawl a’n
Suihlung rual nau ang kan chawi lai ni zawng
Mitthlain ka hmu che Ngaihzuali

Nangmah ngaiin tawnloh ni hnuai an
Chhawl ang ka uai ruai e Ngaihzuali
Sakhmel tawnloh par ang I vul tur chu
Mitthlain ka hmu che Ngaihzuali

____________________________

Run mawi (Phuahtu: A hria chuan min hrilh ula)

1. Zankhua a lo tlai hianin
Kai nan runsang kan mawi
Suihlungrual za a lengin
Hlim zai kan vawr thin

Chorus:
Leng zawngte kimna ber Runmawi
Lanu chhuihthangval rual kan lawina

2. Tu dang leng dang kan ngai lo
Rimawi tingtang nen
Khawi lam tuan zai rel lo hian
Lunglen thu hril za e

3. Eng dang dawnlo reng hian e
Chawltui ning zu rui a
Han belh chang nit e hian e
Anka nem te’n min chhawn

4. Kan lawina run hmingtha hluan
Kan chawi nang che runmawi
Chungkhuanu leng hual zelin
Kumtluang run mawi teh la

_________________________

A zual chuang em ni (Phuahtu: A hria chuan min hrilh ula)

1. Thal tui ang kan nghah kan kutpui ber Thal favang kut
Hlim leh lawma thlen a har ngei e
An kim ta si lo hmana lungduh lenrual zawng te
Lunglen mittui nen tuar a har awm e

Chorus:
Famdairial changing mual an liam a
A then dam chhung tuan tul in an leng si
Vala’n hlimten chen ve a har ka ti
A zual chuan gem ni ka suihlunglen

2. Ngai ve hian in mawi, ka dawn lungruk hi dawn ve u
Kutpui tawng thinin thenrual kan siam
Uangpui chang suh I Di neih nan hial kan hmang bawk thin
Tawng leh mah ila, dawn a kim tawh lawng.

________________________________

Tawnmang lunglen (Phuahtu: A hria chuan min hrilh ula)

1. Zantiang ka tawnmang a’n ka lo tawng che asin
Mual tina leng dunin then zai eng kan rel lo
Duhthu ai ang sam a runhmun len rel lai chuan
Bawhar zai tin thiaman tawnmang sei a lo ti

Chorus:
Sakhmel ainawn par iang ka tan vul ve la aw
Hlim te’n leng dun ila
Hmangaihna par vullai han thliak la ka tan hian
Ka lawm a kim ngei ang

2. Nunhlui dawn kir changing suihlung zawng a leng thin
Lenrual zaleng zingah a then an kiu vawng vawng
Kei zawng ka ngai bang lawng ka tawnmang liam ta kha
Koh kir theih chang hian an mawi tawh si lo

3. Kumpuisul lo vei in parting vul an chuai thin
Chutin lei hringnun pawh uai in a chul dawn si
Ka tawnmang mawlte kha hunin a liampui ta
Duhaisam te pawh hian chin lem a nei dawn lo

_________________________________

Kar mah hla se (Phuahtu: A hria chuan min hrilh ula)

1. Ka thinlaiah a thar leh thin
Khuarei tinkim ka dawn changing
I dawn thin em kan nunhlui kha
Tunah erawh lengdang tawn ah
Thlangkhuandim in zamual I liam ta si

Chorus:
Kar mah hla se dam takin aw
Khuarei hian min la hnem ngei ang
Mahse I rauthla tal nghakin
Hun leh kumte ka lo hmang liam tang e

2. Damtakin aw mual chu liam la
I tum ngei chu buan ang pawmin
Chungkhuanu hualin leng ula
Mahse ka hmangaihna che hi
Nghilh bik lo la, aw, fam I chan hma chuan

___________________________

Ngaihzual nag nen (Phuahtu: Ellis Saidenga)

1. Awmhar chang ni hian ka hawi vel tlang tin
Khawian nge suihlung min lentu Di
Tawn leh ni her se, suihlunglen biahthu
Hrilh ka nuam ngei e, Ngaihzual, nang nen

Chorus:
Lenna khua hmun lo kar mah hla se la
Aw, Ngaihzuali
Thinlai lungruk ah duhai sam changing
Len ka nuam ngei e, Ngaihzual, nang nen

2. Nang tawnloh nan kumtluang a sei tur leh
Riakmaw iang ka tahna sei reng hi
Thinlai lungruka ka ka dawn chang ni hian
Hlimlai ni par ang a chuai kei zawng

3. A rang vaiin khua tin fang mah ila
Ka tawng lawng nang nag lung min len hi
Tanglaiah duh te’n buan ang pawm ve in
Nui dun ang hlim te’n, Ngaihzual, nang nen

_____________________________

Ka zawng zel che (Phuahtu: A hria chuan min hrilh ula)

1. Tinkim dawn chang ni hian lungrun
Nang nen suihlung ruala lenlai
Sam ang then nan lam ang hla e
Ka dawn hian lung a awi thei lo

Chorus:
Chhimhlei pialah ka zawng zel che
Mahse tawnni reng awm si lo
Thinlai a na ka tuar zo lo
Mah te’n lunglen ka tuar zo lo

2. Zan khua lo ngui, sumtual lo dai
Chhaka’n mawi te’n chhawrthla lo chhuak
Min ngaih tir e kan nunhlui zawng
Nang nen hlim te’n kan lenlai ni

3. Leitlang vangkhua a zau thlawn e
Zaleng zawng te sial ang an ngir
Mahse min hnem thiam awm si lo
Mahte’n ka vai e chhingkhual run ah.

____________________________

Inthen zai I rel lawng (Phuahtu: A hria chuan min hrilh ula)

1. Suihlunglen ka tuar ‘n
A na e aw, Bawihte
Lenna tlang dang a pawi em kan tawnah
Mitthla ah I cham reng

Chorus:
Dawn kirin hlimte a kan lenlai
Ngaihlai ni a zual thin
Run hmuna len kan tiam kha aw, Parte,
Inthen zai I rel lawng

2. Lenna tlang dang mahse
Lem ang der mai lo in
Dam tea tawh leh ni her thuai se
I hril ang suihlunglen

3. Tlei dang leng zawng te khan
An hlan ang che biahthu
Mahse aw, rinawmna kan tiam kha
I nghilh lawng kumtluangin

_____________________________

Tawn thar Di (Phuahtu: A hria chuan min hrilh ula)

Hun kha leh chen kha ka lo nghak che
Tunah dar ang ka tawng t ache
Saron par iangin I vul si a
Sirah chuan min hnawl lul suh aw

Leng dang te chuan sum an hmachhuan a
Kei zawng chuan tur ka vai lua e
Ka hmangaihna chauh lo chu Bawihpui
Kei zawng ka nei ve lo Parte

Mahse kei zawng lung ka mawl em a
Tawn thar Di awm maw I zunngai hi
Tawn changing sawi tur ka vai leh si
Aw engtin lo ngai ve ang maw

Theih chang se kan runlum nuthai a’n
Fanau maltluan chawi za ila
Chhin zawh rualloh I sakhmelmawi hi
Kumtluang te’n run mawi vet eh la

_____________________________

Nem ten ta chawi nang che (Phuahtu: A hria chuan min hrilh ula)

1. Kawp te’n nang nen lungruala lenlai
A reilo em hlimlai ni
Nghilhni a awm dawn lo
Aw, kan lenlai nil eh
Anka nem zawng te nen

Chorus:
I dawn ve thin em nang nen kan lenlai ni te
Chuai mai an ka phal thei lo
Eng dang ka dawn thei lo
Aw, ka Di nang lo chu
Vul leh la ka hma ah

2. Uaia chul mai an zawng ka phal lo
Lenlai I van ngaihawm em
Theih chang se kumtluangin
Nang nen lengdun ila
Eng dang ka ngai lawng e

3. Tuanna tlang dang hi e Lalnunnem
Par ang vullai titawi tu
A rem ve mai lo maw
Nang nen runhmuna len
Nem te’n ka chawi nang che.

_________________________

Chhaktiang Chhawkhleipari (Phuahtu: A hria chuan min hrilh ula)

1. Tlang zamualpui ka liam thei dawn lo
Ngaihlai tleitiri zun leng ngaiin
Ngaihlungrun chawnban ka vuan ang che
Luaithli nul sam ang min then ni hian

Chorus:
Dam takin aw chhaktiang Chhawkhleipari
Tawn leh ni awm ang maw lungrun
Suihlunglen biahthu ka hrilh ngam lo
Luaithli nul sam ang min then ni hian

2. Chhawrthlapui eng ruai khi ka tan chuan
Sul ang tum loh Di zun a uaina
Kumtluanga nang then hi ka zuam lo
Thinlai hnemtu mi U, dawn ve rawh

3. Thlangkhuan pawh dim mah la ka lung Di
Chhawrthlapui en changing dawn ve rawh
I hlimthla te mai maw ka chan tawk
Nghilhni ka nei lawng che kumtluangin

________________________________

Damtakin mangtha le (Phuahtu: A hria chuan min hrilh ula)

1. Awmkhawhar chang hian ka dawn thin hringnun hi
Tuarthiam zawng a har ngei, chhailai Di vaih reng zawng
Ka hellai mi u, a rem ve mai lo maw
A thianga lendun hi

Chorus:
Lenlai ni chena, hlimte a len ve hi
Ka nuam ngei nang nen
Mahse a rem si lo

2. Zan mu chin reng hi a har thin nang vang hian
Duhai sam thamral mai tur dawn chung zel hian e
Ni ka leng leh thin, hrilh ka hai sei thlawn e
Aw min dawn ve si lo

3. Eng dang vang a ni lo Lungrunpui I tan hian
Ka tling zo lo a ni, dam takin Mangtha le
I duhlai tleitir leng chu pawm ta la aw
Dam te in leng nang che
______________________________

MI zana a huhova perhkhuang nena sak dual dual atan hla dang han thawh belh ru le……

Similar Posts:

• Rual hlui kan chuai
• Ka Di Ka Parmawite
• ‘Nang ang ‘ tih hla Rebecca-in a phuahtu phuah angin sa lo
• Thal Awiin
• Lungruka di

Recent Posts:

• NANG NEN NGEI HIAN
• June 2017, Mizo(ram) diary
• MIZORAM POLITICS A PARTY TE INCHIRHTHEHNA TAWP THEI LO: KAWNG CHHIA “MNF hovin anmahni mawng an hlim”
• Dawihzep
• CALL GIRL AN TI!

This entry was posted on Thursday, June 3rd, 2010 at 5:12 pm and is filed under Event, Information. You can follow any responses to this entry through the RSS 2.0 feed. You can leave a response, or trackback from your own site.